22/11/2025
عجبنى بوست اوى النهارده.....عنوانه شدنى
لما ربنا يطبطب عليك......
اجه كده وانا باقراها حسيت برعشه جوايا.....متخيل يعنى ايه ربنا عز وجل يطبطب عليك.......اللي هوا زى ما باسميها دايما رسائل من ربنا.....بس للامانه ...الطبطبه الربانيه..... وقع نغمتها تحسسك برهبه وخشوع.......كنت أوقات كتير وخصوصا السنه دى....احساس ان الخير انتهى من الناس مأثر عليا اوى وكنت باكلم ربنا كتير...اللي هوا ازاى سيدنا النبي كان بيقول الخير في امتى الي يوم القيامه....وسيدنا النبى الصادق الامين........طب انا مش لاقيه الخير....كنت باحس في كلامى مع ربنا انى معترضه بس مش كافره..اللي هوا لو قلته لبنى آدم....هيقولك إذا كان عاجبك وتأخذ فوق دماغك بزياده....بس رحمه ربنا اللي كنت وقتها فاكراه عقاب....اللي هوا اشمعنى انا....كانت المرايه اللي ورتنى...حياتى.....وفلترت أحداث ومواقف كتييييييير...ووقعت معاها ناس اكتر....ناس كانت موجودة وقت الفرح بس معرفتش تسندك وقت ما وقعت.....ناس تانيه اتوجدت بس عشان عليك...ناس تالته سلبيتها غرقتك وقت ما مديت ايدك تستنجد بيهم...وسبحان الله...جحود الواحد ساعتها برحمه ربنا مخلهوش يشوف...اللى علبر التانى من الموجه غير لما العاصفة هديت....
لقي ناس...غيابك...خلاهم يدوروا عليك...لقي ناس وقعت عشان تسندك متوقعش...لقي ناس كرست بس وقتها ليك ترجعلك ضحكتك وسط همومهم.......لقي ناس دورت علحلو اللي جواك وطلعته تانى....في الوقت اللي كنت فيها بتقول انا وحش اوي للدرجه دى ....
اد ايه كانت رحمته سبحانه وتعالى.....طبطبه علي قلبى وانا ماعرفش.....
لما كان بيناديلي وسط غيامتى كل يومين اقرأ فيها سوره البقره كامله...في ركعتين قيام ليل.....واستنى اصلي الفجر حاضر
وكأنه بيقولى انتى مالكيش في نفسك حاجه......دورى علي فضلى عليكى وقارنيه بسخطك من قدرى.....
انا قربت منك اللي لحقك......وقربتك منى في صلاتك وقرانك..........فعلا مالناش في نفسنا حاجه.....ومش كلنا بنحس بالطبطبه دى.....حتى دى من فضله وكرمه علينا عز وجل...مالناش يد فيها.......
الموجه دى خلتني اتعلم.......ان علي اد ما الموج هيكون عالي....لازم هيكون فيه شط نرسى عليه في النهايه وان الموجه مسيرتها للشط ده......
يونس في بطن الحوت في ليل فى قاع البحر.....طلع علشط
لا اله الا انت سبحانك اني كنت من الظالمين
