Hafiz Property advisor

30/03/2025

24/12/2023

زمین کے کھاتوں میں کھیوٹ، کھتونی، خسرہ نمبر اور دیگر اصلاحات کیا ہیں؟ جانیے اس تحریر میں۔

1- موضع :
یہ ایک بڑا یونٹ ہوتا ہے جو عموماَ ایک بڑے گاؤں یا ایک سے زیادہ چھوٹے گاؤں کو ملا کر بنایا جاتا ہے۔ موضع کا نام اس گاؤں یا ایریا کے نام پر ہی درج ہوتا ہے ۔
2- کھیوٹ نمبر:
جب موضع بن جاتا ہے تو اس میں بہت سارے لوگوں اور خاندانوں کی زمین شامل ہوتی ہے اس کی تقسیم مزید آسان بنانے کے لیے کھیوٹ نمبر دے دیے جاتے ہیں، مثلا یہ ایک سو ایکڑ ایک خاندان کے پاس ہے اسے ایک نمبر دے دیا کہ فلاں موضع کا یہ کھیوٹ نمبر ہے جو فلاں خاندان کے ان ان حصہ داروں کے پاس ہے۔ یا مختلف خاندانوں یا لوگوں کی زمین کو ملا کر بھی ایک کھیوٹ بنایا جاتا ہے۔ اس کا نمبر تبدیل ہو سکتا ہے جب کوئی زمین فروخت کرتا ہے یا ایسی کوئی تبدیلی ہوتی ہے تو آپ کے کھیوٹ کا نمبر بدل جاتا ہے۔
3- کھتونی نمبر:
موضع بھی بن گیا، اس میں کھیوٹ نمبر بھی لگ گئے اب کھیوٹ میں بہت سارے مالکان ہیں کسی کے پاس پانچ ایکڑ ہے کسی کے پاس دس اور کسی کے پاس دو ایکڑ تو ان کو کیسے پہچانے گے کہ اس کھیوٹ میں کونسے بندے کی کتنی زمین ہے تو اس کے لیے ہر حصہ دار کو ایک کھتونی نمبر لگا دیا جاتا ہے۔ مثلا کھیوٹ نمبر 1 میں دس ایکڑ زمین ہے اور دو مالک ہیں پانچ پانچ ایکڑ کے تو ان دونوں کو الگ الگ نمبر دے دیا جائے گا پانچ پانچ ایکڑ کا جسے کھتونی نمبر کہتے ہیں۔ یہ نمبر بھی تبدیل ہوتا رہتا ہے جب کوئی اپنے حصے سے فروخت کر دے کسی کو یا ایسی کوئی دوسری تبدیلی ہو۔
4- خسرہ نمبر:
اب ایک کھتونی میں جو پانچ ایکڑ تھے (جو ہم نے مثال میں لیے پانچ ایکڑ، حقیقت میں ان کی تعداد جو بھی ہو گی) ہر ایکڑ کو ایک خاص نمبر دیا جاتا ہے جو خسرہ نمبر کہلا تا ہے۔ یہ نمبر کبھی تبدیل نہیں ہوتا چاہے کوئی فروخت کرے مگر کھیت کا خسرہ نمبر ایک ہی رہے گا۔ اور اس میں کھیت کی چاروں طرف سے پیمائش بھی لکھی ہوتی ہے کہ اس خسرہ نمبر کا جو کھیت ہے اس کی لمبائی چوڑائی وغیرہ کیا ہے۔
5- مساوی: (شجرہ)
یہ موضع کا نقشہ ہوتا ہے، کہاں کس کا کھیت ہے کہاں راستہ ہے کہاں کیا ہے سب اس میں ہوتا ہے۔ پٹواری کے پاس یہ نقشہ ایک کپڑے پر بنا ہوتا ہے جسے لٹھا بھی کہا جاتا ہے۔
6- جمعبندی:
اس میں ایک موضع کے کسی کھیوٹ کی کسی کھتونی کے کس خسرہ میں کتنے مالک ہیں سب کی تفصیل درج ہوتی ہے۔ اس میں یہ بھی درج ہوتا ہے کہ مالک کون ہے اور زمین کاشت کون کر رہا ہے ٹھیکہ پر یا کیسے۔ زمین کی فرد بھی اسی رجسٹر کی تفصیل کی بنیاد پر جاری ہوتی ہے۔
7- گردوری:
آپ جس رقبہ کے مالک ہیں یا مزارع ہیں اس رقبہ میں کیا کاشت ہوتا ہے یا کیا کاشت کیا ہوا ہے اس کی تفصیل بھی پٹواری درج کرتا ہے اسے گردوری کہتے ہیں۔
اہم نوٹ: زمین خریدتے وقت ہمیشہ خسرہ نمبر کی فرد کی بنیاد پر زمین خریدیں۔ مثلا فرض کریں ایک بندہ دو ایکڑ کا مالک ہے اس کا کھیوٹ نمبر 1 اور اس کے دو ایکڑ کھیوٹ نمبر 1 کی الگ الگ کھتونی نمبر 5 خسرہ نمبر 50 اوردوسرا ایکڑ کھتونی نمبر 10 میں خسرہ نمبر 100 ہیں۔ آپ اس سے ایک ایکڑ خریدنا چاہتے ہیں اور وہ آپ جو پسند کرتے ہیں اس کا خسرہ نمبر 50 ہے مگر اسے فرد اس 50 نمبر خسرہ کی نہیں بلکہ پوری رقبے کی کھیوٹ سے ملتی ہے جس میں وہ آپ کے نام ایک ایکڑ کروا دیتا ہے تو اب قانوناَ آپ اس کے دونوں ایک میں خسرہ نمبر 50 اور خسرہ نمبر 100 میں آدھے آدھے ایکڑ کے مالک بن جائیں گے اور اگر خسرہ نمبر 50فرد ہی آپ کو دے گا تو اس کی بنیاد پر وہی ایکڑ پورا آپ کے نام لگے گا۔ بیشک وہ آپ کو آپ کا پسند کیا ہوا خسرہ نمبر 50 ہی کاشت کے لیے دے رہا ہو مگر مستقبل میں آپ کے بچوں میں جھگڑا ہو سکتا ہے کہ آپ کے یا اس کے بچے کہیں آپ کا آدھا ایکڑ یہاں بول رہا ہے یہاں جاؤ ہمارا وہاں ہے ہم وہاں جائیں گے وغیرہ۔ یہ تو دو ایکڑ کی مثال تھی اکثر ایسا ہوتا ہے کہ کسی زیادہ ایکڑ کے مالک سے زمین خرید لیں تو بعد میں وہ کہتا ہے کہ میں نے یہ ایکڑ نہیں بلکہ کوئی دوسرا دیا تھا لہذا اسے کاشت کرو جا کر وہ چاہے بنجر ہو۔ اس لیے زمین لینے سے پہلے تسلی کر لیا کریں۔

