เว็บไซต์คืออะไร?

https://youtube.com/@myonaingsan?si=lcT7swQ7oeHKxG0t

NAING &CHAY-Tv, https://maps. app. goo. gl/MKZYJeyX2tk24ugw9c, Chachoengsao (2026)

11/12/2025

မြောက်ဦးဆေးရုံကို စစ်ကော်မရှင်တပ်လေကြောင်းတိုက်ခိုက်လို့ ၃၁ ဦးသေဆုံးပြီး ၆၀ ကျော်ဒဏ်ရာရ

#ရခိုင်ပြည်

11/12/2025

■ မြောက်ဦးဆေးရုံ ဗုံးကြဲခံရမှု သေဆုံးသူများထဲတွင် ဆေးကုသနေသည့် မွတ်ဆလင် အနည်းဆုံး ၃ ဦးထက်မနည်း ပါဝင်
အာဏာသိမ်း စစ်ကောင်စီမှ ပေါင် ၅၀၀ ဗုံးနှစ်လုံးဖြင့် ယမန်နေ့ ဒီဇင်ဘာလ ၁၀ ရက် ည ၉ နာရီကျော်အချိန်တွင် ရှေးဟောင်းမြောက်မြို့တော်မှ ပြည်သူ့ဆေးရုံကြီးကို လေကြောင်းဗုံးကြဲတိုက််ခိုက်ခဲ့သည်။

စစ်ကောင်စီ၏ ဗုံးကြဲတိုက်ခိုက်မှုကြောင့် မြောက်ဦးပြည်သူ့ဆေးရုံကြီးတွင် ဆေးကုသနေသော လူနာစောင့်များ၊ လူနာများနှင့် ဆေးရုံဝန်ထမ်း အများအပြား အစုလိုက်အပြုံလိုက် သေဆုံးခဲ့ကြရသည်။

လတ်တလော မြေပြင်စာရင်းအရ သေဆုံးသူ ၃၃ ဦးနှင့် ဒဏ်ရာရရှိသူ ၇၆ ဦးအထိ ရှိလာနေပြီး နောက်ထပ် ရှာဖွေမှုများ ပြုလုပ်နေကြောင်း စစ်ဘေးရှောင်များအရေး ကူညီဆောင်ရွက်ပေးနေသော စာရေးဆရာလည်းဖြစ် နိုင်ငံရေးအကျဉ်းသားဟောင်းလည်းဖြစ် ကိုဝေဟင်အောင်က ပြောသည်။

"သေဆုံးသူ ၃၃ ဦး ရုပ်အလောင်းတွေကို ရှာတွေ့ထားတယ်ဗျာ။ ဒဏ်ရာရတာက ၇၆ ဦးရှိတယ်ဗျာ။ သေဆုံးသွားတဲ့ သူတွေထဲမှာ အသက် ၂ နှစ်အရွယ် ကလေး ၁ ယောက်ပါပါတယ်။ အမျိုးသမီးတွေလည်း ပါတယ်။ ဆေးကုနေတဲ့ မွတ်ဆလင်တွေလည်း သေဆုံးသွားပါတယ်။ ခန္ဓာကိုယ်တွေ ရုပ်ပျက်ဆင်းပျက်နဲ့ သေဆုံးသွားကြတာဆိုတော့ လောလောဆယ်တွေ့တာက မွတ်ဆလင် အမျိုးသား ၂ ဦးတွေ့ရတယ်။ အမျိုးသမီး ၁ ဦးလည်း တွေ့ရတယ်။ မျက်နှာတွေ၊ ဦးခေါင်းတွေ ရစရာမရှိအောင် ပွင့်ထွက်သွားတော့ မွတ်ဆလင် ဘယ်နှစ်ဦးပါတယ်ဆိုတာ တိတိကျကျ ပြောဖို့ အခက်အခဲရှိပါတယ်” ဟု ပြောသည်။

