19/06/2026
آج ڈی ایچ اے اسٹیٹ ایجنٹس ایسوسی ایشن کی منتخب باڈی اور مارکیٹ کے نامور ریئلٹرز کی ایڈمنسٹریٹر ڈی ایچ اے لاہور بریگیڈیئر کاشف صاحب اور ڈائریکٹر ٹرانسفر کرنل عامر صاحب کے ساتھ ایک نہایت اہم میٹنگ منعقد ہوئی۔
میٹنگ میں ٹرانسفر کے عمل کو مزید مؤثر اور سہل بنانے، ٹرانسفر پروسیجر کے دوران پیش آنے والے مسائل اور ممبران کو درپیش مشکلات پر تفصیلی گفتگو کی گئی۔ ڈی ایچ اے انتظامیہ نے تمام مسائل کو غور سے سنا اور ان کے حل کے لیے اہم فیصلے کیے۔
اہم نکات:
✅ ویریفکیشن کے لیے مقررہ وقت کو کم کرتے ہوئے 96 گھنٹوں سے 72 گھنٹوں تک محدود کر دیا گیا ہے۔
✅ این ڈی سی (NDC) کے اجراء کی مدت 10 ورکنگ ڈیز مقرر کر دی گئی ہے۔
✅ تمام زیر التواء ویریفکیشنز کو پیر (Monday) تک کلیئر کرنے کی ہدایات جاری کر دی گئی ہیں۔
✅ آئندہ موصول ہونے والی تمام ویریفکیشنز اور این ڈی سی درخواستوں کو مقررہ ٹائم لائن کے اندر مکمل کرنے کی یقین دہانی کروائی گئی ہے۔
اگر کسی ممبر یا ریئلٹر کو ٹرانسفر، ویریفکیشن یا مقررہ ٹائم لائن کے حوالے سے کسی قسم کا مسئلہ درپیش ہو تو وہ ڈی ایچ اے اسٹیٹ ایجنٹس ایسوسی ایشن کی منتخب باڈی سے رابطہ کر سکتا ہے تاکہ معاملہ متعلقہ حکام تک پہنچایا جا سکے۔
فیز 10 کے حوالے سے بھی تفصیلی بریفنگ دی گئی، اور یہ عندیہ دیا گیا کہ آئندہ ایک سے دو ماہ کے دوران ایک اہم اور مثبت پیش رفت متوقع ہے، جس کے نتیجے میں فیز 10 کی فائلوں اور مجموعی مارکیٹ میں مزید بہتری دیکھنے کو مل سکتی ہے۔
الحمدللہ فیز 6، 7، 8، 9 اور مجموعی طور پر ڈی ایچ اے لاہور کی پراپرٹی مارکیٹ مستحکم اور بہتر سمت میں گامزن ہے۔ موجودہ اعداد و شمار کے مطابق ماہانہ ٹرانسفرز کی تعداد 2,000 سے تجاوز کر چکی ہے، جو مارکیٹ میں کاروباری سرگرمیوں اور سرمایہ کاروں کے اعتماد کا واضح ثبوت ہے۔
ان شاء اللہ آنے والے دنوں میں مارکیٹ میں مزید بہتری، استحکام اور کاروباری مواقع پیدا ہوں گے۔
03044323591
0335 3362920
