π’πˆπ‘πˆ 𝐙𝐀 π”ππ€ππˆπˆ 𝐓𝐕-π’ͺ𝓃𝓁𝒾𝓃𝑒 π»π‘œπ“…π‘’

  • Home
  • Tanzania
  • Arusha
  • π’πˆπ‘πˆ 𝐙𝐀 π”ππ€ππˆπˆ 𝐓𝐕-π’ͺ𝓃𝓁𝒾𝓃𝑒 π»π‘œπ“…π‘’
Website

π’πˆπ‘πˆ 𝐙𝐀 π”ππ€ππˆπˆ 𝐓𝐕-π’ͺ𝓃𝓁𝒾𝓃𝑒 π»π‘œπ“…π‘’ πŸ” SIRI ZA UNABII
Ufahamu wa kina. Ukweli usiofichika. Hapa ndipo mahali sahihi.

Maandalizi ya wakati wa mwisho.

⁉️Je, unatafuta kuelewa kwa undani unabii wa Biblia na maana yake katika maisha ya sasa?

23/07/2026

πŸ”₯πŸ”₯β€οΈπŸ’™SIKU KUU ZA VIBANDAπŸ”₯πŸ”₯

πŸ“Œ
22/07/2026

πŸ“Œ

`πŸ“– UFUNUO SURA YA 8`*πŸ“― Malaika Saba Wapiga Baragumu za Tahadhari*πŸ“– Ufunuo 8:1 > "Hata alipoifungua muhuri ya saba, kukaw...
21/07/2026

`πŸ“– UFUNUO SURA YA 8`

*πŸ“― Malaika Saba Wapiga Baragumu za Tahadhari*

πŸ“– Ufunuo 8:1
> "Hata alipoifungua muhuri ya saba, kukawa kimya mbinguni k**a muda wa nusu saa".

πŸ€” Ni nini kitakacholeta " *kimya* " hiyo? Sura ya saba imewekwa katikati ya kufunguliwa mhuri wa sita na wa saba. Kristo alipoufungua muhuri wa sita, tuliona waovu wakipaza sauti zao wakiiambia miamba na milima iwaangukie na kuwasitiri, mbele za uso wake yeye aketiye juu ya kiti cha enzi, na hasira ya Mwana-Kondoo. *"Naye ni nani awezaye kusimama?".*

✝️ Jibu kwa swali la waovu ni kwamba hakuna awezaye kusimama isipokuwa yule aliyejitoa kusulibishwa pamoja na Kristo. Mamia ya wengi wa wakazi wa dunia watakuwa wameukataa msalaba, watakuwa wamechagua kuangamia, na hivyo wakati wakiangamia kutakuwa *"kimya mbinguni"*.

😒 Mungu anawezaje kufuta machozi kutoka katika macho ya watu wake waliokombolewa isipokuwa mpaka amefuta kwanza machozi yake mwenyewe? Je, Mungu anaweza kuwaona hawa wote waliopotea wakiangamia katika uchungu wa kukata tamaa na asione huzuni kubwa? Kila kinubi cha furaha mbinguni kitanyamazishwa. Ushindi wa Mwana-Kondoo utaleta wokovu wa milele kwa wale walioamini, lakini wengi watakuwa wamechagua kutoamini na hii italeta hukumu ya milele kwao.

⏳ Ikiwa huu *"muda wa nusu saa"* ni kipindi cha unabii, ambapo siku ni sawa na mwaka mmoja, basi " *kimya* " kitachukua k**a juma moja. Unaweza kuwa muda usiojulikana bayana.

πŸ™ Hebu na tukumbuke kuwa ushindi wa mwisho wa Mwana-Kondoo katika kufungua muhuri wa saba hauwezi kutokea mpaka wale watu wake 144,000 watakapokuwa wamejitoa kupokea *"mhuri wa Mungu"* katika vipaji vya nyuso zao! Mungu aturidhie ili tusiendelee tena kuuchelewesha ushindi wake.

πŸ“œ Mafungu 2-4:
> "Nami nikawaona wale malaika saba wasimamao mbele za Mungu, nao wakapewa baragumu saba. Na malaika mwingine akaja akasimama mbele ya madhabahu, mwenye chetezo cha dhahabu, akapewa uvumba mwingi, ili autie pamoja na maombi ya watakatifu wote juu ya madhabahu ya dhahabu, iliyo mbele ya kiti cha enzi. Na moshi wa ule uvumba ukapanda mbele za Mungu pamoja na maombi ya watakatifu kutoka mkononi mwa malaika."

🌍 Katika kielelezo hiki tunarudi kuangalia tena matukio duniani tangu wakati wa Kristo. Yale *"makanisa saba"* na *"mihuri saba"* vimetupatia mtazamo wa mara moja wa maendeleo ya kazi ya Mungu katika dunia k**a inavyowahusu watu wake. Sasa tunaangalia historia katika mwanga tofauti. *"Baragumu"* katika unabii wa Biblia ni ishara ya vita, hivyo hizi *"baragumu saba"* zitakuwa ni mwonekano wa *"falme za dunia hii"* (Ufu. 11:15) katika migongano baina yao kila mara hasa katika uhusiano na kazi ya Mungu duniani.

πŸ•ŠοΈ Kuna ujumbe mdogo wa tumaini na furaha unaotangulia! Wakati *"malaika saba"* wakisimamia vita na ugomvi duniani, *"malaika mwingine"* anaamriwa kukumbuka mahitaji ya watu wa Mungu, kutia *"Uvumba mwingi... pamoja na maombi ya watakatifu wote"*. Mapigano kamwe hayatakuwa na kelele kiasi cha kunyamazisha maombi ya watakatifu wa Mungu.

🌸 *"Uvumba"* ni mfano wa manukato ya haki ya Kristo. Unapoomba, mbingu huwa hazikuoni wewe k**a mwenye dhambi asiyestahili kusikilizwa. Badala yake, mbingu hukuona wewe katika Kristo, na maombi yako ni manukato yenye harufu nzuri mbele za Baba.

πŸ™ Hii ndiyo maana ya kuomba *β€œkatika jina la Yesu”*. Anayajua majaribu ya watu wake wanaoishi katika ulimwengu wa maumivu na mafarakano. Kristo ametukumbatia sisi sote, ili Baba atakapomkubali Kristo, atupokee nasi pia. Kwa njia ya haki kamili ya Kristo, na kwa furaha, Baba ameikubali jamii ya wanadamu wote ya Kristo, kwa mwili wa maskini wenye dhambi. Wewe ni jamaa moja na Kristo, kwa mwili na damu yake. Kwa hiyo, hata uwe nani, usiogope kuomba katika jina lake!

