13/11/2023
ٹیچنگ اور کوچنگ میرا جنون ہے۔ میں نے جب ٹریننگ کے میدان میں قدم رکھا تو اس کے ساتھ کاؤنسلنگ بھی شروع کر دی۔ یہ سلسلہ طویل عرصہ چلا اور اس سے سیکڑوں افراد مستفید ہوئے۔ وقت کے ساتھ ساتھ میری مصروفیات بڑھتی گئیں تو میں نے کاؤنسلنگ چھوڑ دی۔ البتہ اس دوران بے شمار لوگ مجھ سے رابطہ کر کے زندگی کے مختلف مسائل کےحوالے سے رہنمائی طلب کرتے اور درخواست کرتے کہ آپ کاؤنسلنگ کا سلسلہ دوبارہ شروع کریں، چنانچہ ان کے پرزور اصرار پر میں نے اپنی ٹیم کے ساتھ کاؤنسلنگ شروع کرنے کا فیصلہ کیا ہے اس مقصد کے لیے مکمل پیکج ڈیزائن کیا گیا ہے جس میں آپ کو شخصیت کے تمام پہلوؤں پر رہنمائی فراہم کی جائے گی۔ ان سیشنز میں آپ اپنی شخصیت میں چھپے جوہر جان سکیں گے، نیز اپنی ذات کے کمزور پہلوؤں سے متعارف ہو سکیں گے اور یہ رہنمائی بھی حاصل کر سکیں گے کہ مستقبل کے لیے آپ کو کیا کرنا چاہیے اور کس میدان میں آپ شان دار ترقی کر سکتے ہیں۔ یہ سیشن تین گھنٹے پر مشتمل ہو گا جس کے اختتام پرآپ کو Assessment Certificate اور مستقبل کے لیے لائحہ عمل بھی دیا جائے گا،نیزآپ کے لیے پُرتکلف چائے کا اہتمام بھی کیا جائے گا۔
