20/06/2025
လယ်ယာမြေတွေနဲ့ ပတ်သက်လို့
အရောင်းအဝယ်လုပ်ကြရင်ပထမဦးဆုံးအနေနဲ့
အကြမ်းမျဥ်း သိရှိထားရမှာက
ပုံစံ ၇ ဆိုတာက
လယ်ယာမြေလုပ်ကိုင်ခွင့်ပြု လက်မှတ်
ပုံစံ ၁၀၅ ဆိုတာက
လယ်ယာမြေရဲ့ တည်နေရာပြ မြေပုံ
အနား ၄ ရပ် ၊အရှေ့ အနောက် တောင် မြောက်က
ဦးဘယ်သူ မြေကွက် ၊ လမ်း ၊ စသဖြင့်
ဖော်ပြပေးတာ
ပုံစံ ၁၀၆ ဆိုတာက
မြေအမျိုးအစား အကျယ်အဝန်း
ဦးပိုင်အမှတ်၊ ကွင်းအမှတ်စတဲ့
မြေရာဇဝင်ကို ပြောတာ
ပုံစံ ၇ ရပြီး ၊ ပုံစံ ၁၀၅/၁၀၆ ရပြီးပြီ ဆိုတိုင်း
မြေကွက်ရိုက်ပြီး ရောင်းလို့မရဘူး။
နောက်တစ်ခုက ပုံစံ ၁၀၅ / ၁၀၆ က
စည်ပင်ပိုင် ဂရံမြေတွေမှာ အိမ်ဆောက်မယ်ဆိုရင်
အဆောက်အဦ ဆောက်လုပ်ခွင့်အတွက်
မြေယာဌာနမှာ ရေးကူးပြီး ဆောက်လုပ်ခွင့်
တင်ပြရင် တွဲတင်ရတာလည်း ရှိတယ်။
သက်တမ်းက ၆ လ ပါပဲ။
နောက်တစ်ချက် သတိထားရမှာက
အခြားနည်းသုံးစွဲခွင့်ကျပြီးသား
မြေကွက်မှာ အကွက်ရိုက်ရောင်းပြီး
အိမ်ဆောက်လို့ မရဘူး။
ဥပဒေက ခွင့်မပြုဘူး။
အခြားနည်းသုံးစွဲခွင့်ကျပြီးသား ပြောရင်
ဘယ်လိုခေါင်းစဥ်နဲ့ ချပေးတာလဲ ဆိုတာကို
သေချာလေ့လာထားရတယ်။
မသိရှိသေးသူတွေအတွက် ရှင်းပြပါ့မယ်။
အခြားနည်းသုံးစွဲခွင့် လျှောက်ရင် - - -
၁။ လျှောက်ထားသူရဲ့ အမည်ပေါက်
လယ်ယာမြေ ပုံစံ ၇ ရှိရတယ်။
၂။ ကာယကံရှင်ကိုယ်တိုင် ပုံစံ ၇ မူရင်း /
မိတ္တူ ၊ မှတ်ပုံတင်မိတ္တူ/ အိမ်ထောင်စု
စာရင်း မိတ္တူနဲ့ မြို့နယ် မြေစာရင်းမှာ
သတ်မှတ်တဲ့ ဖောင်တွေ ထုတ် / ဖြည့်ပြီး
လျှောက်ရပါတယ်။
၃။ အခြားနည်း သုံးစွဲခွင့်ကို
ဘယ်လိုအမည်နဲ့ လျှောက်မှာလဲ ဆိုတာ
ခေါင်းစဥ်တပ်ရတယ်။ ဥပမာ -
ဓါတ်ဆီဆိုင်လား ?၊ ဖူဆယ်ကွင်းလား ?
လယ်ယာသုံး စက်ပစ္စည်းဆိုင်လား ?
သီးနှံဂိုဒေါင်လား ? ပလပ်စတစ်စက်ရုံလား?
