Social Entrepreneurs Nexus Group

24/03/2023

စိမ်းလန်းစိုပြေတဲ့ သဘာဝပတ်ဝန်းကျင်မှာ လယ်စိုက်ပြီး စိုက်ပျိုးသီးနှံများကို ရိတ်သိမ်း၊ ပြုစု၊ ပျိုးထောင်ချင်တဲ့ ရင်းနှီးမြှုပ်နှံသူများအတွက် လယ်၊ မြေကွက်ကောင်းတစ်ခုကို မိတ်ဆက်ပေးချင်ပါတယ်။ ရန်ကုန်မြို့မှကားဖြင့် ၂ နာရီခွဲ​ ခန့်မောင်းရုံဖြင့် မြို့ပြနဲ့ဝေးရာ သဘာဝပတ်ဝန်းကျင်ရှုခင်းဆီရောက်ရှိသွားမယ့် သာယာဝတီမြို့ပဲဖြစ်ပါတယ်။ မြေဧက (၁၀၀) ခန့်ကျယ်ဝန်းတဲ့ ကိုယ်ပိုင်လယ်ကွင်းလေးထဲမှာ ကိုယ်ပိုင်လယ်၊ မြေကွက်လေးနဲ့ လယ်ယာမြေစိုက်ပျိုးသီးနှံများကို အချိန်နဲ့တပြေးညီ ရိတ်သိမ်းခူးစွတ်ချင်သူများအတွက် လုံးဝလက်လွှတ်မခံသင့်တဲ့ မြေကွက်ကောင်းတစ်ခုပဲဖြစ်ပါတယ်။

☑️ Location
ဆရာစံမြို့သစ်၊ သာယာဝတီမြို့နယ်

☑️ အကျယ်အဝန်း
လယ်ဧက (၁၀၀) ဧက ကျယ်ဝန်းပါတယ်။

☑️ လယ်ကွက်၏ စိုက်ပျိုးသီးနှံများ
- ငှက်​ပျောပင်​ အပင် (၄၀၀၀) ​ကျော်
- အ​ရည်သောက်အုန်းပင် (၁၀) ပင်
- ဂွေးချိုအလုံးကြီးမျိုးအပင် (၇၀) ပင်
- ကျွဲ​ကောပင် အပင် (၁၀၀)
- ကီလိုမာလကာပင် အပင် (၃၀၀) တို့ကို
(၂၀၂၂ ခုနှစ် ၇ လပိုင်းတွင် ​အပြီးစိုက်ပျိုးထာနိုင်ခဲ့ပါတယ်)

☑️ လယ်ကွက်၏ အားသာချက်များ
- အပေါ်ပိုင်း လယ်ဧက (၅၀) တွင် စက်ရုံများတည်​ဆောက်ရန်အတွက် သင့်​တော်တဲ့နေ​ရာ​ကောင်းတစ်ခုဖြစ်ပါတယ်။
- အောက်ပိုင်း လယ်ဧက (၅၀) တွင် ငါးစပါးနှင့် အပမ်း​ဖြေစခန်း​​ဆောက်ရန်အတွက်အသင့်တော်တဲ့ နေ​ရာ​ကောင်းဖြစ်ပါတယ်။
- စိုက်ပျိုး​ရေးလုပ်ငန်းလုပ်ဆောင်ရာတွင် နွေဘက်​ရေ​လောင်းစရာမလိုဘဲ ​နွေ​ရေ၊ မိုး​ရေနှင့် လုံ​လောက်ပါတယ်။ (ရေ​လောင်းစရာ လုံးဝ(လုံးဝ)မလိုပါ)
- ရန်ကုန်၊ ပြည်ကားလမ်းမမှ လယ်ထဲသို့ ၃ မိနစ်သာဝင်ရပြီး၊ လယ်ကွက်သည် မြို့​ပေါ်လယ်တွင်ဖြစ်သည့်အပြင်၊ နောက်ထပ်ကောင်းသောအချက်မှာ လယ်ထဲတွင်ကား​မောင်းနှင်လို့ရတဲ့ အချက်ပဲဖြစ်ပါတယ်။
- ကိုယ်ပိုင်ကုန်ထုတ်လမ်း၊ ကိုယ်ပိုင်​ရေ​မြောင်းရှိတဲ့အတွက် လယ်ကိုပတ်ကြည့်ရာတွင် စက်​လှေစီးလို့ရပါတယ်။ (စက်လှေ ၂ စီးပိုင်ဆိုင်ထား)
- မြောင်းအနက် (၁၈) ပေ/ မြောင်းအကျယ် ​(၂၅) ပေ ကျယ်ဝန်းပါတယ်။
- ကုန်ထုတ်လမ်းမှ လယ်ကွင်းအလယ်အထိ လျှပ်စစ်မီးသွယ်လျှင် သွယ်ရန်လွယ်ကူပါတယ်။
- နွေစပါး၊ မိုးစပါး (၂) မျိုးလုံး စိုက်ပျိုးလို့ရပါတယ်။

☑️ လယ်ပိုင်ဆိုင်သည့်လက်မှတ် ပုံစံ (၇) ရရှိပိုင်ဆိုင်ထားပါတယ်။

☑️ မြေအမျိုးအစား - လယ်ယာမြေ

☑️ စျေးနှုန်း - သိန်း ၁ သောင်း ၂ ထောင် (ညှိနှိုင်း)

မြို့ဘေးကပ်လျှက် ကိုယ်ပိုင်လယ်မြေထဲမှာ ကောက်ပဲသီးနှံများကို စိုက်ပျိုး၊ ရိတ်သိမ်းချင်တဲ့ လူကြီးမင်းများအတွက် အရမ်းကိုသင့်တော်တဲ့ မြေကွက်ကောင်းတစ်ခုဖြစ်ပြီး၊ ဧက အနည်းငယ်ကိုသာ ဝယ်ယူပိုင်ဆိုင်ချင်သူများအတွက် (၁) ဧက ကို သိန်း (၁၂၀) ဖြင့် ဝယ်ယူပိုင်ဆိုင်နိုင်ကြောင်းလည်း ထပ်မံအသိပေးအပ်ပါတယ်။ နောက်ထပ်မြေကွက်နဲ့ပတ်သက်တဲ့ အသေးစိတ်အချက်အလက်များကို စုံစမ်းမေးမြန်းချင်တယ်ဆိုရင်တော့ 09777776968 ကို ဆက်သွယ်၍မေးမြန်းနိုင်ပါတယ်။

အခုလိုကြည့်ရူပေးတဲ့ လူကြီးမင်းများအားလုံး ပျှော်ရွင်ချမ်းမြေ့တဲ့နေ့လေးကိုပိုင်ဆိုင်ကြပါစေလို့ SENG Asset Management Company မှ ဆုမွန်ကောင်းတောင်းပေးလိုက်ပါတယ်ရှင်။ 😊

