Jui یونٹ حاجی محمد سنزرخیل پشین

05/07/2026

04/07/2026

بسم اللہ الرحمٰن الرحیم

دعوتِ عام

افتتاحی و شمولیتی پروگرام

السلام علیکم ورحمۃ اللہ وبرکاتہ

جمعیت علماء اسلام، تحصیل پشین، یونٹ حاجی محمد سنزرخیل کی جانب سے تمام علماء کرام، معززینِ علاقہ، کارکنان، نوجوانوں اور عوام الناس کو افتتاحی و شمولیتی پروگرام میں شرکت کی پُرخلوص دعوت دی جاتی ہے۔

بروز: اتوار، 5 جولائی 2026
بوقت: شام 6:00 بجے
مقام: کلی حاجی محمد عالم

آپ کی تشریف آوری ہمارے لیے باعثِ عزت و حوصلہ افزائی ہوگی۔

منتظمین:
جمعیت علماء اسلام
تحصیل پشین، یونٹ حاجی محمد سنزرخیل

"آئیے! اتحاد، خدمت اور دینی و ملی جدوجہد کے اس قافلے کا حصہ بنیں۔

04/07/2026

اجلاسِ یونٹ حاجی محمد سنزرخیل

الحمدللہ، آج یونٹ حاجی محمد سنزرخیل کا اہم اجلاس منعقد ہوا، جس کی صدارت امیرِ یونٹ مولوی محمد حسن صاحب اور جنرل سیکرٹری مولوی علاء الدین صاحب نے کی، جبکہ اجلاس کی نگرانی محسن پشین جناب مفتی احسان اللہ صاحب نے فرمائی۔

اجلاس میں 5 جولائی بروز اتوار منعقد ہونے والی افتتاحی و شمولیتی تقریب کی تیاریوں، انتظامات اور لائحۂ عمل پر تفصیلی گفتگو کی گئی۔ شرکاء نے اس عزم کا اظہار کیا کہ تقریب کو بھرپور انداز میں کامیاب بنایا جائے گا اور عوام کی زیادہ سے زیادہ شرکت کو یقینی بنایا جائے گا۔

تمام ذمہ داران اور کارکنان سے گزارش ہے کہ اس تاریخی تقریب میں بروقت شرکت کرکے اپنے تعاون سے اس مشن کو کامیاب بنائیں۔

اللہ تعالیٰ ہم سب کی کاوشوں کو اپنی بارگاہ میں قبول فرمائے اور اس جدوجہد کو امتِ مسلمہ کے لیے خیر و برکت کا ذریعہ بنائے۔ آمین۔

23/06/2026

الحمدللہ!

یونٹ حاجی محمد سنزرخیل، کلی حاجی محمد عالم (مرحوم )میں ہماری گلی کی پختگی کا کام آج کامیابی کے ساتھ مکمل ہوگیا۔ اس اہم عوامی خدمت پر ہم تمام اہلیانِ علاقہ اور یونٹ کابینہ دل کی گہرائیوں سے ایم پی اے جناب حاجی اصغر خان، مفتی احسان اللہ صاحب اور مولانا عطااللہ آغا صاحب کا تہہ دل سے شکریہ ادا کرتے ہیں۔

اللہ تعالیٰ ان تمام شخصیات کو عوامی خدمت کے اس جذبے کا بہترین اجر عطا فرمائے۔ ہم امید کرتے ہیں کہ آئندہ بھی علاقے کی ترقی اور عوامی فلاح و بہبود کے لیے اسی طرح عملی اقدامات جاری رہیں گے۔

#شکریہ

25/05/2026

الحمدللہ!
آج یونٹ حاجی محمد سنزرخیل کا ایک اہم اور کامیاب اجلاس منعقد ہوا، جس میں کابینہ کے تمام مخلص، باوفا اور متحرک دوستوں نے بھرپور شرکت کی۔ اجلاس امیرِ محترم مولوی حسن صاحب کی نگرانی میں منعقد ہوا۔

اجلاس میں سب سے پہلے تحفظِ مدارس کے حوالے سے تفصیلی گفتگو کی گئی، اور اس اہم دینی مسئلے پر کارکنان کو اپنی ذمہ داریاں احسن انداز میں ادا کرنے کی تاکید کی گئی۔ شرکاء نے اس عزم کا اظہار کیا کہ مدارسِ دینیہ کے تحفظ اور دینی اقدار کی بقا کیلئے ہر ممکن جدوجہد جاری رکھی جائے گی۔

اسی طرح 4 جون کو قائدِ ملت حضرت مولانا فضل الرحمان صاحب کی متوقع آمد کے حوالے سے تیاریوں، استقبالی انتظامات اور پروگرام کی کامیابی کیلئے مختلف امور پر مشاورت کی گئی۔ تمام دوستوں نے بھرپور انداز میں اپنی ذمہ داریاں نبھانے کے عزم کا اظہار کیا۔

