YESC Tharkayta

28/04/2026

သာကေတမြို့နယ်
(09:19)နာရီအချိန်တွင် 33kV မြင်တော်သာခွဲရုံရှိ 6.6kV ထူပါရုံဖီဒါ ​၏ VCB လောင်ကျွမ်းသွားပါသဖြင့် ပြန်လည်ပြုပြင်လျက်ရှိပါကြောင်းနှင့် ပြန်လည်ပြုပြင်နေစဉ်အတွင်းတွင် ထူပါရုံဖီဒါမှဓာတ်အားပေးထားသော ထူပါရုံ ၂၊၃၊၄၊၅၊၆၊၇၊၈၉၊၁၀၊၁၁၊၁၂၊၁၃၊၁၄၊၁၅၊၁၆၊၁၇၊၁၈၊၁၉၊၂၀၊၂၁၊၂၂၊၂၃ လမ်းများ ဓာတ်အားပြတ်တောက်နေမည်ဖြစ်ပါကြောင်း အသိပေးပန်ကြားအပ်ပါသည်။

25/04/2026

“မီးသုံးစွဲသူပြည်သူများသို့ အသိပေးပန်ကြားချက်”
ယနေ့ ၂၅-၄-၂၀၂၆ ရက်နေ့၊ ည ၂၀:၀၄ နာရီ
အချိန်တွင် ၂၃၀ ကေဗွီ ရွှေတောင်-မြောင်းတကာ ဓာတ်အားလိုင်း အပြစ်ဖြစ်ပေါ်ခဲ့မှုကြောင့်
တစ်နိုင်ငံလုံး ဓာတ်အားပြတ်တောက်မှု
(System Shutdown) ဖြစ်ပွားခဲ့ပါသည်။

လက်ရှိတွင် လျှပ်စစ်နှင့်စွမ်းအင်ဝန်ကြီးဌာနမှ
တာဝန်ရှိသူများနှင့် ဝန်ထမ်းများက အဆိုပါ
ဓာတ်အားလိုင်းအား အသေးစိတ်စစ်ဆေးကာ
အမြန်ဆုံးပြုပြင်နိုင်ရေးအတွက် စစ်ဆေး
ဆောင်ရွက်လျက်ရှိပါသည်။

ရန်ကုန်တိုင်းဒေသကြီးအတွင်းသို့ ၃/၄ နာရီအတွင်း အရန်ဓာတ်အားလိုင်းများမှတစ်ဆင့် ဓာတ်အား
အမြန်ဆုံး ပြန်လည်ပို့လွှတ်ဖြန့်ဖြူးပေးနိုင်ရန် စီစဉ်ဆောင်ရွက်လျက်ရှိပါသည်။

ရန်ကုန်လျှပ်စစ်ဓာတ်အားပေးရေးကော်ပိုရေးရှင်း

27/03/2026

မိဘပြည်သူများထံသို့ အသိပေးပန်ကြားခြင်း
+++++++++++++++++++++++++++++
၁။ (၂၇.၃.၂၀၂၆)ရက်နေ့ (၁၁:၄၁)နာရီအချိန်တွင်၂၃၀ကေဗွီ ရွှေတောင်-မင်းလှ-မြောင်းတကာ Double Circuit ဓာတ်အားလိုင်းသည် မင်းလှမြို့နယ်အနီး အကြမ်းဖက်သောင်းကျန်းသူအဖွဲ့မှ ဖောက်ခွဲဖျက်ဆီးခဲ့ သဖြင့် တာဝါတိုင် (၂)တိုင် ပြိုလဲခဲ့ပြီး တာဝါတိုင် (၂)တိုင်မှာ တိမ်းစောင်းသွားခဲ့ သဖြင့် ၎င်းဓာတ်အားလိုင်း မှ ပို့လွှတ်လျက်ရှိသော လျှပ်စစ်ဓာတ်အား (၄၀၀) မဂ္ဂါဝပ် ခန့်မှာ ထုတ်လုပ်နိုင်မှု လျော့နည်းလျက်ရှိပါ သည်။
၂။ သို့ဖြစ်ပါ၍ ရန်ကုန်တိုင်းဒေသကြီးနှင့် ဧရာဝတီတိုင်းဒေသကြီးအတွင်း လျှပ်စစ်ဓာတ်အားဖြန့်ဖြူးမှု လျော့နည်းလျက်ရှိပါကြောင်းနှင့် အမြန်ဆုံးပြန်လည် ဖြန့်ဖြူးပေးနိုင်ရေး ပြင်ဆင် ဆောင်ရွက်လျက် ရှိပါ ကြောင်း မိဘပြည်သူများထံသို့ လေးစားစွာ အသိပေးပန်ကြားအပ်ပါသည်။