*_🀲 Je, unaista kuomba kwa sababu hufahamu namna ya kuomba sawa sawa?_* hapa kuna faraja kwako: *β€œkadhalika Roho naye hutusaidia udhaifu wetu, kwa maana hatujui kuomba jinsi itupasavyo; lakini Roho mwenyewe hutuombea kwa kuugua kusikoweza kutamkwa ...kwa kuwa huwaombea watakatifu k**a apendavyo Mungu”* (Rum 8:26, 27). Lakini huduma hii ya neema itaendelea milele.

πŸ“œ Mafungu 5, 6:
> β€œNa huyo malaika akakitwaa kile chetezo, akajia moto wa madhabahu, akautupa juu ya nchi, kukawa radi na sauti na umeme na tetemeko la nchi. Na wale malaika saba wenye baragumu saba wakajifanya tayari ili wazipige.”

βš–οΈ Wakati Kristo atakapomaliza huduma yake k**a Kuhani Mkuu, na kujivika mavazi ya kifalme, hakutakuwako tena maombezi mbele ya kiti cha enzi kwa ajili ya wenye dhambi. K*tupwa kwa chetezo juu ya nchi kunaonyesha mwisho wa huduma ya Kristo ya kuwaokoa wale waliokuwa wamekataa nuru ya ukweli wake.

🌍 Sasa pamoja na baragumu saba tunarejeshwa nyuma tena katika historia, ili kutazama awamu nyingine ya kazi ya Mungu dunianiβ€”wakati huu tutaiiona kazi yake ya ghadhabu na hukumu juu ya wale watakaoikataa habari njema ya Injili. Na siyo rehema kutoka katika madhabahu ya uvumba, lakini hukumu kutoka katika chetezo kilichokuwa kimetupwa juu ya nchi. *_K*tatokea nini duniani wakati rehema yake itakapoondolewa?_*

πŸ“― Fungu 7:
> "Malaika wa kwanza akapiga baragumu, kukawa mvua ya mawe na moto vilivyotangamana na damu, vikatupwa juu ya nchi, theluthi ya nchi ikateketea, na theluthi ya miti ikateketea, na majani mabichi yote yakateketea."

πŸ›οΈ Enzi ya Ukristo tunayoelezwa na kitabu cha Ufunuo inaanzia na Himaya ya Rumi k**a ulimwengu mzuri, wenye fanaka na salama. *"Baragumu"* hii ya kwanza inaonesha mwanzo wa mifululizo mirefu ya uharibifu na vita vilivyoangamiza na kuiharibu himaya iliyokuwa ya fahari.

πŸ”₯ Na baragumu zinazofuata zinatoa picha iliyowazi ya kuendelea kwa uharibifu wa yote yaliyokuwa mazuri na ya thamani katika ulimwengu wao wa kale. Ilikuwa kana kwamba mataifa yote yaliyokuwa yamestaarabika na yale yaliyokuwa yanayoendelea yaliangamizwa.

πŸ“– Nabii Danieli alikuwa ametabiri wazi kuwa Himaya ya Rumi, ijapokuwa ilikuwa na nguvu vile, ingeanguka na mahali pake kushikwa na falme kumi zilizokuwa zinajitegemea (Dan. 2:40, 42; 7:23, 27). Raia wa ufalme huu walikuwa matajiri na wabadhirifu, na hivyo kukaribisha maangamizi yao wenyewe. Upande wa kaskazini kulikuwa na makabila jeuri ya kipagani yaliyokuwa tayari kutwaa utajiri na starehe za watu dhaifu na wapotovu wa kusini.

βš”οΈ Tishio kubwa la kwanza la uvamizi kwa Himaya ya Rumi ya Mashariki lilikuwa kutoka kwa *"Wa-Goths"*. Wakiongozwa na Alaric katika mwaka 395 B.K. walishinda miji mingi ya Ugiriki, na kuuteka Rumi wenyewe katika mwaka 410 B.K.

*🌨️ "Mvua ya mawe"* yanaweza kuwa na maana ya wavamizi wakali waliotoka kaskazini yenye baridi; *"moto"* unaweza kuelezea yaliyoipata miji na mashamba; *"damu"* inaweza kuelezea mauaji kwa watu wa miji hiyo. *"Miti"* ni neno la kawaida la Biblia linalosimama badala ya watu mashuhuri na viongozi, ambalo linaonekana kuwa rahisi kueleweka, mtu anapokumbuka ilivyokuwa vigumu kupatikana miti mikubwa katika nchi zamani za nyakati za Biblia (Amu. 9:8-15).

πŸ“œ Mafungu 8, 9:
> β€œMalaika wa pili akapiga baragumu, na kitu, mfano wa mlima mkubwa uwakao moto, kikatupwa katika bahari; theluthi ya bahari ikawa damu. Wakafa theluthi ya viumbe vilivyomo baharini, vyenye uhai; theluthi ya merikebu zikaharibiwa.”

🌊 Mara moja umakini wetu unaelekezwa *β€œbaharini”* kutofautisha na *β€œnchi”*, ambapo athari za *β€œbaragumu”* ya kwanza zilikuwa, k**a kwamba tunaangalia kwenye ramani kubwa ya ulimwengu wa ustaarabu wa Himaya ya Rumi. Tunaona kitu fulani kinatokea kwa Bahari ya Kati, zamani ikiitwa *β€œBahari Kuu”,* na juu yake meli na biashara za Rumi zilikuwa zimefanikiwa.

*_❓ Tunjaliuliza, je, Rumi iliadhibiwa na wavamizi waliotokea baharini, baada ya nyakati za Alaric?_*

βš”οΈ Ndiyo, ni kweli kwamba watu waharibifu waliotitwa *β€œVandals”* chini ya Genseric waliivamia Himaya ya Rumi mara kwa mara baharini, kati ya miaka ya 428 na 468 B.K. Mashambulizi yao yalikuwa k**a *β€œmlima mkubwa uwakao moto, ukatupwa katika bahari”*. Huyu mtawala mkuu alikuwa na makao yake makuu katika Afrika, ambapo alitokea kuvuka Bahari ya Kati kwenda kuwasumbua matajiri wa Kirumi na Ugiriki na kuangamiza mali zao walizokuwa wanasafirisha baharini kwa biashara.

🚒 Mfalme mmoja wa Kirumi alipiga moyo konde kuupinga uvamizi huu akituma jeshi la majini lenye meli zaidi ya mia tatu ambazo zilikuwa zinatayarishwa kwa ajili ya vita katika bandari ya Carthagena, nchini Hispania. Lakini Genseric, alipata habari ya mipango ya Rumi, kwa siri akaingia bandarini na kuangamiza manowari zao.

