08/08/2025
မြေအရောင်းအဝယ်လုပ်တဲ့အခါမှာ သိထားသင့်တဲ့ မြေအမျိုးအစားများအကြောင်း
ယနေ့ခေတ်မှာ ရင်းနှီးမြုပ်နှံသင့်တဲ့ မြေ ရှိသလို၊ လုံးဝ မဝယ်သင့် တဲ့ ခြံမျိုးလည်း ရှိပါသည်
မြေပိုင်ဆိုင်မှု စာချုပ် စာတန်း အမျိုးမျိုး နှင့် အရှုပ်ရှင်း အမျိုးမျိုးရှိပါသည်
ဝယ်ထားသော ခြံသည် ပိုင်ဆိုင်မှု့ ခိုင်မာ၍ နောင်တစ်ချိန် အချက်ချာ ကျနိုင်သော နေရာဖြစ်ရမည်
မြေ အရောင်းဝယ်မှာမြေကို ဝယ်ခြင်း ဆိုသည်ထက် ၊ မြေ၏ ပိုင်ဆိုင်မှုကိုဝယ်ယူခြင်း ဖြစ်ပါသည်
ဂရန်မြေ
======
လူတိုင်း မြေဝယ်မည် ဆုံးဖြတ်ပါက ဂရန်မြေကို သာ
ပို သဘောကျ နှစ်သက်ကြသည်။ အရောင်းဝယ် လွယ်ကူသည်၊ လူတိုင်း နှစ်သက်သော မြေ။
သစ်တော ဂရန်မြေ စိုက်ပျိုး ဂရံမြေ စက်မှုဇုံ ဂရန်မြေ
လူနေထိုင်အိမ်ဂရန်မြေ အမျိုးမျိုးရှိသည်
• သစ်တော ဂရန်မြေ
သစ်တောရုံးမှ ထုတ်ပေးသော ဂရန်မြေ ဖြစ်ပြီး၊
မိသားစု တစ်အိမ်စာဆောက်လုပ်ခွင့် မှ အပ
အခြားစီးပွားရေး ပြုလုပ်ရန်(သို့မဟုတ်) ခြံပိုင်း၍
ရောင်းဝယ်ရန် မလွယ်ကူပါ၊ ခွင့်ပြုချက် အဆင့်ဆင့်
လျှောက် တင်ရပါမည်။
• စိုက်ပျိုး ဂရန်မြေ
အစိုးရမှ တိုက်ရိုက်ထုတ်ပေးသော ဂရန်(စလစ်)
မြေအငှားစာချုပ်ဖြစ်ပြီး လူနေထိုင်ခွင့် အရောင်းဝယ် ပြုလုပ်ခွင့်၊ အကွက်ရိုက်ရောင်းချ ခြင်း လုံးဝ ပြုလုပ်ရန် မသင့်၊ ထို့သို့ပြုမည်ဆိုပါက အစိုးရမှ အချိန်မရွေး ပြန် သိမ်းနိုင်သည်။
• စက်မှုဇုံဂရန်မြေ
က-(၃၀) ဖြင့် ခွင့်ပြုချက် ကျပြီး၊ စက်မှုလုပ်ငန်းမှအပ။
(3)ခ ပါရင် လူနေအိမ် ဆောက်လုပ် နေထိုင်၍ ရသည်။
• လူနေထိုင်အိမ်ဂရန်
ထို ဂရန် မှသာလျှင် လူနေရန် အိမ်ဆောက်လုပ်ရန်
ဥပဒေ အရ သော်၄င်း၊ အရောင်းဝယ်ပြုရန်မှာ
အရှုပ်ရှင်းသော်၄င်း လုံးဝ ကင်းရှင်းသည်။
စည်ပင်မှ ထုတ်ပေးသော စာအုပ်စိမ်းဖြင့်။
ဂရန်မြေ ဝယ်ယူမည် ဆိုပါက ဝယ်ယူသူမှ စစ်ဆေးရမည်၊မခိုင်မာသော ဂရန် မြေများ လည်း ရှိသည့် နည်းတူ၊အရောင်းဝယ် ပြုလုပ်ရာ အရှုပ်ရှင်းများသော ဂရန်မြေ များလည်း ရှိသည်
*မှတ်ချက် - ဂရန်မြေများသည် အစိုးရ စီမံကိန်း နှင့်
မလွတ်ကင်းပါက အချိန်မရွေးသိမ်းယူနိုင်ပါသည်။
ပြည်သူရွေးကောက်တင်မြှောက်ထားသော အစိုးရ
ဖြစ်ပါက လျော်ကြေး ပြန်ရနိုင်ပါသည်။*
ပါမစ်မြေ
=======
ဂရန် ပြောင်းလျှောက်မည်ဆိုပါက လွယ်ကူပြီး
