Baqir PiTafi Official

Baqir PiTafi Official Contact information, map and directions, contact form, opening hours, services, ratings, photos, videos and announcements from Baqir PiTafi Official, Real Estate, Medina.
(3)

ايڪسپريس لائين آھي ، دادلغاري ۾ 10 ڏينھن کان بجلي بند ، شھري خاموش واپڊا عملدار غائب ، شھري پاڻي لاء پريشان
08/06/2026

ايڪسپريس لائين آھي ، دادلغاري ۾ 10 ڏينھن کان بجلي بند ، شھري خاموش واپڊا عملدار غائب ، شھري پاڻي لاء پريشان

عام طور تي ڪيترائي ماڻهو ماني کائڻ کان پوءِ سگريٽ ڇڪڻ کي هڪ عادت سمجهن ٿا، ۽ انهن جو خيال هوندو آهي ته اهو عمل ماني هضم ...
08/06/2026

عام طور تي ڪيترائي ماڻهو ماني کائڻ کان پوءِ سگريٽ ڇڪڻ کي هڪ عادت سمجهن ٿا، ۽ انهن جو خيال هوندو آهي ته اهو عمل ماني هضم ڪرڻ ۾ مددگار ثابت ٿئي ٿو. پر حقيقت ان جي ابتڙ آهي.

طبي تحقيق ٻڌائي ٿي ته ماني کائڻ کانپوءِ سگريٽ ڇڪڻ صحت لاءِ انتهائي نقصانڪار آهي ۽ اها ڳالهه سائنسي طور ثابت ٿيل آهي.

جڏهن توهان ماني کائيندا آهيو ته توهان جي جسم جو هاضمي وارو نظام فعال طور ڪم ڪرڻ لڳندو آهي، جنهن دوران رت جو وهڪرو معدي ڏانهن وڌي ويندو آهي ته جيئن کاڌي کي بهتر طريقي سان هضم ڪري سگهجي. پر ماني کانپوءِ سگريٽ ڇڪڻ سان نڪتل نيڪوٽين سڌو رت جي وهڪري ۾ شامل ٿي، معدي جي ڪم ۾ خلل وجهندي آهي ۽ هاضمي جي عمل کي متاثر ڪندي آهي.

ساڳئي وقت، ماني کائڻ کانپوءِ توهان جي جسم جو حرارت ٿورو وڌندو آهي، جنهن جي ڪري سگريٽ مان نڪرندڙ زهريلا ڪيميڪل جسم ۾ وڌيڪ جلدي جذب ٿين ٿا.

مطالعي موجب، ماني کانپوءِ صرف هڪ سگريٽ ڇڪڻ، عام حالتن ۾ ڏهن سگريٽن جي برابر نقصان پهچائي سگهي ٿو. اهو عمل نه صرف ڦڦڙن لاءِ خطرناڪ آهي، پر اهو معدي جي تِري ۽ جگر تي به خراب اثر ڇڏي سگهي ٿو.

اهڙي عادت سان توهان جي صحت تي مختلف نقصانڪار اثر پئجي سگهن ٿا، جيئن ته معدي جو السر، هاضمي جي تڪليف، ۽ ڦڦڙن جي بيماريون، جيڪي اڳتي هلي ڪينسر جهڙين خطرناڪ بيمارين جو سبب بڻجي سگهن ٿيون.

تنهن ڪري، جيڪڏهن توهان به اهڙي عادت جا عادي آهيو ته اهو وقت آهي ان کي ڇڏي ڏيڻ جو. ماني کائڻ کان پوءِ چانهه، ميوو، يا ڪنهن ٻين صحتمند عمل سان پاڻ کي مصروف رکڻ جي ڪوشش ڪريو ۽ پنهنجي صحت کي بهتر بڻايو.
ان سان گڏ ڪيترن ئي ماڻهن کي وري ننڊ مان جاڳڻ سان ئي سگريٽ پيئڻ جي عادت هوندي آهي جيڪو عمل مڪمل طور تي دماغ جي تباهي، اکين جي روشني گهٽ ٿيڻ، دماغ کان پاڻيٺ سڪڻ، ڦڦرن، دل ۽ معدي جي بيمارين جو سبب بڻجي ٿو.

ان لاءِ اهو به ضروري آهي ته نيراني سگريٽ پيئڻ کان به پاسو ڪيو وڃي.

