13/06/2026
اس وقت پاکستان میں جن محدودے چند اداروں کے حصے میں عوام کی اکثریت کی دعائیں آرہی ہیں اور لوگ بحیثیتِ مجموعی ان کی کارکردگی کو سرارہے ہیں اُن میں سرِ فہرست سی سی ڈی پنجاب ہے۔ ایک ایسا ادارہ جس نے اپنے نام کی لاج رکھتے ہوئے واقعی کرائم کنٹرول میں کم وقت میں بہت بڑی کامیابیاں حاصل کی ہیں۔
آپ ذرا توجہ فرمائیے کہ جرائم کا پھیلا ہوا یہ گند پون صدی پر محیط بدانتظامیوں، دھڑے بندیوں، برادی ازم اور وڈیرہ شاہی کی پشت پناہوں پر پر مشتمل ہے اسے راتوں رات ختم کرنے کی جدوجہد میں تو شاید اللہ دین بھی اپنا چراغ بجھابیٹھے مگر سی سی ڈی یہ بازی لے جانے میں جُت گئی ہے اللہ کرے کہ جِت (جیت) بھی جائے۔
غلطیاں اور لغزیشیں ہمیشہ کام کرنے والوں سے ہی سرزد ہوتی ہیں جبکہ خیالات کے سمندر میں تیرنے والے من چاہے نتائچ اخذ کر تے رہتے ہیں۔ خیالات کی دنیا اور عمل میں بیادی فرق ہی یہی ہوتا ہے کہ خیالات میں سہانے سپنے تراشے جاتے ہیں اور من مرضی سے انکی نوک پلک سنوارلی جاتی ہے جبکہ عمل اپنے نقش چھوڑ جاتے ہیں جنہیں نہ تو آسانی دھویا جاسکتا ہےاور نہ آسانی سے سنوارا جاسکتا ہے ہاں البتہ کفارے ادا کرنے ہوتے ہیں اور ازالے کرنے پڑتے ہیں یہی کچھ سی سی ڈی کے حصے میں بھی آراہا ہے اور آنے والا ہے لیکن آنے والا شاید زیادہ گھمبیر اور خطرنا ک ہوسکتا ہے
برسوں پہلے ایک دوست نے ایک آزاد غزل کچی پنسل سے لکھی ہوئی تھی "چِت چور بھی آخر چور ہی تھا" جس میں اُس عاشق چور کا کرادار بڑا ضدی تھا جو محبوب کے ہر عمل کا حیران کُن ردِ عمل دیتا تھا تو یہ جو عملی چور ہیں یہ اُس سے کم تر گز نہیں ہیں یہ بھی جرائم کی دنیا کو آباد رکھنے کے لیئے ہر ممکن حد تک جائیں گے اگر کہیں ان جرائم پیشہ افراد نے ہمت ہاری یا ہتھیار پھینکنے کی کوشش کی بھی تو ان کے "ہتھ رکھے" انہیں یہ نیک عمل ہر گز نہ کرنے دیں گے کہ اُن کے لیئے روزی روٹی کے ساتھ ساتھ عزت وقار اور بقا کے مسائل پیدا ہوسکتے ہیں
ممکنہ آمدہ مسائل میں کردہ یا ناکردہ غلطیوں کو بنیاد بنا کر کرائے پر دستیاب میڈیا گروپس کے ذریعے واویلا کرنا اور غیر قانونی طریقے سے "قانونی چارہ جوئیاں" کرنا شامل ہوسکتے ہیں۔ ہوسکتا ہے کہ مستقبلِ قریب میں کچھ لوگ پریشر گروپ صورت اختیار کر کے حکومت پر سی سی ڈی کو کنٹرول کرنے کے لیئے دباءو ڈالیں۔ اگر خدانخواستہ حکومت ایسے کسی دباءو میں آگئی تو معاشرے کے لیئے اس نتائج انتہائی بھیانک ہوں گے۔
گرتے ہیں شاہ شہوار ہی میدانِ جنگ میں
وہ طفل کیا گرے جو ٹخنوں کے بل چلے
اللہ پاک ہر نیک عمل کرنے والے کو اجرِ عظیم عطا فرمائے اور اسے اُسے ثابت قدم رکھے
حیدر کے قلم سے
Send a message to learn more
