Заан ширээгээр нутагтай Жалбалшануугийн унаган хүлгүүд

14/04/2026

“ЖАВХЛАНТ ШАРГА” МСУХ-НЫ 30 ЖИЛИЙН ОЙН БАЯР НААДАМ. NTV

“Жавхлант Шарга” морин спорт, уяачдын холбооны түүхт 30 жилийн ой, жил бүр уламжлал болгон зохион байгуулдаг аварга хүлэг шалгаруулах “ЖАВХЛАНТ ШАРГА-2026” наадам

📅 2026 оны 5 дугаар сарын 8-10-ны өдрүүдэд
📍 Сүхбаатар аймгийн төв Баруун-Урт хотноо зохион байгуулагдана.

🐎 Хурдан морины уралдаан:
• Их нас
• Соёолон
• Хязаалан
• Шүдлэн
• Даага
• Сонгомол дээд
• Сонгомол дунд
• Сонгомол бага

🤼‍♂️ Бөхийн барилдаан:
Улс, аймаг, цэргийн цолтой хүчит 128 бөхийн барилдаан болно.

✨Эрхэм уяачид, бөхчүүд та бүхнийг “Жавхлант Шарга-2026” наадамд хүрэлцэн ирэхийг урьж байна.

#ЖавхлантШарга2026 #30ЖилийнОй #ХурданМорь #МонголНаадам 🏇🇲🇳

11/04/2026

🐎 ХАДБААСАНГИЙН БАТ-ЭРДЭНИЙН ДАЯН МАНЛАЙ ТҮМЭН ЭХ ХҮРЭН МОРЬ
Монгол төрийн их баяр наадамд дараалан хоёр удаа түрүүлсэн найман их насны морьд байдгаас тэдгээрийн нэг нь Хадбаасангийн Бат-Эрдэнийн Даян түмэн эх хүрэн морь билээ.

Мөн Их хурд-VI уралдаанд түрүүлж, ийнхүү Даян манлай түмэн эх цолыг хүртсэн домогт хүлэг юм.

Энэхүү хүрэн морь нь Сүхбаатар аймгийн Түвшинширээ сумын Галсанлхүндэвийн Эрдэнэбатын унаган адуу.

Угшил, гарал:

• Эцэг нь: Г.Эрдэнэбатын хүрэн азарганы төл.

(Уг хүрэн азарга нь Жамбалшанугийн Түвшинширээ суманд 1977–1987 оны хооронд 7 удаа айрагдаж, түрүүлсэн алдарт өвгөн зээрд азарганы төл, Харин өвгөн зээрд азарга нь Чимэдийн Дорждэрэмийн Түвшинширээ суманд 5 удаа түрүүлж, 3 удаа аман хүзүүдсэн их хүрэн азарганы төл болно.)

• Эх нь: Г.Эрдэнэбатын хээр гүү.

📜 Уралдааны амжилт:

• 2007 он – Хэнтий аймаг, Баянхутаг (шүдлэн) 🥇 түрүү магнай

• 2009 он – Улсын наадам (соёолон) 8-т

• 2009 он – Ламын гэгээний ойн наадам (соёолон) 🥈 аман хүзүү

• 2011 он – Улсын наадам (их нас) 7-т

• 2011 он – Улсын зүүн бүс (их нас) айргийн тав

• 2012 он – Улсын наадам (их нас) 🥇 түрүү магнай

• 2012 он – Улсын төвийн бүс (их нас) 🥇 түрүү магнай

• 2013 он – Дунжин гарав (их нас) айргийн тав

• 2013 он – Улсын наадам (их нас) 🥇 түрүү магнай

• 2013 он – Их хурд–VI уралдаан (их нас) 🥇 түрүү магнай

Хүрэн морийг хязаалан үрээ байхад нь Шөвгөр Өлзий, Торгоны замын Гантөмөр зэрэг хүмүүс худалдан авахаар тохиролцож байсан ч наймаа буцсаар үлдсэн бөгөөд эцэст нь Х. Бат-Эрдэнэ худалдан авч, МУТМУяач Б. Бат-Өлзийгөөр уяулснаар ийнхүү Монгол төрийн наадмын Даян манлай түмэн эх хэмээх эрхэм цолонд хүрсэн түүхтэй.