23/03/2023

လူကြီးမင်းများအားလုံး မင်္ဂလာပါ …. မနက်ဖြန်ကျရင် ရင်ခုန်စရာကောင်းတဲ့ New Listing ကို လူကြီးမင်းတို့ကို မိတ်ဆက်ပေးပါမယ်။ ရန်ကုန်မြို့မှ ၂ နာရီ ဝင်းကျင်လောက်မောင်းရုံဖြင့် စိမ်းလန်းစိုပြေတဲ့ သဘာဝပတ်ကျင်မြို့နယ်လေးဆီရောက်သွားစေမယ့် မြေကွက်ကောင်းတစ်ခုကို မိတ်ဆက်ပေးသွားမှာပဲဖြစ်ပါတယ်။ စိုက်ပျိုးရေးနှင့်မွေးမြူရေးကို စိတ်ဝင်စားပြီးဝါသနာပါသူတွေအတွက် အဓိကရည်ရွယ်ပြီး မိတ်ဆက်ပေးသွားမှာဖြစ်လို့ စောင့်မျှော်ကြည့်ရှုပေးဖို့ သတင်းကောင်းပါးအပ်ပါတယ်။

အခုလိုကြည့်ရူပေးတဲ့ လူကြီးမင်း များအားလုံး ပျှော်ရွင်ချမ်းမြေ့တဲ့နေ့လေးကိုပိုင်ဆိုင်ကြပါစေလို့ SENG Asset Management Company မှ ဆုမွန်ကောင်းတောင်းပေးလိုက်ပါတယ်။ 😊

19/03/2023

17/03/2023

မြန်မာနိုင်ငံရဲ့ သမိုင်းဝင်ကျွန်းတစ်ကျွန်းဖြစ်တဲ့ တစ်ခါမှမကမ်းလှမ်းဖူးသည့်တိုင် လူကြီးမင်းများ အားလုံးအတွက် မြိတ်ကျွန်းစုမှာရှိတဲ့ လှပတဲ့ကမ်းခြေတစ်ခုရဲ့ ကျွန်းတစ်ဝှက်ကိုပိုင်ဆိုင်နိုင်ပြီး ဖွံ့ဖြိုးတိုးတက်မှုအခွင့်အလမ်းကို ခေါ်ဆောင်ပေးသွားမယ့် အခွင့်အရေးကောင်းတစ်ခုကို ရင်းနှီးမြှုပ်နှံသူများအတွက်ရည်ရွယ်ပြီး မိတ်ဆက်ပေးချင်ပါတယ်။

တနင်္သာရီတိုင်းဒေသကြီး၊ ကော့သောင်းခရိုင်၊ ဘုတ်ပြင်းမြို့တွင် ရောင်းရန် Propose Resort Area (၁၅) ဧက ကျယ်ဝန်းပြီး လှပတဲ့ကန်းရိုးတန်းမှာ ကမ်းခြေပါရှိတဲ့အတွက် ဖွံ့ဖြိုးတိုးတက်မှု (သို့မဟုတ်) အပန်ဖြေကမ်းခြေဟိုတယ်ကို ဖန်တီးတည်ဆောက်လို့ရနိုင်မယ့် အခွင့်အရေးဖြစ်ပါတယ်။

☑️ Location
အနီးဆုံးတွင်ရှိသော ကျွန်းများမှာ ညောင်ဦးဖီးကျွန်း၊ လမ်းပိကျွန်း၊ ပြင်ဘုကြီးကျွန်း၊ ပြင်ကြီးကျွန်း တို့ဖြစ်ပြီး အမန်ဒါ Sea တို့နှင့်လည်း နီးစပ်ကပ်လျှက်ရှိတဲ့ ကျွန်းတစ်ကျွန်းဖြစ်ပါတယ်။

☑️ အကွာအဝေး
မြိတ်ကျွန်း မှ (၇၈.၂၁) မိုင်၊ ဘုတ်ပြင်းမြို့မှ (၄၄.၅၈) မိုင် နှင့် ညောင်ဦးဖီးကျွန်းမှ (၉၁.၁၁) မိုင် အကွာတွင်တည်ရှိပြီး လှပတဲ့တောင်တန်းများနဲ့ ဝန်းရံထားတဲ့ ကျွန်းတစ်ကျွန်းပဲဖြစ်ပါတယ်။

☑️ ကျွန်း၏အားသာချက်
ကျွန်းဆိုတဲ့အတိုင်း ကျွန်းရဲ့အလှဆုံးအစိတ်အပိုင်းတစ်ခုဖြစ်တဲ့ ပြောင်ပြောင်လက်လက်တောက်ပနေတဲ့ အဖြူရောင်သဲသောင်ပြင်များ၊ စိမ်းပြာရောင်ရေရှိသော ရေနေရေပြင်များ၊ ဆန့်ကျင်ဘက်ဖြစ်သော တောင်ကုန်းများ၊ ကမ်းခြေပတ်ပတ်လည်တွင် နက်ရှိုင်း၍ ကာကွယ်ထားသော သဘာဝဆိပ်ကမ်းတစ်ခုနှင့် ကပ်လျက်ရှိသည့်အတွက် လှပတဲ့ရှုခင်းများစွာရှိသည့်အပြင် ကျွန်းပေါ်တွင် အပန်းဖြေကမ်းခြေဟိုတယ်တည်ဆောက်ရုံသာမက ဂေါက်ကွင်း၊ တန်းနစ်ကွင်း၊ ပြတိုက်နဲ့ များစွာသောအဆောက်အအုံများ တည်ဆောက်လို့ရတဲ့အတွက် လုံးဝကိုလက်မလွတ်သင့်တဲ့ ကျွန်းတစ်ကျွန်းဆိုလဲမမှားပါဘူး။

အသေးစိတ်အချက်အလက်များကို စိတ်ဝင်စားတယ်ဆိုရင် 09777776968 ကို ဆက်သွယ်၍မေးမြန်းနိုင်ပါတယ်။

ဖွံ့ဖြိုးတိုးတက်မှုအတွက် အခြေခံကျတဲ့ အချက်အလက်အပြည့်အစုံ၊ စာရွက်စာတမ်းများ အလုံးစုံရှိတဲ့အတွက် စိတ်ဝင်စားတယ်ဆိုရင် ကျွန်းကိုအချိန်မရွေး ပြသပေးနိုင်ပါတယ်။

အခုလိုကြည့်ရူပေးတဲ့ လူကြီးမင်း များအားလုံး ပျှော်ရွင်ချမ်းမြေ့တဲ့နေ့လေးကိုပိုင်ဆိုင်ကြပါစေလို့ SENG Asset Management Company မှ ဆုမွန်ကောင်းတောင်းပေးလိုက်ပါတယ်ရှင်။ 😊