ခိုင်မာမှု့ ရှိသော မြေ ပါ၊ သို့သော် ပါမစ်မြေ ဝယ်
ယူ မည်ဆိုပါက သတိထားပါ၊ အကောင်းဆုံးရှေ့နေ
ငှားရမ်းပြီး စီစစ်ပါ၊ စရံချပြီး သတင်းစာတွင် ကြေငြာထည့်ပါ။ ပါမစ်မြေသည် အရင် အိုးအိမ်ရုံးမှ ထုတ်ပေးသော ပိုင်ဆိုင်မှု စာရွက်စာတမ်း/ အိမ်ထောင်စုစာရင်းကဲ့သို့မိသားစုဓါတ်ပုံနှင့် တကွ မြေပိုင်ဆိုင်မှု စာချုပ် တွဲလျက်ပါရှိရပါမည်။
*မှတ်ချက် - ပါမစ်မြေသည် အတုပေါများသည်။*
ပြေစာမြေ(စလစ်)
============
ပြေစာ၊ စလစ် ဖြင့် ပြသ နိုင်သော မြေ များသည်အများအားဖြင့် ပိုင်ဆိုင်မှု ခိုင်မာပါသည်။ သို့သော်စည်ပင် ဧရိယာ အပြင် ဘက်မှ မြေ မျိုး များဖြစ်ပြီးမြို့မြေ ဧရိယာ အတွင်း ဖြစ်နေပါက ဂရံ အထိ လျှောက် နိုင်ပါသည်။
• Gပြေစာ(စလစ်)
• R/G ပြေစာ(စလစ်)
• L ပြေစာ (စလစ်)
• ပုံစံ(5) ပြေစာ (စလစ်)
• ရွာမြေ ပြေစာ(စလစ်)
• R4 ပြေစာ(စလစ်)
• G ပြေစာ(စလစ်)
အရောင်းဝယ် အတွက် စိတ်ချရပြီး( ခြံမြေ) ဟု
ခေါ်ဝေါ် ကြသည်။ အရှုပ်ရှင်း အနည်းငယ် သာ
ရှိမည်( အမွေဆိုင်) အိမ်ဆောက်လုပ်/ လူနေထိုင်
နိုင်သည်။ သို့သော် ဥပဒေ အရ ပိုမိုတရားဝင်လိုလျှင်
သ/အ လျှောက်လွှာ တင်ပြီး အိမ်ဆောက်လုပ် လူနေ
ထိုင် နိုင်ပါသည်။
• R/G ပြေစာ(စလစ်)
လယ်မှ ပုံစုံပြောင်းထားသော မြေ ဖြစ်ပြီး စိုက်ပျိုးခွင့် မိသားစု နေအိမ် အတွက် (လယ်အိမ်) ပြောင်းလျှောက် ပြီး။ G ပြေစာ(စလစ်) သို့မဟုတ် /က ၃၀ အဖြစ် ပြောင်း လျှောက်သော နိုင် သော မြေ ဖြစ်သည်။
• L ပြေစာ (စလစ်)
သစ်တောမှ မြေအငှား/ ဂရံ (သို့) ယာယီ ခွင့်ပြုချက် ချပေးသော မြေ ဖြစ်ပြီး (အခြား) ပြောင်းလျှောက်ခွင့် မှာ ရရင်ရ၊ မရရင် မရ ပါ။ ဝယ်မည် ဆိုပါက ဌာန ဆိုင်ရာ သို့ အကြောင်းကြား၍ လုပ်သင့် သည့်အရာများ၊ညွန်ကြားချက် အတိုင်း လိုက်နာ၍ ပြောင်း လွဲရ
ပါမည်။အကွက်ရိုက် ရောင်းချ ခွင့် မရှိပါကြောင်း။
• ပုံစံ(5) ပြေစာ
ထိုမြေသည် လယ်ပျက် ဖြစ်ပြီး အခြားမြေသို့
စီးပွားရေး၊ စက်မှု့ဇုံ၊ လူနေအိမ်၊ အကွက်ရိုက်ရောင်း
စသည့် အရာများ ခွင့်ပြုချက် လျှောက် ၍ ပြုလုပ်နိုင်ပါသည်။ လယ်ပျက် ဖြစ်၍ ရွာတိုးချဲ့ ခြင်း၊ မြို့ဧရိယာ တိုးချဲ့ ခြင်း စသည့် အရာများ ပြု လုပ်နိုင်သည်။
(အရှုပ်ရှင်း မရှိပါ/ အဓိက မြေစာရင်းရုံးပါ)
• ရွာ မြေ ပြေစာ (စလစ်)
မြေ အမျိုးစားတွင် ခိုင်မာမှု ရှိပြီး Google Map
