22/05/2026
الحمد ٹیکنیکل انسٹیٹیوٹ پنڈدادنخان کی جانب سے 29 طلباء کو کامیابی کے ساتھ فری کیا گیا اور انہیں ڈپلومہ جات و اسناد سے نوازا گیا۔ یہ خوبصورت اور یادگار تقریب نہایت شاندار انداز میں منعقد ہوئی۔ 🌹
اس پروقار تقریب میں الحمد ٹیکنیکل انسٹیٹیوٹ کے ڈائریکٹر محمد اسلم بلوچ صاحب، محمد اسد تیمور صاحب، الحمد ٹیکنیکل اکیڈمی سروے کھیوڑہ کے پرنسپل حسنات احمد صاحب، گلوبل اکیڈمی کے پرنسپل حسنات حیدر صاحب اور قاری فہیم صاحب نے خصوصی شرکت فرمائی۔ ✨
تقریب کا آغاز تلاوتِ قرآنِ پاک سے کیا گیا جبکہ نعتِ رسولِ مقبول ﷺ بھی پیش کی گئی۔ طلباء نے بہترین تقاریر پیش کیں اور معزز مہمانوں نے اپنے خیالات کا اظہار کرتے ہوئے ادارے اور طلباء کی کاوشوں کو خوب سراہا۔ خصوصاً محمد اسد تیمور صاحب اور دیگر مہمانوں کے حوصلہ افزا کلمات طلباء کے لیے بہت قیمتی ثابت ہوئے۔ 🌸
یہ دن طلباء کے لیے انتہائی اہم اور خوشی بھرا لمحہ تھا کیونکہ انہیں ان کی محنت کا صلہ ڈپلومہ اور اسناد کی صورت میں ملا۔ طلباء کی خوشی اور جوش دیدنی تھا۔ 🎓👏
تقریب کے اختتام پر مہمانوں اور طلباء کے لیے خصوصی ریفریشمنٹ اور وی آئی پی کھانے کا اہتمام بھی کیا گیا۔ آخر میں الحمد ٹیکنیکل انسٹیٹیوٹ پنڈدادنخان اور کھیوڑہ کی مزید ترقی، کامیابی اور خدمتِ خلق کے لیے خصوصی دعا بھی کی گئی۔ 🤲
اللہ تعالیٰ تمام طلباء کو کامیاب فرمائے اور ادارے کو دن دگنی رات چوگنی ترقی عطا فرمائے۔ آمین ثم آمین