اجلاس میں اتحاد، نظم و ضبط اور دینی خدمت کے جذبے کو مزید مضبوط بنانے پر زور دیا گیا۔ الحمدللہ کارکنان کا جذبہ، اخلاص اور محبت قابلِ تحسین رہی۔

اللہ تعالیٰ جمعیت کے تمام کارکنان اور قائدین کی قربانیوں کو قبول فرمائے اور ہمیں دینِ اسلام کی سربلندی کیلئے اسی جذبے کے ساتھ کام کرنے کی توفیق عطا فرمائے۔ آمین 🤲

05/05/2026

آج یونٹ حاجی محمد سنزرخیل کا اہم اجلاس امیر مولوی حسن صاحب اور جنرل سیکرٹری مولوی علاؤ الدین صاحب کی زیرِ صدارت منعقد ہوا، جس میں کابینہ کے مخلص اراکین نے بھرپور شرکت کی۔

اجلاس میں 6 اپریل کو حکومتِ بلوچستان کی جانب سے مدارس کی رجسٹریشن کے نام پر کی جانے والی سازش کے خلاف پرامن احتجاجی مظاہروں اور شٹر ڈاؤن ہڑتال کے حوالے سے تفصیلی مشاورت کی گئی۔ اس موقع پر آئندہ کے لائحہ عمل پر بھی غور کیا گیا۔

اجلاس کے اختتام پر شیخ الحدیث حضرت مولانا ادریس صاحب شہید کے لیے دعائے مغفرت کی گئی اور ان کے درجات کی بلندی کے لیے خصوصی دعا کی گئی۔

اللہ تعالیٰ مرحوم کو جنت الفردوس میں اعلیٰ مقام عطا فرمائے اور ہمیں حق پر ثابت قدم رکھے۔ آمین۔

07/03/2026

چیئرمین پبلک اکاؤنٹس کمیٹی (پی اے سی) و رکنِ صوبائی اسمبلی، حاجی اصغر خان ترین اور مفتی احسان اللہ صاحب کی خصوصی کاوشوں سے یونٹ حاجی محمد سنزرخیل، کلی حاجی محمد عالم (مرحوم) عرف حاجی بالی کلی میں گلی کی پختگی کا ترقیاتی کام باقاعدہ طور پر جاری ہے۔ اس منصوبے کی تکمیل سے اہلِ علاقہ کو درپیش آمدورفت کے مسائل میں نمایاں کمی آئے گی اور مقامی لوگوں کو بہتر سفری سہولیات میسر آئیں گی۔

اس ترقیاتی کام کی نگرانی یونٹ امیر مولوی محمد حسن، ناظم مولوی علاؤ الدین، میڈیا کوآرڈینیٹر حافظ نثار احمد اور دیگر کابینہ ممبران کر رہے ہیں۔ اہلِ علاقہ نے اس اقدام پر حاجی اصغر خان ترین اور مفتی احسان اللہ صاحب کا شکریہ ادا کرتے ہوئے اسے علاقے کی ترقی اور عوامی سہولت کے لیے ایک خوش آئند قدم قرار دیا ہے۔

27/02/2026

آج ہمارے یونٹ حاجی محمد سنزرخیل کی جانب سے ایک اہم اور باوقار کابینہ اجلاس منعقد کیا گیا۔ اجلاس میں تنظیمی امور، فلاحی سرگرمیوں اور آئندہ کے لائحہ عمل پر تفصیلی گفتگو ہوئی۔ الحمدللہ، بہت بڑی تعداد میں معزز اراکین نے شرکت کی جس سے اتحاد اور یکجہتی کا عملی مظاہرہ دیکھنے کو ملا۔

اجلاس کے اختتام پر رمضان المبارک کے بابرکت موقع پر خادمِ پشین حاجی اصغر خان ترین اور جمعیت علمائے اسلام تحصیل پشین کی جانب سے مستحق خاندانوں میں رمضان پیکج کے تحت راشن تقسیم کیا گیا۔ اس موقع پر خدمتِ خلق، ہمدردی اور بھائی چارے کا خوبصورت منظر دیکھنے کو ملا۔

ہمارا عزم ہے کہ ہم ہمیشہ اپنے علاقے کے عوام کی خدمت اور فلاح و بہبود کے لیے اسی جذبے اور اخلاص کے ساتھ کام کرتے رہیں گے۔

اللہ تعالیٰ ہم سب کو عوام کی خدمت کی مزید توفیق عطا فرمائے۔ آمین۔ 🤲

05/01/2026