πŸ”₯ Mwaka 468 B.K. mfalme wa Mashariki alijaribu kumshinda Genseric. Askari mia moja elfu pamoja na wanamaji walikwenda katika meli 1,113, kwa gharama ya shillingi 85,000,000, ili kupigana na Genseric katika mji wa Carthage, makao yake makuu katika Afrika. Lakini tena mfalme wa Wa-Vandals, aliwashinda kwa akili kwa kutumia meli zilizokuwa zinawaka moto miongoni mwa meli za maadui, ambazo zilileta rabsha na kutoleewa miongoni mwa majeshi ya Rumi kiasi kwamba walishindwa.

πŸ›οΈ Kabla ya Genseric kufariki, akiwa amekula chumvi nyingi na utukufu, aliona dola ya Rumi ya Magharibi ikiangushwa. Ilikuwa ni maafa kiasi gani kwa wale waliokuwa wametawala kwa miaka elfu moja! Ilikuwa k**a ingekuwa siku hizi kuangamizwa vyote vilivyo thabiti na adili katika ulimwengu wetu, na kisha washenzi: jeuri na wajinga watwae utawala wa ulimwengu.

πŸ“š Kwa bahati tunapata neno letu *β€œuharibifu wa kishenzi”* kutokana na kazi ya watu hawa *β€œVandals”* (Waarabu).

πŸ“œ Mafungu 10, 11:
> β€œMalaika wa tatu akapiga baragumu nyota kubwa ikaanguka kutoka mbinguni, iliyokuwa ikiwaka k**a taa, ikaanguka juu ya chemchemi za maji. Na jina lake ile nyota yaitwa Pakanga; theluthi ya maji ikawa pakanga, na wanadamu wengi wakafa kwa maji hayo kwa kuwa yalitiwa uchungu.”

⭐ Lakini kazi ya uharibifu ya ulimwengu wa kale wa Rumi ilikuwa bado haijakamilika. Jambo baya zaidi lilikuwa bado kutokea: *β€œChemchemi za maji”* za vizazi vya siku zijazo zilikuwa zitiwe uchungu.

πŸ›‘οΈ Shujaa mpya aliinuka kuangamiza Rumi, ambaye jina lake lilikuwa Attila. Aliongoza kundi la maharamia na watu wakatili waliojulikana k**a *β€œHuns”*, ambalo kutokana na lalo tunapata jina la nchi ya Hangaria ya sasa. Mwandishi mmoja anasema: *β€œKwa namna ya umbo lake (Attila) alifanana mno na kimondo king’acho cha kinachopita kwa kasi mbinguni. Alitokea mashariki, akiwakusanya Wa-Huns wake, na kuwamimina chini kwa kasi ya mwali wa kimondo, na kwa ghafla katika himaya.”*

πŸ”₯ Attila aliteketeza sehemu kubwa za Ulaya. *β€œIlikuwa majivuno ya Attila kwamba nyasi hazikuota tena mahali farasi wake alipokuwa amekanyaga. Alijipatia jina la β€˜Mjeledi wa Mungu’. . . Mfalme wa Magharibi pamoja na bunge na wananchi wa Rumi, kwa unyenyekevu na hofu walijiweka chini ya Attila aliyekuwa mkali.”*

🌠 Baada ya Atila kufa katika mwaka wa 453 B.K., nusura jeshi la Wa-Huns litoweke mara moja kutoka katika historia. Kwa kweli walikuwa k**a kimondo kilichotokea na kutoweka upesi. Wa-Hun hawakusafiri katika Bahari ya Kati k**a walivyokuwa wanafanya Wa-Vandals, bali walitelemlka kutoka milimani, palipo chanzo cha mito ya Ulaya ya Kati.

πŸ“œ Mafungu 12, 13:
> β€œMalaika wa nne akapiga baragumu, theluthi ya jua ikapigwa, na theluthi ya mwezi, na theluthi ya nyota, ili kwamba theluthi itiwe giza mchana usiangaze theluthi yake, wala usiku vivyo hivyo. Kisha nikaona, nikasikia tai mmoja akiruka katika ya mbingu akisema kwa sauti kuu. Ole, ole, ole, wao wakaao juu ya nchi! kwa sababu ya sauti zisaliazo za baragumu za malaika watatu, walio tayari kupiga.”

πŸŒ‘ Matokeo ya asili ya maafa k**a hayo yalikuwa ni *β€œgiza”.* Kwa kawaida inasemekana kuwa miaka elfu moja iliyofuata baada ya kuanguka kwa Rumi ilikuwa *β€œZama za Giza”.* Siyo tu kwamba kulikuwa na giza kisiasa ulimwenguni, lakini pia kulikuwa na giza katika kanisa lililokuwa linajiita la Kristo.

*_β›ͺ β€œKuingia kwa Kanisa la Rumi katika mamlaka ya utawala kulikuwa mwanzo wa Zama za Giza. Madaraka yake yaliyoongezeka, ndivyo giza nalo lilivyoongezeka.”_*

*_πŸ“š β€œKaribu na mwisho wa karne ya nane, wafuasi wa Kanisa la Roma walitoa madai kuwa katika karne za kwanza za kanisa, maaskofu wa Rumi walikuwa na mamlaka ya kiroho waliokuwa wamejitia sasa. ...Giza lilikuwa linaonekana kuongezeka na kuwa zito zaidi ... Katika karne ya 13 kulianzishwa mbinu za kutisha kabisa na wafuasi wa Rumi zilizokuwa zinajulikana k**a Mahak**a Kuu ya kuhukumia wazushi wa dini.”_*

*_πŸ‘Ώ β€œMfalme wa giza alikuwa anatenda kazi ya siri, Shetani na malaika zake walitawala fikra za watu waovu. . . . Adhuhuri ya upapa ilikuwa usiku wa manane wa ulimwengu.”_* Kupooza kwa unyofu na ufahamu kulikuwa kumeikumba Jamii ya Wakristo.

*_⚠️ β€œLakini kulikuwa bado ole nyingi kuja! Halafu tunaona kuinuka kwa nguvu nyingine ya giza ambayo ingewaadhibu wale waliokuwa wanajiita Wakristo waliokuwa wanaabudu sanamu na kuiacha kweli. Kwa mamia ya miaka wananchi wa Ulaya walikuwa wanaishi kwa wasiwasi na kwa hofu ya daima ya kushambuliwa na Waislamu. Baragumu ya tano sasa itatuonesha kuinuka kwa hii nguvu maarufu.”_*

*_KARIBU KATIKA UFUNUO SURA YA 9._*
πŸ“– Inaendelea...

Asante kwa kufuatilia somo hili la unabii. Ili kuendelea kupata masomo haya kwa ukamilifu na kufuatilia mfululizo wake, tafadhali tumia viambatanisho vifuatavyo:

πŸ“² Whatsapp Channel: Jiunge hapa https://whatsapp.com/channel/0029Vb7hYnB7tkjAYUzMFf01
πŸ“ž Simu: +255754792624
πŸ“§ Email: [email protected]

πŸ‘‰ Karibu tuendelee pamoja kujifunza na kufunuliwa siri za unabii!

