30/08/2026
WORLD AWARDS 2026: ДЭЛХИЙН СОЁЛ, ӨВ УЛАМЖЛАЛ, АВЬЯАС ЧАДВАРЫН ШИЛДГҮҮД МОНГОЛ УЛСАД НЭГДЛЭЭ
УРИЛГААР ТОП МОДЕЛ Т.БАТЦЭЦЭГ ХҮРЭЛЦЭН ИРЖ ХҮНДЭТ ЖУУХАА ГАРДАН АВЧ ОТГОН ТОП МОДЕЛУУДДАА ТИТМИЙГ НЬ ЗҮҮЖ ӨГЛӨӨ.ТАЛАРХАЛ ИЛЭРХИЙЛЬЕ.
ТАНЫ ГОО ҮЗЭСГЭЛЭН ҮҮРД МӨНХ ОРШИГ.
Монгол Улсад зохион байгуулагдсан WORLD AWARDS 2026 олон улсын арга хэмжээ дэлхийн улс орнуудын соёл, өв уламжлал, гоо зүй, загвар, урлаг, бүтээлч үйлдвэрлэл, манлайллын шилдгүүдийг нэгэн дор нэгтгэсэн онцлох үйл явдал боллоо.
WORLD AWARDS 2026 нь “Нүүдэлчин” дэлхийн соёлын фестивалийн хүрээнд 2026 оны наймдугаар сарын 21–22-ны өдрүүдэд зохион байгуулагдаж, Монгол Улсаас гадна ОХУ, БНХАУ, БНСУ, Казахстан, Ирланд, Итали, Франц болон бусад орны төлөөлөгчид оролцон, үндэсний өв соёл, урлаг, загвар, гоо зүй, авьяас чадвараа олон улсын түвшинд сурталчиллаа.
Тус арга хэмжээ нь Монгол Улсын нүүдэлчин өв соёл, үндэсний үнэт зүйлсийг дэлхий дахинд таниулахын зэрэгцээ улс орнуудын соёлын солилцоо, бүтээлч хамтын ажиллагаа, залуу үеийн манлайллыг дэмжих зорилготойгоор зохион байгуулагдсан юм.
ДЭЛХИЙН ШИЛДГҮҮД МОНГОЛЫН ТАЙЗНАА ТОДОРЛОО
WORLD AWARDS 2026-ийн хүрээнд олон улсын мисс, модель, дизайнер, уран бүтээлч, дуучин, инфлюенсер, стилист, гэрэл зурагчин, үсчин гоо сайханч, үндэсний үйлдвэрлэгч зэрэг олон салбарын шилдгүүдийг тодруулж, WORLD GRAND MISS, WORLD TOP MODEL, WORLD NOMADIC TOP MODEL, WORLD TALENTED MODEL, WORLD TOP MALE MODEL зэрэг олон улсын нэр хүндтэй цол, шагналуудыг гардууллаа.
Мөн үндэсний өв соёл, бүтээлч үйлдвэрлэл, гоо зүй болон олон улсын соёлын солилцоонд бодит хувь нэмэр оруулж буй байгууллага, брэнд, уран бүтээлч, манлайлагчдыг тусгай номинациудаар өргөмжилсөн нь арга хэмжээний онцлох хэсэг байв.
Шилдэг оролцогчид титэм, тууз, цом, батламжаа гардан авч, дэлхийн олон орны төлөөлөгчидтэй нэг тайзнаа Монгол Улсад түүхэн мөчийг бүтээлээ.
МОНГОЛЫН ӨВ СОЁЛЫГ ДЭЛХИЙД СУРТАЛЧИЛСАН ОЛОН УЛСЫН УУЛЗВАР
WORLD AWARDS 2026 нь зөвхөн шагнал гардуулах ёслол бус, Монголын нүүдэлчин соёл, үндэсний хувцас, дуу хөгжим, бүжиг, язгуур урлагийг олон улсын зочид, төлөөлөгчдөд таниулсан соёлын томоохон уулзвар байлаа.
Арга хэмжээний уран бүтээлийн хөтөлбөрт Монголын үндэсний болон орчин үеийн урлагийн үзүүлбэрүүд багтаж, оролцогч орнууд өөрсдийн өвөрмөц онцлог, үндэсний хувцас, соёлын өнгө төрхөө танилцуулсан юм.
Дэлхийн өнцөг булан бүрээс хүрэлцэн ирсэн төлөөлөгчид Монголын байгаль, нүүдэлчин ахуй, өв соёл, үндэсний урлагтай танилцаж, WORLD AWARDS-ийн тайзнаа улс орныхоо нэрийг төлөөлөн оролцсон нь Монгол Улсын соёлын аялал жуулчлал, олон улсын сурталчилгаанд чухал ач холбогдолтой үйл явдал боллоо.
ТӨР, НИЙСЛЭЛИЙН БАЙГУУЛЛАГУУД БОДЛОГЫН ХҮРЭЭНД ДЭМЖИЖ АЖИЛЛАВ
Монгол Улсын соёл, аялал жуулчлал, үндэсний өв уламжлалыг олон улсад сурталчлах бодлогын хүрээнд холбогдох төр, нийслэлийн байгууллагууд WORLD AWARDS 2026 болон “Нүүдэлчин” дэлхийн соёлын фестивалийн үйл ажиллагааг дэмжиж ажилласан.
Тухайлбал Соёл, спорт, аялал жуулчлал, залуучуудын яам, Нийслэлийн Соёл, урлагийн газар, Нийслэлийн Аялал жуулчлалын газар зэрэг байгууллагуудын бодлогын дэмжлэг дор олон улсын оролцогчид Монгол Улсад хүрэлцэн ирж, соёлын солилцоо, аялал жуулчлал, үндэсний өв уламжлалыг дэлхийд түгээн сурталчлах өргөн хүрээний үйл ажиллагаа өрнөлөө.
WORLD AWARDS – МОНГОЛООС ДЭЛХИЙ РҮҮ
WORLD AWARDS-ийг санаачлагч, Дэлхийн Соёлын Солилцооны Манлайлагчдын Хөгжлийн Зөвлөлийн Ерөнхийлөгч Б.Онончимэг:
Тэргүүн Дэд Ерөнхийлөгч Д.Батзориг
Дэд Ерөнхийлөгч Сумъяабазар
Гүйцэтгэх захирал Наранучрал
Ерөнхий нарийн бичгийн дарга Э.Уянга
Санхүү төсөв хариуцсан захирал З.Отгончимэг
“WORLD AWARDS бол зөвхөн шагнал биш. Бид Монгол Улсаас дэлхий рүү өв соёл, авьяас чадвар, бүтээлч үйлдвэрлэл, манлайллын үнэ цэнийг түгээх, улс үндэстнүүдийг соёлоор нь холбох олон улсын платформыг бий болгож байна. Монголын тайзнаа дэлхийн олон орны төлөөлөгчид өөрсдийн түүх, соёл, авьяас чадвараа харуулсан нь бидний хувьд асар их үнэ цэнтэй үйл явдал байлаа” хэмээн онцоллоо.
WORLD AWARDS 2026 амжилттай зохион байгуулагдсанаар Монгол Улс дэлхийн соёлын солилцоо, өв уламжлал, загвар, гоо зүй, бүтээлч үйлдвэрлэл, манлайллыг холбосон олон улсын шинэ платформын төв болох боломжоо дахин харууллаа.
WORLD AWARDS – МОНГОЛООС ДЭЛХИЙД
ӨВ СОЁЛ • МАНЛАЙЛАЛ • АВЬЯАС • НЭГДЭЛ