صاحب تحریر نامعلوم

29/11/2023

فوری رہائش کے قابل پلاٹس , فارم ہاوسسزکے لیے زمین کے خریداروں اور انویسٹر حضرات کے لیے خوشخبری ۔

پانچ مرلہ تا پانچ کنال کے پلاٹس /زرعی فارم ہاوسسز برائے فروخت

خصوصیات ۔

ملکیتی رقبہ
کمپیوٹرائز انتقال
فوری قبضہ
آبادی سے متصل
سیوریج
بجلی کھمبوں کی تنصیب اور گلیوں کی پختگی کا کام جاری
ٹیکسلا , واہ کینٹ اور حسن ابدال کے قریب
60 تا 70 فٹ گہرائی میں میٹھا پانی
سرسبز اور زرخیز رقبہ
دو ماہ میں پندرہ تا بیس فیصد قیمتوں میں متوقع اضافہ
بجلی گیس سرکاری ڈسپنسری اور اسکول قریبی آبادی میں موجود۔
صرف تین ماہ کا پیمنٹ پلان ۔

۔۔۔۔۔۔۔۔۔۔۔۔۔۔۔

نئی قیمت

گلی سائز 16 فٹ ۔۔۔۔۔ قیمت فی مرلہ ۔۔۔۔۔175000۔
کل قیمت پانچ مرلہ875000

گلی سائز 24 فٹ ۔۔۔۔قیمت فی مرلہ ۔۔۔۔200000
کل قیمت دس مرلہ 2000000

کارنر 15 فیصد اضافی چارجز ۔
24 فٹ گلی پر صرف دس مرلہ کے پلاٹس دستیاب ہیں۔

مذکورہ پراجیکٹ کے قریب چند پلاٹس 120000 فی مرلہ دستیاب ہیں

(نوٹ) ایک تا پانچ کنال پلاٹس کی بکنگ پر خصوصی رعایت۔

مسافت
شاہین چوک حسن ابدال تا موضع بجاڑ 10 منٹ
ٹیکسلا حطار روڈ تا موضع بجاڑ 20 منٹ۔
واہ کینٹ بیریل 3 تا موضع بجاڑ 20 منٹ۔

رابطہ :
حافظ پراپرٹی ایڈوائزر

03362778666
03444598559

12/11/2023

رب اوزعنی ان اشکر نعمتک التی انعمت علی۔

اللھم لک الحمد کما انت اھلہ ولک الشکر کما انت اھلہ۔

اللہ تعالی نے اپنے خاص فضل وکرم کی بدولت بیٹا عطا کیا ہے۔
رب تعالی اسے دارین کا سعادت مند بنائے۔آمین

تمام احباب سے نومولود کی صحت وعافیت والی لمبی زندگی کی دعا کی درخواست ہے۔

06/09/2023

انا للہ وانا الیہ راجعون

ہماری قرآن اکیڈمی کے ٹیچر قاری ناصر عزیز صاحب کے والد محترم خواجہ عبد العزیز صاحب کا مختصر علالت کے بعد انتقال ہو گیا ۔

مرحوم نگدر تھائیاں مسجد کے موذن اور پکے نمازی تھے۔

تمام احباب سے مرحوم کی مغفرت اور بلندی درجات کے لیے دعا کی گزارش ہے۔

اللہ کریم مرحوم کو جنت الفردوس میں اعلی مقام عطا فرمائے اور جملہ لواحقین کو صبرجمیل نصیب فرمائے۔

امین