16/11/2025
اینٹوں کے من مانے ریٹ—فوری کارروائی کا مطالبہ
رپورٹ: رانا عثمان خاں، ایڈمن فرسٹ انفارمیشن گروپ ڈجکوٹ
تاریخ: 15 نومبر 2025
ڈجکوٹ (نامہ نگار) تحصیل صدر ڈجکوٹ اور گردونواح میں بھٹہ مالکان نے اول اینٹ 18 سے 20 ہزار روپے فی ہزار میں فروخت کرنا شروع کر دی ہے، جو سرکاری نرخ نامے سے واضح انحراف ہے۔ بلیک میں فروخت کے باعث شہری شدید پریشان ہیں۔
علاقہ مکینوں نے اے سی صدر ڈاکٹر ذوالقرنین سلیم، پیرا فورس، پرائس کنٹرول مجسٹریٹ، ڈسٹرکٹ پرائس کنٹرول کمیٹی، محکمہ انڈسٹریز اینڈ پرائس کنٹرول، اور ضلعی ریونیو اتھارٹی سے فوری نوٹس لینے اور بھٹہ مالکان کے خلاف سخت کارروائی کا مطالبہ کیا ہے۔
عوام کا کہنا ہے کہ خودساختہ ریٹس نے تعمیراتی اخراجات بڑھا دیے ہیں، اس لیے سرکاری نرخ نافذ کروائے جائیں اور ناجائز منافع خوری کا فوری خاتمہ کیا جائے۔
