20/06/2026
عوام کی آواز برائے نادرا ای سہولت
نادرا ای سہولت عوام کے لیے ایک بہترین سہولت ہے، تاہم اگر 10 سال سے زائد عمر کے بچوں کے ب فارم (Child Registration Certificate) اور فیملی رجسٹریشن سرٹیفکیٹ (FRC) کی خدمات بھی ای سہولت مراکز میں شامل کر دی جائیں تو اس سے لاکھوں شہری مستفید ہو سکتے ہیں۔
خصوصاً دور دراز علاقوں سے آنے والے افراد اکثر ان خدمات کے حصول کے لیے ای سہولت مراکز کا رخ کرتے ہیں، لیکن یہ سہولت دستیاب نہ ہونے کی وجہ سے انہیں دوبارہ نادرا دفاتر بھیجا جاتا ہے، جس سے ان کا قیمتی وقت، اضافی اخراجات اور مشکلات بڑھ جاتی ہیں۔
لہٰذا نادرا انتظامیہ سے گزارش ہے کہ عوامی سہولت اور آسانی کے پیش نظر 10 سال سے زائد عمر کے بچوں کے ب فارم اور فیملی رجسٹریشن سرٹیفکیٹ (FRC) کی خدمات کو بھی نادرا ای سہولت مراکز میں شامل کیا جائے تاکہ شہریوں کو ان کے قریب ہی بہتر اور فوری سہولت فراہم کی جا سکے۔
عوامی مفاد میں ایک اہم مطالبہ