`πŸ“– UFUNUO SURA YA 7`*Muhuri Atiao Mungu Katika Vipaji vya Nyuso za Watu Wake*πŸ“œ Ufunuo 7:1-3:> β€œBaada ya hayo nikaona mal...
21/07/2026

`πŸ“– UFUNUO SURA YA 7`

*Muhuri Atiao Mungu Katika Vipaji vya Nyuso za Watu Wake*

πŸ“œ Ufunuo 7:1-3:
> β€œBaada ya hayo nikaona malaika wanne wamesimama katika pembe nne za nchi, wakizizuia pepo nne za nchi, upepo usivume juu ya nchi, wala juu ya bahari, wala juu ya mti wo wote. Nikaona malaika mwingine, akipanda kutoka maawio ya jua, mwenye muhuri ya Mungu aliye hai; akawapigia kelele kwa sauti kuu wale malaika wanne waliopewa kuidhuru nchi na bahari, akisema, Msiidhuru nchi wala bahari, wala miti, hata tutakapokwisha kuwatia muhuri watumwa wa Mungu wetu juu ya vipaji vya nyusi zao"

*_πŸ“– Tulijifunza juu ya muhuri wa sita katika sura iliyopita. Muhuri wa saba haufunguliwi mpaka tunapofika sura ya nane. Kwa hiyo yanayotukia katika sura hii yanatokea kati ya kufunguliwa muhuri wa sita, na ule wa saba. Kwa maana nyingine, matukio haya yanatokea karibu na ujio wa pili wa Kristo, lakini baada ya kuanguka nyota, kukiolitokea mwaka 1833 B.K._*

*πŸŒ… Muhuri sita ulikuwa imeandaa njia kwa ajili ya kazi muhimu ya hawa malaika wanne, na β€œmalaika apandaye kutoka maawio ya jua.” Kazi yao kuu ni nini?*

_πŸ‘Ό Tumekwisha kuona na kujifunza katika sura ya nne namna malaika wanavyoongoza mambo ya wanadamu. Hawa β€œmalaika wanne” wanafanya kazi katika kila sehemu ya dunia, wakiangalia kazi ya Mungu isiangamizwe._

*πŸŒͺ️ β€œUpepo” katika unabii wa Biblia una maana ya migongano, machafuko, na vita kati ya mataifa, vinavyozuia maendeleo ya kazi ya Mungu miongoni mwa wanadamu. (Dan. 7:2; Yer. 25:32) Wote tunafahamu kinachotokea upepo unapovuma kutoka pande nne kwa wakati mmoja. Kimbunga hutokea, nacho huleta uharibifu mkubwa mno.*

_πŸ“– Yeremia anasimulia kitakachotokea wakati pepo nne za chuki ya wanadamu zitakapofunguliwa: β€œTazama uovu utatokea toka taifa, na tufani kuu itainuliwa toka pande za mwisho wa dunia, na waliouawa na BWANA siku ile watakuwapo, toka upande mmoja wa dunia hata upande wa pili.” (Yer. 25:32, 33) Hii haiwezeki kuwa kitu kingine isipokuwa vita vya Har-Magedoni vinavyokaribia ambavyo Mungu atawatuma malaika zake kuzuia mpaka amewatia muhuri waaminifu wake._

*🀷 Sasa tunajiuliza, muhuri wa Mungu aliye hai ni nini? Ezekieli atatusaidia kuelewa maana yake, kwa maana anataja β€œalama” itakayotolewa katika vipaji vya nyuso za watu wa Mungu. (Eze. 9:3,4). Hii alama ni ishara ya ushindi dhidi ya dhambi na uaminifu wao kwa Bwana.*

_🏠 Kule Misri, malaika aangamizaye alipopita katika nchi kuuawa wazaliwa wote wa kwanza wa Wamisri, β€œalipita juu ya;” nyumba zilizokuwa na alama ya damu katika vizingiti vya milango. Hivyo katika maangamizi ya mwisho, malaika wangaoamiza wataamriwa, β€œlakini msimkaribie mtu ye yote mwenye hiyo alama.” (Eze. 9:6) β€œMuhuri wa Mungu,” hivyo ni alama inayowatambulisha kuwa ni watu wa Mungu._

*πŸ”– K*tiwa katika β€œvipaji vya nyuso zao” huonesha kuwa ni katika tabia. Nguvu inayotia muhuri ni Roho Mtakatifu (Efe. 4:30).*

_πŸ“– Yohana anaendelea kuelezea muhuri huu katika Ufunuo 14:1 akisema kuwa wale 144,000 wana jina la Baba yake limeandikwa katika vipaji vya nyuso zao.” Jina la Mungu ni nini? Katika 1 Yohana 4:16, tunasoma: β€œMungu ni pendo.” Wakati tabia ya watu wa Mungu itakapobadilishwa kuwa upendo kamili, ndipo β€œjina la Baba” litakapoandikwa katika vipaji vya nyuso za watu wa Mungu kabla ya malaika wake kuikamilisha historia._

*πŸ“– Sasa tunajiuliza, Kwa kawaida, ni amri ipi iliyosahauliwe na "wanafunzi" wa Mungu siku hizi? Kwa hakika ni amri nne, amri ya Sabato. Wengi wamegeuka na kuiacha Sabato kweli ya Bwana, ambayo ni siku ya saba, na wamekubali siku ya mapumziko iliyochaguliwa na kuamriwa na Kanisa la Kirumi yaani siku ya kwanza ya juma. Bwana wetu anasema kuwa Roho wake Mtakatifu huwa anawatakasa watu wake wanapoiadhimisha Sabato kwa usahihi.*

> πŸ“œ "Hakika mtazishika sabato zangu, kwa kuwa ni ishara kati ya mimi na ninyi katika vizazi vyenu vyote; ili mpate kujua kuwa mimi ndimi BWANA niwatakasaye ninyi(K*t. 31:13),

_❀️ Tena ni katika kushika Sabato kwamba watu wa Mungu wanaweza kumfahamu yeye: *"Zitakaseni Sabato zangu; nazo zitakuwa ishara kati ya mimi na ninyi, mpate kujua ya kuwa mimi ndimi BWANA, Mungu wenu" (Eze. 20:20).*_

*🌍 Pia tusidhanie kuwa Sabato ilikuwa imetolewa kwa ajili ya taifa la Wayahudi peke yao; Mungu alisema kuwa ingekuwa ishara yake na wao katika vizazi vyao vyote milele. K*t. 31: 16, 17). Tangu uumbaji, muda mrefu kabla ya Myahudi ye yote kuwepo, Sabato ilikuwa imetakaswa kwa ajili ya mwanadamu. Yesu kutoka mbinguni aliishika k**a kielelezo chetu.*

