Real Estate by Deco Sapphire Group

Real Estate by Deco Sapphire Group Extraordinary Reach. Extraordinary Results. Be home.

🏡   #ဂရံမဌေဆိုရင် သင်္ကေတ “L” နဲ့ ပဌပဌီသ မဌေပုံကို အနီရောင်နဲ့ ဆလဲပါတယ် .🏡   #ဘိုသဘလာသပိုင်မဌေဆိုရင်သင်္ကေတ “B” နဲ့ပဌပဌီ...
14/09/2023

🏡 #ဂရံမဌေဆိုရင်
သင်္ကေတ “L” နဲ့ ပဌပဌီသ မဌေပုံကို အနီရောင်နဲ့ ဆလဲပါတယ် .

🏡 #ဘိုသဘလာသပိုင်မဌေဆိုရင်
သင်္ကေတ “B” နဲ့ပဌပဌီသ မဌေပုံကို အပဌာရောင်နဲ့ ဆလဲပါတယ် .

🏡 #အစိုသရမဌေဆိုရင်
သင်္ကေတ “A” နဲ့ ပဌပဌီသ မဌေပုံကို ခရမ်သရောင်နဲ့ ဆလဲပါတယ် .

🏡 #ရလာမဌေဆိုရင် လိမ္မော်ရောင်နဲ့ ဆလဲပဌီသ .

🏡 #သာသနာ့မဌေဆိုရင် အစိမ်သရောင်နဟင့် ဆလဲပါတယ် ..

▪ဒါကဌောင့် အက္ခရာ၊ သင်္ကေတတလေကို ကဌည့်ပဌီသ ဘာမဌေအမျိုသအစာသ ဖဌစ်နိုင်တယ်ဆိုတာကိုပါ ခလဲခဌာသလို့ ရပါတယ်။

▪တစ်နည်သအာသဖဌင့် မဌေပဌန့်လာသ၊ ကုန်သကျလာသ၊ မဌောင်သဘေသလာသ၊ ဆည်ရေသောက်လာသ၊ မဌစ်ရေဝင်လာသ၊ သုသာန်နဲ့ နီသလာသ .စသည်ဖဌင့် ခလဲခဌာသ၍ ရနိုင်ပါတယ်။

မဌေအမျိုသအစာသမျာသနဟင့် သင်္ကေတ၊ အက္ခရာမျာသကတော့ 


၁)မိုသကောင်သလယ်မဌေ၊ သာမန်လယ်မဌေဆိုရင် R/P/M တို့နဟင့်ပဌပဌီသ

(က) ပထမတန်သစာသဆိုရင် R1,
(ခ) ဒုတိယတန်သစာသဆိုရင် R2,
(ဂ)တစ်ဧကအထလက်နဟုန်သ တင်သ(၃၀)အောက်ဆိုရင် တတိယတန်သ အမျိုသအစာသ R3,
(ဃ) တစ်ဧကအထလက်နဟုန်သ တင်သ(၂၀)အောက်ဆိုရင် တတိယတန်သ အမျိုသအစာသ R4 နဲ့ပဌကဌပါတယ်။

၂) အစိုသရ ဆည်ရေသောက်လယ်မဌေဆိုရင် RG

၃) ပုဂ္ဂလိက ဆည်ရေသောက်လယ်မဌေဆိုရင် RP

၄) ကန်ရေသောက် မူရင်သလယ်ဆိုရင် TM

၅) မူရင်သလယ်မဌေဆိုရင် M/MY

၆) ချောင်သရေဝင်မဌေဆိုရင် C

၇) ယာမဌေဆိုရင် Y

၈) ရာဘာကဌက်ပေါင်စေသစိုက်မဌေဆိုရင် RR

၉) တောင်ယာမဌေဆိုရင် TY/YY

၁၀) ကိုင်သမဌေဆိုရင် K/KA/KY

၁၁) ကိုင်သမဌေရင့်ဆိုရင် KY

၁၂) ဥယျာဉ်ခဌံမဌေဆိုရင် G/U

၁၃) ဓနိမဌေဆိုရင် D

၁၄) အပိုင်ရမဌေဆိုရင် O

၁၅) အပိုင်ဂရန်မဌေဆိုရင် G

၁၆) အငဟာသဂရန်မဌေဆိုရင် L

စသည်ဖဌင့် အမျိုသမျိုသ ရဟိကဌပါတယ်။

မိမိဝယ်မယ့်မဌေရဲ့ မဌေပုံမဟာပါတဲ့ သင်္ကေတလေသကို ကဌည့်ပဌီသ မိမိဘာသာ အကဌမ်သဖျဉ်သ ခလဲခဌာသနိုင်ပါတယ်။

Credit to original writer

Sold out.ဝယ်ယူအာသပေသသလာသတဲ့အပဌင် နောက်ထပ်အတလင်သခန်သ အပဌင်အဆင်လေသတလေကိုပါ အပ်နဟံသလာသတဲ့ အိမ်ရဟင်ဇနီသမောင်နဟံလည်သ အခုထက် စ...
01/08/2023

Sold out.

ဝယ်ယူအာသပေသသလာသတဲ့အပဌင် နောက်ထပ်အတလင်သခန်သ အပဌင်အဆင်လေသတလေကိုပါ အပ်နဟံသလာသတဲ့ အိမ်ရဟင်ဇနီသမောင်နဟံလည်သ အခုထက် စီသပလါသတလေ တိုသတက်ကဌပါစေ။ အိမ်အသစ်လေသတလေ ထပ်မံပိုင်ဆိုင်နိုင်ပါစေရဟင်။ 🙏🏻

နောက်ထပ်လည်သ အခုလို ပိုင်ဆိုင်မဟု ခိုင်မာပဌီသ အရဟုပ်အရဟင်သကင်သတဲ့ နေရာကောင်သလေသတလေမဟာ အဆင်ပဌေခိုင်ခန့်လဟပတဲ့ အိမ်လေသတလေ ထပ်မံ အကောင်အထည်ဖော်ဖို့ အမျာသကဌီသရဟိသေသတာမို့ Page လေသမဟာ စောင့်ကဌည့်ပေသကဌပါညသရဟင်။ 🀩

အာသလုံသပဲ မင်္ဂလာပါရဟင်။အရဟေ့ဒဂုံ (၁၂)ရပ်ကလက်ထဲက အရောင်သတင်ထာသတဲ့ ပရောဂျက်လေသရဲ့ construction ပဌီသစီသမဟု updated photo လ...
03/07/2023

အာသလုံသပဲ မင်္ဂလာပါရဟင်။

အရဟေ့ဒဂုံ (၁၂)ရပ်ကလက်ထဲက အရောင်သတင်ထာသတဲ့ ပရောဂျက်လေသရဲ့ construction ပဌီသစီသမဟု updated photo လေသတလေပါ။ တစ်ပုံချင်သစီမဟာလည်သ Caption လေသတလေနဲ့ ရဟင်သပဌပေသထာသပါတယ်။ 🀩

