23/01/2026
چلیں کچھ غلط فہمیاں دور کرتے ہیں۔
۱- کیا لینڈ ریکارڈ خفیہ ہوتا ہے؟
لینڈ ریونیو ایکٹ، 1967 (Punjab Land Revenue Act, 1967) کی دفعہ 42کے تحت کوئی بھی شہری زمین کے ریونیو ریکارڈ کامعائنہ کر سکتا ہےاور مقررہ فیس ادا کرکے فردِ ملکیت (Fard) یا ریکارڈ کی نقل حاصل کر سکتا ہے۔اہم نکتہ یہ ہے کہ اس کے لیے مالک ہونا شرط نہیں اور ریکارڈ پبلک ڈاکومنٹ سمجھا جاتا ہے
۲- کیا فرد جعلی بھی ہوسکتی ہے؟
جی نہیں، کمپیوٹرائز فرد کے اوپر ایک کیو آر کوڈ پرنٹ ہوتا ہے جوکہ سکین کرنے پر اس فرد سے متعلق تمام معلومات فراہم کرتا ہے اور اسکی اصلی یا جعلی ہونے کی تصدیق کی جاسکتی ہے۔
۳- کیا اراضی معاون کے پاس تمام ڈیٹا تک ون کلک رسائی ہوتی ہے؟
جی نہیں، اراضی معاون ریکارڈ تک صرف اس وقت رسائی حاصل کرسکتا ہے جب اصل مالک پاس موجود ہو، اسکی بائیومیٹرک نادرا سے تصدیق ہونے کے بعد پنجاب لینڈ ریکارڈ اتھارٹی کے ڈیٹابیس میں محفوظ ہو۔ اس صورت میں صرف اس متعلقہ شخص کے ریکارڈ تک رسائی ملتی ہے اور اسکا کام مکمل ہونے کے بعد وہ ٹاسک مکمل صورت اختیار کرلیتا ہے اور دوبارہ اس شخص کے ریکارڈ تک بھی رسائی نہیں ہوتی۔
۴- کیا اراضی معاون کے پاس ٹرانزیکشن کا اختیار ہوتا ہے؟
جی نہیں، اراضی معاون صرف فرد ملکیت جاری کرسکتا ہے اور ایک فرد جاری کرنے کے موقع پر متعدد مرتبہ متعلقہ مالک اراضی کی بائیومیٹرک ہوتی ہے جس کے بعد فرد ملکیت تیار ہوتی ہے۔ فرد ملکیت تیار ہونے کے بعد اس پر رجسٹری تیار ہوتی ہے اور زمین منتقل ہونے سے پہلے سب رجسٹرار کے روبرو فروخت کنندہ کے بیانات اور پھر بائیومیٹرک ہوتی ہے، یہ تمام مراحل مکمل ہونے کے بعد اگر سب رجسٹرار اس رجسٹری پر اطمینان رکھتا ہو تو اپنی بائیومیٹرک کرکے اس متعلقہ ٹاسک کو مکمل کرتا ہے، یاد رہے کہ ہر ٹاسک کی تکمیل کے لیے سب رجسٹرار کو ہر بار بائیومیٹرک کرنا ضروری ہے۔
۵- کیا اراضی معاون وہ واحد شخص ہے جس کے پاس ریکارڈ تک رسائی یا وہ سروس دینے کا مجاز ہے؟
جی نہیں، لینڈ ریکارڈ کمپیوٹرائز ہونے کے بعد اراضی ریکارڈ سنٹرز، دیہی مرکز مال، اور پٹواری کے پاس مکمل ریکارڈ دیکھنے اور اس میں تبدیلی کے اختیارات تھے۔ اگر پرائیویٹ طور پر دیکھا جائے تو نادرا ای سہولت کی شکل میں ریکارڈ دیکھنے کی صورت میں آج کے اراضی معاون سے زیادہ اختیارات ہیں۔ لہذا یہ تاثر کے اراضی معاون پہلا پرائیویٹ شخص ہے جس کو ریکارڈ تک رسائی یا سروسز دینے کا اختیار ہے بالکل غلط ہے۔
عبدالستار
پنجاب لینڈ ریکارڈ اتھارٹی سے منظور شدہ اراضی معاون
چیمبر نمبر 31 تحصیل کچہری دیپالپور