ရန်ကုန်လျှပ်စစ်ဓာတ်အားပေးရေးကော်ပိုရေးရှင်း

04/11/2025

နောက်ဆုံးဂဏန်း နှစ်လုံးခန့်မှန်းနိုင်သူ ဒီည မီး 24hour ယူ....😁😝

04/11/2025

Hay!....yo....ပရိတ်သတ်တို့ စီစီ့ကို မေ့နေကြပြီလား😁
မီးတွေပြန်မှန်လာပြီဆိုတော့ ဒါလေး ဖတ်သွားပေးဦး...

လျှပ်စစ်အန္တရာယ်ကင်းဝေးစေရေး မိဘပြည်သူများ သတိပြုနိုင်ပါရန်
# # # # # # #

၁/တန်ဆောင်တိုင်ကာလများတွင် မဲဇလီပင်ပေါ်မှ မဲဇလီဖူးခူးယူပါက လျှပ်စစ်အန္တရာယ်အား အထူးသတိပြုပါရန်။
၂/လျှပ်စစ်ဓာတ်အားလိုင်းအနီးရှိ မဲဇလီဖူးများအား လူကိုယ်တိုင်လည်းကောင်း၊တံချုဖြင့်လည်း ခူးယူခြင်းမပြုပါရန်။
၃/လျှပ်စစ်အန္တရယ်ကို သတိမမူဘဲ မဲဇလီဖူးခူးခြင်းကြောင့် ယခင်နှစ်များက ဓာတ်လိုက်၍ အသက်သေဆုံးမှု ၊ဒဏ်ရာရရှိမှု ဖြစ်စဉ်များ ရှိခဲ့ပါ၍ သတိပြုနိုင်ပါရန် လေးစားစွာ အသိပေးတင်ပြအပ်ပါသည်။

#ရန်ကုန်လျှပ်စစ်ဓာတ်အားပေးရေးကော်ပိုရေးရှင်း

24/03/2025

သာကေတမြို့နယ်အတွင်းရှိ မိဘပြည်သူအပေါင်းတို့ခင်ဗျာ....
33kV သာကေတ-MOGE ဓာတ်အားလိုင်းအား (၂၅.၃.၂၀၂၅)ရက်နေ့ (၁၀:၀၀)နာရီ မှ (၁၂:၀၀)နာရီ အချိန်အထိ သစ်ပင်သစ်ကိုင်းများခုတ်ထွင်ခြင်းလုပ်ငန်းဆောင်ရွက်မည်ဖြစ်ပါသဖြင့် ၁၀/တောင်၊၁၀/မြောက်၊၉၊၈ ရပ်ကွက်များ ဓာတ်အားယာယီပြတ်တောက်နေမည်ဖြစ်ပါကြောင်း ကြိုတင်အသိပေးအပ်ပါသည်။

28/12/2024

သာကေတမြို့နယ်
(29.12.2024)ရက်နေ့တွင်
66kV သာကေတ. ကျိုက်ကဆံဖီဒါ အသစ်အား ဓာတ်လွှတ် နိုင်ရေးဆောင်ရွက်မည်ဖြစ်ပါသောကြောင့် ၎င်းနှင့် မလွတ်ကင်းသော 33kV ပုသိမ်ညွန့် ၊11kV သံလျင်တံတား ၊11kV အိုးအိမ် ၊6.6kV ဧရာဝဏ် ၁နှင့်၂၊6.6kV ကျောက်ခွဲစက်ဖီဒါ တိုအား(10:00)နာရီ မှ(14:00)နာရီ ထိ Shutdown ပြုလုပ်၍ဆောင်ရွက်မည်ဖြစ်ပါသောကြောင့်ထူပါရုံ၊အနော်မာ၊ ၂တောင်၊၂မြောက်၊ ၃ရန်ပြေ၊ ၃မာန်ပြေ၊၄တောင်၊ ၄မြောက်၊၅ရပ်ကွက် ၊၈၊၉၊၁၀တောင်၊ ၁၀မြောက်၊စက်မှုလက်မှုရပ်ကွက်တို့ ယာယီမီးပြတ်တောက်မည်ဖြစ်ပါကြောင်း တင်ပြအပ်ပါသည်။

