منتظر بېټني پښتو ادبي ټولنه ټانک،رجسټرډ

  • Home
  • Pakistan
  • Tank
  • منتظر بېټني پښتو ادبي ټولنه ټانک،رجسټرډ

منتظر بېټني پښتو ادبي ټولنه ټانک،رجسټرډ د منتظر بېټني پښتو ادبي ټولنې ټانک ( رجسټرېشن نمبر۲۲/۲۵-P.A.B۴/۲۲۴)

مياشتنۍ غونډه نن 09/08/2026/د منتظر بېټني پښتو ادبي ټولنې ټانک مياشتنۍ غونډه وشوه د ائین تر مخه د کابينې نېټه پوره وهنوې...
09/08/2026

مياشتنۍ غونډه
نن 09/08/2026/د منتظر بېټني پښتو ادبي ټولنې ټانک مياشتنۍ غونډه وشوه د ائین تر مخه د کابينې نېټه پوره وه
نوې کابينه وټاکل شوه
ناظم الامور طاهر بلوچ
سرپرست اعلي سعيد بلبل
صدر طاهر مسافر
صدر دويم بنات ګل
سيکټري جنرل عصمت علي عصمت
سيکټري دويم
اکرام الله کاروان
پریس سیکټري پیر رضوان
سوشل میڈیا سيکټري اسد ساده
وټاکل شول
دويمه برخه کښې ماسټر مينا خان صابر تتور
او اسد ساده ته تعذيتي ثوبت شوے وۀ
ورپسې ازاده مشاعره وشوه
د مشاعرې چارې عدنان شاداب صاحب تر سره کړې
دغه ملګرو برخه واخسته
طاهر مسافر
طاهر بلوچ
بنات ګل بېټني
جمال نور جمال
سليم ګلباغ
سعيد بلبل
پير رضوان
اسد ساده
نيک جان شاکر
عدنان شاداب
عصمت علي عصمت
اکرام الله کاروان
مالک مسرور
شفيق الرحمن شفيق
ماسټر مينا خان صابر
ساغر تتور

د ضلع ټانک ادب د منتظربېټني پښتوادبي ټولنې،ټانک(رجسټرډ)د هر ملګري سلسله وار لنډه پېژندنهسلسله نمبر(۷)نام:- محـــمداســـد...
07/08/2026

د ضلع ټانک ادب د منتظربېټني پښتوادبي ټولنې،ټانک(رجسټرډ)د هر ملګري سلسله وار لنډه پېژندنه
سلسله نمبر(۷)
نام:- محـــمداســـدصېب
قلمي نام:- سـاده
قام:-کنډي
د پلار جان نام:- فضل کریم صېب
تعلیم:- څورلسم( بي اې)
د زېږېدو نېټه :- ۱۳/۰۹/۲۰۰۴
د استوګنې ځاے:- پائي ضلع ټانک خېبرپښتنو خوا
ادبي پېل :- ساده صېب لۀ ۲۰۱۹ نه کړے دے لا جاري دې د شو تخلیقاتو پۀ تمه
ادبي آثار:- د یوه کتاب مواد لۀ محترم سره شته پۀ لږ وخت کښې به کتاب ته وسپارل شي
د اسد ساده غــزل راسره ولولو
غــــــــــــزل
لکه باغ چې پۀ ګلانو ښـکلې ښـکاري
محفل داسې پۀ یارانو ښکلې ښکاري

د خداي وېش دې چا تې ورکړي چا ته نۀ وي
ګنې کور پۀ مـاشومانو ښکلې ښکاري

هر مئین پۀ مازدیګر کښې دیدن وکړي
مازدیګر خو پۀ خوبانـو ښکلې ښکاري

دا مـنمه چې ځــوانانو صـفت کـــېږي
خو وطن پۀ مشـرانـو ښـکلې ښـکاري

نـور یـې کړي داسې ښۀ کارونه نۀ دي
سـاده خېل! پۀ دعاګانو ښکلې ښکاري

نـــوټ :- عکـــس د اسد ساده صېب دے

د ضلع ټانک ادب د منتظربېټني پښتوادبي ټولنې،ټانک(رجسټرډ)د هر ملګري سلسله وار لنډه پېژندنهسلسله نمبر(۶)نام:- بنات ګل صېب ق...
04/08/2026