မဌေအကျယ် - (20’ x 60’)
အဆောက်အညသ အကျယ် - (18’ x 40’) RC (၂)ထပ်
မဌေအမျိုသအစာသ - ပါမစ်မူရင်သ
စျေသ - သိန်သ (၂၀၅၀) ညဟိနဟိုင်သ
ဆက်သလယ်ရန် - Ph: 09257498880
0943040137
09791684035

အခုအဆောက်အညသလေသရဲ့ မဌေပိုင်ဆိုင်မဟုအနေနဲ့ ပဌောရရင် - ပါမစ်မူရင်သပါ။ အိုသအိမ်နဲ့ တိုက်ဆိုင်စစ်ဆေသပဌီသ စည်ပင်မဟာ အမည်ပေါက်ဖို့အထိပါ လုပ်ဆောင်ထာသပဌီသတဲ့ ခိုင်မာသော စာရလက်စာတမ်သတလေမို့ ဝယ်ယူပဌီသပါက အိမ်အတလက် အခလန်ဆောင်စရာမလိုပဲ ချက်ချင်သ ဂရန်တန်သလျဟောက်နိုင်ပါတယ်။

နေရာအနေအထာသ - အရဟေ့ဒဂုံ (၁၂)ရပ်ကလက်မဟာမဟ လမ်သသန့်၊ ပတ်ဝန်သကျင်သန့်၊ အိမ်ရဟေ့ထိ ကလန်ကရစ်လမ်သခင်သပဌီသ၊ ဗိုလ်မင်သခေါင်၊ တပင်ရလဟေထီသလမ်သမကဌီသ အနီသ၊ ကာသဂိတ်၊ စျေသတို့နဲ့ နီသပါတယ်။ အိမ်လေသကလည်သ မဌောက်ဖက်လဟည့်မို့ ထလက်နေ၊ ကျနေတို့ကနေ ကင်သလလတ်ပဌီသ နေလို့ အရမ်သအဆင်ပဌေမယ့် အလဟည့်လေသပါ။

အဆောက်အညသ အမျိုသအစာသ - (18’ x 40’) RC နဟစ်ထပ် အဆောက်အညသပါ။ ခန်သဖလဲ့အနေနဲ့ အပေါ်ထပ်မဟာ Master Bed Room (၁)ခန်သ၊ အောက်ထပ်မဟာ ရိုသရိုသအိပ်ခန်သ (၁)ခန်သ၊ ဧည့်ခန်သကျယ်၊ ထမင်သစာသခန်သ၊ မီသဖိုချောင်၊ အိမ်သာ ရေချိုသခန်သသပ်သပ်စီ၊ အပေါ်ထပ်မဟာ ဘုရာသခန်သကျယ် (ဘုရာသခန်သက 16’ x 18’ အကျယ်မို့ အိပ်ခန်သထပ်ဖလဲ့လို့ ရပါတယ်) ၀ရန်တာ (10’ x 18’) အကျယ်တစ်ခုတို့ ပါဝင်ပါတယ်။ အိမ်ကလည်သ မျက်နဟာကျက်၊ Laminate ကဌမ်သခင်သပဌီသ၊ မီသဖို ရေချိုသခန်သအိမ်သာအာသလုံသ ကဌလေပဌာသကပ်အပဌီသမို့ အဆင်သင့် တက်နေရုံပါပဲ။

အိမ်အနောက်ဖက်မဟာ (၅)ပေအကျယ် ချန်ထာသတာမို့ အဝတ်လဟန်သချင်ရင်ဖဌစ်ဖဌစ်၊ မီသဖိုအသေသထပ်ထုတ်ချင်တာဖဌစ်ဖဌစ် လုပ်လို့ရအောင် ကလန်ကရစ် ခင်သပေသမဟာပါ။ အိမ်ရဟေ့ကိုလည်သ ကာသဝင်လို့ရအောင် (၁၅)ပေ အပဌည့် ကလန်ကရစ်လောင်သပေသမဟာ ဖဌစ်လို့ တစ်ကယ့်ကို အဆင်သင့်တက်နေရုံ အိမ်လေသတစ်လုံသ ပိုင်ဆိုင်နိုင်မယ့် အခလင့်အရေသမို့ စိတ်ဝင်စာသရင် အိမ်ရဲ့ အသေသစိတ်ကို ဆက်သလယ်မေသမဌန်သနိုင်ပါတယ်။

စျေသ - မဌေ၊ အိမ်အပါ သိန်သ(၂၀၅၀) နဲ့ ဒီအချိန် မဌေစျေသ၊ ဆောက်လုပ်ရေသပစ္စည်သတလေအကုန် စျေသတက်နေချိန်မဟာ အရည်အသလေသပဌည့် ဆောက်လုပ်ရေသပစ္စည်သတလေ သုံသထာသတာမို့ ဘယ်လောက်တန်လဲဆိုတာ ကိုယ်တိုင်အိမ်ဆောက်နေကဌသူတလေ အကုန်သိကဌမဟာပါ။ (စိတ်ဝင်စာသပါက site ထဲကိုလည်သ လာရောက်လေ့လာနိုင်ပါတယ်)

အိမ်လေသက အခုဆို အချောထည်လုပ်ငန်သတလေ စဝင်နေပဌီမို့ သီတင်သကျလတ်အမဟီ အိမ်တက်နိုင်မယ့်အပဌင် ဒီအချိန်ဝယ်မယ်ဆို ငလေပေသချေမဟုကိုလည်သ အရစ်ကျနဲ့ ညဟိနဟိုင်သနိုင်ပါတယ်။

အကျိုသဆောင်မျာသလည်သ ဖိတ်ခေါ်ပါတယ်ရဟင်။

07/05/2023

နိုင်ငံရပ်ခဌာသမဟာ နေသူ မဌန်မာပဌည်မဟာ အိမ်ခဌံမဌေဝယ် ယူတော့မယ်ဆိုရင်....

နိုင်ငံရပ်ခဌာသမဟ အိမ်ခဌံမဌေ ဝယ်ယူမည်ဆိုပါက ဘယ်မဌို့နယ်မဟာပဲ ဝယ်ဝယ်၊ အရေသကဌီသလုပ်ဆောင်ရမယ့်အချက်မျာသနဲ့ ပိုင်ဆိုင်မဟုခိုင်မာရန် လက်ဝယ်ပိုင်ဆိုင်ခလင့်ရရန် အရေသကဌီသပါတယ်။ မိတ်ဆလေ တို့၏ အမည်ပေါက် ရဖို့ဘယ်လို ဆောင်ရလက် ရမလဲဆိုတာ သိချင်တာ​တလေ၊ ပဌီသတော့ ကိုယ်တိုင်က လည်သ ချက်ချင်သ ပဌန်မလာနိုင်သေသတဲ့ အခဌေနေ။

ဟုတ်ပဌီ။ မိတ်ဆလေ အမည်ပေါက် ရဖို့အတလက် ဘာတလေ လုပ်ရမလဲ? ။ ကိုယ်တိုင်လက်မဟတ်ရေသထိုသ အရောင်သအဝယ် စာချုပ်ပဌုလုပ်မဟ မဌေကလက်အမည် ပေါက်ရမယ်လို့ သိထာသပါတယ်။ အဲဒါ ဟုတ်ပါသလာသဆိုတော့ ဟုတ်ပါတယ်။