_✝️ Yeye alisema kuwa hakuja kuibadilisha sheria ama kuitangua: *"Msidhani ya kuwa nalikuja kuitangua torati au manabii; la, sikuja kutangua bali kutimiliza"* *"Basi mtu ye yote atakayevunja amri moja katika hizi zilizo ndogo, na kuwafundisha watu hivyo, ataitwa mdogo kabisa katika ufalme wa mbinguni; bali mtu atakayezitenda na kuzifundisha, huyo ataitwa mkubwa katika ufalme wa mbinguni"* (Mat. 5: 17, 19)_

*πŸ“– Na zaidi ya hayo, Yesu aliwaambia wanafunzi wake kuishika Sabato hata baada ya kusulibishwa na kufufuka kwake ( Mat. 24:15-21).*

_β›ͺ Sabato ya kweli ya siku ya saba ilikuwa inashikwa na mitume na Wakristo wasio Wayahudi (Mdo 18:1, 4; 17: 2; 13:42- 44). Yohana anasema kuwa watu wa Mungu watashika amri zake zote katika iku za mwisho, na hi ni lazima pia iwe pamoja na Sabato: *"hapa ndipo penye subira ya watakatifu ,hao wazishikao amri za Mungu, naimani ya Yesu"* (Ufu. 14: 12)._

*πŸŒ… Mwisho, Sabato itashikwa kwa dhati katika mbingu na nchi mpya atakazoziumba Bwana (Isa. 66:22, 23). Kupokea "mhuri wa Mungu ni kupokea alama ya itakamtofautisha na kumtenga mtu kutoka kwa wengine kuwa wa pekee kabisa. Malaika waangamizao wanaambiwa, "msimkaribie mtu ye yote mwenye hiyo alama" (Eze. 9:6).*

_⚠️ Lakini wengine wote, pamoja na "wazee waliokuwa mbele ya nyumba, walikuwa wauawe. ie. kushika Sabato ya kweli kunambainisha mtu kuwa tofauti na watu wengine?_

*❓ Ndiyo, kwa hakika. Hata katika "kizazi hiki kinachojita cha Kristo; moja ya mambo ya pekee mtu anayoweza kuyashika ni Sabato ya kweli ya Bwana, siku ya saba, ambayo ni Jumamosi. Ulimwengu wote, Wakristo kwa wapagani, mara kwa mara huitumia siku ya Sabato ya kweli ya Bwana k**a siku ya shughuli zao nyingi. Mamilioni, kwa sababu ya mvuto wa kipagani na upapa, wanaitunza siku ya kwanza ya juma badala ya Sabato. Kuishika siku ya saba kwa namna ya pekee ni ushahidi kwamba hakika ndio mhuri wa Mungu aliye hai.*

_🌿 Lakini ni lazima ikumbukwe kwamba kuishika Sabato vyema ni tundala uongofu halisi. Siyo suala tu la kupumzika siku ya Jumamosi. Kupokea mhuri wa Mungu kwa kushika Sabato ya kweli ni kupokea kazi ya Roho Mtakatifu moyoni, "pumziko kutoka katika dhambi na ubinafsi. *"Basi, imesalia raha ya sabato kwa watu wa Mungu. Kwa maana yeye aliyeingia katika raha yake amestarehe mwenyewe Katika kazi yake, k**a vile Mungu alivyostarehe katika kazi zake"* (Ebr. 4:9, 10). Hizi "kazi" ni matendo ya kiburi na kujipenda nafsi._

*πŸ‘Ό Kazi ya malaika huyu ya kuwatia mhuri watu wa Mungu ndiyo muhimu inayotendeka sasa ulimwenguni. Itaendelea kwa "kila a jamii, lugha, na kabila" hadi wafuasi wa kweli wa Mungu waakapokuwa wametiwa mhuri. Hakuna nguvu katika dunia aukuzimu itakayoweza kuzuia kukamilishwa kwa kazi hi.*

_πŸŒͺ️ Kwa kuhusu hili, "Malaka wanne" wanaendelea kuzuia "pepo za vita" katika ulimwengu kwa muda kitambo. Hii inaelezea Mungu anavyoingilia kwa siri shughuli za mataifa yanayopatwa na ukandamizaji uhuru wa dini. Malaika huzuia hizo pepo huku ili kazi ya Inijli iendelee kuhubiriwa._

*⏳ Lakini bado muda kidogo - utakuja ule, "wakati wa taabu, mfano wake haukuwepo tangu lilipoanza kuwapo taifa" (Dan. l2:1). Sasa ndiyo wakati wa kupokea. mhuri wa Mungu*

πŸ“œ Mafungu 4-8:
> "Nikasikia hesabu yao waliotiwa muhuri katika b. 1 kabila ya Waisraeli, watu mia na arobaini na nne elfu. Wa kabila Huda kumi na mbili elfu waliotiwa muhuri. Wa kabila ya Reubeni kmi na mbili elfiu Wa kabila ya Gadi kumi na mbili elfu. Wa kabila Asheri kumi na mbili elfu. Wa kabila ya Naftali kumi na mbili elfu. Wa kabila ya Manase kumi na mbili elfu. Wa kabila ya Simeoni kumi na mbili elfu. Wakabilla ya Lawi kumi na mbili elfu. Wa kabila ya lsakari kumi na mbili elfu. Wa kabila ya Zabuloni kumi na mbili elfu Wa kabila ya Yhsufu kumi na mbili elfu. Wa kabila ya Benjamini kumi na mbili elfu waliotiwa muhuri."

_πŸ“– Wengine watashangaa vipi Wakristo wagawanywe katika makabli kumi na mawili ya Waisraeli. Tunapata maelezo katika kitabu cha Warumi; "Wala hawawi wote wana kwa kuwa wazao wa lbrahim yaani, si watoto wa mwili walio watoto wa Mungu, bali watoto Wa ile ahadi wanahesabiwa kuwa wazao (Rum 9:7, 8)._

*πŸ“œ "Maana ye si Myahudi aliye Myahudi kwa nje tu.... bali yeye Myahudi aliye Myahudi kwa ndani; na tohara ni ya moyo, andiko: (Rum. 2: 28, 29). Yakobo anaandika waraka wake katika katika roho, si katika Agano jipya kwa jamii ya Wakristo, "kwa kabila kumi na mbili waliotawanyika (Yak1: 1).*

