08/10/2025
سابق سینیٹر مشتاق احمد اسرائیل کی حراست سے رہا
روشلم: جماعتِ اسلامی کے سابق سینیٹر مشتاق احمد کو اسرائیلی حکام نے حراست میں لینے کے بعد رہا کر دیا۔
ذرائع کے مطابق مشتاق احمد کو فلسطینی عوام کے حق میں بیان دینے اور اسرائیلی مظالم کے خلاف آواز بلند کرنے پر حراست میں لیا گیا تھا۔ رہائی کے بعد وہ پاکستانی سفارتخانے پہنچ گئے جہاں سفارتی عملے نے ان کا خیرمقدم کیا۔
مشتاق احمد نے کہا کہ وہ فلسطینیوں کے ساتھ اظہارِ یکجہتی کے لیے اسرائیل گئے تھے اور کسی دباؤ کے باوجود حق گوئی سے پیچھے نہیں ہٹیں گے۔
پاکستانی وزارتِ خارجہ نے مشتاق احمد کی رہائی کی تصدیق کرتے ہوئے کہا ہے کہ سفارتخانے نے ہر ممکن سفارتی تعاون فراہم کیا۔