21/12/2024

နိုင်ငံတော်ဓာတ်အားစနစ်အတွင်းသို့ ဓာတ်အားပေးစက်ရုံများမှ ဓာတ်အားကို ပို့လွှတ်ဖြန့်ဖြူးလျက်ရှိသော ဓာတ်အားလိုင်းများနှင့် သဘာဝဘေးဒဏ်ကြောင့် ထိခိုက်ပျက်စီးမှုများဖြစ်ပေါ်ခဲ့သည့် ဓာတ်အားပေးစက်ရုံများအား အမြန်ဆုံးဓာတ်အားပြန်လည်ထုတ်လွှတ်ပို့လွှတ်နိုင်ရေး ပြင်ဆင်ဆောင်ရွက်နေမှုအခြေအနေများနှင့် လတ်တလောဓာတ်အားဖြန့်ဖြူးနိုင်မှုအခြေအနေများအား
သတင်းထုတ်ပြန်ခြင်း
***************
၂၀၂၄ ခုနှစ်၊ ဒီဇင်ဘာလ ၂၁ ရက်
1။ လျှပ်စစ်စွမ်းအားဝန်ကြီးဌာနမှ လျှပ်စစ်ဓာတ်အားထုတ်လုပ်ပေးလျက်ရှိသည့် ဓာတ်အား ပေးစက်ရုံများ၏ အရင်းအမြစ်အလိုက် စုစုပေါင်း တပ်ဆင်စက်အင်အားမှာ (၇၂၇၂) မဂ္ဂါဝပ်ရှိပြီး ၎င်းစက်များအား စွမ်းအားပြည့်မောင်းနှင်လည်ပတ်နိုင်ပါက ၄၀၀၀ မဂ္ဂါဝပ်ခန့်ထုတ်လုပ်ဖြန့်ဖြူးနိုင် မည်ဖြစ်ပါသည်။
2။ နိုင်ငံတော်၏ ဓာတ်အားလိုအပ်ချက်မှာ နှစ်စဉ် (၉%) ခန့် တိုးတက်သုံးစွဲလျက်ရှိသဖြင့် လျှပ်စစ်မီးသုံးစွဲသူ ပြည်သူများ၏ တစ်ရက်အတွက် လျှပ်စစ်ဓာတ်အားပျမ်းမျှလိုအပ်ချက်မှာ ၄၄၀၀ မဂ္ဂါဝပ်ဖြစ်သော်လည်း အကြမ်းဖက်သောင်းကျန်းသူများမှ ၂၃၀ ကေဗွီ၊ ၁၃၂ ကေဗွီ ဓာတ်အားလိုင်း များ ဖျက်ဆီးမှုကြောင့် ရေအားလျှပ်စစ်စက်ရုံများနှင့် အပူစွမ်းအင်သုံးစက်ရုံများမှ စွမ်းအားပြည့် ဓာတ်အားပို့လွှတ်ဖြန့်ဖြူးနိုင်ခြင်းမရှိခြင်းကြောင့်လည်းကောင်း၊ သဘာဝဘေးအန္တရာယ်ကြောင့် ဓာတ်အားထုတ်လုပ်နိုင်ခြင်းမရှိသည့် ဓာတ်အားပေးစက်ရုံများကြောင့်လည်းကောင်း၊ ဓာတ်ငွေ့ ခွဲတမ်းလျော့နည်းရရှိမှုများအရလည်းကောင်း တပ်ဆင်ထားသောစက်များ၏ စက်စွမ်းအားပြည့် လည်ပတ်နိုင်မှုမရှိခြင်း စသည်တို့ကြောင့် စုစုပေါင်း ဓာတ်အား ၁၄၀၈ မဂ္ဂါဝပ်ခန့် လျော့နည်း ထုတ်လုပ်ရလျက်ရှိပြီး ယခုကာလတွင် တစ်ရက်ပျမ်းမျှ (၂၄၀၀) မဂ္ဂါဝပ်ခန့်သာ ထုတ်လုပ် နိုင်သဖြင့် လိုအပ်ချက်၏ (၅၅%) ခန့်ကိုသာ ထုတ်လုပ်ပေးနိုင်လျက်ရှိပါသည်။
3။ ထိုသို့ ထုတ်လုပ်မှုလျော့နည်းရရှိမှုကို ပြန်လည်ဖြည့်ဆည်းပေးနိုင်ရန်အတွက် ဖျက်ဆီး ခံရသည့် လျှပ်စစ်ဓာတ်အားလိုင်းများနှင့် သဘာဝဘေးဒဏ်ကြောင့် ထိခိုက်ပျက်စီးမှုများဖြစ်ပေါ်ခဲ့သည့် ဓာတ်အားပေးစက်ရုံများကို အမြန်ဆုံးပြင်ဆင်ပြီးစီးနိုင်ရေး ဆောင်ရွက်လျက်ရှိသကဲ့သို လက်ရှိ လျှပ်စစ်ဓာတ်အားလိုအပ်ချက်ကို ကာလတို ဖြေရှင်းနိုင်ရန်အတွက် LNG ဓာတ်အားပေးစက်ရုံ စီမံကိန်းများကို အကောင်အထည်ဖော်ဆောင်ရွက်နိုင်ရေး စီစဉ်ဆောင်ရွက်လျက်ရှိပြီး၊ ရေရှည် တိုးတက်သုံးစွဲလာသည့် လျှပ်စစ်ဓာတ်အားကို ဖြည့်ဆည်းနိုင်ရန်အတွက် နိုင်ငံ၏ အရင်းအမြစ်များ ဖြစ်သော ရေ၊ နေ၊ လေ တို့မှ ထုတ်လုပ်နိုင်ရေးကိုလည်း စီမံဆောင်ရွက်လျက်ရှိပါကြောင်းနှင့် လက်ရှိဓာတ်အားလျော့နည်းဖြန့်ဖြူးပေးနိုင်မှုအပေါ် နားလည်ခွင့်လွှတ်ပေးနိုင်ပါရန် လေးစားစွာဖြင့် ပန်ကြားအပ်ပါသည်။
​​​​
​ရန်ကုန်လျှပ်စစ်ဓာတ်အားပေးရေးကော်ပိုရေးရှင်း