တိုက်ပွဲဖြစ်ပွားခြင်းမရှိသည့်အပြင် စစ်ရေးပစ်မှတ်မဟုတ်သော အရပ်သားပြည်သူများ ဆေးကုသရာ ပြည်သူ့ဆေးရုံကြီးကို လေကြောင်းဗုံးကြဲတိုက်ခိုက်ခြင်းသည် အဆိုးရွားဆုံးသော အစုလိုက်အပြုံလိုက် သတ်ဖြတ်မှုဖြစ်ပြီး စစ်ရာဇဝတ်မှုကျူးလွန်သော လုပ်ရပ်သာ ဖြစ်သည်ဟု ကိုဝေဟင်အောင်က ဆက်လက်ပြောသည်။

"အကြမ်းဖက် စစ်ကောင်စီက စစ်ရေးပစ်မှတ်မဟုတ်တဲ့ ဆေးရုံကြီးကို ဗုံးကြဲတိုက်ခိုက်တာက ရည်ရွယ်ချက်ရှိရှိ ပြည်သူတွေကို အစုလိုက်အပြုံလိုက် သတ်ဖြတ်တာဖြစ်ပါတယ်။ မနေ့ကဆို လူ့အခွင့်အရေးနေ့ဖြစ်တယ်။ လူ့အခွင့်အရေးကို ပေါ်တင် ချိုးဖောက်တာဖြစ်တယ်။ စစ်ရာဇဝတ်မှုကို ကျူးလွန်တာပဲဖြစ်ပါတယ်။ ဒါက ဆေးရုံဖြစ်တယ်။ နိုင်ငံတကာအနေနဲ့လည်း စစ်ကောင်စီရဲ့ အကြမ်းဖက် လုပ်ရပ်တွေကို တားဆီးပေးဖို့ လိုအပ်ပါတယ်” ဟု တောင်းဆိုထားသည်။

အာဏာသိမ်း စစ်ကောင်စီသည် ယခင်ကလည်း ရခိုင်ပြည်အတွင်း လေကြောင်းဗုံးကြဲတိုက်ခိုက်မှုများကို ဆက်တိုက်ပြုလုပ်ခဲ့ပြီး အရပ်သားပြည်သူများကိုသာ ဦးတည်ပစ်မှတ်ထား သတ်ဖြတ်နေကြောင်း ဒေသခံပြည်သူများက ပြောဆိုကြသည်။ #ရခိုင်ပြည်

09/12/2025

တကျော့ပြန် ထိုင်းနဲ့ ကမ္ဘောဒီးယားနှစ်နိုင်ငံ တိုက်ပွဲ ဒုတိယရက်မှာ မနက်အစောပိုင်းကတည်းက အပြန်အလှန်ပစ်ခတ်နေကြတယ်လို့ ဘက်နှစ်ဘက်စလုံးက ပြောဆိုထားကြပါတယ်။

ကမ္ဘောဒီးယားက ဒုံးကျည်အမြောက်အများသုံးနေသလို ဒရုန်းနဲ့ ဗုံးကြဲတာ၊ အသေခံကာမီကာဇီဒရုန်းနဲ့ တိုက်တာတွေ လုပ်နေတယ်လို့ ထိုင်းဘက်က ဆိုပါတယ်။

ထိုင်းဘက်က စစ်သား ၃ ဦးအထိ သေဆုံးခဲ့ပြီဖြစ်တယ်လို့ ထိုင်းစစ်တပ်က ထုတ်ပြန်ပါတယ်။

07/12/2025

ပထမဆုံး UFC ရဲ့အသက်ငယ်ဆုံး မြန်မာ ခါးပတ်ပိုင်ရှင်

07/12/2025

မော်လိုက်ကလေးရွာကို စစ်ကောင်စီ မီးရှို့နေ
စစ်ကိုင်းတိုင်း၊မော်လိုက်မြို့အနီးက မော်လိုက်ကလေးရွာကို စစ်ကောင်စီက မီးရှို့နေတယ်လို့ ဒေသခံသတင်းရင်း Mawlaik Revolutions တာဝန်ရှိသူက ပြောပါတယ်။