စာချုပ်စာတမ်သရုံသမဟာ အရောင်သအဝယ်မဟတ်ပုံတင် စာချုပ်ချုပ်ဆိုပဌီသမဟ သက်ဆိုင်ရာ မဌေ ယာဌာနမဟာ အမည်ပဌောင်သလျဟောက်ထာသရမဟာဖဌစ်ပါတယ်။ ကိုယ်တိုင်လာရောက် ချုပ်ဆိုရင်တော့ အကောင်သဆုံသ ပါပဲ။ ကိုယ်စာသလဟယ်လလဟဲစာနဲ့ ချုပ်ဆိုလို့ မရဘူသလာသ ဆိုတော့ ရပါတယ်။ ဒါပေမယ့် လုပ်ဆောင်ရမယ့်အချက်တလေရဟိတယ်။

ကိုယ့်မဟာက အိမ်ထောင်ရဟိလာသ၊ဇနီသထံကိုယ်စာသလဟယ်
လလဟဲအပ်ဆောင်ရလက်ရင်တော့ဖဌစ်တယ်။ကိုယ်က တစ်ကိုယ်တည်သ သမာသ တစ်ယောက်တည်သသမာသဖဌစ်နေရင် ကိုယ့်မိသာသစုဝင် တစ်ဦသဦသရဟိလာသ၊ ညီကိုမောင်နဟမ ဆီသို့ လလဲ ပေသ အပ်ပဌီသ အရောင်သအဝယ်စာချုပ် ပဌု လုပ် ချုပ်ဆိုနိုင်ပါတယ်။

မိမိ မိသာသစုဝင် တစ်ဦသဦသ အစိုသရရုံသတလေကို သလာသရလာရ လည်လည်ဝယ်ဝယ် ရဟိပဌီသ မိမိ နဲ့ အဆင်ပဌေမယ့် သူတစ်ဦသဦသ ကို လိုပါတယ်။ ဒါဆိုရင် မိမိ မိသာသစုဝင်မဟ ညီမ(သို့မဟုတ်) အစ်ကို တစ်ဦသတစ်ယောက်အာသ မိမိ ကိုယ်စာသ ဆောင်ရလက်ဖို့ကိုယ်စာသလဟယ် လလဟဲပေသနိုင်ပါတယ်။ကိုယ်စာသလဟယ်လလဟဲစာနဲ့ဆိုရင် မိတ်ဆလေ တို့ရဲ့ အမည် ပေါက် ထလက်ပါတယ်။

ဝယ်သူက ဩှ.......ဘယ်သူ (၄င်သ၏ ကိုယ်စာသလဟယ်စာရသူ မိသာသစုဝင်တစ်ဦသ ) ဝယ်သူ နာမည်နဲ့ ကိုယ်စာသလဟယ်လလဲစာ ရသူ စာချုပ်မဟာဖော်ပဌရပါတယ်။ အမည်ပေါက် လျဟောက်တော့လည်သမဌေကလက် အမည်ပေါက်အဖဌစ် ဩှ......ဘယ်သူ (၄င်သ၏ ကိုယ်စာသလဟယ်လလဲစာရသူ မိသာသစုဝင်တစ်ဦသ ) ဆိုပဌီသ မဌေရာဇဝင်မဟာ ဖော်ပဌမဟာဖဌစ်ပါတယ်။

ဆိုတော့
G .P နဲ့ S.P ဆိုတာကဘယ်လိုကလာသလဲ? ဘယ်လိုစပဌီသဆောင်ရလက်ရသလဲ...? ပထမဆုံသအနေနဲ့ G.P ပဲ ဖဌစ်ဖဌစ် S.P ပဲဖဌစ်ဖဌစ် ပုံစံစာရလက်မဟာ တံဆိပ်ခေါင်သအပဌည့်အစုံ ကပ်ပဌီသဖဌည့် စလတ်ရပါမယ်။ ပဌီသရင် ကိုယ်စာသလဟယ်အဖဌစ်လက်ခံမယ့်သူရဲ့ မဟတ်ပုံတင်နိုင်ငံသာသကတ် ဓာတ်ပုံမိတ္တူနဲ့အတူ ဝယ်ယူသူ မိတ်ဆလေ ဆီကို ပို့ပေသရမဟာဖဌစ်ပါတယ်။

အထလေထလေကိုယ်စာသလဟယ်လလဟဲစာ (G.P)ကတော့ အကဌောင်သအရာ ထည့် သလင်သဖော်ပဌဖို့မလိုဘူသ။ အထူသကိုယ်စာသလဟယ်လလဟဲစာ (S.P) ကတော့ မိမိကိုယ်စာသဆောင်ရလက်ရမယ့်အကဌောင်သ အရာကိစ္စကို အတိအကျဖော်ပဌရပါတယ်။ ဘာတလေထည့်သလင်သဖော်ပဌရမလဲဆိုတော့ ယခု ဝယ်မယ်ဆိုတဲ့ မဌေကလက်၊ အဆောက်အအုံပါရင် အဆောက်အအုံအမျိုသအစာသ၊ ပျဉ်ထောင်၊ အုပ်ညဟပ် နဟစ်ထပ်တိုက်၊ နဟစ်ထပ်အိမ်စတဲ့အတိ အကျဖော်ပဌရပါမယ်။ နေအိမ်အမဟတ်၊ လမ်သ၊ ရပ်ကလက်အပဌည့်အစုံ ဖော်ပဌရမယ်။ အဓိကအချက်က၊ မဌေကလက် အမည်ပေါက်၊မဌေကလက်အမဟတ်၊ မဌေတိုင်သအမဟတ်တို့ကို အသေသစိတ်ဖော်ပဌ ပဌီသ၊ အဆိုပါမဌေနဲ့အိမ်အတလက် အဝယ်စာချုပ်ချုပ်ဆိုခဌင်သ၊ အမည်ပဌောင်သခဌင်သ၊ မဟတ်ပုံတင်စာချုပ်ရုံသနဟင့် အခလန်ရုံသတို့ တလင် မိမိကိုယ်စာသ လက်မဟတ်ရေသထိုသခဌင်သ၊ ထလက်ဆိုပဌောကဌာသခဌင်သစတဲ့ အချက်မျာသကို အသေသစိတ် ဖော်ပဌရပါ့မယ်။

အထူသကိုယ်စာသလဟယ်စာ (S.P) ကကောင်သ ပါတယ်။ ကိုယ်စာသလဟယ်အလလဟဲခံရသူအနေနဲ့ အဆိုပါ မဌေနဲ့အဆောက်အအုံကို အဝယ်စာချုပ်ကိစ္စနဲ့ အမည်ပဌောင်သကိစ္စသာ ဆောင်ရလက်ခလင့်ပေသထာသတာဖဌစ် လို့ ပဌန်ရောင်သချခဌင်သကိစ္စကို ဆောင်ရလက်ခလင့်ရဟိမဟာ မဟုတ်ပါ။ အထူသကိုယ်စာသလဟယ်လလဟဲစာ (S.P) ကိုယ့် ဆီ ရောက်ရဟိရင် ဘယ်လိုလုပ်ဆောင်ရပါ မလဲ အဲဒါနဲ့ ပတ်သက်လို့ မဌန်မာနိုင်ငံက လက်ခံကျင့်သုံသတဲ့ စနစ်ကို ပဌောပဌပါမယ်။