سگريٽ پيئڻ ڪا سُٺي عادت ناهي انڪري هڪ ته ڪنهن کي سگريٽ پيئڻ نه گهرجي پر جيڪڏهن پيئڻو به آهي ته پوءِ گهٽ ۾ گهٽ انهن ٻن وقتن تي سگريٽ پيئڻ کان پاسو ڪيو وڃي.

سينئر پاڪستاني اداڪارا ثانيا سعيد شادي، سمجھوتي ۽ جذباتي استحصال بابت پنهنجا خيال ظاهر ڪندي سماج ۾ رائج روايتي تصورن تي ...
08/06/2026

سينئر پاڪستاني اداڪارا ثانيا سعيد شادي، سمجھوتي ۽ جذباتي استحصال بابت پنهنجا خيال ظاهر ڪندي سماج ۾ رائج روايتي تصورن تي سوال اٿاري ڇڏيا آهن.

ميڊيا رپورٽ موجب هڪ خانگي ٽي وي پروگرام ۾ ڳالهائيندي ثانيا سعيد چيو ته اسان جي معاشري ۾ اڪثر اهو تصور موجود آهي ته ڪامياب شادي اها آهي جنهن ۾ انسان هر حال ۾ سمجھوتو ڪندو رهي ۽ پنهنجي خوشي قربان ڪندو رهي، پر هن سوچ تي ٻيهر غور ڪرڻ جي ضرورت آهي.

اداڪارا موجب ڪو به مرد يا عورت شادي هن نيت سان نٿو ڪري ته گهر برباد ٿئي يا رشتو ناڪام ٿي وڃي، پر ڪڏهن ڪڏهن رشتن جو ڍانچو اهڙو هوندو آهي جو مردن کي عورتن جي مقابلي ۾ وڌيڪ آزادي حاصل هوندي آهي. ثانيا سعيد چيو ته مرد عام طور تي پنهنجي ڪاوڙ جي اظهار لاءِ مختلف طريقا اختيار ڪري سگهن ٿا، جڏهن ته ڪڏهن ڪڏهن جهيڙن دوران جذباتي دٻاءُ، مسلسل طعنا يا “گيَس لائيٽنگ” جهڙا رويا به اختيار ڪيا ويندا آهن. ڪجهه مرد گهر کان ٻاهر نڪري پاڻ کي عارضي طور پرسڪون ڪري وٺندا آهن، پر عورتن وٽ اڪثر اهڙا موقعا موجود ناهن هوندا.

هن نشاندهي ڪئي ته گهڻيون عورتون مالي انحصار، ٻارن جي ذميوارين، جذباتي دٻاءُ ۽ سماجي اميدن سبب خاموش رهڻ تي مجبور ٿي وڃن ٿيون، جنهن سان انهن جون ڏکيائيون وڌيڪ وڌي وڃن ٿيون. ثانيا سعيد جو چوڻ هو ته اسان جي سماج ۾ ڪيترائي جوڙا شادي کان اڳ هڪ ٻئي کي گهري طرح سمجهڻ جو مناسب موقعو نٿا وٺن، جنهن سبب پوءِ رشتن ۾ پيدا ٿيندڙ مسئلن سان منهن ڏيڻ وڌيڪ ڏکيو ٿي وڃي ٿو.

واضح رهي ته ثانيا سعيد پاڪستان جي انهن اداڪارائن مان آهي جن ٽيليويزن، ٿيٽر ۽ فلم ۾ پنهنجي منفرد اداڪاري سان سڃاڻپ بڻائي آهي.

شهرن ۾ فليٽن ۾ رهندڙ شهرين لاءِ هڪ خاص سولر اسڪيم تيار ڪئي پئي وڃي، جنهن تحت مالڪ پنهنجي ڳوٺ ۾ سولر انسٽال ڪري سگهندا ۽ ...
08/06/2026

شهرن ۾ فليٽن ۾ رهندڙ شهرين لاءِ هڪ خاص سولر اسڪيم تيار ڪئي پئي وڃي، جنهن تحت مالڪ پنهنجي ڳوٺ ۾ سولر انسٽال ڪري سگهندا ۽ پنهنجي شهر جي فليٽ ۾ سولر ڪريڊٽ حاصل ڪري سگهندا.