ဒီကနေ့(ဒီဇင်ဘာ ၆ရက်)က မော်လိုက်မြို့အခြေစိုက် ခမရ(၃၆၄၊၃၆၅၊၃၆၆)တပ်ရင်းတွေနဲ့ ကင်းတပ်ရွာကပျူစောထီးတွေ ပူးပေါင်းပြီး မော်လိုက်ကလေးရွာကို မီးရှို့နေတာလို့ ဆိုပါတယ်။

အဲဒီ မော်လိုက်ကလေးရွာဟာ မော်လိုက်မြို့နဲ့ (၄)မိုင်ဝန်းကျင်သာကွာဝေးပြီး ဒေသခံတွေက စစ်ရှောင်နေကြရတယ်လို့ အသိပေးပါတယ်။

"မော်လိုက်ကလေးရွာရဲ့ အိမ်ခြေက ၂၅၀နဲ့ ၃၀၀ ကြားရှိတယ်။အခု စကစမီးရှို့တာက ရွာရဲ့ တောင်ပိုင်းဘက်ကို ရှို့တာ အဲဒီမှာက အိမ် ၆၀လောက်ရှိတယ်"လို့ အထက်ပါတာဝန်ရှိသူက ပြောပါတယ်။

စစ်အုပ်စုက ပြည်သူနေအိမ်တွေရဲ့ ပစ္စည်းတွေကို ယူဆောင်ပြီးမှနေအိမ်တွေကို မီးရှို့ ဖျက်ဆီးခဲ့တာလို့လည်း သိရပါတယ်။

လက်ရှိမှာ ကလေးမြို့နယ် အခြေစိုက် ဒေသကွပ်ကဲရေးစစ်ဌာနချုပ်ဒုတိယအကြီးအကဲက မော်လိုက်မြို့ ကိုရောက်ရှိနေတယ်လို့ Mawlaik Revolutionsက ထုတ်ပြန်ထားပါတယ်။

အဲဒါအပြင် မော်လိုက်မြို့ပေါ်မှာ စစ်ကောင်စီက စစ်ရေးမြှင့်တင်မှုတွေလုပ်နေပြီး အင်အားဖြည့်တင်းတာတွေ ဆက်တိုက်ရှိနေတယ်လို့ ဒေသတွင်းသတင်းရင်းမြစ်က ဆိုပါတယ်။

ကာကွယ်ရေးတပ်တွေက သိမ်းငှက်စစ်ဆင်ရေးနဲ့ မော်လိုက်ခရိုင်ထဲမှာ အခုနှစ် သြဂုတ်ကစတင်ခဲ့ပြီး စစ်ကောင်စီနဲ့ ပျူစောထီး စခန်းရှစ်ခုနဲ့ ကျေးရွာ(၁၇)ရွာကို စိုးမိုးထိန်းချုပ်ထားပါတယ်။

ဒါပေမယ့် တောင်သူလယ်သမားတွေ စပါးရိတ်သိမ်းချိန်နဲ့ ပြည်သူလူထု စစ်ဘေးရှောင်ရတဲ့ အခက်ခဲတွေကြောင့် သိမ်းငှက်စစ်ဆင်ရေးထိုးစစ်ကို အရက်အကန့်သတ်မရှိ ရပ်တန့်ထားပါတယ်။

06/12/2025

လက်ဖက်ရည်ဆိုင်မှာ ဘောလုံးပွဲစုကြည့်ချိန် လေကြောင်းဗုံးကြဲလို့ ၂၀ ဦးသေဆုံး

စစ်ကိုင်းတိုင်း၊ ဒီပဲယင်းမြို့နယ်အရှေ့ခြမ်း၊ မရကန်ရွာ လက်ဖက်ရည်ဆိုင်မှာ မြန်မာဘောလုံးအသင်းရဲ့ ဆီးဂိမ်းဖွင့်ပွဲကို စုကြည့်နေတဲ့အချိန် စစ်တပ်က ဂျက်ဖိုက်တာနဲ့ ဗုံးကြဲချခဲ့ တာကြောင့် သေဆုံးသူ ၂၀ ဦးအထိရှိလာပြီလို့ မြို့နယ်ပြည်သူ့ကာကွယ်ရေးအဖွဲ့ (ပကဖ) ကနေ သိရပါတယ်။

