13/06/2025
နောက်မျိုးဆက်အတွက်-မြေဝယ်ပါ။
-
ကျွန်တော်တို့ အဖိုး ၁၉၈၅ လောက်က
ပြင်ဦးလွင် အဝင်မှာ မြေ ၅ ဧက ဝယ်ထားတယ်။
အဲဒီခြံမှာက သီးပင်စားပင်တွေ အများကြီးရှိတယ်
သားသမီးတွေ ဘယ်သူနေမလဲ သွားနေကြ ဆိုတော့
ဘယ်သူမှ သွားမနေကြဘူး။ဝေးလွန်တာကိုးးးး။
-
အကုန်လုံးသော သားသမီးတွေက
""ဒီလောက် အဝေးကြီး
မနေချင်ပါဘူး အဖေရာ""လို့ ဆိုတော့...။
ခြံမှာ အစောင့်ထားလိုက်တယ်....နှစ်ကြာလာတော့
အစောင့်က ဖယ် မပေးတော့ဘူး.။
တရားရုံးရောက်ကြတယ်....အမှု မနိုင်ခဲ့ဘူး။
စလင်းနှင့် ပြင်ဦးလွင် အကွာအဝေး - တရားရုံး သွားရတာ
အခေါက်ခေါက်အခါခါ ...ဝေးလွန်းတော့-နောက်ပိုင်းမှာ
ဆက်မလိုက်ကြတော့ဘူး ထင်တာပါပဲ..။
-
ကျွန်တော်တို့ အဖိုး
မြေတွေ ဝယ်နိုင်လို့ ဝယ်ပေးခဲ့တယ်...
သားသမီးတွေက မြေကို တန်ဖိုးထားရမယ်ဆိုတာ မသိခဲ့ကြဘူး။
-
ဒီနေ့ ဒီအချိန် အဲဒီ လို မြေကွက်ဈေးနှုန်းဆိုတာ
အဲဒီလောက်ကျယ်တဲ့ မြေ အနားတောင် မကပ်နိုင်ကြတော့ဘူး။
သားတွေ သမီးတွေ က အဲဒီမြေကို
ထိမ်းသိမ်းနိုင်ခဲ့မယ်ဆိုရင်....
ကျွန်တော်တို့တတွေ.....လက်ထက်မှာ
အဖိုးထိုက်တန်လှတဲ့မြေတွေပေါ့။
တန်ဖိုး မထား-မထိမ်းသိမ်း ခဲ့ကြတော့ လက်လွှတ်လိုက်ရတယ်။
-
ဒါကြောင့် မြေကို ဘယ်နေရာ မှာပဲ ဝယ်ဝယ်
တန်ဖိုးထားပါ။ နောက်မျိုးဆက်အတွက် ထိမ်းသိမ်းပါလို့
လို့ အကြံပြုပါတယ်..။
-
မြေဝယ်တယ်ဆိုရင်လည်း လတ်တလောအမြတ်ရဖို့ထက်
နောက်မျိုးဆက်အတွက် ကြိုဝယ်ထားနိုင်ရင်
အကျိုးအမြတ်များများ ရနိုင်ပါတယ်။
ကိုယ့်လက်ထက်မှာ တန်ဖိုးနည်းတဲ့ မြေကို ဝယ်ထားခဲ့ရင်
နောက်မျိုးဆက်မှာ မလွဲမသွေ တန်ဖိုးရှိလာမှာပါ။
-
ကိုယ့်လက်ထက်မှာ မဝယ်ခဲ့ရင်
နောက်မျိုးဆက်ဟာ မြေပိုင်ဖြစ်ဖို့
တော်တော်ကြီး ခက်ခဲ နိုင်ပါတယ်။
-
Credit MKK