Management Service

12/03/2023

လူကြီးမင်းများအားလုံး မင်္ဂလာပါ။ SENG ရဲ့ Knowledge Sharing အစီအစဉ်ကနေ ပြန်လည်ကြိုဆိုလိုက်ပါတယ်။ ဒီနေ့ပြောပြချင်တဲ့အရာကတော့ လူကြီးမင်းတို့အနေနဲ့ မြေကွက်ဝယ်ယူရာတွင် အရှုပ်အရှင်းမဖြစ်လာစေရန် သိထားသင့်တဲ့ အချက် (၅) ချက်နဲ့ပက်သက်ပြီး မျှဝေပေးချင်တာပဲဖြစ်ပါတယ်။

(၁) ဝယ်ယူမယ့်မြေကွက်ကပိုင်ဆိုင်မှုခိုင်မာရမယ်။ မြေကွက်ကိုဝယ်တော့မယ်ဆိုရင် ငွေပိုငွေလျှံရှိလို ဝယ်သည်ပဲဖြစ်စေ၊ နေထိုင်ရန်ရည်ရွယ်၍ ဝယ်သည်ပဲဖြစ်စေ၊ မိမိမှ ဆုံးရှုံးမှု တစ်စုံတစ်ရာမဖြစ်စေရန် အောက်ပါအချက်တွေ သိထားဖို့လိုမည်။
- ဝယ်ယူမယ့်မြေကွက်ရဲ့ ပိုင်ရှင်အမည်ပေါက် မြေပိုင်ဆိုင်မှုအထောက်အထား ပိုင်ဆိုင်မှုစာရွက်စာတမ်းတွေ အစုံအလင်ရှိ/မရှိ။
- မြေခွန်/အိမ်ခွန် ကြွေးကျန်ရှိ/မရှိ။
- မြေပုံ/မြေရာဇဝင်
- မြို့တော်စည်ပင်သာယာရေးကော်မတီ
(သို့မဟုတ်) မြေစာရင်းရုံးရဲ့
- နောက်ဆုံးမှတ်တမ်းမှာ
မည်သို့ ရေးသွင်းမှတ်သားထားသလဲ? ဆိုတာ တိကျရှင်းလင်းစွာ စစ်ဆေးရပါမယ်။

(၂) မြေအမျိုးအစားကို သေချာစွာစစ်ဆေးပါ။ မိမိဝယ်မယ်မြေကွက်ဟာ
- ဘိုးဘွားပိုင်မြေလား
- ဂရန်မြေလား
- မြေချမိန့်ရထားတဲ့မြေလား
- လယ်ယာမြေလား
- မီးလောင်ချထားမိန့်နဲ့မြေလား
- ပုံစံ(၇)ရထားတဲ့မြေလား ဆိုတာ သေချာစစ်ဆေးရပါမယ်။

(၃) မြေကွက်ကိုရောင်းချသူဟာ အဆိုပါမြေကွက်ကို ဘယ်လိုပိုင်ဆိုင်လဲဆိုတာကို စစ်ဆေးပါ။
- မြေကွက်ကိုရောင်းချသူပိုင်ရှင်ဟာ
ထိုမြေကွက်ကို အမွေရခဲ့တာလာ:
- အမွေရခဲ့တာဆိုရင် ကျန်အမွေဆိုင် ညီမကိုမောင်နှမများရဲ့ သဘောတူညီချက်ပါရှိရဲ့လား။
- တခြားရောင်းသူထံမှ ကိုယ်တိုင်ဝယ်ယူခဲ့တာလား ဆိုတာ သေချာအောင် စုံစမ်းဖို့လိုအပ်ပါမယ်။

(၄) စာချုပ်စာတမ်းအပြည့်အစုံရှိ/မရှိစစ်ဆေးပါ။ စာချုပ်စာတမ်းစစ်ဆေးတော့မယ်ဆိုရင်ပထမအချက်က -

{ဂရန်မြေဆိုရင်} - မြေချထားမိန့်မူရင်း၊ ငွေသွင်းပြေစာမူရင်း၊ ဂရန်စာချုပ်မူရင်း၊ မြေပုံ/မြေရာဇဝင်၊ မှတ်ပုံတင်စာချုပ်အဆက်ဆက် အမွေဆက်ခံပိုင်ဆိုင်တယ်ဆိုပါက အမွေဆက်ခံမှတ်ပုံတင်စာချုပ်) တရားရုံးအမိန့်နဲ့ ပိုင်လာတာဆိုရင် (စီရင်ချက်၊ ဒီဂရီ(တာဝန်ခံမိတ္ထူ)၊ ကိုယ်စားချုပ်ဆိုခဲ့ဖူးတာရှိရင် GP,SP ကိုယ်စားလှယ်လွှဲစာများ၊ အိမ်ခွန်/မြေခွန်ပြေစာများ

{ဘိုးဘွားပိုင်မြေဆိုရင်} - ဘိုးဘွားပိုင်မြေမှတ်တမ်းစာချုပ်၊ မြေပုံ/မြေရာဇဝင်၊ မှတ်ပုံတင်စာချုပ်အဆက်ဆက်၊ အမွေဆက်ခံပိုင်ဆိုင်လာရင် အမွေဆက်ခံမှတ်ပုံတင်စာချုပ်) တရားရုံးအမိန့်နဲ့ပိုင်လာတာဆိုရင် စီရင်ချက်၊ ဒီဂရီ (တာဝန်ခံမိတ္တူ)
ကိုယ်စားချုပ်ဆိုဖူးတာရှိရင် GP,SP ကိုယ်စားလှယ်လွှဲစာများ

{ပုံစံ(၇)ရထားတဲ့မြေဆိုရင်} - ပုံစံ(၇)မူရင်း၊ မြေပုံ/မြေရာဇဝင်
ရပ်/ကျေးမှတ်တမ်း၊ စာချုပ်အဆက်ဆက် အမွေဆက်ခံပိုင်ဆိုင်လာရင် အမွေဆက်ခံမှတ်ပုံတင်စာချုပ်၊ တရားရုံးအမိန့်နဲ့ပိုင်လာတာဆိုရင် စီရင်ချက်၊ ဒီဂရီ (တာဝန်ခံမိတ္ထူ)
ကိုယ်စားချုပ်ဆိုခဲ့ဖူးတာရှိရင် GP,SP ကိုယ်စားလှယ်များကို စုံလင်စွာ စစ်ဆေးရပါမယ်။

(၅) စာချုပ်ချုပ်ဆိုခြင်း စာချုပ်စာတမ်းတွေ စစ်‌ဆေးပြီးပါက
- စရန်ပေးစာချုပ် (ကတိစာချုပ်)ချုပ်ဆိုခြင်း၊
- အရောင်းအဝယ်ပြုလုပ်ခြင်းအား
ကန့်ကွက်လိုသူရှိ/မရှိ
- သတင်းစာတွင် ကြေငြာခြင်း။
- သတင်းစာတွင်ထည့်ပြီး
စောင့်ကြည့်နေစဥ်အတွင်း
အရောင်းအဝယ်စာချုပ် မှတ်ပုံတင်ခြင်း၊
- မြေပုံ/မြေရာဇဝင်‌ရေးသားခြင်းတို့ကို ဆောင်ရွက်ရပါမည်။