“ဗုံးကျတဲ့နေရာတွေက မီတာ ၁၀၀ ပတ်လည်အကွာအဝေးပဲရှိတယ်။ ဒီပဲယင်းအရှေ့ခြမ်းက အိမ်ခြေလည်း စိပ်တယ်။ အိမ် ၃ လုံးလောက် အလုံးလိုက်ပျောက်သွားတယ်။ ရုပ်အလောင်းတွေ ဆိုလည်း အမျိုးသား အမျိုးသမီးခွဲခြားစိတ်ဖြာလို့မရနိုင်အောင် ဖြစ်နေတယ်” လို့ ဒီပဲယင်း ပကဖ တာဝန်ခံ ကိုသစ္စာ က ပြောပါတယ်။

06/12/2025

ရေစကြိုတွင် စစ်ကောင်စီတပ်ရေးဗိုလ်ကြီး ၁ ဦး ပစ်ခတ်ခံရပြီးသေဆုံး
မကွေးတိုင်း၊ ရေစကြိုမြို့နယ်၊ ဖူလုံကျေးရွာ ဘိလိယက်ခုံမှာ ဒီဇင်ဘာ ၃ ရက်က ဘိလိယက်ထိုးနေတဲ့ စစ်ကောင်စီတပ်က ဗိုလ်ကြီးတယောက်ကို ဖမ်းဆီးခေါ်ဆောင်လာစဉ် လမ်းမှာ ပြန်ခုခံတာကြောင့် ပစ်ခတ်ခံရပြီး သေဆုံးတယ်လို့ ရေစကြိုမြို့နယ် ပြည်သူ့ကာကွယ်ရေးတပ်ဖွဲ့ဆီက သိရပါတယ်။

06/12/2025

ကျောက်ဖြူမြို့နယ်မှာ စစ်ဘေးရှောင်ခုနစ်ထောင်ကျော်အတွက် အရေးပေါ်စားနပ်ရိက္ခာလိုအပ်နေပါတယ်

ရခိုင်ပြည်၊ ကျောက်ဖြူမြို့နယ်မှာ စစ်ဘေးရှောင်ခုနစ်ထောင်ကျော်အတွက် အရေးပေါ် စားနပ်ရိက္ခာတွေ လိုအပ်နေတယ်လို့ ကူူညီဆောင်ရွက်ပေးနေသူတွေက ပြောပါတယ်။

ကျောက်ဖြူမြို့နယ်အတွင်းဖြစ်ပွားနေတဲ့တိုက်ပွဲတွေကြောင့် အခုလပိုင်းအတွင်း ဒေသခံအများအပြား ထွက်ပြေးတိမ်းရှောင်လာကြရာ စစ်ရှောင်ဦးရေဟာ တစ်နေ့တခြား တိုးပွားလာနေတယ်လို့ သိရပါတယ်။

စစ်ရှောင်ဦးရေတိုးပွားလာနေတာနဲ့အမျှ သူတို့ရဲ့စားရေးသောက်ရေးအတွက်လည်း အခက်အခဲဖြစ်နေပြီး လက်ရှိမှာ စစ်ရှောင်ဦးရေ ခုနစ်ထောင်ကျော်အတွက် အရေးပေါ်စားနပ်ရိက္ခာတွေလိုအပ်နေတယ်လို့ စစ်ရှောင်များအရေးကူညီပေးနေတဲ့ ရမ္မာမြေစစ်ဘေးကူညီရေး(ရမ္မာမြီပရဟိတ)အဖွဲ့ရဲ့ တာဝန်ခံတစ်ယောက်က ပြောပါတယ်။

“ကျနော်တို့အဖွဲ့လည်း အလှူငွေ (၃၀၀)ကျော်လောက်ဘဲရှိတော့ အရေးပေါ်အနေနဲ့ ကူညီဖို့ အဆင်မပြေတဲ့လူ စိစစ်လိုက်တဲ့အခါ (၇၀၀၀)ကျော်လောက်အတွက် လူတစ်ဦး တပတ်စာဆန် (၁၀/၁၅)ဗူးနှုန်းနဲ့ ကူညီနေတယ်။ လောက်ငမှုတော့မရှိဘူး”လို့ ပြောပါတယ်။