د ضلع ټانک ادب د منتظربېټني پښتوادبي ټولنې،ټانک(رجسټرډ)د هر ملګري سلسله وار لنډه پېژندنه
سلسله نمبر(۶)
نام:- بنات ګل صېب
قلمي نام:- بېټنے
قام:-بيټني
د پلار جان نام:- لوي ادیب، شاعر، نقاد،غږ پوهان، املا پوه ارواښاد همېش ګل، منتظربېټني صېب
تعلیم:- دولسم (اېف اې)
د زېږېدو نېټه :- ۱۹/۳/۱۹۵۹
د استوګنې ځاے:- کوټ ګلان ضلع ټانک خېبرپښتنو خوا
ادبي پېل :-ادبي خدمات محترم بنات ګل بېټنے صېب لۀ ډېر وخت نه کوي، خصوصاً پېل یې لۀ ۲۰۰۹ نه کړے دے
ادبي آثار:- لۀ ښاغلي بېټنے صېب سره د دوو²! کتابونو ادبي تخلیقات شته.
بېټنے صېب، د منتظر بېټني پښتوادبي ټولنې،ټانک ( رجسټرډ) مشر غړے دے سابقه صدر هم پاته شوے دے

دمحترم بنات ګل بېټنےصېب غزل راسره ولولئ
غزل
تــا لۀ مـا او مـا لـۀ تـا ډېــرې ګیلې دي
دې ګیلو خو منځ کښې جوړې فاصلې دي

زۀ خو یو یم د چا چا خلې به کړم بندې
ما پــسې خو بلها خلقو ایــــړې خلې دي

خـــداي خبر چې تر مقصوده زۀ رسېږم
لار کــښې ډېرې کړکېچنې مســــلې دي

صاقــي نـن دې د رندانو حق ادا کــــړے
چې هر رند مخ کښې پراتې ډکې پیالې دي

یار زما پۀ راتګ دومره وار خـــطا دے
چې پۀ سپین مخ یې پراتې رڼې خولې دي

د غم غشي ته راوله زۀ به یې زغم کړم
مونږ ته خداي را کړې غرۀ غوندې سینې دي

لکه څومره چې د خوړې منځ کښې کاڼي
بېټنه! دومره دې یار خلې کښې پلمې دي

نـــوټ :- عکـــس بنات ګل بېټنے صېب دے

د ضلع ټانک ادب د منتظربېټني پښتوادبي ټولنې،ټانک(رجسټرډ)د هر ملګري سلسله وار لنډه پېژندنهسلسله نمبر(۵)نام:- محمد اوسامه ص...
29/07/2026

د ضلع ټانک ادب د منتظربېټني پښتوادبي ټولنې،ټانک(رجسټرډ)د هر ملګري سلسله وار لنډه پېژندنه
سلسله نمبر(۵)
نام:- محمد اوسامه صېب
قلمي نام:- خپلواک
د پلار جان نام:- شریف خان صېب
تعلیم:- څوارلسم (بي اې)
د زېږېدو نېټه :- ۲۰۰۰
د استوګنې ځاے:- چېسن کچ ضلع ټانک خېبر پختون خوا
ادبي پېل یې لۀ ۲۰۱۷ سخه کړے دے تر اوسه لۀ محترم سره ادبي مواد محدود دي تقریباً شپېته شپېته لس غزلې، ورسره څو مخصوص نظمونه، لۀ ښاغلي خپلواک صېب د مستقبل یو ښۀ شاعر پۀ تمه.............
موجوده د منتظربېټني صېب د ټولنې غړے دے
د ښاغلي غـــزل ستا ســو درا نۀ نظر تـه
غزل
رانه مه پوښته چې څنګه وخت تېرېږي
بې لـۀ تا مـې ډېر بـدرنـګه وخت تېرېږي

