10/02/2026
800 ھيڊماسٽرس جون خالي جايون ۽ انتظامي بحران جو شڪار اسڪول
7 نومبر تي هيڊ ماسٽرس ۽ هيڊ مسٽريس جي ڊي پي سي ٿي، جنهن ۾ 600 ٽرينڊ ۽ 175 انٽرينڊ آفيسرن کي گريڊ 17 مان گريڊ 18 ۾ پروموشن جي منظوري ڏني وئي. ٽي مهينا گذرڻ باوجود اڄ تائين انهن جا پروموشن آرڊر جاري نه ٿيڻ هڪ اهڙو سوال آهي، جيڪو رڳو انتظامي دير نه پر سڄي عمل جي شفافيت تي شڪ پيدا ڪري ٿو.
حقيقت اها آهي ته صوبي ۾ 800 کان وڌيڪ هيڊ ماسترن جون پوسٽون خالي پيون آهن ۽ اسڪول مستقل انتظاميه کان محروم آهن. اهڙي سنگين صورتحال ۾ به جيڪڏهن پروموشن روڪيل هجن ته لازمي طور ذهن ۾ سوال اڀري ٿو ته آخر ان دير پويان ڪهڙا سبب آهن؟
چيو پيو وڃي ته 600 آفيسر مينڊيٽري ٽريننگ ڪيل آهن، جڏهن ته 175 انٽرينڊ ماڻهن کي به پروموشن لسٽ ۾ شامل ڪيو ويو آهي جڏهن ته رولز مطابق ٽريننگ پروموشن لاءِ لازمي شرط آهي. جيڪڏهن قانون اهڙو آهي ته پوءِ انٽرينڊ ماڻهن جا فائل ڊي پي سي ۾ ڇو رکيا ويا؟ ڇا اهو قدم رولز جي کليل ڀڃڪڙي نه ٿو لڳي؟
هتي ئي اصل سوال جنم وٺي ٿو. جڏهن ٽرينڊ آفيسر موجود هئا، تڏهن به انٽرينڊ ماڻهن کي لسٽ ۾ شامل ڪرڻ جو مقصد ڇا هو؟ ڇو اهڙو قدم کنيو ويو، جنهن سبب سڄي پروموشن جو عمل ئي روڪجي ويو ۽ سوين آفيسر انتظار ۾ ويهي رهيا؟
تعليمي حلقن ۾ اها ڳالهه زور سان هلي رهي آهي ته انٽرينڊ ماڻهن کي لسٽ ۾ شامل ڪرڻ جو قدم ڪنهن انتظامي مجبوري نه پر ڪنهن خاص مفاد جي نشاندهي ڪري ٿو. ڇوتہ جڏهن رولز واضح هجن، تڏهن به انهن جي ابتڙ قدم کڻڻ پاڻ ئي شڪ کي جنم ڏئي ٿو. جيڪڏهن عمل مڪمل طور شفاف ۽ قانون مطابق هجي ها ته پوءِ اڄ ٽرينڊ آفيسر پروموشن کان محروم ڇو هجن ها؟
هاڻي چيو پيو وڃي ته انٽرينڊ آفيسرن کي ٽريننگ ڪرائي پوءِ گڏيل طور نوٽيفڪيشن جاري ڪيو ويندو. سوال اهو آهي ته ٽرينڊ آفيسر آخر ڪهڙي غلطي جي سزا ڀوڳي رهيا آهن؟ ڇا انهن کي رڳو ان ڪري انتظار ڪرايو پيو وڃي، جو ڪجهه ماڻهو ٽريننگ جي شرط پوري نه ڪري سگهيا؟
ان دير سبب نه رڳو هيڊ ماسترن جا معاملا اٽڪيا آهن، پر هاءِ اسڪول ٽيچرن مان هيڊ ماسترن ڏانهن ٿيندڙ پروموشن به رڪجي ويا آهن. اهي استاد، جيڪي سالن کان انتظار ۾ آهن، سندن حقن جو ذميوار ڪير آهي؟
تعليم کاتي کي هاڻي واضح جواب ڏيڻا پوندا:
رولز جي ابتڙ انٽرينڊ ماڻهن جا فائل ڊي پي سي ۾ ڇو شامل ڪيا ويا؟
ٽي مهينا گذرڻ باوجود نوٽيفڪيشن ڇو جاري نه ٿيو؟
ڇا هن عمل ۾ ڪنهن خاص