05/12/2025

ပေါက်မြို့နယ်တွင် စစ်တပ်က အမျိုးသမီးများ အပါအဝင် ပြည်သူ ၁၆ ဦးကိုမုဒိမ်းကျင့် သတ်ဖြတ်ခဲ့ပြီး ကျေးရွာ ၁၀ ခုမှ နေအိမ် ၈၀ ကျော်ကို မီးရှို့ဖျက်ဆီး

ရန်ကုန်၊ ဒီဇင်ဘာ ၄

မကွေးတိုင်း၊ ပေါက်မြို့နယ်တွင် ၁ လတာအတွင်း စစ်ကြောင်းထိုးခဲ့သော အကြမ်းဖက် စစ်တပ်က မုဒိမ်းကျင့် ဖမ်းဆီး သတ်ဖြတ်မှု ပြည်သူ ၁၆ ဦး သေဆုံးပြီး ကျေးရွာ ၁၀ ခုမှ နေအိမ် ၈၀ ကျော်ကိုလည်း မီးရှို့ဖျက်ဆီးခဲ့ကြောင်း ပေါက်မြို့နယ် လူသားစာနာဌာနမှ တာဝန်ရှိသူတစ်ဦးက သတင်းဌာနထံသို့ပြောဆိုသည်။

နိုဝင်ဘာလ အတွင်း ပေါက်မြို့နယ် အတွင်းရှိ ကျေးရွာများကို အကြမ်းဖက် စစ်တပ်နှင့်ဒေသခံ ပျူစောထီးများ ပူးပေါင်းပြီး စစ်ကြောင်းထိုးခဲ့ကြောင်း၊ ယင်းစစ်ကြောင်းသည် ကျေးရွာများကို မီးရှို့ဖျက်ဆီးခြင်း၊ ပြည်သူများကို မုဒိမ်းကျင့် ဖမ်းဆီးသတ်ဖြတ်ခြင်းနှင့် ကျေးရွာအတွင်း နင်းမိုင်းများ ထောင်ထားခဲ့ကြောင့် ပြည်သူများ ထိခိုက်သေဆုံးမှုရှိခဲ့ကြောင်း သိရသည်။

ထိုစစ်တပ် စစ်ကြောင်း၏ ဖမ်းဆီးသတ်ဖြတ်မှုကြောင့် ပြည်သူ ၁၆ ဦးသေဆုံးပြီး လေကြောင်း၊ လက်နက်ကြီးများဖြင့် ပစ်ခတ်ခြင်းကြောင့် ထိခိုက်ဒဏ်ရာရရှိသူ ပြည်သူ ၁၉ ဦးရှိကြောင်း၊ ထို့ပြင် ဖမ်းဆီးခံရသော ပြည်သူ ၁၅ ဦး ၊ မိုင်းနင်းမိပြီး ကိုယ်အင်္ဂါဆုံးရှုံးသူ ၅ ဦး နှင့် မုဒိမ်းပြုကျင့်ခံရသူ ၁ ဦး ရှိကြောင်း သိရှိရသည်။

ထို့ပြင် အကြမ်းဖက် စစ်တပ်က ပေါက်မြို့နယ် အတွင်းရှိ ကျေးရွာများကို နိုဝင်ဘာလ အတွင်း ဂျက်ဖိုက်တာဖြင့် လေကြောင်းတိုက်ခိုက်မှု ၉ ကြိမ် ၊ Y-12 ဖြင့် လေကြောင်းတိုက်ခိုက်မှု ၄၇ ကြိမ် ၊ စက်တပ်လေထီးဖြင့် လေကြောင်းတိုက်ခိုက်မှု ၁၄ ကြိမ်၊ ဂျိုင်ရိုကောပတာဖြင့် လေကြောင်းတိုက်ခိုက်မှု ၁၁ ကြိမ် နှင့် လက်နက်ကြီးဖြင့် ပစ်ခတ်တိုက်ခိုက်မှု ၂၁ ကြိမ် ပြုလုပ်ခဲ့ကြောင်း သိရသည်။