_β›ͺ Hawa ndio watu wa kweli wa Mungu jamii ya kweli ya Wakristo. Yerusalemu mpya ni mji wa Kristo, lakini malango yake yana majina ya makabila kumi na na wale wote watakaoingia watapitia katika mojawapo ya malango haya. Yesu mwenyewe alikuwa Myahudi kwa ndani, "kwa moyo, katika rohoΖ‘._

*❓ Kwa nini watu wa Mungu wanagawanywa katika makabila tofauti kumi na mawili? Kila mojawapo ya makabila kumi na mawili ya Waisraeli lilikuwa na tofauti maalumu katika tabia zilizoelezewa otilka Mwa. 49:1-28 na katika K*m. 33:6-24. Siyo hesabu ya wote katika kila kabila wanaohesabiwa katika jumla ya washindi pamoja na 144,000: "Katika kila" kabila walitiwa; muhuri 12,000 pekee.*

*⚠️ Wengine hawakushinda. Msomaji, na tuwe katika wale washindi!*

πŸ“– Mafungu 9-12:
> "Baada ya hayo nikaona na tazama, mkutano mkubwa sana ambao hapana mtu awezaye kuuhesabu, watu wa μ„Έila taifa , na kabila, na jamaa na lugha, wamesimama mbele ya kiti cha enzi, na mbele za Mwana-Kondoo, wamevikwa mavazi meupe, wana matawi ya mitende mikononi mwao; wakilia kwa sauti kuu wakisema. Wokovu una Mungu wetu aketiye katika kiti cha enzi na Mwana-Kondoo. Na malaika wote walikuwa wakisi mama pande zote za kile kiti cha enzi, na za hao wazee, na za wale wenye uhai wanne; nao wakaanguka kifulifuli mbele ya kile kiti cha enzi, wakamsujudu Mungu. wakisema. Amina; Baraka na utukufu na hekima na shukrani na heshima na uwezo na nguvu zina Mungu wetu hata milele na milele. Amina."

*🌍 Huu "mkutano mkubwa" inawezekana unajumuisha wale l44,000, ambao huenda ni hesabu ya fumbo. Hesabu katika Biblia mara nyingi hazihesabiwi k**a tunavyozihesabu. Yesu alipowalisha Watu 5,000, hesabu hii ilikuwa bila wanawake na watoto, (Mat.14: 1).*

_πŸ“– Yohana kwanza alisikia "hesabu yao waliotiwa muhuri; na baadaye akaona "mkutano mkubwa sana ambao hapana mtu; awezaye kuuhesabu, watu wa kila taifa, na kabila, na jamaa, a lugha." Bila shaka huu "mkutano" ni matunda ya mahubiri ya halaika watatu" ambao katika siku za mwisho watapeleka Injili kwa "kila taifa na kabila, na lugha na jamaa" (Ufu. 14:6, 7)._

*🌎 Inawezekana kuwepo mamilioni ya watu! Kuna nafasi yako katika mkutano huo .Wale 144,000 bila shaka ni wale watakaokuwa hai wakati atakapokuja. Watakuwa wamepitia hali maalumu. Wanaweza kuwemo wale waliokuwa wanaishi enzi i za zamani, watakaofufuliwa Bwana atakapokuja (1The 4:16, 17). Tunaambiwa zaidi juu*

πŸ“– Mafungu 13-17:
> "Akajibu mmoja wa wale wazee akaniambia, Je watu hawa waliovikwa mavazi meupe ni akina nani wametoka wapi? Nikamwambia Bwana wangu, wajua wewe Akaniambia, hao ndio wanatoka katika dhiki ile iliyo kuu nao wamefua mavazi yao na kuyafanya meupe katika damu ya Mwana-Kondoo. Kwa hiyo wako mbele ya kiti cha enzi cha Mungu, nao wanamtumikia mchana na usiku katika hekal lake, na yeye aketiye katika kiti cha enzi atatanda hema yake juu yao. Hawataona njaa tena, wala hawataona kiu tena. wala jua halitawapiga, wala hari iliyo yote. Kwa maana huyo Mwana-Kondoo, aliye katikati ya kiti cha enzi, atawachunga, naye atawaongoza kwenye chemchemi za maji yenye uhai. na Mungu atayafuta machozi yote katika macho yao.

*πŸ€” Ni wema wa namna gani kwa mmoja wa wazee ishirini na wanne kutazamia swali letu kutoka kwa Yohana! Mungu anataka tukielewe kitabu hiki!*

_πŸ“–Hii "dhiki ile iliyo kuu", ni sawa na ile iliyozungumziwa Danieli, ambayo itakuja kabla tu ya mwisho: "Wakati huo ( Mlango wa rehema utakapofungwa) Mikaeli atasimama, (kuanza kutakuwa na wakati wa taabu, mfano wake haukuwapo tangu lilipoanza kuwapo taifa hata wakati uo huo; na wakati huo watu wako wataokolewa; kila mmoja atakayeonekana ameandikwa katika kitabu kile" (Dan. 12:1)._

*⚠️ "Wamepitia wakati wa taabu, mfano uchungu wa wakati wa taabu yake Yakobo (Yer. 30:6, 7); walikuwa Wamestahimili na wamesimama bila Mwokozi wakati wa kumwagwa kwa hukumu mwisho ya Mungu.. Walikuwa wameiona dunia ikidhoofishwa na na maradhi, jua likipewa nguvu kuwaunguza wanadamu kwa joto kali, na wao wenyewe wakiwa wamevumilia mateso, njaa, na kiu.*

_🌀️ Lakini hawataona njaa tena wala hawatona kiu tena; wala jua halitawapiga, wala hari iliyo yote" (Ufu. 7:16)._

*πŸ”₯ Hawa watakuwa wameishi wakati wa mipigo saba ya mwisho (tazama ufunuo 16) bila ya kudhurika.*

_πŸ“– Hawa ndio wale wanaosemwa katika kitabu cha Zaburi, *"kwa kuwa wewe BWANA ndiwe kimbilio langu; umemfanya Alive juu kuwa makao yako; Mabaya hayatakupata wewe; wala tauni haitaikaribia hema yako. Kwa kuwa amekaza kunipenda. Nitamwokoa; na kumweka juu, kwa kuwa amenijua jina langu."* (Zab. 91:9. 10, 14)._

*πŸ’Ž Je, kuna utajiri wo wote ule ambao limwengu huu unaweza kutoa utakaoweza kulingana na nafasi ya kuwemo katika hesabu ya huu "mkutano mkuu"? Tabia iliyojengeka katika maisha haya ndiyo itaamua hali yetu ya baadaye. Kristo atakapokuja, hatabadilisha tabia ya mtu ye yote. Tumepewa muda wa thamani mno ili kuutumia vyema katika kusafisha mavazi yetu ya tabia na kuyafanya meupe katika damu ya Mwana-Kondoo.*