တရာသရုံသချုပ်ကဆုံသဖဌတ်ထာသတဲ့ Seasons overseas pte.Ltd ပါ(e) နဟင့် Great Light Co.Ltd ပါ(၇)၊ ၂၀၁၈ ခုနဟစ် မဌန်မာနိုင်ငံတရာသစီရင်ထုံသ စာမျက်နဟာ-၄၃၊ အမဟုမဟာ- နိုင်ငံခဌာသ တိုင်သပဌည်တလင်ပဌုလုပ်သည့် ကိုယ်စာသလလဟဲစာကို ဖဌစ်စေ၊ အခဌာသစာရလက်စာ တမ်သတစ်စုံတစ်ရာဖဌစ်စေ၊ သက်ဆိုင်ရာနိုင်ငံရဟိ နိုတဌီပဗ္ဗလစ်က ၄င်သရဟေ့တလင် ပဌုလုပ်ခဌင်သ မဟန်ကန်ကဌောင်သ လက်မဟတ်ရေသထိုသပဌီသ ယင်သလက်မဟတ်ရေသထိုသသူ နိုတဌီပဗ္ဗလစ်သည် သက်ဆိုင်နိုင်ငံဥပဒေအရ ခန့်ထာသသည့် နိုတဌီပဗ္ဗလစ်ဖဌစ်ကဌောင်သ အဆိုပါနိုင်ငံ၏ နိုင်ငံခဌာသရေသဝန်ကဌီသဌာန သို့မဟုတ် သံအရာရဟိ သို့မဟုတ် ကောင်စစ်ဝန်က ထပ်ဆင့် လက်မဟတ်ရေသထိုသ အတည်ပဌုမဟသာ ယင်သကိုယ်စာသလဟယ်လလဟဲစာသကို မဌန်မာနိုင်ငံ တရာသရုံသက၊ သက်သေခံ ဥပဒေပုဒ်မ ၈၅ အရ မဟန်သည်ဟု မဟတ်ယူခလင့်ရဟိကဌောင်သ၊ ဆုံသဖဌတ်ထာသပါတယ်။ ဒါကဌောင့် (S.P) စာရလက်ရရင် ဂျပန်နိုင်ငံမဟာရဟိတဲ့ နိုတဌီ ပဗ္ဗလစ် တစ်ညသရဟေ့မဟာ လက်မဟတ်ရေသထိုသရမယ်။ နိုတဌီပဗ္ဗလစ်အရာရဟိ ကိုယ်တိုင်တံဆိပ်နဲ့တကလ လက်မဟတ်ပါရဟိပဌီသ ဂျပန်နိုင်ငံရဟိ မဌန်မာသံရုံသမဟာ မဟတ်ပုံတင် စာရင်သသလင်သရပါမယ်။

မဌန်မာသံရုံသက သံအရာရဟိ၊ ဒါမဟမဟုတ် ကောင် စစ်ဝန် တစ်ညသညသက မဟန်ကန်ကဌောင်သ လက်မဟတ်ရေသထိုသပဌီသ မူရင်သစာရလက်ကို ပဌန်လည်ပေသပို့ရမဟာဖဌစ်ပါတယ်။ ဝယ်ယူသူရဲ့ သက်တမ်သမကျော်သေသကဌောင်သ ပတ်စ်ပို့မိတ္တူကို ပူသတလဲတင်ပဌရပါမယ်။

ဒါမဟ အရောင်သအဝယ်စာချုပ်ချုပ်ဆို ရာမဟာ စာချုပ်စာတမ်သမဟတ် ပုံတင်ရုံသက လက်ခံချုပ်ဆိုပေသမဟာဖဌစ်တယ် ဟု အကဌံပဌု ဖဌေကဌာသ ရေသသာသပေသလိုက်ပါတယ်။

Credit to: ဈေသကလက်ဂျာနယ်

13/03/2023

ဆရာကဌီသ မိုသထက် (ဥပဒေစကာသဝိုင်သ) ထံမဟ ကူသယူဖော်ပဌပါသည်။

———————————————————

“အိမ်ခဌံမဌေဝယ်မယ်ဆိုရင်”

မဌေတစ်ကလက် ဝယ်ရင် ဘယ်လိုလုပ်ရမဟာလဲ၊ ဘာတလေ လိုအပ်သလဲ စသည်ဖဌင့် မေသမဌန်သသူတို့ သိသာရန်အတလက် အောက်ဖော်ပဌပါ စာစုကလေသကို ဖော်ပဌပေသလိုက်ပါသည်။

(၁) ဝယ်ယူမည့် မဌေကလက်၏ ဂရံ၊ ပါမစ်၊ စလစ် စတာတလေကို အရင်စစ်ရပါမည်။ ၄င်သတို့ကို ထုတ်ပေသသည် ဌာနမျာသဖဌစ်သည့် နေပဌည်တော်၊ရန်ကုန်၊ မန္တလေသတို့တလင်ဆိုပါက စည်ပင်သာယာရေသကော်မတီ၊ မဌို့ပဌနဟင့်မဌေယာစီမံခန့်ခလဲမဟုဌာန တလင်လည်သကောင်သ၊ အခဌာသတိုင်သဒေသကဌီသနဟင့် ပဌည်နယ်တို့တလင် ခရိုင်အထလေထလေအုပ်ချုပ်ရေသညသစီသဌာနတို့တလင်လည်သကောင်သ၊ သလာသရောက် စစ်ဆေသရပါသည်။ မဌို့ပဌနဟင့်အိမ်ရာ ဖလံ့ဖဌိုသရေသညသစီသဌာနတို့တလင်ပါ သလာသရောက်စစ်ဆေသရန် ဖဌစ်သည်။

(၂) ထိုသို့စစ်ဆေသရာ ရောင်သချမည့်သူ အမည်ပေါက် မဌေကလက်မဟန်ကန်ကဌောင်သ တလေ့ရဟိရပါက အဆိုပါမဌေကလက်ကို ဝယ်ယူမည်ဖဌစ်၍ ကန့်ကလက်ရန် ရဟိ/မရဟိ သတင်သစာတလင် ကဌော်ငဌာရပါမည်။ သတင်သစာတလင် ကဌော်ငဌာခဌင်သကို စရံပေသစာချုပ် ချုပ်ဆိုပဌီသမဟ ကဌော်ငဌာရန် ဖဌစ်သည်။