တွင်လည်း Singnal ပြသမည်။ Singnal မပြသ သော်လည်း R4 (or) G မြေ ဖြစ်နေပါက ရွာမြေ /ခြံမြေအမျိုးစားတွင် ထည့်သွင်း နိုင်ပါသည်။ အစိုးရ စီမံကိန်းရှိသော်လည်း မပယ်ဖျက်နိုင်၊ စက်မှုဇုံလည်း ဝင်လာ၍ မရ နိုင်၊ ပြန်သိမ်းယူမည့် စိုးရိမ် မှု မျိုး အရှင်း မရှိ။
• R4 ပြေစာ(စလစ်)
ထိုမြေမျိုးသည်လည်း လယ်ပျက် ဖြစ်ပြီး ရွာဧရိယာ
အတွင်း ပါနေပါက ရွာမြေ ဟု ခေါ်ဝေါ် နိုင်ပါသည်။
အစိုးရ မဖျက်သိမ်းပါ။ လူနေခွင့် ရှိပါသည်။ အမည်ပေါက် ဖြင့် ပြောင်းလျှောက်၍ အခြား မြေ အမျိုးစားသို့ ပြောင်းလျှောက်ရန် လွယ်ကူပါသည်။
လယ် ဧရိယာ အတွင်း တွင် မပါဝင်ရန်သာ လိုသည်။
လယ်မြေ
======
လယ်မြေ ပေမယ့် အရောင်းဝယ် ပြုလုပ်ရာတွင်
လွယ်ကူပါသည်။ (R1)(R2)(R3) လယ်များသာ
အရောင်းဝယ် မပြုလုပ်ရန်သတိထားရပါမည်။
လမ်းမ ဘေးမျိုး ဆိုပါက R3 မြေ မျိုး ဖြစ်နေလည်း
R4(သို့မဟုတ်) ပုံစံ(5) သို့ ပြောင်းလျှောက်နိုင်သည်။
တစ်ခု သိထားရမည်မှာ မြန်မာ နိုင်ငံတွင် လယ်မြေသည် အများဆုံး ဖြစ်ပြီး မြို့နယ်(ရပ်ကွက်) တိုးချဲ့ခြင်း လုပ်ငန်းမှာ လယ်မြေကိုသာ အသုံးများဆုံး ဖြစ်ပါသည်။
ဘိုးဘပိုင်မြေ
=========
ခိုင်မာမှု့ တွင် ဂရံ မြေ ထက် အဆ များစွာ သာသည်။ ခေတ် အဆက်ဆက် အမွှေ ဆက်ခံ ခွင့်ရှိပြီး၊ အရောင်းဝယ် ပြု လုပ်ရာ ၌ အမွေစား အမွေခံ အရှုပ်ရှင်း ရှိသည်။
ဘိုးဘပိုင်မြေကို မြေပိုင်မြေလို့လဲ ခေါ်ပါတယ်။ မြေပိုင်မြေဆိုတာကတော့ ဘိုးဘွားအစဉ်အဆက် အဆင့်ဆင့်နေထိုင်လာပြီး သားစဉ်မြေးဆက် ဆက်လက်နေထိုင်ခွင့်ရှိတဲ့ မြေအမျိုးအစားပါ။ ဒီမြေကို မိမိကိုယ်တိုင် အမည်ဖေါက်လို့ ရသလို့ ဒီတိုင်းအရပ်စာချုပ်နဲ့ အဆင့်ဆင့် ပြန်လည်ရောင်းချလို့ ရပါတယ်။ အင်းစိန်မှာ ရှိတဲ ဘိုးဘပိုင်မြေတော်တော်များများက အရောင်းအဝယ်စာချုပ်နဲ့ အဆင့်ဆင့် အရောင်းအဝယ်လုပ်တဲ့ မြေတွေများပါတယ်။ ဘိုးဘပိုင်မြေက သက်တန်းကုန်တာမျိုးမရှိပါဘူး.. သူ့ကို ဝယ်ထားပြီး အမည်ဖေါက်လိုက်ရင် သားစဥ်မြေးဆက် ကမ္ဘာတည်နေသေးသရွေ့ နေထိုင်ခွင့် အသုံးပြုပိုင်ခွင့် ရှိပါတယ်။ ဘိုးဘပိုင်မြေကို နားလည်တဲ့ သူတွေကတော့ ဘိုးဘပိုင်မြေက ဂရန်ထက်ပိုပြီးခိုင်မာတယ်လို့ပြောကြပါတယ်။