{ကန့်ကွက်သူ မပေါ်လာပါက} အပြီးသတ်ငွေချေ စာချုပ်ချုပ်ဆိုကာ
- မြေလက်ရောက်လွှဲပြောင်းရယူခြင်း
- ဝယ်ယူတဲ့မြေနဲ့သက်ဆိုင်တဲ့ ပိုင်ဆိုင်မှု စာရွက်စာတမ်း (မူရင်း)အားလုံး
- အခွန်ဆောင်ထားသော မှတ်တမ်းမှတ်ရာများ၊
- စာချုပ်စာတမ်းများ၊
- ဂရန်မူရင်း (သို့မဟုတ်) ပုံစံ(၇)မူရင်း အစရှိတဲ့ စာရွက်စာတမ်းတွေ တစ်ခါတည်းအရ ယူထားရပါမယ်။

အထက်ပါအဆင့်ဆင့်တွေ အားလုံးလုပ်ဆောင်ပြီးပါက မှတ်ပုံတင်အရောင်းအဝယ်စာချုပ် မိမိလက်ဝယ်ရရှိပါက မိမိအမည်ပေါက် ပြောင်းလဲဖို့လျှောက်ထားကာ ပိုင်ဆိုင်မှုအဆင့်ဆင့်ကို ဆက်လက်လုပ်ဆောင်နိုင်ပြီ ဖြစ်ပါတယ်။

Credit to owner

အခုလိုကြည့်ရူပေးတဲ့ လူကြီးမင်း များအားလုံး ပျှော်ရွင်ချမ်းမြေ့တဲ့နေ့လေးကိုပိုင်ဆိုင်ကြပါစေလို့ SENG Asset Management Company မှ ဆုမွန်ကောင်းတောင်းပေးလိုက်ပါတယ်။ 😊

11/03/2023

လူကြီးမင်းတို့ရဲ့ Asset တွေဖြစ်တဲ့ အိမ်ခြံမြေ၊ ကား နှင့် လက်ဝတ်ရတနာများကို ရောင်းဝယ်ရာတွင် တကယ်ကိုယုံကြည်စိတ်ချရပြီး ကျွမ်းကျင်တဲ့ အကျိုးဆောင်ကို ရှာဖွေနေတယ်ဆိုရင်တော့ ဒီ Post ဟာ လူကြီးမင်းတို့အတွက်ပါပဲ။

အိမ်ခြံမြေများကို ရောင်း၊ ဝယ်၊ ငှား တယ်ဆိုတာက စကားနဲ့ပြောရင်လွယ်တယ်ဆိုပေမယ့်၊ အကယ်လက်တွေ့မှာ ကိုယ်တိုင်ရောင်း၊ ကိုယ်တိုင်ဝယ်၊ ကိုယ်တိုင်ငှား လိုက်လုပ်မယ်ဆိုရင်တော့ လူကြီးမင်းတို့ရဲ့ တန်ဖိုးရှိလှတဲ့အချိန်တွေကို အလွန်ကုန်ဆုံးစေနိုင်ပါတယ်။

☑️ လူကြီးမင်းတို့ ရောင်းဝယ်ရာမှာလုပ်ဆောင်ရမယ့် (က မှ အ)အဆုံး ဆောင်ရွက်မှုများကို SENG သို့ လုပ်ငန်းအပ်နှံလိုက်ရုံနဲ့ လူကြီးမင်းတို့ ဘာမှအားစိုက်ထုတ်လုပ်စရာမလိုပဲ အိမ်မှာအေးဆေးနားနေယုံဖြင့် နောက်ဆက်တွဲလုပ်ဆောင်ရမယ့်တာဝန်များကို SENG Asset Management Company မှ လူကြီမင်းတို့ကိုယ်စား တာဝန်ယူရောင်းချ ဆောင်ရွက်ပေးသွားမယ့် Service မျိုးပဲဖြစ်ပါတယ်။

☑️ လူကြီးမင်းတို့ရဲ့ ပိုင်ဆိုင်မှုတွေဖြစ်တဲ့ (Asset) အိမ်ခြံမြေတွေကို အမြန်ဆုံး ရောင်းချ၊ ဝယ်ယူ၊ ငှါးရမ်းချင်တယ်ဆိုရင် 09777776968 ကိုဆက်သွယ်၍ စုံစမ်းမေးမြန်းမှုတွေလုပ်နိုင်ပါတယ်။

အခုလိုကြည့်ရူပေးတဲ့ လူကြီးမင်း များအားလုံး ပျှော်ရွင်ချမ်းမြေ့တဲ့နေ့လေးကိုပိုင်ဆိုင်ကြပါစေလို့ SENG Asset Management Company မှ ဆုမွန်ကောင်းတောင်းပေးလိုက်ပါတယ်။ 😊

12/02/2023

လူကြီးမင်းများအားလုံး မင်္ဂလာပါ။ SENG ရဲ့ Knowledge Sharing အစီအစဉ်ကနေ ပြန်လည်ကြိုဆိုလိုက်ပါတယ်။ ဒီနေ့ပြောပြချင်တဲ့အရာကတော့ အိမ်ဝယ်မယ့်သူအနေနဲ့ မဝယ်ခင်မှာ သိထားသင့်တဲ့ အချက်များနဲ့ပတ်သက်ပြီး ပြောပြပေးသွားမှာပဲဖြစ်ပါတယ်။ ကိုယ်ရဲ့အိမ်မက်ထဲက အိမ်တစ်ခုကိုပိုင်ဆိုင်ဖို့ဆိုတာ လူတိုင်းဆန္ဒပါ။ အဲ့လိုဖြစ်တဲ့အတွက် ဝယ်ယူသူများအနေနဲ့ ကိုယ်ဝယ်ယူမယ့်နေရာဟာ ကိုယ်နဲ့ကိုက်ညီမှုရှိရဲ့လား၊ အဆင်ပြေရဲ့လားဆိုတဲ့ အချက်အလက်တွေကို သိထားဖို့လိုအပ်ပါတယ်။ ဒီနေ့မှာတော့ အဲ့အရာတွေထဲကမှ အရေးကြီးပြီး ဝယ်ယူမယ့်သူတိုင်း သိကိုသိထားသင့်တဲ့ အချက် (၅) ချက်ကို ပြောပြပေးသွားမှာပဲဖြစ်ပါတယ်။ ကဲ အဲ့ဒါဆို စလိုက်ရအောင်။