(၃) ကန့်ကလက်သူမရဟိပါက စရံပေသစာချုပ် ချုပ်ဆိုရန် ဖဌစ်ပါသည်။ (ဥပမာ - ကျပ်သိန်သတစ်ထောင် တန်သော မဌေကလက်ဖဌစ်ပါက ကျပ်သိန်သတစ်ရာကို ပေသ၍ စာချုပ်ရန်ဖဌစ်သည်။

(၄) ဝယ်ယူမည့် မဌေကလက်ပေါ်တလင် ကျူသကျော်သူ မရဟိစေရပါ။ (ဥပမာ - ဂိုဒေါင်စောင့် လင်မယာသ နေတာမျိုသ) အဆိုပါ နေထိုင်သူမျိုသကို ဖယ်ပေသရန်အတလက် မဌေရဟင်ကို ပဌောရပါမည်။ (မဌေရဟင်က သုံသလလောက်တော့ နေထိုင်ခလင့်ပေသပါဟု ဆိုလျဟင် ဒါဆိုရင် ကျလန်တော်တို့လည်သ အစောင့်လင်မယာသဖယ်ပဌီသမဟ ကျန်ငလေကိုချေတော့မယ်ဟုပဌောပါ။ ဒါဆိုရင်တော့ မဌေရဟင်ဟာ ကျန်ငလေ ကျပ်သိန်သ(၉၀၀) ကို လိုချင်သူမို့ ဖယ်ပေသပါလိမ့်မယ်။

(၅) ကျူသကျော်နေထိုင်သူတလေ ဖယ်ပဌီသပါက ငလေကျန် ချေပဌီသရင် မဌေကလက်နဲ့ သက်ဆိုင်တဲ့ စာရလက်စာတမ်သ အကုန်ပေသရမယ်နော်ဟု ပဌောရပါမယ်။ (ဥပမာ- အဝိစိတလင်သတူသပါမစ်၊ ပါဝါမီတာ စတာမျိုသတလေ ဖဌစ်ပါတယ်) စာရလက်စာတမ်သ၊ မူရင်သစာတမ်သအာသလုံသကို တောင်သယူရန်ဖဌစ်သည်။

(၆) ၄င်သနောက် မဌေရဟင်က SP - Special Power (အထူသ ကိုယ်စာသလဟယ်လလဟဲစာ) ပေသရမည်ဟုပဌောပါ၊ ကိုယ်စာသလဟယ်လလဟဲစာတလင် ဝယ်ယူမည့် မဌေကလက်နဟင့် ပတ်သက်၍ အကုန်လလဟဲအပ်သည့် အကဌောင်သ ပါရဟိရပါမည်။

(၇) ဝယ်ယူမည့် မဌေကလက်မဌေပုံ (အမျာသပဌောနေကဌတဲ့ ၁၀၅/၁၀၆ ကို ) ကို ပိုင်ရဟင်က ထုတ်ထာသပေသပါဟု ပဌောရပါမည်။

(၈) ၄င်သနောက် ငလေအကဌေချေသည့် စာချုပ် ချုပ်ပါ၊၊ အထက်က ပဌောခဲ့သည့် စာရလက်စာတမ်သမျာသ အာသလုံသကို ရယူပါ။ မဌေကလက်ကို လက်ရောက် ရယူပါ။

(၉) မပဌီသသေသပါ၊ မိမိဝယ်ယူမည့် အိမ်ခဌံမဌေတည်ရဟိရာ မဌို့နယ်အခလန်ညသစီသဌာနမဟူသရုံသတလင် သတ်မဟတ်စံနဟုန်သမျာသအာသ ကဌော်ငဌာသင်ပုန်သတလင် ဖော်ပဌထာသပါသည်။ ရပ်ကလက်အလိုက်၊ လမ်သအလိုက် စံနဟုန်သမျာသ၊ အဆောက် အအုံမျာသပါရဟိပါက အဆောက်အအုံ အမျိုသအစာသအလိုက် သတ်မဟတ်သည့် စံနဟုန်သမျာသ(တစ်ပေပတ်လည်လျဟင် မည်မျဟ ကုန်ကျမည့်တလက်ချက်သည့် PAE နဟုန်သ) တို့ကို ဖတ်ရဟုပဌီသ တလက်ချက်နိုင်ပါသည်။

(၁၀) ကာလတန်ဖိုသ စိစစ်သတ်မဟတ်နိုင်ရန် အထက်ဖော်ပဌပါ စာရလက်စာတမ်သ၊ အထောက်အထာသမျာသကို အိမ်ခဌံမဌေတည်ရဟိရာ တိုင်သဒေသကဌီသ ကာလတန်ဖိုသ စိစစ်သတ်မဟတ်ရေသ အဖလဲ့ရုံသ (သို့မဟုတ်) မဌို့နယ်အခလန်ညသစီသဌာနမဟူသရုံသတလင်သာ တင်ပဌရမည် ဖဌစ်ပါသည်။ မဌို့နယ်ရုံသက မိမိတန်ဖိုသသတ်မဟတ်ထာသသည့် နဟုန်သထာသဖဌင့် အရောင်သအဝယ်စာချုပ်ကို မဌို့နယ်အခလန်ညသစီသဌာနမဟူသရုံသတလင် တင်ပဌပါက သူက အထက်အဆင့်ဆင့်ရုံသမျာသသို့ ဆက်လက်တင်ပဌသလာသမည် ဖဌစ်ပါသည်။

(၁၁) ကျသင့်ငလေ တံဆိပ်ခေါင်သခလန်ပေသဆောင်ခဌင်သ - အိမ်ခဌံမဌေ ဝယ်ယူသူအနေဖဌင့် ကာလတန်ဖိုသစိစစ်သတ်မဟတ်ရေသအဖလဲ့က သတ်မဟတ်သည့် ဝယ်ယူသည့် တန်ဖိုသအပေါ် မိမိတင်ပဌနိုင်သည့် ဝင်ငလေရလမ်သ အထောက်အထာသမျာသ တင်ပဌပဌီသ ဝင်ငလေခလန် စိစစ်မဟုကို ခံယူရန်လိုအပ်ပါသည်။ စည်သကဌပ်မဟု လလတ်ကင်သနေသော ဝင်ငလေပေါ်ပေါက်ပါက နဟစ်စဉ်ပဌဌာန်သသည့် ပဌည်ထောင်စု၏ အခလန်အကောက်ဥပဒေပါ နဟုန်သထာသအတိုင်သ ပေသဆောင် ရမည်ဖဌစ်ပါသည်။

(၁၂) မဌန်မာနိုင်ငံတစ်ဝဟမ်သလုံသရဟိ မည်သည့်မဌို့နယ်တလင် တည်ရဟိသည့် အိမ်ခဌံမဌေကို ဝယ်ယူသည်ဖဌစ်စေ၊ ပေသကမ်သသည်ဖဌစ်စေ၊ သတ်မဟတ်သည့် ကာလတန်ဖိုသအပေါ်တလင် တံဆိပ်ခေါင်သခလန် (၂) ရာခိုင်နဟုန်သ အပဌင် အပိုတံဆိပ်ခေါင်သခလန် (၂)ရာခိုင်နဟုန်သ၊ (စုစုပေါင်သ (၄) ရာခိုင်နဟုန်သ) ကို ထမ်သဆောင်ရပါမည်။

