14/07/2026
ဂရန်မူရင်းအား ပယ်ဖျက်ပြီးကြောင်း အသိပေးကြေညာခြင်း
ဒဂုံမြို့သစ်(ဆိပ်ကမ်း)မြို့နယ်၊ မြေတိုင်းရပ်ကွက်အမှတ်(-)၊ မြေကွက်အမှတ်(- ) ဦးတင်မြိုင်(T/RGN- 000124) အမည်ပေါက် ပါမစ်မြေအား ပါမစ်အမည်ပေါက် ဦးတင်မြိုင်(ကွယ်လွန်)၍ အမည်ပေါက်၏ ဇနီးဖြစ်သူ ဒေါ်မြင့်မြင့်ခင်ထံမှ (၂၁.၁၀.၂၀၁၂) ရက်တွင် အရောင်းအဝယ်ကတိစာချုပ်ဖြင့် ဝယ်ယူသူ ဦးဇော်လတ် (၁၃/ ကတန(နိုင်) ၁၂၃၅၆) မှ (၁၁.၅.၂၀၁၅) ရက်တွင် ဒဂဆက/ဂရသ/ပေျာက်/ ၆၃၈၂/၁၅ ဖြင့်ပါမစ်ပျောက်ဆုံးကြောင်း ရပ်ကွက်၊ ရဲစခန်းထောက်ခံချက် ၊ကျမ်းကျိန်လွှာ၊ ဌာနတွင် ကိုယ်တိုင်ဝန်ခံချက်တို့တင်ပြ၍ ပါမစ်ပျောက်ဖြင့် ဂရန်သစ်လျှောက်ထားခဲ့ပြီး ၅.၈.၂၀၁၆ ရက်တွင် ဦးဇော်လတ်အမည်ပေါက် နှစ်(၆၀) ဂရန်မူရင်းအား ထုတ်ယူသွားခဲ့ပါသည်။
ယခုအခါ အဆိုပါမြေကွက်၏ ပါမစ်အမည်ပေါက် ဦးတင်မြိုင်ထံမှ ၁၂.၈.၂၀၁၀ ရက်စွဲပါ အရောင်း အဝယ်ကတိစာချုပ်ဖြင့် ဝယ်ယူထားသူ ဦးကျော်ဆွေ (၉/ မနမ(နိုင်) ၁၀၂၀၃၀) မှ မြေချပါမစ်မူရင်း နှင့်အရောင်းအဝယ်စာချုပ်မူရင်းတို့တင်ပြ၍ ပါမစ်ရှိဂရန်သစ်လျှောက်ထားလာသဖြင့် ဦးဇော်လတ် နှင့် ဦးကျော်ဆွေတို့အား ဌာနသို့ ခေါ်ယူပြီး ဦးဇော်လတ် လက်ဝယ်ရှိ ပါမစ်ပျောက်ဖြင့်ထုတ်ယူသွားသော ဂရန်အား ဌာနသို့အပ်နှံရန် နှင့်နစ်နာမှုရှိပါက တရားစွဲဆိုရန် ၊တရားရုံးတားဝရမ်းတင်ပြရန် ရှင်းလင်းပြောကြားခဲ့ပြီး (၃)ကြိမ်တိုင်တိုင်အကြောင်းကြားခဲ့ရာ ဦးဇော်လတ်မှ (၂)ကြိမ်တိုင်တိုင် ဆိုင်းင့ံပေးပါရန် အသနားခံတင်ပြခဲ့ပြီး ပါမစ်ပျောက်ဖြင့် ထုတ်ယူသွားသည့် ဂရန်အား လာရောက်အပ်နှံခြင်းမရှိပါသဖြင့် ဤဌာနမှ ရုံးတွင်းအမိန့်ဖြင့် ဦးဇော်လတ်အမည်ဖြင့် ထုတ်ပေးထားသော နှစ်(၆၀) ဂရန်မြေဌားစာချုပ်အမှတ် ဒဂဆက/ဂရသ-ဂရသ၆၂၆/၁၆(၅-ဂ-၁၆) အား ပယ်ဖျက်ပြီးကြောင်း အသိပေးကြေညာအပ်ပါသည်။
မြို့ပြစီမံကိန်းနှင့်မြေစီမံခန့်ခွဲမှုဌာန
ရန်ကုန်မြို့တော်စည်ပင်သာယာရေးကော်မတီ (၁၉-၁၀-၂၀၁၇)နေ့ထုတ်မြန်မာ့အလင်းသတင်းစာမှ
#ရောင်းကြဝယ်ကြကိုယ်တွေ့ကြုံရသည့်ဖြစ်ရပ်များမှထုတ်နုတ်ဖော်ပြပါသည်။
ပါမစ်ပျောက်ဂရန် တွေကိုအရောင်းအဝယ်လုပ်ရာမှာ ဒါမျိုးဥပမာတွေရှိ တတ်သည်ကိုသတိချပ်စေလိုပါတယ်။
ဒေါ်မေသူ(အထက်တန်းရှေ့နေ)
09773562082
