22/05/2026
#ရတနာတွေ ဝတ်ဆင်တော့မည်ဆိုရင် သတိထား
@@@@@@@@@@@@@@@@@@@@@@@@@@
များသောအားဖြင့် မိမွေ ဖမွေစသည်ဖြင့် လက်စွပ် လက်ကောက် ဆွဲကြိုး အမွေရတနာလေးတွေ ဝတ်ဆင်တော့မည် ဆိုရင် တခုသတိထားရမှာက ပထမလူရဲ့ ဓါတ်ဝင်နေတဲ့ ပစ္စည်းက နောက်လူတယောက် ဝတ်ဆင်မည့်သူနဲ့ကော ဓါတ်တည့်မတည့် မသိနိုင်ပါဘူး။ ရတနာ ပစ္စည်းက အသစ်ဖြစ်နေရင် ကိစ္စမရှိပေမဲ့
ပစ္စည်းပေးသူက သူအမြဲဝတ်ဆင်နေတဲ့ရတနာ ၊နာမကျန်းဖြစ်နေရင်း ချွှတ်ပေးတဲ့ရတနာ (သို့မဟုတ် ) မသေခင်ချွတ်ပေးတဲ့ ရတနာတွေ ဖြစ်ခဲ့ရင် ပေးသူရဲ့ မကောင်းတဲ့ ဓါတ်က ဆက်ပြီးဝတ်ဆင်တဲ့ နောက်တယောက်ထံကို ကူးစက်သွားတာပါပဲ။ ဒီရတနာပစ္စည်းကို ချွတ်လိုက်တော့ မှ အကောင်းပကတိ ပြန်ဖြစ်သွားတာတွေလည်း ကြုံတွေ့ရခဲ့ဖူးပါတယ်။
ဒါ့ကြောင့် စိန်ရွှေရတနာ လက်ဝတ်လက်စားအဟောင်း ဝယ်ဝတ်တတ်သူတွေ တခုသတိထားပါ ။ လူတကာဝတ်ဆင်ပြီးသားတွေမှာ သူ့ဓါတ်နဲ့သူပါနေတတ်ပါတယ် နောက်တယောက်နဲ့ တည့်ချင်မှ တည့်မှာပါ။ ဒါ့ကြောင့် အမွေရလို့ဖြစ်စေ ၊ ကိုယ့်ဘာသာ ဝယ်ဝတ်ဝတ် ဘယ်သူ့ပစ္စည်းဖြစ်ဖြစ် ဝတ်တော့မယ် ၊ပထမဦးဆုံး ရေ (သို့မဟုတ်) အရက်ပြန် (သို့မဟုတ်) တလျော်ကင်ပွန်း နဲ့သေသေချာချာ ဆေးကြောပြီးမှ ဝတ်ဆင်ကြပါ။ ဒါမှ မူလဓါတ်ဟောင်းတွေ ပျောက်ပြီးနောက်လူနဲ့လည်း အဆင်ပြေပါလိမ့်မည် ။ဒီနေရာမှာ တခုသတိထားရမှာက ဆားရည်နဲ့ မဆေးဖို့ပါဘဲ။ ဆားရည်က တန်ဖိုးရှိတဲ့ ကျောက်မျက်ရတနာတွေကို ပျက်စီးကောင်းပျက်စီးနိုင်လို့ပါပဲ။
