20/07/2026
د ضلع ټانک ادب د منتظربېټني پښتوادبي ټولنه،ټانک(رجسټرډ)د هر ملګري سلسله وار لنډه پېژندنه
سلسله نمبر(۱)
نام:-غلام سعید صېب
قلمي نام:- بلبل
د پلار جان نام:- سیراج دین صېب
تعلم:- اېف اې( دولسم)
د استوګنې ځاے:- چېسن کچ ضلع ټانک خېبرپختون خوا
د زېږېدو نېټه کال۱۹۷۵
ادبي پېل یې له ۱۹۸۸ نه کړې دې چې تر اوسه ورسره د یوه کتاب مسوده تیاره ده د کتاب نام یې د(بلبل فریاد)لږ ډېر نور هم ادبي مواد ورسره شته،موجوده د منتظربېټني صېب د ټولنې صدر هم دے
اوس بۀ راشو د محترم کلام ته
غزل
د ونې سوري ته چې ستړے دهکان غلې پروت وي
داسې مے زړۀ کښې ستا د مینې ارمان غلې پروت وي
زه درته ستړے په وئيلوشم ته هڅ نه وایې
اووایه څو بۀ دې پۀ خله کښې زبان غلې پروت وي
زه دې له یاد سره کړم توله شپه پۀ ویخه تېره
څۀ پۀ مزه مزه مې ښکلې جانان غلې پروت وي
یارانو څۀ به زه خنده پۀ ډکه خله اوکړمه
چے زړۀ ګلشن کښې مې غمونو طوفان غلې پروت وي
پۀ حسن مۀ نازیږه وخت لکه د باد تېرېږي
مۀ وایه دا چې ما بۀ حسن دوران غلې پروت وي
بلبل دے هڅ خوشي او نه ليده سوا له غمه
خامخا زړۀ کښې بۀ یې دغه خفګان غلې پروت وي
نوټ: عکس د سعید بلبل صېب دے
وســـــــــــــــــــــــلام