(၁) Location
အိမ်ခြံမြေတစ်ခုမှာ အရေးကြီးဆုံးအချက်က တည်နေရာပဲဖြစ်ပါတယ်။ အိမ်ဝယ်တော့မယ်ဆိုရင် ကိုယ်ဝယ်ယူမယ့်နေရာရဲ့ ဘေးပတ်ဝန်းကျင်မှာ ဘာတွေရှိတယ် ဘာတွေမရှိဘူးဆိုတာ ပထမဆုံး အနေနဲ့စဉ်းစားဖို့လိုပါတယ်။ ဒါမှ ကိုယ်နေမယ့်နေရာက ကိုယ့်ကလေးရဲ့ ကျောင်းနဲ့နီးလား၊ ကိုယ်လုပ်ကိုင်နေတဲ့ ကိုယ့်ရဲ့အလုပ်နဲ့နီးလား၊ ဘေးပတ်ဝန်းကျင်မှာ အလွယ်တကူဈေးဝယ်လို့ရတဲ့ Super Market တွေရှိလား အစရှိတာတွေအပါအဝင် လမ်းပန်းဆက်သွယ်ရေးကောင်းမွန်ပြီး Traffic မမိတဲ့နေရာလား စတာတွေကိုသေချာအောင် စုံလင်စွာသိပြီးမှ ဝယ်ယူတာအကောင်းဆုံးဖြစ်ပါတယ်။ ဝယ်ယူသူများအနေနဲ့လဲ တည်နေရာနဲ့ ပတ်သတ်တဲ့အရာများကို မှတ်တမ်းရှာဖွေစုဆောင်းထားပြီး လေ့လာထားဖို့လိုအပ်ပါတယ်။

(၂) စျေးနှုန်း
ကိုယ်ဝယ်မယ့်အိမ်ဟာ ကိုယ့်ဘက်ဂျက်နဲ့ကိုက်ရဲဲ့လား ကိုယ်မှန်းထားသလောက်ဈေးနှုန်းနဲ့ အဆင် ပြေပြီး ကိုက်ညီမှုရှိရဲ့လားဆိုတာ လူကြီးမင်းတို့အနေနဲ့ ထည့်သွင်းစဉ်းစားသင့်ပါတယ်။ ဒီလိုစဉ်း စားထားမှ ရောင်းသူရဲ့မက်လုံးနဲ့ ကိုယ်ဝယ်နိုင်မယ့်ဈေးနှုန်း တည့်မတည့်ဆိုတာကို ညှိနှိုင်းတိုင်ပင် လို့ရမှာဖြစ်ပါတယ်။ ဘယ်လိုပဲ အဆင်ပြေတယ်မပြေတယ်ပြောပြော ကိုယ်အနေနဲ့ သိသင့်သိထိုက်တာတွေကိုတော့ Checklist တွေရေးစုပြီး ဗဟုသုတရအောင် ပြင်ဆင်ထားရမှာပဲဖြစ်ပါတယ်။

(၃) အိမ်ရဲ့အရွယ်အစား
ကိုယ်ဝယ်မယ့်အိမ်ရဲ့အကျယ်အဝန်း ပုံသဏ္ဍန်အရွယ်အစားတွေကိုလည်းသိထားသင့်ပါတယ်။ ဒီလို သိချင်းအားဖြင့် ကိုယ်လိုချင်တဲ့ အိမ်အရွယ်အစားနဲ့ Agent ကပြတဲ့ အိမ်အရွယ်အစား ကိုက်ညီမှုရှိရဲ့လားဆိုတာ သိမြင်နိုင်မှာပါ။ အိမ်အရွယ်အစားကိုသိပြီဆိုတာနဲ့အလျှေက် အိမ်မှာအိပ်ခန်းအ ရေအတွက်ဘယ်နှခန်းပါလဲ၊ ရေချိုးခန်းအရေအတွက်ဘယ်နှခုပါလဲ၊ မီးဖိုချောင် အနေအထားဘယ်လိုရှိလဲဆိုတာ သိရှိထားဖို့လိုအပ်ပါတယ်။ ဒါတွေတင်မပြီးသေးပါဘူး၊ ဝယ်ယူဖို့စဉ်းစားလိုက်ပြီဆိုတာနဲ့ အိမ်ရဲ့နေထိုင်မှုသက်တမ်း၊ ဘယ်ခုနှစ်ကစတင်တည်ဆောက်ခဲ့တယ်၊ ဘယ်နှခါထပ်မံ မွန်းမြန်ပြုပြင်ထားတယ်၊ ရရှိနိုင်တဲ့ရေအမျိုးအစား၊ အိမ်သုံးပစ္စည်းများရဲ့အသုံးပြုထားမှုသက်တမ်း၊ အိမ်အပြင်အဆင်ထားမှုပုံစံနဲ့ နဲ့ အိမ်ရဲ့အခြေအနေအရပ်ရပ် ကောင်းမွန်အောင် Agent ဆီက သေချာမြေးမြန်းသိရှိပြီးမှ နောက်ဆုံးအနေနဲ့ ဝယ်ဖို့ယူအကြံပြုချင်ပါတယ်။

(၄) ပတ်ဝန်းကျင်
ပက်ဝန်းကျင်ဆိုတာ လူ့ဘဝနေထိုင်မှုအတွက် အရေးကြီးတဲ့အခန်းကဏ္ဍတစ်ခုမှာပါဝင်ပါတယ်။ ကိုယ်နေမယ့် ပတ်ဝန်ကျင်၊ မြို့နယ်၊ ရပ်ကွက်မကောင်းရင် နေဖို့အဆင်မပြေနိုင်ပါဘူး။ ဒါကြောင့် အိမ်ဝယ်တော့မယ်လို့ စဉ်းစားလိုက်ပြီဆိုတာနဲ့ ကိုယ်နေထိုင်အခြေချမယ့်နေရာက လူကြီးမင်းတို့ တစ်ဦးတစ်ယောက်ချင်းဆီရဲ့ စိတ်အပိုင်းအခြားများအလိုက် တိတ်ဆိတ်ငြိမ်သက်တဲ့နေရာကို ကြိုက်နှစ်သက်သူတွေအနေနဲ့ ငြိမ်းချမ်းပြီးတိတ်ဆိတ်ငြိမ်တက်မှုရှိတဲ့ နေရာကိုရွေးချယ်ပြီး၊ မြို့ကြီးပြကြီးမှာနေပြီး အလုပ်လုပ်တာကြိုက်တဲ့သူများအတွက် ရုံးများနှင့်နှီးတဲ့ နေရာများကို ဦးစားပေး ရွေးချယ်ပြီးမှ ကိုယ်နဲ့သင့်တော်ကိုက်ညီမှုရှိတဲ့ မြို့နယ်နေရာများမှာ ရွေးချယ်ပြီးနေဖို့ စဉ်းစားသင့်ပါတယ်။ ပြီးတော့လဲ ကိုယ်နေတဲ့ ဘေးပတ်ဝန်းကျင်အနားတစ်ဝိုက်မှာ လမ်းပန်းဆက်သွယ်ရေး အဆင်ပြေချောမွေ့မှု ရှိမရှိ၊ နီးဆက်ရာဆေးရုံဆေးခန်းများ၊ ကျောင်းများ၊ Shopping Center များနှင့် ဘုရားကျောင်း တည်ရှိမှုများကိုလည်း သေချာသိရှိထားပြီး ကိုယ့်နေထိုင်မှုအတွက် အထောက်အကူပြုမပြုကို လေ့လာဆန်းစစ်ပြီးမှ ရွေးချယ်ဖို့လိုအပ်ပါတယ်။ ဒါမှ လူကြီးမင်းတို့ အနေနဲ့ နေထိုင်တဲ့အခါ အဆင်ပြေမှုရှိပြီး အသွားအလာလွယ်ကူချောမွေ့မှုရှိရှိနဲ့ နေထိုင်နိုင်ကြမှာပဲဖြစ်ပါတယ်။

