05/04/2026
قسط 3: رمضان
(( استقامت ۽ سڄي سال جي راهنمائي ))
رمضان المبارڪ گذري رهيو آهي، پر ان جا سبق هميشه لاءِ آهن .
هن مهيني ۾ اسان نماز، تلاوت، دعا ۽ نيڪ عملن جي عادت وڌي ، هاڻي اصل امتحان اهو آهي تہ ڇا اهي عادتون رمضان کان پوءِ بہ جاري رهن ٿيون؟
الله تعالى قرآن پاڪ ۾ فرمائي ٿو :
﴿ وَاعْبُدْ رَبَّكَ حَتَّىٰ يَأْتِيَكَ الْيَقِينُ ﴾
حوالو : سورة الحجر: 99
ترجمو : ۽ پنهنجي رب جي عبادت ڪندو رهہ ، جيستائين تو وٽ يقين (موت) اچي وڃي.
هي آيت اسان کي سيکاري ٿي تہ عبادت ڪنهن هڪ مهيني تائين محدود ناهي، بلڪہ سڄي زندگي جو ڪم آهي .
رمضان اسان کي استقامت، پابندي ۽ الله سان تعلق مضبوط ڪرڻ جو سبق ڏئي ٿو .
اصل ڪاميابي اها آهي تہ رمضان کان پوءِ بہ نماز قائم رهي، قرآن سان تعلق برقرار رهي، ۽ دل ۾ الله جو خوف ۽ محبت زنده رهي .
الله پاڪ اسان کي رمضان جي سکيا تي سڄي سال عمل ڪرڻ جي توفيق عطا فرمائي۔
آمين يا رب العالمين.
✍️ عتيق الله ميمڻ