ستاځواني ده هسکه دنګه وخت تېرېږي
زما ځواني ده ړنګه پنګه وخت تـېرېـږي

بس د ستا خـمارو ســــترګـــو برکت دے
بې شرابه بې د بنګه وخت تــــــــېرېــږي

ستااو ما منځ کښې جنجال مړه نو وي دې
پښـتـنو کله بې جنګه وخت تــــېرېــــږی

عـــجـیبه ده زۀ د کـال فــکرونـه کانــدم
ستا پۀ ټـوک ډوډۍ منلګه وخت تېرېږي

هـــره ورځــې شــکرانـه نفــلونه کانـــــده
پـۀ سینه دې پاس لونــګه وخت تــېرېږي

ستا څادر نشته خپلواکه خفه نۀ شــــــــے
زمــا هـم بې د اتـــرنګه وخـت تــېرېــــږي

نـــوټ:- عکــس د محــمد اوسـامه خپلواک صېب دے

د ضلع ټانک ادب د منتظربېټني پښتوادبي ټولنې،ټانک(رجسټرډ)د هر ملګري سلسله وار لنډه پېژندنهسلسله نمبر(۴)نام:- احسان اللّٰه...
27/07/2026

د ضلع ټانک ادب د منتظربېټني پښتوادبي ټولنې،ټانک(رجسټرډ)د هر ملګري سلسله وار لنډه پېژندنه
سلسله نمبر(۴)
نام:- احسان اللّٰه صېب
قلمي نام:- احسان بېټني
قام:- بېټني
تعلیم:-بي فارمیسي
د زېږېدو نېټه :- ۱ جنوري ۱۹۵۹
د استوګنې ځاے:- بزئے ضلع ټانک خېبر پختون خوا
ادبي پېل یې لۀ ۱۹۸۰ نه کړے دے د محترم ادبي آثار تر اوسه یې یو کتاب چاپ دے ”دا د چا ښکلئ تصوير دې“ د ٢٠٠٦نظمونه
چاپ ته تيار کتاب ”انځور“ نظمونه
ورپسې د غزلو کتاب هم ان شاءالله تیار دے
موجوده د منتظربېټني صېب د ټولنۍ مشر غړے دے
د ښاغلي احسان بېټني صېب نظم را ســـــــره ولــولــئ
د نظم عنوان :- ګـــــیلـه

د تصوير د رالېږلو دې مننه
دا احسان به تر قيامته ماته ياد وي
جدايي دې زۀ منم د برداشت نۀ ده
پۀ تصوير مې دې ګل مخې زړګئ ښاد وي

لۀ تصوير نه دې د حسن جلوې څاڅي
اننګو کښې دې رنګونه د سپرلو دي
يو ښائيت دې پۀ جبين کښې راغونډ شوې
معصوميت دې پۀ والله د لولکو دې

مېکدې د بڼو لاندې اودې ښکاري
د تندي لۀ خال دې مۍ د ماښام څاڅي
دا نرۍ شانې مسکا دې پۀ سرو شونډو
لولکي که د ګلونو مېنځ کښې خاندي

تور باڼۀ دې فرښتو پۀ کمال ايښي
د قدرت پۀ ګوتو جوړه فن پاره يې
معصوميت دې زړۀ راښکونکې نظاره ده
د سپرلو او د ګلونو مجسمه يې

خو يوه ګيله لرم که خفه نۀ شې
عکس دې نۀ وايي دې تا خواږۀ حالونه
بس پۀ غټو غټو ګوري او مسکۍ دې
يادوي راته هغه زاړۀ وختونه
نــوټ عکـــس:- احسان بېټني صېب دے