تفصيل موجب، پاڪستان حڪومت ملڪ ۾ توانائي جي بحران تي قابو پائڻ لاءِ هڪ منفرد اسڪيم تي ڪم شروع ڪري ڇڏيو آهي، جنهن تحت هاڻي شهري پنهنجي ڳوٺ جي زمين تي سولر سسٽم لڳائي سگهندا ۽ شهرن ۾ پنهنجي گهرن يا فليٽ ۾ ان جو بجلي جو ڪريڊٽ حاصل ڪري سگهندا.

راولپنڊي چيمبر آف ڪامرس اينڊ ٽريڊ جي صدر عثمان شوڪت اي آر وائي نيوز سان ڳالهائيندي چيو ته وزيراعظم هڪ انقلابي اسڪيم تيار ڪرڻ جون هدايتون جاري ڪيون آهن جنهن تحت ملڪ ۾ باقاعده سولر ويلنگ پاليسي متعارف ڪرائي ويندي. هن چيو ته هن پاليسي جو سڀ کان وڏو فائدو انهن ماڻهن کي ٿيندو جيڪي شهرن ۾ فليٽن يا گهرن ۾ رهن ٿا، جتي اهي ڇت تي جاءِ نه هجڻ سبب سولر پينل نه ٿا لڳائي سگهن. هاڻي اهڙا شهري پنهنجي ڳوٺ جي زمين تي سولر پلانٽ لڳائي سگهندا ۽ ان مان پيدا ٿيندڙ بجلي جي ڪريڊٽ (نيٽ ميٽرنگ ذريعي) پنهنجي شهر جي فليٽ جي بجلي جي بل ۾ ايڊجسٽ ڪري سگهندا.

صدر آر سي سي آءِ وڌيڪ چيو ته سولر ويلنگ پاليسي دنيا جي سڀني وڏن ۽ ترقي يافته شهرن ۾ هڪ عام ۽ اهم سهولت آهي، جتي ان ذريعي زمين جي کوٽ کي منهن ڏيندڙ طبقي کي رليف فراهم ڪيو ويندو آهي.

پيپلز پارٽي وفاقي بجيٽ ۾ سرڪاري ملازمن جي پگهارن ۽ پينشن ۾ 50 سيڪڙو واڌ جو مطالبو ڪيو آهي، جڏهن ته ماهوار پگهار 60 هزار ...
08/06/2026

پيپلز پارٽي وفاقي بجيٽ ۾ سرڪاري ملازمن جي پگهارن ۽ پينشن ۾ 50 سيڪڙو واڌ جو مطالبو ڪيو آهي، جڏهن ته ماهوار پگهار 60 هزار رپيا ڪرڻ جي تجويز به پيش ڪئي آهي.

مٺي: نريش مھيشوري جي گهر اندر بُري نيت سان داخل ٿيندڙ دانيال سميت چئن جوابدارن خلاف ڪيس داخل
08/06/2026

مٺي: نريش مھيشوري جي گهر اندر بُري نيت سان داخل ٿيندڙ دانيال سميت چئن جوابدارن خلاف ڪيس داخل

پٿورو ڀرسان ڳوٺ غلام رسول آريسر ۾ اوڏ برادري جون 2 معصوم نياڻيون واٽر ڪورس ۾ ٻڏي فوت
08/06/2026

پٿورو ڀرسان ڳوٺ غلام رسول آريسر ۾ اوڏ برادري جون 2 معصوم نياڻيون واٽر ڪورس ۾ ٻڏي فوت

ڏهرڪي الخالق موبائل مارڪيٽ ۾ ٺڳي جي واردات ھڪ نامعلوم شخص دوڪاندار وٽ بيگ ٿيلو امانت طور جمع ڪرائي، اعتماد حاصل ڪرڻ بعد ...
08/06/2026

ڏهرڪي الخالق موبائل مارڪيٽ ۾ ٺڳي جي واردات ھڪ نامعلوم شخص دوڪاندار وٽ بيگ ٿيلو امانت طور جمع ڪرائي، اعتماد حاصل ڪرڻ بعد لکين رپين جا ٻه موبائيل کڻي فرار ٿي ويو

ڪوئٽه ۾ مڙس پنھنجي زال ۽ چئن ٻارن کي قتل ڪري پاڻ خودڪشي ڪري ڇڏي
08/06/2026

ڪوئٽه ۾ مڙس پنھنجي زال ۽ چئن ٻارن کي قتل ڪري پاڻ خودڪشي ڪري ڇڏي

سپريم ڪورٽ تيزاب گردي جي جوابدار عبدالمنان جي عمر قيد برقرار رکي ڇڏي، عدالت وڪري تي پابندي ۽ متاثرن لاءِ قومي بحالي فنڊ ...
08/06/2026