ဂရန်မြေဆိုတာတော့ အစိုးရကနေ နှစ် ၃၀ ဖြစ်စေ နှစ် ၆၀ ဖြစ်စေ နှစ် ၉၀ ဖြစ်စေ သတ်မှတ်ထားတဲ့ နှစ်အလိုက် ပြန်ပြီး ငှားရမ်းတဲ့မြေကို ဆိုလိုပါတယ်။ ဂရန်မြေစာရွက်စာတန်းမှာ မြေငှားဂရန် ဆိုပြီး ရေးထားတာကို တွေ့ရပါတယ်။ ဒါက ဘာကိုဆိုလို တာလဲ ဆိုတော့ ဂရန်မြေဆိုတာက အစိုးရက ငှားတဲ့မြေကို ဆိုလိုတဲ့ သဘောပါ။ သူ့သက်တမ်း ကုန်သွားပြီဆိုရင်တော့ အစိုးရကို တစ်ခါ အခွန်ထပ်ဆောင်ပြီး မြေငှားရမ်းသက်တမ်းကို ထပ်တိုးရပါတယ်။ ဘိုးဘပိုင်မြေကတော ဒါတွေ လုပ်စရာမလိုပါဘူး။
ဂရန်မြေရဲ့ အားသာချက်တွေကတော့ ဘဏ်မှာ အလွယ်တကူ ပေါင်လို့ရတယ်။ ဘဏ်နဲ့ ချိတ်ဆက်ပြီး ရောင်းမယ်ဆိုရင် အဆင်ပြေတဲ့မြေမျိုးပါ။ လုပ်ငန်းကြီးတွေ လည်ပတ်ဖို့အတွက်ဆိုရင်လဲ ဘိုးဘပိုင်မြေထက် ဂရန်မြေက ပိုအဆင်ပြေပါတယ်။ အမည်ပြောင်းတဲ့ ကိစ္စတွေ အခွန်ဆောင်တဲ့ ကိစ္စတွေကလဲ ဂရန်မြေတွေက ပိုပြီးလွယ်ကူမြန်ဆန်တဲ့ အနေအထားမှာ ရှိလို့ လူတွေ တော်တော်များများက ဂရန်မြေကို ပိုပြီး အားသာကြပါတယ်။
အရှုပ်ရှင်းဆိုသည်မှာ
မြေပိုင်ရှင်မှာ အမွေ ဆိုင် ရှိခြင်း၊ ပေါင်နှံထားခြင်း၊
အစိုးရ စီမံကိန်း နှင့် မလွတ်ကင်းခြင်း၊ သစ်တောမြေ
များအား ပိုင်းရောင်းခြင်း၊ အစိုးရမှ တိုက်ရိုက် ချပေး
သော စိုက်ပျိုး မြေ ဂရံ များ ရောင်းချခြင်း၊ ပုံစံ (7)
သာ ထွက်ရှိထားသော လယ်များ ရောင်းချခြင်း များ
ဖြစ်ပါတယ်။ မြေဝယ်ယူ မည် ဆိုပါက ထိုအရာများ
နှင့် မသက်ဆိုင်သော မြေ များ မှာ အရှုပ်ရှင်းကင်း
သည်ဟု ဆိုရပါမည်
မြေဝယ်ယူမည်ဆိုပါက မြေပိုင်ရှင်၏ စာချုပ်စာတန်း သမိုင်းကောက်ကြောင်းအား စုံစမ်းပါ၊ အမွေဆိုင်များရှိ ပါက ထိုသူ များအားရောင်းရန် သဘောတူကြောင်းအား မိမိ (ရှေ့နေ )အရှေ့တွင် ခံဝန် လက်မှတ် ရေးထိုးခိုင်းပါ။ ပေါင်နှံထားခြင်း ရှိမရှိအား စစ်ဆေးပါ၊ ဘဏ်(သို့မဟုတ်) ရပ် ကွက် အုပ်ချုပ်ရေးမှုးသို့ စစ်ဆေးနိုင်ပါသည်။ သစ်တောမြေ ဟုတ်/မဟုတ်ကြောင်းကို ပြေစာ(စလစ်)တွင် စစ်ဆေးနိုင်ပါသည်
သစ်တောမြေ ဆိုပါက မြေဦးပိုင် မှာ (L) စာလုံးပါမည် ( ပြင်ဦးလွင် ကဲသို့ ပြန်လည် သိမ်းယူ ခံရမည်)
စိုက်ပျိုးမြေ ဆိုပါက ပြေစာ(စလစ်) တွင် (စ) စာလုံး
ပါ မည်။ မဝယ်ပါက ပို၍ ကောင်းမည်။ လယ်မြေ ဝယ်ယူမည် ဆိုပါက ပုံစံ (105) စစ်ဆေးပါ၊ ပုံစံ(7) တစ်မျိုးတည်းသာ ပါမည်ဆိုပါက လယ်တစ်မျိုးတည်း စိုက်ပျိုး ခွင့်သာ ရှိပါသည်
Crd to original uploader