(၅) အိမ်ဂရန်နှင့်စာချုပ်စာတမ်းများ
ဒီအချက်က အလွန်အရေးကြီးဆုံးအချက်ပါ။ လူကြီးမင်းတို့အနေနဲ့လည်း အထူးဂရုစိုက်စေလိုတဲ့ အချက်ထဲမှာပါပါတယ်။ ကိုယ်ဌားရမ်းလိုက်တဲ့ Agent ဟာ အိမ်ခြံမြေနဲ့ပတ်သက်တဲ့ ဥပဒေ၊ အိမ်ဂရန်၊ စာချုပ်စာတမ်းများနဲ့ ပက်သတ်တဲ့ကိစ္စအဝဝကို သေချာသိရှိနားလည်ကျွမ်းကျင်တဲ့သူနဲ့ ဌားရမ်းပြီးမှ လုပ်ငန်းဆောင်တာများကို ဆက်လက်လုပ်ကိုင်ပြီး နောက်ဆက်တွဲမှ ဝယ်ယူဖို့အကြံပြုလိုပါတယ်။ အိမ်ဂရန်၊ မြေစတာတွေဟာ အိမ်ခြံမြေလောကမှာ နေ့စဉ်နဲ့အမျှကြုံတွေ့နေရတဲ့ ပြသာနာတစ်ချို့ဖြစ်ပြီး သေချာမပြင်ဆင်ထား၊ မသိရှိထားရင်တော့ နောက်ဆက်တွဲ ကြုံတွေ့လာရမယ့် ပြသာနာတွေ ဖြစ်လာနိုင်ပါတယ်။ လူကြီးမင်းတို့အနေနဲ့လည်း စာချုပ်စာတမ်းများနဲ့သက်ဆိုင်တဲ့ အချက်အလက်မှန်သမျှကိုစုဆောင်းပြီး အသေးစိတ်သိရှိနားလည်ထားဖို့လိုအပ်ပါတယ်။ ဒါမှလည် မလိုလားအပ်တဲ့ ပြသာနာတွေမဖြစ်ရအောင် ကြိုတင်ပြင်ဆင်ထားနိုင်မှာပါ။

အခုပြောပြခဲ့တဲ့အချက်တွေကတော့ အိမ်ဝယ်မယ့်သူအနေနဲ့ မဝယ်ခင်မှာသိရှိထားသင့်တဲ့ အချက်များနဲ့ ပတ်သက်ပြီးမျှဝေပေးသွားတာပဲဖြစ်ပါတယ်။ မလိုလားအပ်တဲ့ ပြသာနာတွေမဖြစ်ရအောင် အထူးဂရုစိုက်စေချင်ပါတယ်နော်။ ဒီနေ့ဒီအစီစဥ်လေးကနေ မျှဝေပေးချင်တာကတော့ ဒီလောက်ပါပဲ။ အခုလိုကြည့်ရူပေးတဲ့ လူကြီးမင်း များအားလုံး ပျှော်ရွင်ချမ်းမြေ့တဲ့နေ့လေးကိုပိုင်ဆိုင်ကြပါစေလို့ SENG Asset Management Company မှ ဆုမွန်ကောင်းတောင်းပေးလိုက်ပါတယ်။ 😊

05/02/2023

ကိုယ်ပိုင်ဆိုင်ထားတဲ့ အဖိုးတန် တန်ဖိုးကြီး ပိုင်ဆိုင်မှုတွေဖြစ်တဲ့ (Asset) တွေကို လက်ထဲမှာဆုပ်ကိုင်ထားရင် တန်ဖိုးလျှော့နည်းဆုံးရှုံးမှုတွေ ဖြစ်လာနိုင်မလား?

လူကြီးမင်းတို့တန်ဖိုးကြီး ပိုင်ဆိုင်မှုတွေဖြစ်တဲ့ (Asset) တွေ တန်ဖိုးလျှော့နည်း ဆုံးရှုံးမှုတွေဖြစ်လာနိုင်လား မနိုင်လားဆိုတာကို အခုမျှဝေပေးသွားမယ့် စာထဲမှာအတူဖတ်ကြည့်လိုက်ရအောင်

မမျှဝေခင်မှာ Asset ဆိုတဲ့အရာမှာ ဘယ်လို Asset အမျိုးအစားတွေရှိလဲဆိုတာနဲ့ပက်သတ်ပြီး အရင်ဆုံးရှင်းပြချင်ပါတယ်။ Asset ဆိုတာကတော့ လူတွေပိုင်ဆိုင်ထားတဲ့ ပုံသေပိုင်ဆိုင်မှု၊ မြင်သာထင်သာရှိသော ပိုင်ဆိုင်မှု၊ သိမ်မွေ့နက်နဲသော ပိုင်ဆိုင်မှု၊ လည်ပတ်နိုင်သော ပိုင်ဆိုင်မှု နှင့် မလည်ပတ်နိုင်သော ပိုင်ဆိုင်မှုဆိုပြီး အဓိကအားဖြင့် ခွဲခြားထားပါတယ်။

တန်ဖိုးကြီးပိုင်ဆိုင်မှုပစ္စည်းတွေဖြစ်တဲ့ Jewelry, Art, Car, Cash, Household Furnishings, Vehicles, Bonds, Real Estate နဲ့ Pensions တွေကတော့ နိုင်ငံခြားမှာ အကျော်ကြားဆုံး Asset အနေနဲ့ နာမည်ကြီးပြီး ဒီ Asset များကို ဝယ်ယူ၊ ရောင်းချ၊ တန်ဖိုးမြှင့်တင်ပြီး Asset Management အနေနဲ့ လုပ်ငန်းစဥ်ပြုလုပ်လုပ်ဆောင်မှူများကို မြင်တွေ့နိုင်ပါတယ်။

