23/04/2023
سکھر :اوقاف جائیدادوں کے دکانداروں کو ادائیگیوں کے نوٹس جاری
سکھر (نمائندہ جسارت) محکمہ اوقاف اویکیو ٹرسٹ پراپرٹی بورڈ کی جانب سے دکانوں کے کرایہ داروں کو2006 سے کرایوں کے بقایاجات کی مد میں بھاری بھرکم رقوم کی ادائیگیوں کے نوٹس جاری کیے گئے ہیں، جن میں بتایا گیا ہے کہ 2006 میںمقرر کیے گئے کرایوں کی مد میں دکانداروں پر یہ بقایہ جات واجب الادا ہیں ، جنہیں ادا کیا جائے بصورت دیگر دکانیں بند کر دی جائیں گی، بھاری بھرکم کرایوں کی ادائیگیوں کے اجراء سے دکاندار سخت پریشان ہیںاور ان بلوں کو دکاندار وں کے ساتھ سخت نا انصافی ظلم و ذیادتی قرار دیا ہے۔ انہوں نے کہا کہ 17 سال بعد بقایا جات کی ادائیگیوں کے نوٹس جاری کرنا محکمہ اوقاف کی بد دیانتی ہے ، کیونکہ ان سالوں کے درمیان ہر سال کرائے میں اضافہ ہوتا رہا ہے، جبکہ اب 17 سال کے بقایا جات کو واجب الاداظاہر کیا جانا غیر قانونی ہے، جس کا اویکیو ٹرسٹ پراپرٹی بورڈ کے پاس کوئی جواز نہیں،محکمہ ان نوٹسز کوفوری واپس لے