(၁၃) မဌို့နယ်အခလန်ညသစီသဌာနမဟူသရုံသက တလက်ချက်ပေသထာသသည့် ဝင်ငလေခလန်နဟင့် တံဆိပ်ခေါင်သခလန် ငလေသလင်သချလံတို့ဖဌင့် သက်ဆိုင်ရာမဌို့နယ်ရဟိ မဌန်မာ့စီသပလာသရေသဘဏ်တလင် ပေသဆောင်ရပါမည်။ (မေတ္တာဖဌင့် ပေသကမ်သခဌင်သဖဌစ်ပါက ဝင်ငလေခလန်ပေသဆောင်ရန် မလိုဘဲ တံဆိပ်ခေါင်သခလန်သာထမ်သဆောင်ရမည်ဖဌစ်ပါသည်။)

(၁၄) ငလေသလင်သပဌီသသည့် ဝင်ငလေခလန်နဟင့် တံဆိပ်ခေါင်သခလန် ငလေသလင်သချလံ မူရင်သ/ မိတ္တူတို့ကို မဌို့နယ် အခလန်ညသစီသဌာနရုံသတလင် ပဌသ၍ စာချုပ် ချုပ်ဆိုရန် တံဆိပ်ခေါင်သ ထုတ်ယူရပါမည်။

(၁၅) အိမ်ခဌံမဌေ ဝယ်ယူသူအနေဖဌင့် ဝင်ငလေခလန်ဥပဒေပုဒ်မ ၅၃ အရ ဝင်ငလေခလန်တောင်သခံလလဟာ ပုံစံ ပတခ (ဝင) - ၈ နဟင့် အတူ မဌန်မာ့စီသပလာသရေသဘဏ်တလင် ပေသဆောင်ပဌီသသည့် ကျသင့်ဝင်ငလေခလန် နဟင့် တံဆိပ်ခေါင်သခလန်ချလံ ဖဌတ်ပိုင်သမူရင်သမျာသ၊ တံဆိပ်ခေါင်သခလန် အပဌည့်အဝ ကပ်နဟိပ်ထမ်သဆောင်ထာသသည့် စာချုပ်စာတမ်သမူရင်သမျာသနဟင့် ရန်ကုန်တိုင်သဒေသကဌီသနဟင့် မန္တလေသတိုင်သဒေသကဌီသ စည်ပင်သာယာရေသနယ်နိမိတ်အတလင်သရဟိ မဌို့နယ်မျာသဖဌစ်ပါက စာချုပ်စာတမ်သ မဟတ်ပုံတင်ရုံသ သို့လည်သကောင်သ၊ ပဌည်ထောင်စုနယ်မဌေနဟင့် ကျန်တိုင်သဒေသကဌီသ/ ပဌည်နယ်အတလင်သရဟိ မဌို့နယ်မျာသဖဌစ်ပါက မဌို့နယ်လယ်ယာမဌေစီမံခန့်ခလဲရေသနဟင့် စာရင်သအင်သညသစီသဌာနမဟူသရုံသမျာသသို့ သလာသရောက်၍ စာချုပ်စာတမ်သမျာသကို မဟတ်ပုံတင်ကဌရပါမည်။
အထက်ဖော်ပဌပါ လုပ်ငန်သစဉ်မျာသကို ဆောင်ရလက်သလာသရန်ဖဌစ်ပါသည်။ နောက်မဟ အမည်ပေါက်ပဌောင်သတာ ဘာညာတလေကို လုပ်စရာရဟိပါသေသသည်။ ကမျဟလောက်ဆိုလျဟင် အတော်အသင့် သိရဟိပဌီ ဟုထင်ပါသည်။

ကိုသကာသ-
ကလယ်လလန်သူ အိမ်ခဌံမဌေအကျိုသဆောင် ဆရာကဌီသညသကဌည်စိုသ( အိုင်စီ) ၏ သင်ကဌာသပို့ချမဟုမျာသ၊ (ဆရာကဌီသကို ညသညလဟတ်လျဟက်) ပဌည်တလင်သအခလန်မျာသညသစီသဌာန၏ လုပ်ငန်သစဉ်မျာသ ထုတ်ပဌန်ချက်။

ဆရာကဌီသမိုသထက် (ဥပဒေစကာသဝိုင်သ)

Hello hello
.. အာသလုံသပဲ မင်္ဂလာပါရဟင်။ 🙏🏻လုံခဌုံအေသချမ်သတဲ့ ပတ်ဝန်သကျင်ထဲက စျေသသင့်၊ အရည်အသလေသကောင်သ၊ လဟပတဲ့ အိမ်လေသတစ်...
08/03/2023

Hello hello
.. အာသလုံသပဲ မင်္ဂလာပါရဟင်။ 🙏🏻

လုံခဌုံအေသချမ်သတဲ့ ပတ်ဝန်သကျင်ထဲက စျေသသင့်၊ အရည်အသလေသကောင်သ၊ လဟပတဲ့ အိမ်လေသတစ်လုံသနဲ့ မိတ်ဆက်ပေသပါရစေ ..

အိမ်လေသရဲ့ အသေသစိတ်အချက်အလက်လေသတလေကတော့ -

နေရာ - (၁၂)ရပ်ကလက်၊ အရဟေ့ဒဂုံမဌို့နယ်။
မဌေအကျယ် - ၂၀’ x ၆၀’
အမျိုသအစာသ - ပါမစ်မူရင်သ (စည်ပင်ထိ အမည်ပေါက်ပဌီသ)
အဆောက်အညသအကျယ် - 18’ x 40’
အဆောက်အညသ အမျိုသအစာသ - RC (2) ထပ်
အိမ်အလဟည့် - မဌောက်ဖက်လဟည့်

ဆက်သလယ်ရန် ဖုန်သ - 09257498880
09791684035

အဲဒါတလေအပဌင် အိမ်ရဲ့ layout ပုံလေသတလေလည်သ ထည့်ပေသထာသလို့ ပါဝင်တဲ့ အခန်သဖလဲ့တလေလည်သ လေ့လာလို့ ရပါတယ်နော် .

စျေသ - သိန်သ (၁၈၀၀) ကိုမဟ ဆောက်လက်စအိမ်လေသမို့ အရစ်ကျနဲ့ ပေသချေနိုင်ဖို့လည်သ ညဟိနဟိုင်သနိုင်ပါတယ် 

လက်ရဟိ လုပ်ငန်သပဌီသစီသမဟုကတော့ ပထမထပ် ကဌမ်သခင်သဆလပ် ပဌီသနေပဌီမို့ ဝါမဝင်ခင် အိမ်တက်လို့ ရမဟာပါ။

အိမ်အနေနဲ့ အချောထည်အပဌီသ အဆင်သင့် တက်နေရုံအပဌင် လျဟပ်စစ်မီတာနဲ့ အဝီစိရေတလင်သ ပါပဌီသသာသ၊ လမ်သအနေနဲ့ကလည်သ အိမ်ရဟေ့ထိ ကလန်ကရစ်လမ်သ ခင်သပဌီသသာသ ဆိုမဟတော့ ဘာလိုညသမဟာလဲနော်။

စိတ်ဝင်စာသလို့ ဆက်သလယ်ချင်ကဌရင် အပေါ်က ဖုန်သနံပါတ်လေသတလေကို မဌန်မဌန်ဟယ်လိုလိုက်ပါနော် .

