18/11/2024
Мон Голч-уудаа, Нийслэлчүүдээ. Эрүүл ухаанаар Бодоод үз л дээ...
Өнөөдөр амин чухал хэрэгцээ шаардлага нийтийн өмнө юу байна вэ? Мэдээж утаа түгжрэл асуудал. Гэхдээ үүнээс чинь Илүү аюул нөмрөөд байгааг анхаарах амьтан даанч алга. Манжийн 200, улаан оросын 70, Манангийн 30 бүгд 300 жилд бид үнэхээр туйлдаж одоо бүр өөрөө өөрийгөө ч танихгүй болтол солиорчээ. Хувиа бодож хуйхаа маажиж явсаар одоо зүгээр л зоомбийн сүрэг болчихжээ. Одоо сэрж гэгээрэхгүй, ухаарч өөрчлөгдөхгүй бол мөхөл үүдэнд ирээд авч гарахаар бэлдчихжээ. Мөнгөний ахиухан дүн сонсчихвол түүх соёлоо ч гаргаад өгчих жишээтэй, засаглах эрхийг ч дайсандаа худалдчих өлөн сэтгэлтэй, эх орон тусгаар тогтнолоо ч сонирхсон этгээдийн эрх ашигт нийцүүлэхээс сийхгүй сүнсээ түймэрдэгсдийг төрдөө суулгачихсан байна. Надаар хэлүүлэлтгүй олон зүйлийн жишээг та нар мэднэ. Удирдлагагүй, хяналтгүй, хариуцлагагүй, мөнгөний төлөөх хар сэтгэлийн гайгаар нийгэмд асар их аюул нүүрлээд байна. Дээрх нь суудлаа олохгүй бол доодох нь гүйдлээ олохгүй гэгчээр. Эрх мэдлийн луйварчид нь улс орноо тоноод, уул уурхайгаа зараад байгаль ч үгүй баялаг ч үгүй адаг сүүлдээ эрүүл газар нутаг ч үгүй болж байна. Ханиад эмчилж дийлэхгүй байж Эрүүл мэндийн яам байгаад байхын, Бетоныхоо чанарыг баталгаатай шалгаж, барилгынхаа найдварт байдлыг хангаж чадахгүй байж орон сууц бариад хөөсөрсөн үнээр банктайгаа нийлээд ард түмнээ шулаад байхын, хэдэн түүхэн чухал үзмэрээ аваад үлдчихэж чадаагүй араас нь хөөцөлдөөд авчирч чадахгүй байж соёлын яам, гаднаас хог хор холилдоод орж ирээд ард түмнийг шулаад хядаад байхад гааль мааль занхайгаад мөнгө уугаад хэвтэж л байхын, юу ч гийгүүлэхгүй байж төсвөө чамалсан ШУА, ямарч мэргэжлийн чадамжгүй, бичиг үсэгт ч тайлагдаагүй, сэтгэлгүй, тээг саад болж хэдэн төгрөг олох хоронд мэргэшсэн цүнх баригчдаар дүүрсэн агентлагууд, бүр хэлж тоочиж барахгүй муу муухайгаар энэ улс дүүрчээ. Бүсээ чангалвал аминд чинь өлзийтэй, бүгдээрээ нэгдвэл удамд чинь тустай, үнэний мөрөөр зүтгэвэл өөрт чинь ашигтай, өв үгдийн захиасаар явбал тэнгэрт ивээлтэйг санаж, нэг сэрмээр байна. Өөрийн дотоод ахуйгаа, өнгийж нэг хараад өөрчилж цэгцлэх замд өдөр алдалгүй ормоор байна. Гэрээ нэг тойруулж хараад гэм зэмээ засмаар байна. Толгойтой бүхэн ухаж сэрээд, төр юугаа шүүмээр байна. Түрийний бөөс толгойд гарав. Түмний үрс хог дээр хаягдав. Цаг нь болсон одоо хожидвол цааш хүлээх орон зай байхгүй... Бод Бод Бод...Зүтгэ...
