04/06/2026
پشاور: پینتیس سال سے تنازع کا شکار ریگی ماڈل ٹاؤن کے دیرینہ مسئلے کے مستقل اور پائیدار حل کے لیے کوششیں جاری ہیں اس سلسلے میں کمشنر پشاور ڈویژن ریاض خان محسود نے ایڈیشنل ڈائریکٹر جنرل ریگی ماڈل ٹاؤن صاحبزادہ محمد طارق، اسسٹنٹ کمشنر ریونیو سلطان حیدر ، تحصیلدار ریگی زردار احمد اور دیگر متعلقہ ریونیو اسٹاف کے ہمراہ ریگی ماڈل ٹاؤن کے متنازعہ زونز 1، 2 اور 5 سمیت میفی گروپ لائن کے مختلف مقامات کا تفصیلی دورہ کیا۔
دورے کے دوران کمشنر پشاور ڈویژن نے متعلقہ ریونیو افسران سے زمینی حقائق، حدود بندی، ملکیتی ریکارڈ اور تنازع سے متعلق مختلف امور پر بریفنگ حاصل کی۔ جبکہ ریگی ماڈل ٹاؤن میں قائم پی ڈی ائے آفس میں اجلاس کی صدارت کی
کمشنر پشاور ڈویژن ریاض خان محسود نے اس سلسلے میں کل بروز جمعہ ریگی متاثرین کا ایک اہم اجلاس طلب کر لیا ہے، جبکہ پیر کے روز متعلقہ کوکی خیل قبائل کے نمائندوں کو بھی اپنے دفتر مدعو کیا تاکہ تمام فریقین کا مؤقف سن کر مسئلے کے قابلِ قبول اور دیرپا حل تلاش کیا جاسکے
