13/10/2023
Өргөст хэмхний ач тус:
1. АРЬСЫГ ЧИЙГШҮҮЛНЭ
Өргөст хэмхийн хандын 95% нь уснаас бүрддэг тул хуурай эсвэл чийгийн дутагдалд орсон арьс арчилгаанд төгс тохирно. Мөн арьсыг цайруулах, гэрэлтүүлэх нөлөөтэй. Гайхалтай байгаа биз!
2. ТЭЖЭЭЛЛЭГ БОДИСУУД БА АНТИОКСИДАНТУУД АГУУЛДАГ
Өргөст хэмхэд магни, кали, биотин, А аминдэм ба В1 аминдэмүүд агуулагддаг. Эдгээр бодисууд нь үс болон арьсыг чийгшүүлдэг, чангаруулдаг, хүрээлэн буй орчны сөрөг нөлөөнөөс хамгаалдаг. Өргөст хэмхийн шүүсэнд арьсыг нөхөн сэргээж, нөсөөжилтийг багасгадаг бодисууд агуулагддаг. Гаднах хальс нь чангаруулах шинж чанартай тул арьсыг уян хатан болгоход дэмжлэг үзүүлдэг. Харин хөгшрөлтийн эсрэг нөлөөтэй кофены хүчил антиоксидант нь жижиг үрчлээг багасгадаг.
3. МӨН С АМИНДЭМ
Энэ бол хамгийн ид шидтэй аминдэм. Арьсыг нөхөн сэргээнэ, өнгийг нь жигд болгоно ба гэрэлтүүлнэ. Хэрвээ арьс тань өнгөө алдаж гундсан гуужуулагч хэрэглэж арьсаа гуужуулаарай.
4. ДООД ЗОВХИНЫ ХАВАН БА БАРААН ХҮРЭЭГ АРИЛГАНА
Өглөө сэрэхэд доод зовхи хавагнах нь олон хүний хувьд асуудал байдаг. Өргөст хэмхийг жижиг хэрчээд доод зовхиндоо тавиарай. Маш их хэмжээнд антиоксидант агуулдаг тэрээр арьсыг нөхөн сэргээж доод зовхины бараан хүрээнээс ангижрахад тусална. Өргөст хэмхийг зүсээд нэг нэгээр нь аньсан нүдэн дээрээ тавиад 20 минут хүлээгээрэй.
5. НӨХӨН СЭРГЭЭНЭ
Улирлын өөрчлөлт арьсанд нөлөөлдөг. Үрэвсэл, батга эсвэл хаанаас гарч ирсэн нь мэдэгдэхгүй цочрол... Өргөст хэмх нь сэрүүцүүлэх нөлөөтэй тул нарны түлэгдлийг маш сайн эмчилдэг.