02/04/2026

ЗААНШИРЭЭ УУЛ НҮДИЙГ БАЯСГАЖ СЭТГЭЛИЙГ ГИЖИГДЭНЭ
...Саяхан Сүхбаатар аймгаар яваад ирлээ. Мөнххааны нутат орших Заанширээ уулын хажуугаар өнгөрөх бүрийдээ би дүр төрхийг нь харж хэсэг зогсдог. Бас зургийн аппаратандаа, эсвэл дор хаяж гар утаснаа буулгахыг хичээдэг билээ...
Зураг нь хэдхэн хоногийн, харин шүлэг нь хэдэн жилийн өмнөх болчихож байна.

Малчин дүү Д. Очирпүрэв, гэргий О.Алтаннавч хоёр намайг ирэх зун энэ уулнаа дагуулан гаргахаа амласан. Энэ хоёр нутаг усаа магтан дуулуулах, үүх түүхийг нь тэмдэглэн үлдээх тал дээр дарга марга нараас хамаагүй илүү санаачилга, зүтгэлтэй улс болохоор би даган баясаж, нүдийг баясгаж, сэтгэлийг гижигдсэн уулын хайрхны тухай дахин нэг шүлэг магтаал өргөхөд татгалзах эрх үгүй...

ЗААНШИРЭЭ УУЛ

За, манай
Заадал үгүй бөх
Зандангийн өнгөт
Заанширээ уул хаана байдаг вэ гэж үү?..Мөнхийн ногоон талын дунд
Монхор олон бэсрэг уулсыг ахлан
Түмний өргөн харцны өмнө
Донхор их сүр барааг харуулан
Өвлийн цасан шуурганы зайгаар
Дулаан илчээр бараантан үзэгдэж
Хаврын эсэргэн салхины үеэр
Бүлээн амьсгалаар нөмөрлөн хааж
Зуны намираа борооны завсраар
Мөнгөн мөндрийг өнхрүүлэн тоглож
Намрын буцах шувуудын дуунаар
Алтан нарыг аргамжин тогтоож байдаг билээ л...

Ай, манай
Заадас үгүй бат
Агарын үнэрт
Заанширээ уул хаана оршдог вэ гэж үү?..Үлгэр домгийн их далайн дунд
Сүмбэр уулын дүрийг бүтээн
Үүрдийн гэгээн хүмүүний зүрхэнд
Зүмбэр хийморийн галыг хадгалан
Нутгаа гэсэн сэтгэлийн толинд
Цантай төрх нь цайран цайвалзаж
Сумаа гэсэн бодлын үзүүрт
Урьтай амьсгал нь сэвхийн ханхалж
Аймгаа гэсэн санахын тойрогт
Зүлэгтэй бэл нь дугуйран ногоорч
Монголоо гэсэн мөрөөдлийн туйлд
Шүтлэгтэй уул шаргалтан дүнхийж оршдог билээ л...
Тэнгэр газрын хооронд балгад болж ургасан
Зандангийн өнгөт Заанширээ уул
Дөрвөн Махранз тэнгэрийн орон цогцлосон
Агарын үнэрт Заанширээ хайрхан билээ л...
2022-02-09

01/04/2026

Жавхлант шарга болон бүсийн наадмууд.

1. Жавхлант шарга: 2026.05.08-10 🐎 8 нас баруун-урт суманд

2. Өмнөд бүс: 2026.05.16 🐎 дээд 3 нас
Эрдэнэцагаан сум

3. Хойд бүс: 2026.06.12-13 🐎 доод 5 нас
Түмэнцогт сум

4. Баруун бүс: 2026.06.20-с хойш 🐎 дээд 4 нас Мөнххаан сум

5. Өмнөд бүс: 2026.06.25-26 хавьцаа 🐎 Баяндэлгэр суманд / нас тодорхой болоогүй/

тус тус хийхээр урьдчилсан тов яригдаж байна.

12/03/2026