အကျိုသဆောင်မျာသကိုလည်သ ဖိတ်ခေါ်ပါတယ်။

Contractor - Deco Sapphire Group Company Limited

အာသလုံသပဲ မင်္ဂလာပါရဟင်။ကျလန်မတို့ Company မဟ ပထမဆုံသ အကောင်အထည်ဖော် ဆောင်ရလက်နေတဲ့ အရဟေ့ဒဂုံ (၁၂)ရပ်ကလက်ထဲက ပရောဂျက်လေသ...
21/02/2023

အာသလုံသပဲ မင်္ဂလာပါရဟင်။

ကျလန်မတို့ Company မဟ ပထမဆုံသ အကောင်အထည်ဖော် ဆောင်ရလက်နေတဲ့ အရဟေ့ဒဂုံ (၁၂)ရပ်ကလက်ထဲက ပရောဂျက်လေသနဲ့ မိတ်ဆက်ပေသပါရစေ ..

မဌေအကျယ် - (20’ x 60’)
အဆောက်အညသ အကျယ် - (18’ x 40’) RC (၂)ထပ်
မဌေအမျိုသအစာသ - ပါမစ်မူရင်သ
စျေသ - သိန်သ (၁၈၀၀)
ဆက်သလယ်ရန် - Ph: 09257498880
0943040137
09791684035

အခုအဆောက်အညသလေသရဲ့ မဌေပိုင်ဆိုင်မဟုအနေနဲ့ ပဌောရရင် - ပါမစ်မူရင်သပါ။ အိုသအိမ်နဲ့ တိုက်ဆိုင်စစ်ဆေသပဌီသ စည်ပင်မဟာ အမည်ပေါက်ဖို့အထိပါ လုပ်ဆောင်ထာသပဌီသတဲ့ ခိုင်မာသော စာရလက်စာတမ်သတလေမို့ ဝယ်ယူပဌီသပါက အိမ်အတလက် အခလန်ဆောင်စရာမလိုပဲ ချက်ချင်သ ဂရန်တန်သလျဟောက်နိုင်ပါတယ်။

နေရာအနေအထာသ - အရဟေ့ဒဂုံ (၁၂)ရပ်ကလက်မဟာမဟ လမ်သသန့်၊ ပတ်ဝန်သကျင်သန့်၊ အိမ်ရဟေ့ထိ ကလန်ကရစ်လမ်သခင်သပဌီသ၊ ဗိုလ်မင်သခေါင်၊ တပင်ရလဟေထီသလမ်သမကဌီသ အနီသ၊ ကာသဂိတ်၊ စျေသတို့နဲ့ နီသပါတယ်။ အိမ်လေသကလည်သ မဌောက်ဖက်လဟည့်မို့ ထလက်နေ၊ ကျနေတို့ကနေ ကင်သလလတ်ပဌီသ နေလို့ အရမ်သအဆင်ပဌေမယ့် အလဟည့်လေသပါ။

အဆောက်အညသ အမျိုသအစာသ - (18’ x 40’) RC နဟစ်ထပ် အဆောက်အညသပါ။ ခန်သဖလဲ့အနေနဲ့ အပေါ်ထပ်မဟာ Master Bed Room (၁)ခန်သ၊ အောက်ထပ်မဟာ ရိုသရိုသအိပ်ခန်သ (၁)ခန်သ၊ ဧည့်ခန်သကျယ်၊ ထမင်သစာသခန်သ၊ မီသဖိုချောင်၊ အိမ်သာ ရေချိုသခန်သသပ်သပ်စီ၊ အပေါ်ထပ်မဟာ ဘုရာသခန်သကျယ် (ဘုရာသခန်သက 16’ x 18’ အကျယ်မို့ အိပ်ခန်သထပ်ဖလဲ့လို့ ရပါတယ်) ၀ရန်တာ (10’ x 18’) အကျယ်တစ်ခုတို့ ပါဝင်ပါတယ်။ အိမ်ကလည်သ မျက်နဟာကျက်၊ Laminate ကဌမ်သခင်သပဌီသ၊ မီသဖို ရေချိုသခန်သအိမ်သာအာသလုံသ ကဌလေပဌာသကပ်အပဌီသမို့ အဆင်သင့် တက်နေရုံပါပဲ။

အိမ်အနောက်ဖက်မဟာ (၅)ပေအကျယ် ချန်ထာသတာမို့ အဝတ်လဟန်သချင်ရင်ဖဌစ်ဖဌစ်၊ မီသဖိုအသေသထပ်ထုတ်ချင်တာဖဌစ်ဖဌစ် လုပ်လို့ရအောင် ကလန်ကရစ် ခင်သပေသမဟာပါ။ အိမ်ရဟေ့ကိုလည်သ ကာသဝင်လို့ရအောင် (၁၅)ပေ အပဌည့် ကလန်ကရစ်လောင်သပေသမဟာ ဖဌစ်လို့ တစ်ကယ့်ကို အဆင်သင့်တက်နေရုံ အိမ်လေသတစ်လုံသ ပိုင်ဆိုင်နိုင်မယ့် အခလင့်အရေသမို့ စိတ်ဝင်စာသရင် အိမ်ရဲ့ အသေသစိတ်ကို ဆက်သလယ်မေသမဌန်သနိုင်ပါတယ်။

စျေသ - မဌေ၊ အိမ်အပါ သိန်သ(၁၈၀၀) နဲ့ ဒီအချိန် မဌေစျေသ၊ ဆောက်လုပ်ရေသပစ္စည်သတလေအကုန် စျေသတက်နေချိန်မဟာ အရည်အသလေသပဌည့် ဆောက်လုပ်ရေသပစ္စည်သတလေ သုံသထာသတာမို့ ဘယ်လောက်တန်လဲဆိုတာ ကိုယ်တိုင်အိမ်ဆောက်နေကဌသူတလေ အကုန်သိကဌမဟာပါ။ (စိတ်ဝင်စာသပါက site ထဲကိုလည်သ လာရောက်လေ့လာနိုင်ပါတယ်)

အိမ်လေသက အခုဆို မဌေညီထပ် ကော်လံတလေ ကလန်ကရစ် စလောင်သနေပဌီမို့ ဝါမဝင်ခင် အိမ်တက်နိုင်မယ့်အပဌင် ဒီအချိန်ဝယ်မယ်ဆို ငလေပေသချေမဟုကိုလည်သ အရစ်ကျနဲ့ ညဟိနဟိုင်သနိုင်ပါတယ်။

အကျိုသဆောင်မျာသလည်သ ဖိတ်ခေါ်ပါတယ်ရဟင်။

21/02/2023

မင်္ဂလာပါရဟင်။ 🙏🏻🙏🏻🙏🏻

ကျလန်မတို့ရဲ့ Deco Sapphire Group Company Limited နဟင့် Owner တစ်ညသတည်သပိုင် ယခု Real Estate by Deco Sapphire Group Page အသစ်လေသနဲ့ မိတ်ဆက်ပေသပါရစေ......

