Fatima Jinnah Town Multan

23/07/2023

23/07/2023

حرم گیٹ ملتان ۔
حرم دروازہ کی وجہ تسمیہ ملتان میں مدفون مشہور بزرگ حضرت موسٰی پاک گیلانی شہید رحمتہ اللہ علیہ کے حرم سے منسوب ہے۔ 1010ھ میں آپکی شہادت کے 15 سال بعد آپکے جسد خاکی کو اچ شریف سے ملتان منتقل کیا گیا۔ یوں ایک قافلہ کی شکل میں گیلانی خاندان ملتان پہنچا۔ حرم دروازہ کے مقام پر گیلانی خاندان کا حرم یعنی خواتین ٹھہرائی گئیں تو اس دروازے کا نام حرم دروازہ پڑ گیا۔
ملتان کی تہذیبی و ثقافتی زندگی میں اس دروازہ کا بڑا اہم کردار ہے۔
حرم گیٹ کے سامنے جنوب کی سمت میں دو سڑکیں ہیں۔ اکبر روڈ چوک شہیداں سے گزرتے ہوۓ ملتان چھاؤنی ریلوے اسٹیشن کی طرف جبکہ نشاط روڈ چوک شاہ عباس کی جانب جاتی ہے۔
حرم دروازہ سے مشرقی طرف پاک دروازہ جبکہ مغربی جانب بوہڑ دروازہ کو النگ روڈ سرکلر روڈ جارہی ہیں۔ حرم دروازہ سے شمال کی جانب اندرون شہر میں داخل ہونے کے بھی دو راستے ہیں۔ ایک چوک بازار کی جانب جبکہ دوسرا کالے منڈی کو جاتا ہے۔
حرم دروازہ ملتان شہر کے 6 تاریخی دروازوں حرم گیٹ۔بوہڑ گیٹ۔لوہاری گیٹ۔ پاک گیٹ۔دولت گیٹ۔دہلی گیٹ میں سے اندرون شہر کا ایک تاریخی دروازہ ہے۔ یہ اپنی پرانی حالت میں بچ جانیوالے دو دروازوں میں سے ایک ہے جبکہ دوسرا دہلی دروازہ ہے۔ رات کے وقت ملتان آنے والے مسافر انتظارگاہ میں آرام کرتے اور صبح دروازہ کھلنے پر شہر میں داخل ہوتے تھے۔
قیام پاکستان سے قبل ملتان کی تمام تر تجارتی سرگرمیاں اسی دروازہ کے قریب ہوا کرتی تھیں۔ اس دور میں تمام تر مالیاتی اور تجارتی ادارے بھی حرم گیٹ سے چوک شہیداں اور چوک شہیداں سے کینٹ ریلوے سٹیشن تک قائم تھے۔
چند سال پہلے حکومت اٹلی اور والڈ سٹی پراجیکٹ ملتان کے زیر اہتمام اس دروازہ کی مرمت و بحالی کا کام مکمل ہوا ہے۔ حرم دروازہ کے قریب واقع مسافروں کی قدیم و تاریخی انتظار گاہ کو پویلین کا نام دے کر جدید شکل میں اس تاریخی یادگار کو بحال کیا گیا ہے۔ انتظار گاہ کی بحالی کے دوران کھدائی کرتے ہوۓ ایک قدیم کنواں بھی دریافت ہوا جسکے بقیہ جات کو شیشے کے کور سے محفوظ کر دیا گیا ہے۔ اگر آپ حرم دروازہ دیکھنے آئیں تو گھنٹہ گھر ملتان کی عمارت میں واقع والڈ سٹی پراجیکٹ کے دفتر سے حرم دروازہ کھلوا کر اندر سے دیکھنے کی اجازت لے سکتے ہیں تاکہ آپ کو اس دروازے کی بہتر تاریخ کے بارے معلومات مل سکیں

21/07/2023

Gate number 1 A Block

13/07/2023

ملتان میں #نشتر2 ہسپتال کا افتتاح کر دیا گیا!
ہسپتال کا افتتاح وزیراعظم پاکستان اور وزیر اعلیٰ پنجاب نے کیا!