_😒 Kuna machozi mengi katika nyuso zetu sasa; tunafahamu huzuni, msiba, uchungu na dhuluma ya umaskini. Lakini hakutakuwa na machozi tuvaapo mavazi meupe tutakuwa tumejifunza kumtegemea Bwana, na kufahamu kuwa yote aliyokuwa anatufanyia yalikuwa kwa ajili ya manufaa yetu._

*πŸ™ Kwa nini tulie wakati TUNAJUA KUWA Bwana huyaamuru yote yanayotupata? K**a mama mwenye upendo anayemfariji mtoto wake anayelia, Bwana ameanza kufuta machozi yetu yote hata sasa. Anatufanyia haya sasa tunapopiga magoti mbele zake katika toba ya ombi la siri.*

*🌊 Na atatufanyia yote kwa utimilifu tutakapotembea na Mwana-Kondoo kwenye "Chemchemi za maji yenye uhai.*

Asante kwa kufuatilia somo hili la unabii. Ili kuendelea kupata masomo haya kwa ukamilifu na kufuatilia mfululizo wake, tafadhali tumia viambatanisho vifuatavyo:

πŸ“² Whatsapp Channel: Jiunge hapa https://whatsapp.com/channel/0029Vb7hYnB7tkjAYUzMFf01
πŸ“ž Simu: +255754792624
πŸ“§ Email: [email protected]

πŸ‘‰ Karibu tuendelee pamoja kujifunza na kufunuliwa siri za unabii!

πŸ“– Je, Wafu Wanaweza Kuzungumza?❓ Je, Wafu Wanaweza Kuzungumza?πŸš— Je, wewe ni gari au kompyuta? Unasema, β€œMimi si chochote...
21/07/2026

πŸ“– Je, Wafu Wanaweza Kuzungumza?

❓ Je, Wafu Wanaweza Kuzungumza?

πŸš— Je, wewe ni gari au kompyuta? Unasema, β€œMimi si chochote kati ya hivyo. Mimi ni binadamu.”

πŸ€” Ni kweli, lakini hebu hata hivyo tuendelee kulichunguza swali. Magari na kompyuta zina kitu kimoja kinachofanana na sisi binadamu: sote tunahitaji maarifa ili tuweze kutenda kazi vyema. Hata hivyo, magari hayana akili zao yenyewe. Gari linahitaji dereva mwenye akili aingie ndani, awashe injini, na kisha aendeshe. Wakati dereva mwenye akili anapofika mwisho wa safari yake, huizima injini, na kisha gari β€œhufa.” Kisha dereva mwenye akili hutoka ndani ya gari hilo β€œlililokufa” na kuendelea na mambo yake.

πŸ’» Kompyuta iko tofauti. Maarifa yake yamo ndani yake. Hata hivyo, maarifa hayo huwa mfu, bila kufanya kazi mpaka kompyuta itakapounganishwa na chanzo cha nguvu ya umeme. Umeme unapoingia kwenye kompyuta, ndipo huwa β€œhai” na huweza kufanya shughuli zake za kiakili. Wakati nguvu ya umeme itakapokatishwa, maarifa ya kompyuta β€œhufa.” KOMPYUTA BADO INAMHITAJI MWANADAMU KUIUNGANISHA KWENYE UMEME.

🧠 Baadhi ya watu huamini kuwa, k**a gari, maarifa yetu hutokana na roho iliyomo ndani ya miili yetu. Hii roho inaendelea daima kuishi na haiwezi kufa, hivyo mwili unapokufa, roho huutoka mwili na kuendeleza kazi yake ya kiakili ikiwa mahali pengine. Watu wengine wanaamini kuwa akili yetu, k**a ile ya kompyuta, imo ndani yetu. Hutokana na kazi ya seli za neva ndani ya ubongo wetu. Hata hivyo, k**a kompyuta, ubongo unahitaji chanzo cha nguvu itokayo nje yake ili kuiwasha akili yake iweze kufanya kazi.

πŸ“– Kisa cha uumbaji cha Biblia hutusaidia kuelewa jinsi sisi binadamu tulivyoumbwaβ€”ama k**a gari au kompyuta. Mwanzo 2:7 inasema, β€œBwana Mungu akamfanya mtu kwa mavumbi ya ardhi, akampulizia puani pumzi ya uhai; mtu akawa nafsi hai.”

🌍 Zingatia vitu viwili. Cha kwanza, k**a ilivyo kompyuta, mwili wa Adamu na wetu, pamoja na ubongo zetu, vimetengenezwa kwa vitu yakinifu, viwezavyo kushikika. Hata hivyo, ilikuwa ni baada tu ya Mungu kumpulizia Adamu pumzi ya uhai ndipo ubongo wake ulianza kufanya kazi na kiumbe hai mwenye maarifa. Huo ni mfano wa kompyuta, sio mfano wa gari.

⚰️ Kifo ni kinyume cha mchakato huo. Kikizungumzia kifo, kitabu cha Mhubiri 12:7 kinasema, β€œNayo mavumbi kuirudia nchi k**a yalivyokuwa, Nayo roho kumrudia Mungu aliyeitoa.”

🌬️ Katika lugha ya awali ya Kiebrania iliyotumika katika kuandikiwa Biblia, neno β€œroho” limetafsiriwa kwa Kiswahili k**a pumzi au upepo. Hivyo tunapokufa, Mungu huichukua pumzi ya uhai ambayo ilikuwa imewezesha bongo zetu, na akili zetu huacha kufanya kazi.

πŸ™‹ β€œHebu subiri kidogo!” unasema. β€œPumzi ya uhai inayomrudia Mungu ni roho.”

πŸ“œ Ni kweli kuwa Mungu huondoa kitu fulani kutoka kwetu tunapokufa, lakini vyovyote kitu hicho kiwavyo, sio maarifa, kwa sababu Mhubiri 9:5 inasema, β€œwalio hai wanajua ya kwamba watakufa; lakini wafu hawajui neno lolote.”

βœ… Kwa hiyo, pumzi (au roho) hii ambayo humrudia Mungu sio sehemu yenye maarifa katika asili yetu.

πŸ–₯️ Sisi wanadamu tuko k**a kompyuta. Mungu anapotutia nguvu kwa kanuni yake iletayo uhaiβ€”pumzi ya uhaiβ€”tunakuwa wazima na akili zetu huanza β€œkufanya kazi.” Mungu anapoiondoa kanuni hii iletayo uhai, tunakufa, na akili zetu β€œhuacha kufanya kaziβ€”huzimika.”

❓ Lakini, kuna umuhimu wowote?

πŸ€” Unaweza kuuliza, β€œJe, kuna faida gani kwangu sasa kuhusu jinsi ninavyopata akili yangu? Nitalifahamu hilo katika ile asubuhi njema kwenye ufufuo.”