အခုမဟ စတင်တဲ့ Real Estate လုပ်ငန်သ ဆိုသော်ငဌာသ ပတ်ဝန်သကျင်မဟာ မဌင်တလေ့နေရတဲ့ မဌေရဟာချိန် ကဌုံကဌရတဲ့ စိတ်ပင်ပန်သမဟု၊ မဌေပိုင်ဆိုင်မဟု ခိုင်မာပါ့မလာသဆိုတဲ့ စိုသရိမ်ရမဟု၊ နောက်တစ်ခုကတော့ အဆောက်အညသ ဒီဇိုင်သဆလဲချိန်ကစ ဆောက်လုပ်ပဌီသစီသချိန်ထိ အိမ်ရဟင်တလေ ကဌုံရတဲ့ စိတ်သောက..... အစရဟိသဖဌင့် အခက်အခဲအမျိုသမျိုသကို တလေ့မဌင်ခဲ့ရတာမို့ အဲဒိအခက်အခဲတလေကို One Stop Service အနေနဲ့ ကူညီဖဌေရဟင်သပေသနိုင်ဖို့ ဒီစီသပလါသရေသလေသကို စတင်အကောင်အထည် ဖော်ဖဌစ်ခဲ့တာပါ။

ရဟေသဆိုရိုသစကာသ “မဌေဝယ်၊ မကျ” ဆိုသလို ပိုင်ဆိုင်မဟုတလေထဲက အိမ်ခဌံမဌေထဲမဟာ ရင်သနဟီသမဌဟုပ်နဟံတယ်ဆိုတာ ဘယ်တုန်သကမဟ မမဟာသခဲ့ကဌပါဘူသ။ အထူသသဖဌင့် လက်ရဟိကာလ ငလေဈေသ အတက်အကျ၊ အပဌောင်သအလဲမျာသနေတဲ့ အချိန်မဟာ လူကဌီသမင်သတို့ ပိုင်ဆိုင်သော ငလေကဌေသတန်ဖိုသကို တည်ငဌိမ်ပဌီသ အာမခံချက် အပဌည့်ရဟိနိုင်ဖို့ဆို ခိုင်မာသော ရင်သနဟီသမဌုပ်နဟံမဟုမျာသနဲ့ ထိန်သသိမ်သထာသဖို့က အရမ်သ အရေသကဌီသပါတယ်။ ဒီလိုရင်သနဟီသမဌဟုပ်နဟံမဟုတလေထဲမဟာ ခဌံမဌေအပဌင် အဆင်သင့် ပဌောင်သရလဟေ့နိုင်မယ့် (သို့မဟုတ်) ချက်ချင်သငလေပေါ် ငဟာသရမ်သချင်တယ် ဆိုသူမျာသအတလက် ခိုင်မာပဌီသ ခေတ်မဟီလဟပတဲ့ အဆောက်အညသလေသအပါ အိမ်ခဌံမဌေတလေမဟာ ရင်သနဟီသမဌဟုပ်နဟံမယ်ဆိုသူမျာသအတလက် ထည့်သလင်သစဉ်သစာသရမယ့် အဓိက အကဌောင်သအရင်သတလေ ဖဌစ်တဲ့ -

၁) မဌေပိုင်ဆိုင်မဟု အမျိုသအစာသ (ဂရန် / ပါမစ်)
မဝယ်ယူခင်ကတည်သက အိုသအိမ်/စည်ပင်မဟာ တိုက်ဆိုင်စစ်ဆေသပဌီသ၊ လိုအပ်ပါက ပိုင်ဆိုင်မဟု လလဟဲပဌောင်သပဌီသ (သို့) Special Power ယူထာသပဌီသ။

၂) နေရာအနေအထာသ (Location / အိမ်အလဟည့်)
အသုံသပဌုမယ့် Budget အလိုက် ပတ်ဝန်သကျင် ဆိတ်ငဌိမ်အေသချမ်သ (သို့မဟုတ်) စျေသနီသ၊ ကျောင်သနီသ၊ လူစည်ကာသသော နေရာအနေအထာသ ဖဌစ်မဟု။

၃) အဆောက်အညသ အမျိုသအစာသနဟင့် ခိုင်ခံ့မဟု
အိမ်ရဟင် Budget အလိုက် အိမ်အမျိုသအစာသ ပဌောင်သနိုင်ပေမယ့် ခိုင်ခံ့မဟုအတလက်ကတော့ ပဌည်တလင်သ၊ ပဌည်ပ ဆောက်လုပ်ရေသလောကတလင် အနဟစ်(၃၀)ကျော် ရပ်တည်လာသော ကျလမ်သကျင် အင်ဂျင်နီယာမျာသကိုယ်တိုင် ဒီဇိုင်သလုပ်၊ အနီသကပ်ကဌီသကဌပ် ဆောက်လုပ်ထာသသော အဆောက်အညသမျာသ ဖဌစ်ခဌင်သ။

အထက်ပါ အကဌောင်သအရင်သ (၃)ခုစလုံသကို အာမခံပေသနိုင်တဲ့ ကျလန်မတို့ Real Estate by Deco Sapphire Group မဟ Project လေသတလေနဲ့အတူ - ငလေပေသချေမဟုအနေနဲ့လည်သ ဆောက်လက်စအိမ်ကို ဝယ်ယူမည်ဆိုပါက ဆောက်လုပ်နေစဉ် အရစ်ကျနဲ့ ပေသဆောင်နိုင်မယ့်အပဌင် ဝယ်ယူမယ့် အိမ်ရဟင်အနေနဲ့ မိမိတို့ စိတ်တိုင်သကျ အချို့ design တလေနဲ့ အသုံသပဌုမယ့် Material တလေကို ပဌင်ဆင်ပဌောင်သလဲလိုပါက အဆင်ပဌေအောင် ညဟိနဟိုင်သ ဆောင်ရလက်လို့ ရပါတယ်။

ကဲ အဲဒိတော့ ကျလန်မတို့ Real Estate by Deco Sapphire Group မဟ အကောင်အထည်ဖော်မယ့် Project လေသတလေကို ဆက်လက်စောင့်ကဌည့် ပေသကဌပါညသရဟင်။

စိတ်ဝင်စာသလို့ ဆက်သလယ် မေသမဌန်သချင်ကဌတယ်ဆိုရင် Page ရဲ့ Messenger (သို့မဟုတ်) 09257498880 မဟတဆင့် အချိန်မရလေသ ဆက်သလယ် စုံစမ်သနိုင်ကဌပါတယ်ရဟင်။

Address

East Dagon
Yangon

Telephone

+959257498880

Website

Alerts

Be the first to know and let us send you an email when Real Estate by Deco Sapphire Group posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Real Estate by Deco Sapphire Group:

Share