د ضلع ټانک ادب د منتظربېټني پښتوادبي ټولنې،ټانک(رجسټرډ)د هر ملګري سلسله وار لنډه پېژندنهسلسله نمبر(۳)نام:- اکرام اللّٰه...
24/07/2026

د ضلع ټانک ادب د منتظربېټني پښتوادبي ټولنې،ټانک(رجسټرډ)د هر ملګري سلسله وار لنډه پېژندنه
سلسله نمبر(۳)
نام:- اکرام اللّٰه
قلمي نام:- کاروان برکي
قام:- برکي
د پلار جان نام:- حاجي عبدالکریم برکي
تعلم:- ایم - اے (هسټري History) او ایم - فل ( پښتو )
موضوع: - ” د سېلاب محسود ژوند او فن یوه تحقیقي او تنقیدي جائزه “
د استوګنې ځاے:- اپر کانیګرم سویلي وزیرستان اپر
د زېږېدو نېټه :- ۱۹۹۵ء
ادبي پېل یې لۀ ۲۰۰۶ نه کړے دے خو باقاعده اغاز یې د ۲۰۱۵ء نه کړے دے چې تر اوسه جاري دې او ورسره پۀ ازاد نظم او غزل کښې د یوه کتاب آثار هم شته
لۀ دې نه علاوه پۀ نثر کښې یې یوه ناول چې عنوان یې دې ” زۀ غچ د چا نۀ واخلم؟ “ باندې هم کار شروع کړے دے چې لۀ نیمه نه زیات یې لیکلے دے او ان شاءاللّٰه زر بۀ پوره شي ـ لۀ دې نه علاوه شپږ افسانې او څلور تکلونه یې هم لیکلي دي ـ
موجوده د منتظربېټني صېب د ټولنۍ غړے دے

د محترم غــــــزل را ســره ولــولــو
غزل
سره د عقل چې سړے کار روزګار نۀ پېژني
عجبه نۀ ده د غرۀ خلک به مار نۀ پېژني

دوي د شعور د هرې برخې نا بې برخې پاتې
دا پښتانۀ دلیل منطق پوهه یار نۀ پېژني

زمونږ شډل بډل مخونو کښې غرئیزه ښکلا
د مکر ډکه دا ښکلا ستا د ښار نۀ پېژني

دغه بې لارې کاروانونه مې د اوښکو خدایا!
د اننګو پۀ دشتو سر دي دوي لار نۀ پېژني

د خیال مئین مې ستا د زلفو پۀ تیارۀ مئین دے
لکه د ستوري ستا د سپین مخ سهار نۀ پېژني

خوشحاله! ستا د وصیت دے ګستاخۍ ته ګوره
د وخت ملک مُلا قیمت د دستار نۀ پېژني

کاروانه! ښۀ چورلي یادونه یې بې ځایه کله
د ځینو ستورو پۀ رنګ دوي خپل مدار نۀ پېژني

نــــوټ: عکــــس د اکـــــرام الله کاروان صـېب دے

د ضلع ټانک ادب د منتظربېټني پښتوادبي ټولنې،ټانک(رجسټرډ)د هر ملګري سلسله وار لنډه پېژندنهسلسله نمبر(۲)نام:- محمدطاهر صېب ...
21/07/2026

د ضلع ټانک ادب د منتظربېټني پښتوادبي ټولنې،ټانک(رجسټرډ)د هر ملګري سلسله وار لنډه پېژندنه
سلسله نمبر(۲)
نام:- محمدطاهر صېب
قلمي نام:- بلوچ
قام:-بلوڅ ( بلوچ)
د پلار جان نام:- عبدالمنان صېب
تعلم:-لسم ټولګه(مېټرک)
د استوګنې ځاے:- ګره بډها ضلع ټانک خېبرپختون خوا
د زېږېدو نېټه کال۱۹۷۲
ادبي پېل یې لۀ ۱۹۹۰ نه کړې دې چې تر اوسه ورسره د یوه کتاب آثار شته،موجوده د منتظربېټني صېب د ټولنې سرپرست هم دے
اوس به راشو د محترم کلام ته
غزل
نور رانه ھیڅ نشي بیللے مې هیمت دے
اوس مې یاره بې صبرۍ ته کړې نیت دے