"စစ်ခွေးစစ်ကြောင်းက ကျေးရွာတွေကို ဆက်တိုက် စစ်ကြောင်းထိုးပြီး မီးရှို့ဖျက်ဆီးတာ အပြင် ပြည်သူတွေကို မုဒိမ်းကျင့် ဖမ်းဆီးသတ်ဖြတ်တာ လေကြောင်းနဲ့ ဗုံးကျဲ တိုက်ခိုက်တာကြောင့် ပြည်သူ ၁၆ ဦးသေဆုံးခဲ့ပါတယ်" ဟု ပေါက်မြို့နယ် လူသားစာနာဌာနမှ တာဝန်ရှိသူက ပြောဆိုသည်။

အဆိုပါ အကြမ်းဖက် စစ်တပ် စစ်ကြောင်းသည် ကျေးရွာ ၁၀ ခု နှင့် စစ်ရှောင်စခန်း ၁ ခုကို မီးရှို့ဖျက်ဆီးခဲ့ခြင်းကြောင့် နေအိမ် ၈၅ လုံးနှင့် စစ်ရှောင်တဲအိမ် ၃၀ လုံး မီးလောင် ပြာကျခဲ့ကြောင်း သိရှိရသည်။

အကြမ်းဖက် စစ်တပ် နှင့် ပျူစောထီးများသည် ပြည်သူများအပေါ် အကြမ်းဖက်မှုများ တိုးမြှင့်လုပ်ဆောင်နေသောကြောင့် ပြည်သူများအားလုံး လေကြောင်း၊ လက်နက်ကြီး အန္တရာယ်များကို အချိန်နှင့် တပြေညီ ထုတ်ပြန်ကြေညာပေးနေမှုများကို လိုက်နာပေးကြရန် ပေါက်မြို့နယ် လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာ စီမံခန့်ခွဲရေးဌာနက မေတ္တာရပ်ခံထားသည်။

05/12/2025

ယခုလက်ရှိအွန်လိုင်းမှာပြန့်နေတဲ့ထိုင်းသတင်းခု အခုပုံထဲကမိန်းကလေးနဲ့ယောကျာ်းလေးကလင်မယားမဟုတ်ဘဲကောင်လေးကမိန်းကလေးကိုအဓမ္မပြုကျင့်ကားပေါ်ကိုအတင်းဆွဲခေါ်နေတဲ့ပုံပါ မိန်းကလေးဘက်ကငြင်းနေတာကြောင့်လမ်းဘေးကဖြတ်သွားတဲ့ထိုင်းအကိုတယောက်ကတွေ့လို့ဝင်ကူညီဖို့မေးလိုက်တယ်ဘာဖြစ်ကြတာလည်းလို့မိန်းကလေးကအကိုရေကျမကိုတချက်ကူပါသူကကျမယောကျာ်းမဟုတ်ဘူးလို့အဓမ္မပြုကျင့်ဖို့အတင်းခေါ်တာလို့ပြောတော့ကောင်းလေးဘက်‌ကဒါကျွန်နော့်မိန်းမပါလို့သူများလင်မယားကြားလာမရှုပ်နဲ့ဆိုပီးကားပေါ်ကိုဆွဲခေါ်ပီးမောင်းပြေးတော့ထိုင်းအကိုကလည်းအနောက်ကနေလိုက်သွားတာကောင်မလေးကလည်းကားတခါးကိုဖွင့်ပီးကားကနေခုန်ချခဲ့တာကံကောင်းလို့မဟုတ်ရင်ဘဝပျက်ပါပီးမိန်းကလေးတွေသတိထားကြပါတယောက်ထဲနေရင်သွားလာတာသတိထားပါ
#ထိုင်းနိုင်ငံ

NAING &CHAY-Tv

11/12/2025

11/12/2025

09/12/2025

07/12/2025

07/12/2025

06/12/2025

06/12/2025

06/12/2025

05/12/2025

05/12/2025

ที่อยู่

เว็บไซต์

แจ้งเตือน

ทางลัด

แชร์

ประเภท