14/10/2025
پشاور ہائی کورٹ کے فیصلے کی روشنی میں نو منتخب وزیرِاعلیٰ خیبرپختونخوا محمد سہیل خان آفریدی کی حلف برداری کے آئینی عمل سے متعلق باضابطہ طور پر گورنر خیبرپختونخوا کو مراسلہ ارسال کر دیا ہے۔
عدالت نے واضح ہدایت دی ہے کہ گورنر آئین کے مطابق وزیرِاعلیٰ سے بلا تاخیر حلف دلوانے کے پابند ہیں، بصورتِ دیگر اگر 15 اکتوبر بروز بدھ شام 4 بجے تک حلف نہ دلوایا گیا تو مجھے بطور اسپیکر خیبرپختونخوا اسمبلی، چیف جسٹس پشاور ہائی کورٹ کی نامزدگی پر، حلف لینے کا اختیار حاصل ہوگا۔
یہ اقدام صوبے میں آئینی تسلسل، جمہوری استحکام اور مؤثر طرزِ حکمرانی کے تسلسل کو برقرار رکھنے کے لیے نہایت اہم ہے۔ ہم سب کا مقصد یہی ہے کہ عوامی مینڈیٹ کا احترام اور آئین کی بالادستی ہر حال میں قائم رہے۔