ကော်စေ့စက်ရုံအတွက်လား ? စသဖြင့်ပေါ့။
၄။ သက်ဆိုင်ရာ ယာမြေ တည်ရှိတဲ့
မိမိယာရဲ့ ရှေ့နောက်ဘေးဘယ်ညာ
အနား ၄ ရပ်က ယာခင်းပိုင်ရှင်များရဲ့
ထောက်ခံချက်ကို ပဏာမယူ။
ရပ်ကွက် / ကျေးရွာမှာ ရှိတဲ့ လယ်စီအဖွဲ့
၅ ဦးကော်မတီထံ မြေပြင်ဓါတ်ပုံ၊
Google ဓါတ်ပုံ၊ ပုံစံ ၇ မိတ္တူ စုံလင်စွာနဲ့
အခြားနည်းသုံးစွဲခွင့်အတွက် ထောက်ခံချက်
အရင်ဆုံး ရယူရတယ်။
၅။ ၅ ဦးကော်မတီထံ ကနေ ထောက်ခံချက်
ရယူပြီးရင် သက်ဆိုင်ရာ မြို့နယ်က
လမ်းဦးစီး၊ စိုက်ပျိုးရေး၊ ကျေးလက်၊
မီးသတ်၊ ဆည်မြောင်း၊ လျှပ်စစ် စတဲ့
ဌာနတွေဆီကနေ ထောက်ခံချက်ယူရတယ်။
၆။ ထောက်ခံချက်ပေါင်းစုံ ရပြီ ဆိုရင်
မြေစာရင်းဦးစီးရုံးမှာ ပုံစံထုတ်၊
မြေပြင်ဓါတ်ပုံ၊ Google ဓါတ်ပုံ ၊
အပိုဒ်။ ၃ မှာပါတဲ့ လုပ်ငန်းအလိုက်
စီမံချက်ရေးသားပြီး တင်ပြရတယ်။
၇။ မြို့နယ်မြေစာရင်းမှာ စီမံချက်တွေ
လိုအပ်တဲ့ စာရွက်စာတမ်း မိတ္တူတွေနဲ့
တင်ပြပြီးတဲ့နောက် ကွင်းဆင်းပြီး
စစ်ဆေးကြတယ်။
၈။ ကွင်းဆင်းစစ်ဆေးပြီးရင် အခြားနည်း
သုံးစွဲခွင့်အတွက် ချထားပေးသင့်တယ် လို့
ဆုံးဖြတ်ပြီးရင် ပုံစံ ၁၀၅/၁၀၆
ရေးဆွဲရတယ်။ ပြီးရင် မြေစာရင်းက
Google မြေပုံမှာ စက်ဝိုင်းတွေရော
အလျားလိုက် မျဥ်းတွေရော စုံလို့ ။
နားတော့မလည်ပါဘူး သူတို့ဆွဲပေးတာ
၉။ ပြီးရင် သတ်မှတ်တဲ့ မြေဧက အကျယ်အဝန်း
အတိုင်း သတ်မှတ်တဲ့ နှုန်းထားနဲ့ မြန်မာ့
စီးပွားရေးဘဏ်မှာ ငွေသွင်းရတယ်။
အလွန်ဆုံးငွေသွင်းရ သောင်းဂဏန်းပါပဲ။
၁၀။ ငွေသွင်းပြီးရင် ကန့်ကွက် ၁ လ ကို
သက်ဆိုင်ရာ ရုံးက ကြေညာသင်ပုန်း၊
မြေကွက် တည်နေရာက ရပ်ကွက်/ ရွာမှာ
လိုက်ကပ်ပြီး ကြေညာပေးရတယ်။
(ဂရံက ၂ ပတ်၊ အခြားနည်းက ၁ လ )
၁၁။ ကန့်ကွက် ၁ လ ပြည့်လို့ Clear ဆိုရင်
မြို့နယ်ရုံးကနေ ထွေအုပ်ကို တင်ပြ။
တစ်ခါ ကွင်းဆင်းစစ်ဆေးပြီး အတည်ပြုမှ