هر یو کار سره هنر کول پکار دے
چي پۀ ګړه مري د زهرو څۀ حاجت دے

مرګ ترې ښۀ دې یاره نور مې پکار نه دے
تا چې نه وینم د ژوند څۀ ضرورت دے

دلته څوک لۀ خپله کوره وتے نۀ شي
دلته خور ده بدامني څومره دھشت دے

دلته څۀ پۀ بې دردي خـــــلق قتـــــلېږي
تورځنګل دے پۀ کښې هر لوري وحشت دے

دا چې سرې سترګې اوخلاصې تڼۍ ګرزم
ده خو مـــــــورې ستا دعــــاوو برکت دے

څۀ بۀ خوند لۀ داسې ژوند واخلو طاهره!
یو دا ملک حالت خراب بل مو غربت دے

اوس پۀ چا باندي اعتبار نشته بلوچه (بلوڅ)
ســر خـــــوړلے ده یارانو صداقت دے

نوټ: دا عکس د طاهر صېب بلوچ دے
وســـــــــــــــــــــــلام

د ضلع ټانک ادب د منتظربېټني پښتوادبي ټولنې،ټانک(رجسټرډ)د هر ملګري سلسله وار لنډه پېژندنهسلسله نمبر(۱)نام:-غلام سعید صېب ...
20/07/2026

د ضلع ټانک ادب د منتظربېټني پښتوادبي ټولنې،ټانک(رجسټرډ)د هر ملګري سلسله وار لنډه پېژندنه
سلسله نمبر(۱)
نام:-غلام سعید صېب
قلمي نام:- بلبل
د پلار جان نام:- سیراج دین صېب
تعلم:- دولسم( اېف اې)
د استوګنې ځاے:- چېسن کچ ضلع ټانک خېبرپختون خوا
د زېږېدو نېټه کال۱۹۷۵
ادبي پېل یې لۀ ۱۹۸۸ نه کړے دے چې تر اوسه ورسره د یوه کتاب مسوده تیاره ده د کتاب نام یې د(بلبل فریاد)لږ ډېر نور هم ادبي مواد ورسره شته،موجوده د منتظربېټني صېب د ټولنې صدر هم دے
اوس به راشو د محترم کلام ته
غزل
د ونې سېورې تۀ چې ستړے دهکان غلے پروت وي
داسې مې زړۀ کښې ستا د مینې ارمان غلے پروت وي

زۀ درته ستړے پۀ وئيلوشم تۀ هیڅ نۀ وایې اووایه څو بۀ دې پۀ خله کښې زبان غلے پروت وي

زۀ دې لۀ یاد سره کړم توله شپه پۀ ویښه تېره
څۀ پۀ مزه مزه مې ښکلے جانان غلے پروت وي

یارانو څۀ به زۀ خنده پۀ ډکه خله اوکړمه
چے زړۀ ګلشن کښې مې غمونو طوفان غلے پروت وي

پۀ حسن مه نازیږه وخت لکه د باد تېرېږي
مه وایه دا چې ما به حسن دوران غلے پروت وي

بلبل دے هیڅ خوشي او نه ليده سېوا لۀ غمه خامخا زړۀ کښې بۀ یې دغه خفګان غلے
پروت وي
نوټ: عکس دسعید بلبل صېب دے
وســـــــــــــــــــــــلام

Address

Tank

Website

Alerts

Be the first to know and let us send you an email when منتظر بېټني پښتو ادبي ټولنه ټانک،رجسټرډ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category