27/11/2024

သာကေတမြို့နယ် အတွင်းရှိ 66kV သီတာ (၁)+(၂)ဓာတ်အားလိုင်းအား (၂၈.၁၁.၂၀၂၄)ရက်နေ့ နံနက် (၁၀:၀၀)နာရီမှ (၁၄:၀၀)နာရီ အချိန်အထိ သစ်ပင်သစ်ကိုင်းခုတ်ထွင်ရှင်လင်းခြင်းလုပ်ငန်းဆောင်ရွက်မည်ဖြစ်ပါသဖြင့် 11kV (A)ဖီဒါနှင့် (B)ဖီဒါ တို့မှာ လုပ်ငန်းဆောင်ရွက်နေစဉ်ဓာတ်အားပြတ်တောက်နေမည်ဖြစ်ပါကြောင်း အသိပေးအကြောင်းကြားအပ်ပါသည်။

12/10/2024

33kV သာကေတ မြင်တော်သာ ဖီဒါ
(11:00)နာရီ မှ (14:00)နာရီအထိ ဓာတ်အားပိတ်၍(Shutdown) ဧရာဝဏ်လမ်း တလျောက်(မြင်တော်သာ လမ်းမှ အဝိုင်းထိ) လမ်းတိုးချဲ့ နှင့်မလွတ်ကင်းသော ဓာတ်တိုင်များအားရွေ့ရန် အတွက် ဓာတ်တိုင်အသစ်များစိုက်ထူခြင်းလုပ်ငန်းဆောင်ရွက်မည်ဖြစ်ပါကြောင်းနှင့် ထူပါရုံ ၊အနော်မာ၊၂တောင်၊၆နောက်၊ရ ရှေ့၊ ၇နောက်၊ ၈၊၉၊၁၀တောင်၊၁၀မြောက် ရပ်ကွက်များယာယီဓာတ်အားပြတ်တောက်နေမည်ဖြစ်ပါကြောင်းပန်ကြားအပ်ပါသည်။

02/10/2024