03/11/2025
#میڈ ٹرم اور نتائج 👇
دا وزڈم سائنس سکول اینڈ کوچنگ اکیڈمی میں میڈ ٹرم امتحان اور اکیڈمی کے ماہانہ ٹیسٹ کے نتائج کے سلسلے میں ایک شاندار تقریب کا انعقاد کیا گیا۔
اس پروگرام کا مقصد نہ صرف کامیاب طلباء کی حوصلہ افزائی کرنا تھا بلکہ اُن کے اندر مزید محنت اور لگن کا جذبہ پیدا کرنا بھی تھا۔
تقریب میں پوزیشن ہولڈر طلباء کو بہترین کارکردگی پر انعامات اور شیلڈز سے نوازا گیا۔ ان کے اساتذہ اور والدین نے بھی اُن کی کامیابی پر خوشی اور فخر کا اظہار کیا۔ 🙌
پروگرام میں قوم کے نوجوان جن میں ریحان پختون، ارشاد قرار، مخلص وزیر اور ان کے ساتھیوں نے بطورِ مہمان خصوصی شرکت کی۔ یہ وہ شخصیات ہیں جنہوں نے دن رات ایک کرکے اپنے قوم کیلئے امن مانگا۔ 🕊
انہوں نے اپنے خطاب میں کہا کہ جانی خیل قوم کا مستقبل ان ہی محنتی طلباء کے ہاتھوں میں ہے،
اور انہوں نے امن، علم اور ترقی کی راہ میں اپنی قربانیوں اور جدوجہد کا ذکر کرتے ہوئے نوجوان نسل کو تعلیم کے ذریعے مضبوط قوم کی تعمیر کا پیغام دیا۔ ✊🏻
آخر میں ادارے کے منتظمین نے تمام مہمانوں، اساتذہ، والدین اور طلباء کا شکریہ ادا کیا جنہوں نے پروگرام کو کامیاب بنانے میں اہم کردار ادا کیا۔