ဒါပေမယ့် မြန်မာနိုင်ငံမှာ လက်ရှိ အသုံးပြုမှုအများဆုံးနဲ့ တန်ဖိုးအကြီးဆုံး Asset တွေဆိုရင်တော့ အထူးသဖြင့် Real Estate, Car နှင့် Jewelry အစရှိတာတွေပဲဖြစ်ပါတယ်။ လူကြီးမင်းတို့အနေနဲ့ ဒီလို တန်ဖိုးကြီး Asset တွေကို ပိုင်ဆိုင်ထားတယ်ဆိုရင်တော့ လာမယ့်အနာဂတ်မှာ နောက်ထပ်ကောင်းမွန်တဲ့ အခွင့်အရေးအသစ်တွေပေါ်ပေါက်လာနိုင်ကြောင်း သတင်းကောင်းပါးအပ်ပါတယ်။

လူကြီးမင်းတို့ ပိုင်ဆိုင်ထားတဲ့ Asset တွေကိုဘယ်လို တန်ဖိုးမြင့်ပြီး အမြတ်အများဆုံးရအောင်ဆောင်ရွက်သင့်လဲ? အခွင့်အရေးကောင်းတွေနဲ့ ကိုယ်ရဲ့ Asset ကို ဘယ်လိုပြုပြင်ထိန်းသိမ်းပြီး အဖိုးတန်အောင်ပြုလုပ်သင့်လဲဆိုတဲ့အကြောင်းကို နောက်လာမယ့် အပတ်မှာပြောပြပေးသွားမှာမို့လို့ Like and Follow လုပ်သွားဖို့မမေ့နဲ့နော်။

အခုလိုကြည့်ရူပေးတဲ့ လူကြီးမင်း များအားလုံးပျှော်ရွင်ချမ်းမြေ့တဲ့နေ့လေး ကိုပိုင်ဆိုင်ကြပါစေလို့ SENG Asset Management Company မှ ဆုမွန် ကောင်းတောင်းပေးလိုက်ပါတယ်။ 😊

26/01/2023

လူကြီးမင်းများအားလုံး မင်္ဂလာပါ။ SENG ရဲ့ Knowledge Sharing အစီအစဉ်ကနေ ပထမဦးစွာကြိုဆိုလိုက်ပါတယ်။ ဒီနေ့ပြောပြချင်တဲ့အရာကတော့ အိမ်ရောင်းမယ့်သူတိုင်း မရောင်းခင်မှာပြင်ဆင်ထားရမယ့် အချက် (၅) ချက်နဲ့ပက်သတ်ပြီး မျှေဝေပေးချင်တာပဲဖြစ်ပါတယ်။

(၁) အိမ်ကိုအလှဆုံးဖြစ်အောင်ပြုပြင်၊ ပြင်ဆင်ပါ
ဒါကတော့အရမ်းကို ရိုးရှင်းပါတယ်။ လှပတဲ့ အိမ်တစ်အိမ်ကိုမြင်တာနဲ့ လူတိုင်းစိတ်ဝင်စားတာ လူ့သဘာဝပဲဖြစ်ပါတယ်။ လူကြီးမင်းတို့အနေနဲ့လဲ အိမ်ရောင်းတော့မယ်ဆိုရင်လဲ ထိုနည်းတူ လူကြီးမင်းတို့ရဲ့ အိမ်လှပအောင်ပြင်ဆင်ဖို့လိုအပ်ပါတယ်။ ဒါမှ အိမ်ဝယ်သူတွေအနေနဲ့ ကိုယ့်အိမ်ကိုကြည့်တာနဲ့ ဝယ်ချင်စိတ်ရှိလာမှာပါ။ အဲ့တော့ လူကြီးမင်းတို့အနေနဲ့လုပ်ရမှာ အိမ်သန့်ရှင်းရေး အကောင်းဆုံးဖြစ်အောင်လုပ်ပါ၊ ဟောင်းပြီးအရောင်မထွက်တော့တဲ့ အိမ်နံယံအရောင်များကိုလဲ တန်ဖန်ပြန်ပြုပြင်ပြီး ဆေးတုတ်၊ အရောင်ဆိုးပါ။ တံခါး၊ ထိုင်ခုံ၊ အစရှိတဲ့ အိမ်မှာသန့်ရှင်းသန့်ရပ်မှု လိုအပ်နေတဲ့အရာအားလုံးကို ပြုပြုပြောင်းလဲပြီး အလှဆုံးနဲ့ အတောက်ပြောင်ဆုံးဖြစ်အောင် အိမ်ကိုအလှဆင်ရမှာပဲဖြစ်ပါတယ်။ ဒီလိုဆိုရင်တော့ လူကြီးမင်းတို့အိမ် အလှပဆုံးဖြစ်မှာသေချာပေါက်ဖြစ်ပြီး ဝယ်သူတွေအနေနဲ့လဲ ဝယ်ချင်စိတ်အပြည့်ရှိမှာ အသေချာပါပဲ။

(၂) အနံ့စမ်းသပ်မှု ပြုလုပ်ပါ
ဒီအချက်ကတော့ မသိမသာနဲ့ လူတော်တော်များများ သတိမထားမိတဲ့ အချက်ထဲမှာ ပါဝင်ပါတယ်။ အိမ်တစ်အိမ်ဟာအပြင်ပန်းကကြည့်ရင် အရမ်းကိုလှပသန့်ရှင်းနေပေမယ့် အိမ်အတွင်းကိုဝင်လိုက်ရင် ညစ်ညမ်းတဲ့အနံ့ဆိုးများရနေရင်တော့ ဝယ်ယူသူအနေနဲ့ အိမ်ကိုကြိုက်နေရင်တောင် မကောင်းတဲ့အနှံ့အသက်များရှိတာကြောင့် ဝယ်ယူချင်စိတ်မရှိတော့တဲ့အခြေအနေမျိုးကို ရောက်ရှိသွားနိုင်ပါတယ်။ ဘယ်အရာမဆို First Impression အရေးကြီးပါတယ်။ အဲ့မှာနေရာမှာစ Down လို့မဖြစ်ပါဘူး။ အဲ့ဒါကြောင့် အိမ်မီးဖိုချောင် မှထွက်ရှိတဲ့အနံ့၊ အိမ်မွေးတိရိစ္ဆာန်များရဲ့အနံ့ (သို့မဟုတ်) အနံ့ဆိုးများ ထွက်ရှိမှုကို သေချာအောင်သိရှိပြင်ဆင်နိုင်အောင် ကျွမ်းကျင်ပြီးအိမ်သန့်ရှင်းမှုကိုလုပ်နိုင်တဲ့ ပြင်ပအဖွဲ့ အစည်းကိုခေါ်ပြီး အိမ်ကိုသေချာကောင်းမွန်ပြီးသန့်ရှင်းပြီး သန်ရှင်းလန်ဆက်တဲ့ လေကောင်းလေသန့်များပြန်လည်ရရှိအောင် ပြင်ဆင်ဖို့ အကြံပေးလိုပါတယ်။