ခရိုင် နဲ့ တိုင်းကို ဆက်တင်ပြရတာ။
၁၂။ ခရိုင် နဲ့ တိုင်းက နေ ဗဟို လယ်/စီထံ
ဆက်လက်တင်ပြပြီး အခြားနည်းသုံးစွဲခွင့်
ကို မူလ တင်ပြထားတဲ့ လုပ်ငန်းအတိုင်း
ပေးသင့်တယ် လို့ ဆုံးဖြတ်မှ အခြားနည်း
အသုံးပြုခွင့်က ရတာ။
၁၃။ ပြီးရင် သတ်မှတ်ကာလအတွင်းမှာ
မူလ တင်ပြပါ စီမံချက် အတိုင်း
အကောင်အထည် မဖော်နိုင်ရင် အခြားနည်း
သုံးစွဲခွင့်ကို ပယ်ဖျက်တယ်။
၁၄။ အခြား လုပ်ထုံးလုပ်နည်းတွေ၊
မြေပိုင်ဆိုင်မှုနဲ့ ပတ်သက်တာတွေ ကျန်သေး။
အဲဒီ Process အတိုင်း လုပ်ရတာ။
ကိုယ်တိုင် အမှုတွဲကို မျက်ခြေမပြတ်
လုပ်ကိုင်ရင်တောင် ၈ လလောက် ကြာတယ်။
သေချာ စီစစ်ပေးတာ။
===================================
အဲဒီ လုပ်ထုံးလုပ်နည်းတွေကို မသိရင်
အခြားနည်း အသုံးပြုခွင့်ကို ၁ လ အတွင်း
ရရမယ်။ ဘယ်လောက်ပေး ဆိုသူတွေရဲ့
လိမ်ညာတာ ခံရတတ်တယ်။ 😁
အခြားနည်း သုံးစွဲခွင့် ဆိုတာကလည်း
တင်ပြတဲ့ စီမံချက်အပေါ်မှာ သုံးသပ်ပြီးမှ
သင့်တင့်တဲ့ မြေကို အသုံးပြုခွင့်ပေးတာ။
ဥပမာ - ဓါတ်ဆီဆိုင် အတွက်ဆိုရင်
အလွန်ဆုံး ခွင့်ပြုရင် ၁ ဧက ပဲ။
အတိုချုပ် ပြောရရင်
အခြားနည်း သုံးစွဲခွင့်ကျပြီးသား မြေလို့
ပြောလာခဲ့ရင် ဘယ်လို ခေါင်းစဥ်နဲ့
ချပေးတာလည်း ဆိုတာ အရင်မေး။
မြို့နယ် မြေစာရင်းရုံးမှာ တိုက်ဆိုင်စစ်ဆေးပါ။
***လယ်ယာမြေတွေကို အကွက်ရိုက်ပြီး လူနေမြေကွက်ဆိုပြီးရောင်းရင် မဝယ်မိစေဖို့၊
မြေစာရင်းပုံစံ-၁၀၅/၁၀၆ရှိတယ် ပိုင်ဆိုင်မှုဆိုပြီး အထင်မမှားဖို့၊
အခြားနည်းသုံးစွဲခွင့်ရထားတယ်ဆိုတဲ့မြေဆိုပြီး ထင်သလိုအသုံးချနိုင်တယ်လို့ အထင်မမှားစေဖို့
ပြန်ရှယ်ပေးခြင်း ဖြစ်ပါတယ်။
#အိမ်ခြံမြေအကျိုးဆောင်လုပ်ငန်း
#တိုက်ခန်းအိမ်အငှား/အရောင်း
#လုံးချင်းအိမ်ရာအရောင်း
ောင်း/အရစ်ကျ
#မြေအရောင်း
