Alhamad Property Delars

31/03/2026

31/03/2026

26/02/2026

پکھے والا کھو: پون چکی 1919ء، جہانیاں:
جنگ عظیم اول میں حصہ لینے کے اعزاز میں برطانوی سرکار نے گوجرہ سے تعلق رکھنے والے صوبیدار امام علی کو چک 131/10R تحصیل جہانیاں، ضلع خانیوال میں دو مربع زمین الاٹ کی۔ آپ گوجرہ کو الوداع کہہ کر اس چک میں آباد ہوگۓ۔ صوبیدار صاحب ایک باہمت، وضع دار، جدت پسند اور محنتی طبیعت کے حامل شخص تھے۔ جنگی ایام کے دوران فرانس میں پون چکی سے چلنے والا واٹر پمپ دیکھا جس سے متاثر ہو کر وہ ٹیکنالوجی اپنی زمین پر آزمانے کا ارادہ کیا۔ فرانس سے اس پون چکی کا ڈیزائن تیار کروایا۔ جب واپس آۓ تو مذکورہ بالا چک میں سکونت اختیار کی اور پون چکی تعمیر کرائ۔
ہماری معلومات کے مطابق یہ پاکستان میں اپنی نوعیت کی واحد ہوا سے چلنے والی چکی ہے جو زیر زمین پانی نکالنے کے لیے بنائ گئ تھی۔ صوبیدار امام علی کے پوتے راجہ محمد فاروق صاحب نے بتایا کہ یہ مقام پکھے والا (پنکھے والا) کھو کے نام سے مشہور ہے اور جنگ عظیم اول کے بعد ہمارے دادا مرحوم نے اسکو آباد کیا۔ اس وقت نہری پانی کا نظام اتنا مؤثر نہیں تھا۔ دادا مرحوم نے فرانس میں اس پون چکی والے طریقہ کو یہاں متعارف کرایا۔ کافی عرصہ تک اس چکی کی عمارت کی تعمیر جاری رہی جسکو ایک مسلم اور ایک سکھ معمار نے تعمیر کیا۔ اسکے لکڑی کے چار بڑے پر ہیں، جنہیں 180 گز کپڑا لگا تھا۔ ہوا کے رخ پروں کو موڑنے کے لیے عمارت کے ٹاپ پر ٹرین کی پٹڑی کی طرح لوہے کا گول کڑا لگا ہوا ہے۔ پانی نکالنے کے لیے چاروں جانب کنویں کھودے گۓ۔ اس وقت زیر زمین پانی 10 سے 15 فٹ کی گہرائ پر تھا۔ جب اسکی تعمیر مکمل ہوئ اور پون چکی نے کام کرنا شروع کیا تو پہلے روز 24 گھنٹوں میں اتنا پانی نکلا کہ اس سے 52 ایکڑ زمین سیراب ہوئ۔ لیکن اگلے روز اس شاندار کامیابی کی خوشی چکنا چور ہو گئ جب اس بات کا احساس ہوا کہ اس پون چکی کے پروں کو روکنے کا کوئ نظام نہیں تھا، ہوا چلتی رہتی تو پر بھی گھومتے رہتے اور پانی بھی نکلتا رہتا۔ چناچہ برسوں کی محنت سے بننے والے اس منصوبہ کو صرف ایک دن چلنے کے بعد بند کر دیا گیا۔
پکھے والے کھو میں ہی صوبیدار امام علی مرحوم کی آخری آرامگاہ ہے اور ایک پرانی مسجد بھی ہے۔ آپکا انتقال 75 برس کی عمر میں 25 مئ 1938 کو ہوا۔ فاروق صاحب نے بتایا کہ پون چکی دیکھنے دور دراز سے لوگ آتے تھے، دادا مرحوم کے زمانے میں پون چکی کی تعمیر کے دوران کسی شخص نے پوچھا کہ یہ کس سردار صاحب (سکھ سردار) کا کھو ہے جو اتنا شاندار منصوبہ تعمیر کروا رہا ہے۔ یہ سن کر امام علی صاحب جذباتی ہوگۓ اور کہا کہ کیا کوئ مسلمان ترقیاتی کام نہیں کرا سکتا۔ پون چکی کی تعمیر رکوائ اور فورا ایک مسجد کی تعمیر کا حکم دیا تاکہ آنیوالوں کو دور سے ہی معلوم ہو جاۓ کہ یہ کسی سکھ یا ہندو کا نہیں بلکہ ایک مسلمان کا علاقہ ہے۔
دعا ہے کہ صوبیدار امام علی کے درجات بلند فرمائے اور جنت الفردوس میں اعلیٰ مقام عطا فرمائے آمین۔
ڈاکٹر سید مزمل حسین
وسیب ایکسپلورر

26/02/2026

مقبرہ خالد ولید — قدیم ورثہ اور تاریخی پہلو

پنجاب کے شہر کبیر والا میں واقع یہ مقام اپنی قدامت اور طرزِ تعمیر کے باعث خاص اہمیت رکھتا ہے۔ مقبرہ خالد ولید صدیوں پر محیط تعمیراتی روایت کی عکاسی کرتا ہے اور جنوبی پنجاب کے قدیم مذہبی و ثقافتی ورثے کا ایک نمایاں حصہ سمجھا جاتا ہے۔

تاریخی و قدیم پہلو

عمارت میں استعمال ہونے والی پکی اینٹیں اور چونے کا مسالا قدیم طرزِ تعمیر کی نشاندہی کرتے ہیں۔

مرکزی گنبد اور محرابی ڈھانچہ ابتدائی اسلامی فنِ تعمیر کی جھلک پیش کرتا ہے۔

قریبی علاقے میں موجود پرانی درگاہ اور قدیم گنبد اس خطے کی کئی صدیوں پر محیط تاریخی تسلسل کو ظاہر کرتے ہیں۔

بعض حصوں میں پرانی اینٹوں اور ساختی انداز سے اندازہ ہوتا ہے کہ موجودہ عمارت مختلف ادوار میں مرمت اور توسیع سے گزری ہے۔

داخلی دروازہ — قدیم ساخت

مقبرے کا داخلی دروازہ سادہ مگر تاریخی وقار کا حامل ہے۔

بلند محراب نما دروازہ جو روایتی اسلامی تعمیر کا نمونہ ہے۔

موٹی دیواریں اور قدیم اینٹوں کی قطار بندی اس کی مضبوطی اور عمر کو ظاہر کرتی ہے۔

سادگی میں چھپی ہوئی وقار آمیز بناوٹ اس دور کے فنِ تعمیر کی سنجیدگی کی عکاسی کرتی ہے۔

یہ مقام محض ایک مزار نہیں بلکہ ایک تاریخی یادگار ہے جو خطے کی قدیم تہذیبی روایت اور تعمیراتی مہارت کو آج بھی زندہ رکھے ہوئے ہے۔

26/02/2026