(၃) ကျွမ်းကျင်တဲ့ အိမ်ခြံမြေအကျိုးဆောင် ရှာဖွေပါ
ဒါကတော့အရေးအကြီးဆုံးအချက်ပါ လူကြီးမင်းတို့အနေနဲ့ အိမ်ရောင်းရန်ပဲဖြစ်ဖြစ် ဝယ်ယူရန်ပဲ ဖြစ်ဖြစ် ပထမဦးဆုံးအနေနဲ့ဆက်သွယ်ရတာက Real Estate Agent ပဲဖြစ်ပါတယ်။ အဲ့ဒါကြောင့် မလိုလားအပ်အပ်တဲ့ ပြသာနာတွေမဖြစ်ရအောင် ကိုယ်ရွေးချယ်လိုက်တဲ့ ကိုယ့်ရဲ့ Agent ဟာ ဒီနယ်ပယ်မှာအလုပ်ကိုကျွမ်းကျင်သူလား၊ Cleint တွေယုံကြည်ရတဲ့ Agent တစ်ယောက်လား ဆိုတာသိရှိဖို့လိုအပ်ပါတယ်။ လူကြီးမင်းတို့အနေနဲ့လည်း ဗဟုသုတရှိတဲ့ အိမ်ခြံမြေအေးဂျင့်ကိုရှာဖွေပြီး သုတေသန အချို့လုပ်ဖို့လိုအပ်ပါတယ်။ နောက်ပြီး ကိုယ်နဲ့သူနဲ့ ရောင်ဝယ်တဲ့အခါမှာ အံဝင်ခွင်ကျဖြစ်မဖြစ်ဆိုတာကို Agent ကိုသေချာအောင်အင်တာဗျူပြီးမှ နောက်ဆက်တွဲလုပ်ရမယ့်ကိစ္စတွေကို ဆက်လက်ဆောင်ရွက်သွားဖို့ တိုက်တွန်းလိုပါတယ်။

(၄) အိမ်ကိုအတောက်ပဆုံးနဲ့ အလင်းရောင်ကောင်း ပြင်ဆင်ထားပါ
ဒါကလည်းအရမ်းကို အရေးကြီးတဲ့အချက်ထဲမှာပါပါတယ်။ လူကြီးမင်းတို့အနေနဲ့ မိမိအိမ်ကို ရောင်းမယ်ဆိုရင် မီးရောင်အကောင်းဆုံး ပြင်ဆင်ထားဖို့လိုအပ်ပါတယ်။ မှီးအရောင် သေချာမမြင်ရပဲ မှောင်နေတဲ့အိမ်ဆိုရင် ဘယ်သူမှဝင်ပြီးကြည့်ချင်ကြမှာမဟုတ်ပါဘူး။ အဲ့ဒီအတွက် ကောင်းတဲ့မီးများကိုတက်ဆင်ပြီး ကြည်လင်လှပတဲ့အိမ်တစ်လုံးဖြစ်အောင်ဖန်တီးပြီးမှ Open House လိုပုံစံမျိုးလုပ်ဖို့အကြံပြုပါတယ်။ ဒါမှ အိမ်ကိုလာကြည့်တဲ့ ဝယ်ယူသူတွေက ကိုယ့်အိမ်ရဲ့အလှကိုသေချာရှင်းလင်းစွာမြင်နိုင်ပြီး ကြည်လင်တောက်ပတဲ့ လူကြီးမင်းတို့ရဲ့အိမ်ကို အကောင်းဆုံးရူထောင့်ကနေ မြင်နိုင်မှာပဲဖြစ်ပါတယ်။

(၅) ကိုယ်လျစ်လျူရှုမှုများကို ကိုင်တွယ်ဖြေရှင်းပါ
ဟုတ်ပါတယ်၊ အိမ်တစ်လုံးကိုရောင်းလိုက်ပြီဆိုတာနဲ့ ကိုယ့်ရဲ့ နောက်လူဝယ်ရင် အဆင်ပြေအောင် လုပ်ဆောင်ရမယ့်တစ်ချို့ အရာတွေရှိပါသေးတယ်။ ဥပမာအားဖြင့် ပြောရမယ်ဆိုရင် -
-ကျိုးပဲ့ပျက်စီးနေသာအပေါက်များကို ဖာထေးပေးတာ
-မီးပျက်နေတဲ့ မီးသီးများကို အစားထိုးပြုပြင်ပေးတာ
-ပျက်နေသောပြတင်းပေါက်များကို အဖွင့်အပိတ် သေချာအောင်စီစစ်ပြီး ပြုပြင်ပေးတာ
-အိမ်သာ၊ ရေချိုးခန်းနှင့် ရေချိုးခန်းများကဲ့သို့သော အဓိကအခြေခံအချက်များဖြစ်တဲ့ မီးဖိုချောင်သုံးပစ္စည်းများ နှင့် ရေချိုးခန်းသုံးကိရိယာများအားလုံးကို ကောင်းမကောင်းစစ်ဆေးပြီး ပြန်လည်ပြုပြင်ပေးတာ
အစရှိတာတွေပဲ ဖြစ်ပါတယ်။ ထိုသို့ပြုလုပ်ခြင်းအားဖြင့် ရောင်းသူရဲ့စေသနာကို အရာင်ပြန်ဟက်ပြီး ဝယ်သူရောင်းသူ နှစ်ဦးနှစ်ဖက် နားလည်မှုရရှိပြီး ပိုမိုမြန်ဆန်သော ရောင်းဝယ်မှုတစ်ခုဖြစ်မှုကို တစ်တောင့်တစ်နေရာကနေ အထောက်အကူပြုမယ်ဆိုတာ အသေအချာပါပဲ။

အခုပြောပြပေးခဲ့တဲ့အချက်တွေကတော့ အိမ်ရောင်းမယ်ဆိုတဲ့သူတိုင်း မရောင်းခင်မှာပြုလုပ်ရမယ့် အချက်များနဲ့ပက်သက်ပြီး ပြင်ဆင်ထားရမယ့်အချက်များကို မျှဝေပေးခဲ့တာပဲဖြစ်ပါတယ်။ ဒီနေ့ဒီအစီစဉ်ကနေ မျှဝေပေးချင်တာကတော့ ဒီလောက်ပါပဲ။ အခုလိုကြည့်ရူပေးတဲ့ လူကြီးမင်း များအားလုံးပျှော်ရွင်ချမ်းမြေ့တဲ့နေ့လေး ကိုပိုင်ဆိုင်ကြပါစေလို့ SENG Asset Management Company မှ ဆုမွန် ကောင်းတောင်းပေးလိုက်ပါတယ်။ 😊

22/01/2023

🏮Wishing you and your family a very Happy Lunar New Year🏮

20/01/2023

လူကြီးမင်းများကို SENG မှ အဓိကလုပ်ကိုင်ဆောင်ရွက်သွားမယ့် လုပ်ငန်းဆောင်တာများနဲ့ မိတ်ဆက်ပေးချင်ပါတယ်