πŸ“– Kweli, sisi wanadamu hatupaswi kufahamu k**a akili yetu ni k**a ile ya gari au ya kompyuta. Hata hivyo kuna sababu ya muhimu sana inayotufanya tulazimike kujua, sasa hivi, jinsi tulivyoumbwa: sisi si viumbe pekee wenye maarifa tunaoishi kwenye sayari yetu.

πŸ‘Ό Biblia hutwambia kuwa miaka elfu nyingi iliyopita theluthi ya viumbe wenye maarifa wanaojulikana k**a malaika waliasi na walifukuzwa kutoka mbinguni na kutupwa katika sayari yetu (Ufunuo 12:7-14). Tunawaita mapepo na mashetani. Mkuu wa malaika hawa walioasi aitwaye Shetani huwaongoza, na mojawapo ya malengo yao ya msingi ni kutudanganya (Yohana 8:44).

⚠️ Yesu aliwaambia wanafunzi Wake kuwa mara tu kabla ya marejeo Yake ya pili makristo wa uongo wataibuka nao β€œwatawadanganya wengi” (Mathayo 24:5).

πŸ“œ Miaka kadhaa baadaye mmojawapo wa wanafunzi wa Yesu, katika kipindi cha mwisho wa historia ya dunia, alisema β€œroho za mashetani, zifanyazo ishara, [zitatoka] na kuwaendea wafalme wa ulimwengu wote kuwakusanya kwa vita ya siku ile kuu ya Mungu Mwenyezi” (Ufunuo 16:14).

πŸ”₯ Na mmojawapo wa wafuasi wa Yesu mwenye bidii zaidi, mtu aliyeitwa Paulo, alisema kitu hichohicho: β€œYule ambaye kuja kwake ni kwa mfano wa kutenda kwake Shetani, kwa uwezo wote, na ishara na ajabu za uongo; na katika madanganyo yote ya udhalimu kwa hao wanaopotea; kwa sababu hawakukubali kuipenda ile kweli, wapate kuokolewa” (2 Wathesalonike 2:9, 10).

❔ Lakini miujiza ya Shetani idanganyayo ya siku za mwisho inahusianaje na hitaji letu la kujua chanzo cha maarifa yetu leo?

πŸ‘» Umizimu

πŸ‘» Bila shaka umeshasikia kuhusu umizimu. Kamusi ya Kiingereza ya Webster hueleza maana ya umizimu k**a β€œimani kuwa wafu wanaendelea kuishi kwa njia ya roho zinazoweza kuwasiliana na walio hai...”

πŸ’­ Watu wenye imani ya umizimu huamini kuwa, k**a dereva wa gari fulani, sehemu ya akili ya asili yetu huendelea kuishi baada ya sisi kufa.

πŸ“Ί Imani hii imeenea sana katika ulimwengu wa leo. Vipindi vingi maarufu vinavyooneshwa kwenye TV na filamu huwahamasisha watu wauamini uongo huu. β€œUthibitisho” mwingine maarufu juu ya maisha yenye akili baada ya kifo ni ule unaoitwa β€œuzoefu wa nje ya mwili” ambapo watu wanaokaribia kufa hudai kutoka kwenye miili yao na hupitia handaki fulani lenye giza hadi mahali pengine.

πŸ’¬ Baada ya kuzungumza na marafiki waliokufa na wapendwa wao ambao wanaaminika kuwa wako mbinguni, hurudia miili yao iliyohusishwa na kutoa taarifa ya kile walichoona na kukisikia.

πŸ§™ Halafu kuna uchawi, ambao pia unahusisha wazo la kuwa akili zetu huendelea kufanya kazi baada ya sisi kufa. Uchawi upo katika tamaduni zote katika namna mbalimbali, unahamasishwa na waganga wa kienyeji, filamu, TV, vitabu na njia zingine.

β›ͺ Inashangaza, wengi wa Wakristo wanakubaliana na wanaumizimu kuwa wanadamu wana roho isiyokufa ambayo huendelea kuishi baada ya mwili kufa. Hii hutoa fursa kubwa kwa mapepo kuwadanganya kwa kujifanya kuwa wapendwa wao waliokufa ambao wako mbinguni wakifurahiβ€”wakati ukweli ni kuwa wapendwa wao wamekufa na wako kaburini wakiwa hawana utambuzi au akili yoyote ile.

⚠️ Kadiri matukio ya mwisho wa historia ya dunia yanavyojidhihirisha wakati mfupi ujao, Shetani atatumia imani hii iliyoenea sana lakini isiyo ya Kibiblia kuwa wafu wanaweza kuwasiliana na walio hai k**a sehemu ya ajenda yake ya kudanganya. Hii ndiyo maana ni muhimu sana uelewe ukweli kuhusu hali yetu ya kibinadamu katika kifo, leo. Itakuepusha usiweze kughilibiwa na mawakala wa kishetani, sasa hivi, na punde kabla ya kurudi kwa Yesu Kristo.

πŸ™ Mwisho, sababu moja nyingine kwa nini watu wengi wanapenda kuamini kuwa sisi ni sawa na gari ni kuwa lile wazo la kupoteza fahamu zetu tunapokufa huonekana kuwa la kutisha. Lakini maisha baada ya kifo hayategemeani na hali ya ufahamu wetu kuendelea kuwepo. Bali yanategemea kumpokea Yesu k**a Mwokozi na kuamini ahadi Zake za kuturudishia tena uhai β€œkatika ufufuo siku ya mwisho” (Yohana 11:24).

❀️ Ninakutia moyo umwalike Yeye kwenye maisha yako leo na kuthibitisha ufufuo wako kwa ajili ya ufalme Wake wa milele. Je, utakubali?

---

πŸ“– Na | Siri Za Unabii Media

πŸ™ Asante kwa kufuatilia somo hili. Ili kuendelea kupata masomo haya kwa ukamilifu na kufuatilia mfululizo wake, tafadhali tumia viambatanisho vifuatavyo:

πŸ“² Whatsapp Channel: Jiunge hapa https://whatsapp.com/channel/0029Vb7hYnB7tkjAYUzMFf01

πŸ“ž Simu: +255754792624

πŸ“§ Email: [email protected]

πŸ‘‰ Karibu tuendelee pamoja kujifunza na kufunuliwa siri za maandiko!!!!

✨ Β°βˆ†Β° SHIRIKI KWA WENGINE ILI MBINGU ZIFURAHI KWA SABABU YAKO

Address

Arusha
001

Website

Alerts

Be the first to know and let us send you an email when π’πˆπ‘πˆ 𝐙𝐀 π”ππ€ππˆπˆ 𝐓𝐕-π’ͺ𝓃𝓁𝒾𝓃𝑒 π»π‘œπ“…π‘’ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category