16/09/2025
*غم کسے کہتے ہیں؟ جب اللہ کی جانب سے آنے والی کوئی چیز قبول کرنے میں ہمیں دِقّت محسوس ہو رہی ہو تو ہم اسے غم کہتے ہیں ۔ اگر غم قبول کر لیا جائے تو اللہ اور ہم ایک پارٹی ہو گئے اور ایک جماعت ہو گئے ۔
یعنی اگر اللہ کہے کہ ہم تمہارے باغ کا سب سے خوبصورت پھول لے جانا چاہتے ہیں تو رضا والا کہے گا کہ باغ ہی آپ کا ہے اور آپ مالک ہیں ، اس باغ سے جو مرضی لے جائیں ۔ لیکن اس نے کیا لے جانا ہے ۔ دینے والا بھی وہ ہے اور لے جانے والا بھی وہ ہے ، اِدھر بھی وہ ہے اور اُدھر بھی وہ ہے ، اوّل بھی وہ ہے اور آخر بھی وہ ہے ، ظاہر بھی وہ ہے اور باطن بھی وہ ہے ۔ ہم اس کو دل میں رکھتے ہیں ۔ لہٰذا آپ اس کو اپنی مرضی کا مکمل اختیار دے دیں ۔ اگر نہیں دیں گے تو بھی اس نے اختیار استعمال کر لینا ہے کیونکہ سارا اختیار اس کا ہے ۔ لہٰذا آپ اپنی مرضی کا اختیار مکمل طور پر اسے دے دیں ۔
(گفتگو والیم 8 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ صفحہ نمبر 71)
حضرت واصف علی واصف رحمتہ اللہ علیہ
