19/07/2025
(سوشل میڈیا کے غلط استعمال کے تناظر میں):
" اے امت مسلمہ کے نوجوان, کیا تو جانتا ہے کہ*حیا ایمان کا حصہ ہے، اور بے حیائی ایمان کو نگل جاتی ہے!
یاد رکھ! اسلام صرف عبادات کا نام نہیں… کردار، شرم و حیا بھی دین کا حصہ ہیں۔
کیا تو نے اپنے خدا کا یہ فرمان نہیں سنا:
"بے شک وہ لوگ جو چاہتے ہیں کہ ایمان والوں میں بے حیائی پھیلے، ان کے لیے دنیا اور آخرت میں دردناک عذاب ہے، اور اللہ جانتا ہے، تم نہیں جانتے_ (سورۃ النور: 19)
تمہیں علم نہیں تمہاری ان بے حیائی پہ مشتمل ویڈیوز اور لائیوز سے نہ صرف تم اپنا ایمان برباد کر رہے ہو، بلکہ دوسروں کے گناہوں کا بوجھ بھی اپنے کندھوں پر لے رہے ہو۔
کیا صرف چند لائکس، فالوورز اور پیسوں کے لیے اپنے ایمان کو بیچ ڈالو گے؟
اٹھو! اپنے آپ کو پہچانو… یہ امتِ محمدیہ ﷺ کے شایانِ شان نہیں کہ وہ بے حیائی کا پرچار کرے۔
اللّٰہ سے توبہ کرو، ورنہ یہ لائیکس کل قیامت میں تمہارے لیے ہلاکت بن جائیں گے!!