سپريم ڪورٽ تيزاب گردي جي جوابدار عبدالمنان جي عمر قيد برقرار رکي ڇڏي، عدالت وڪري تي پابندي ۽ متاثرن لاءِ قومي بحالي فنڊ قائم ڪرڻ جون هدايتون

سپريم ڪورٽ تيزاب گردي جي ڪيس ۾ اهم ۽ تاريخي فيصلو ڏيندي جوابدار عبدالمنان جي عمر قيد جي سزا برقرار رکي ڇڏي، جڏهن ته حڪومت ۽ لاڳاپيل ادارن کي تيزاب گردي جي روڪٿام ۽ متاثرن جي بحالي لاءِ ڪيترين ئي اهم هدايتن جو حڪم ڏنو آهي.

جسٽس هاشم خان ڪاڪڙ جي سربراهي ۾ جسٽس صلاح الدين پنهور ۽ جسٽس اشتياق ابراهيم تي ٻڌل ٽه رڪني بينچ ڪيس جي ٻڌڻي ڪئي. 13 صفحن تي مشتمل فيصلو جسٽس هاشم خان ڪاڪر تحرير ڪيو.

عدالت فيصل آباد جي رهواسڻ اقرا پروين تي تيزاب اڇلائڻ واري مجرم عبدالمنان جي اپيل رد ڪندي سندس عمر قيد جي سزا برقرار رکي. سپريم ڪورٽ مجرم کي متاثر عورت کي 10 لک رپيا معاوضو ادا ڪرڻ جو به حڪم ڏنو.

فيصلي ۾ چيو ويو آهي ته وحشياڻي ۽ اڳواٽ رٿابندي سان ڪيل اهڙن ڏوهن ۾ گهٽ عمر هجڻ کي رعايت جو بنياد نٿو بڻائي سگهجي. عدالت قرار ڏنو ته تيزاب حملو قتل کان به وڌيڪ هولناڪ جرم آهي، ڇو ته قتل هڪ ڀيرو زندگي ختم ڪري ٿو، جڏهن ته تيزاب جو شڪار ٿيل شخص روزاني بنيادن تي جسماني ۽ ذهني تڪليفون برداشت ڪندو رهي ٿو.

سپريم ڪورٽ هدايت ڪئي ته ملڪ جون هاءِ ڪورٽون تيزاب گردي جي سڀني ڪيسن جو ٽرائل هر صورت ۾ چار مهينن اندر مڪمل ڪرائڻ کي يقيني بڻائين ۽ اهڙن ڪيسن جي سڌي نگراني ڪن.

عدالت حڪومت کي عام شهرين لاءِ تيزاب جي کليل ۽ غيرقانوني وڪري تي مڪمل پابندي لڳائڻ، تیزاب جي خريد ۽ وڪري لاءِ بايوميٽرڪ ۽ مرڪزي ڊجيٽل نظام قائم ڪرڻ ۽ خريدار جو نالو، سڃاڻپ ڪارڊ ۽ آڱوٺي جي تصديق لازمي قرار ڏيڻ جون هدايتون پڻ جاري ڪيون.

فيصلي موجب حڪومت “نيشنل ايسڊ سروائيورز ريهيبليٽيشن فنڊ” قائم ڪري، جنهن تحت متاثرن جي پلاسٽڪ سرجري، نفسياتي علاج ۽ بحالي جا سمورا خرچ برداشت ڪيا وڃن. مستقل طور متاثر يا بيروزگار ٿي ويل ماڻهن لاءِ ماهوار وظيفو مقرر ڪيو وڃي.

عدالت وڌيڪ حڪم ڏنو ته شديد متاثر ماڻهن کي معذوري جا سرٽيفڪيٽ جاري ڪيا وڃن ۽ کين سرڪاري نوڪرين، تعليمي ادارن ۽ فلاحي اسڪيمن ۾ خاص ڪوٽا فراهم ڪيو وڃي.

Address

Medina

Website

Alerts

Be the first to know and let us send you an email when Baqir PiTafi Official posts news and promotions. Your email address will not be used for any other purpose, and you can unsubscribe at any time.

Shortcuts

Share

Category