Quran O Sunnah Movement Taxila / Wah Cantt

26/10/2025

Chairman Allama Ibtisam Elahi Zaheer’s second Tour of Bangladesh begins from late October to early November 2025, InshaAllah.

26/10/2025

الحمدللہ! چیئرمین علامہ ابتسام الہی ظہیر بنگلہ دیش پہنچ گئے

28/08/2025

18/08/2025

جو بادہ کش تھے پرانے ، اٹھے جاتے ہیں
کہیں سے آبِ بقائے دوام لے ساقی

26/06/2025

22/06/2025

دفاع صحابہ سیریز

2 ۔ اہل بیت کی تعریف :

اہل بیت کا معنی ہے گھر والے ( بیوی ، بچے )

ایک گروہ ازواج مطہرات رضوان اللہ علیہم اجمعین کو اہل بیت نہیں سمجھتا حالانکہ قرآن کریم کی رو سے ازواج مطہرات اہل بیت نبوی ہیں ۔
دوسرا گروہ حسنین کریمین رضی اللہ عنہما کو اہل بیت سے نہیں سمجھتا ۔ ہمارے نزدیک یہ دونوں موقف غلط ہیں ۔

ازواج مطہرات قرآن مجید کی رو سے اہل بیت میں سے ہیں اور فاطمہ ، علی اور حسنین کریمین رضوان اللہ علیہم اجمعین احادیث کی رو سے اہل بیت میں سے ہیں ۔

■ ازواج مطہرات کے اہل بیت سے ہونے کی دلیل :

إِنَّمَا یُرِیدُ ٱللَّهُ لِیُذْهِبَ عَنكُمُ ٱلرِّجْسَ أَهۡلَ ٱلْبَیْتِ وَیُطَهِّرَكُمْ تَطْهِیرًا .

" اللہ تو یہی چاہتا ہے کر تم سے گندگی دور کر دے اے گھر والو ! اور تمہیں پاک کر دے ، خوب پاک کرنا ۔"
[ الأحزاب : ٣٣ ]

یہاں سیاق و سباق کی رو سے اہل بیت ازواج مطہرات اہل بیت نبوی ہیں ۔ قرآن کے دوسرے مقام [ ہود : ٤٦ ] پر بھی بیوی کو اہل بیت کہا گیا ہے ۔

ابن عباس رضی اللہ عنہما فرماتے ہیں : " نزلت في نساءِ النبيِّ ﷺ خاصةً "

" یہ آیت ( تطہیر ) خاص نبی اکرم ﷺ کی ازواج مطہرات کے بارے میں نازل ہوئی ۔"
فتح القدير (٤/٣٩٢) • أخرجه ابن عساكر في ((تاريخ دمشق)) (٦٩/ ١٥٠) •

صحیح احادیث بھی اس بات پر دلالت کرتی ہیں کہ آپ ﷺ کی بیویاں آپ ﷺ کے اہلِ بیت ہیں ۔

چنانچہ جب ام المومنین عائشہ رضی اللہ عنہا پر تہمت لگائی گئی تو ایک دن رسول اللہ ﷺ نے منبر پر خطبہ دیتے ہوئے فرمایا :
[ يَا مَعْشَرَ المُسْلِمِيْنَ ! مَنْ يَّعْذِرُنِيْ مِنْ رَجُلٍ قَدْ بَلَغَنِيْ أَذَاهُ فِيْ أَهْلِ بَيْتِى ؟ ]

" اے مسلمانوں کی جماعت ! ایک ایسے شخص کے بارے میں کون میری مدد کرتا ہے جس کی اذیت رسانی اب میرے اہلِ بیت ( یعنی میرے گھر والوں مراد عائشہ رضی اللہ عنہا) تک پہنچ گئی ہے ؟" [ بخاري : ۴۷۵۰ ]

علاوہ ازیں ایک حدیث میں رسول اللہ ﷺ نے اپنی اہلیہ سیدہ ام سلمہ رضی اللہ عنہا سے فرمایا : (( أنت من أهلي )) " تو میرے اہل بیت سے ہے ۔" [ صحیح مسلم : ٢٤٠٤ ]

معلوم ہوا کہ تمام ازواج مطہرات کا اہل بیت میں سے ہونا نص قرآنی اور صحیح احادیث سے واضح ہے ۔

■ سیدنا علی ، فاطمہ اور حسنین کریمین رضوان اللہ علیہم اجمعین کا اہل بیت میں سے ہونا :

رسول اللہ ﷺ کے داماد سیدنا علی ، بیٹی سیدہ فاطمہ اور نواسے حسن و حسین رضوان اللہ علیہم اجمعین ان احادیث سے اہل بیت میں سے ہیں جو صحیح سند سے ثابت ہیں ۔
جن میں نبی اکرم ﷺ نے سیدنا علی ، فاطمہ اور حسن و حسین رضوان اللہ علیہم اجمعین کو اپنی چادر میں لے کر فرمایا : (( اللهم هؤلاء أهلي )) " اے اللہ ! یہ میرے اہل بیت ہیں ۔" [ صحیح مسلم : ٢٤٠٤ ]

جس کا مطلب ہے کہ کہ یہ میرے اہل بیت ہیں یا یہ دعا ہے کہ اے اللہ ! ان کو بھی ازواج مطہرات کی طرح میرے اہل بیت میں شامل فرما دے ۔

اس طرح تمام دلائل میں بھی تطبیق ہو جاتی ہے ۔