31/07/2026
Very sad news for Jinnah garden allotes.... Allottes should have to take action
🚨 جناح گارڈن کے متاثرین کے ساتھ خود ساختہ AGM منٹس کے ذریعے کھلا دھوکہ! 🚨
جناح گارڈن کے متاثرین کے ساتھ سب سے بڑا ظلم خود ساختہ AGM منٹس کی صورت میں ہوا ہے۔ ان منٹس میں کئی ایسے نکات شامل کر دیے گئے ہیں جن پر AGM میں سرے سے بات ہی نہیں ہوئی۔ سب سے نمایاں مثال یہ ہے کہ 3 فائلوں کے بدلے ایک پوزیشن ایبل پلاٹ دینے کا فیصلہ اجلاس میں کبھی ہوا ہی نہیں۔
حقیقت یہ ہے کہ متاثرین کی اکثریت کے پاس 3-3 فائلیں موجود ہی نہیں۔ پھر یہ شق کس کے فائدے کے لیے لکھی گئی؟ آج اسی کاغذ کی بنیاد پر سوسائٹی کے پاس یہ "قانونی جواز" موجود ہے کہ وہ 3 فائلوں کےبدلے ایک پلاٹ دے اور سنیارٹی کے پورے اصول کو بائی پاس کر جائے۔ یعنی جو سالوں سے قطار میں کھڑا ہے، وہ کھڑا رہے — اور جسے نوازنا مقصود ہے، وہ آگے نکل جائے۔
سب سے حیران کن بات یہ ہے کہ AGM میں سرکل رجسٹرار آفس کا نمائندہ بھی موجود ہوتا ہے۔ اس کی ذمہ داری تھی کہ کارروائی کو حقیقت کے مطابق ریکارڈ کرے اور اسی کی بنیاد پر منٹس تیار ہوں۔ تو پھر اس نے ان خود ساختہ منٹس کی توثیق کیسے کر دی؟ یہ سوال جواب مانگتا ہے۔
اسلام آباد کوآپریٹو سوسائٹیز رولز 2018 کے تحت AGM کی ویڈیو ریکارڈنگ لازمی ہے۔ اگر مینجمنٹ کمیٹی یا اس کا کوئی نمائندہ میرے اس مؤقف کی تردید کرتا ہے، تو الفاظ نہیں — ریکارڈنگ کا وہ حصہ سامنے لائیں جس میں ممبران نے 3 فائلوں کے بدلے ایک پلاٹ کی منظوری دی ہو۔ ثبوت پیش کریں، ورنہ یہ منٹس جعلی تسلیم کیے جائیں۔
ہم خاموش نہیں رہیں گے۔ ہمارا حق کسی من گھڑت کاغذ کا محتاج نہیں — وہ قانون، ریکارڈ اور ہماری اجتماعی آواز میں محفوظ ہے۔
📢 تمام متاثرین اور ممبران سے گزارش:
✅ اس پوسٹ پر کمنٹ کر کے واضح لکھیں کہ آپ نے ایسی کوئی منظوری نہیں دی۔
✅ اس پوسٹ کو زیادہ سے زیادہ شیئر کریں تاکہ سچ ہر متاثر تک پہنچے۔
ہماری خاموشی ہی ان کی سب سے بڑی طاقت ہے — آج بولنا ضروری ہے۔
