National Housing Corporation

16/10/2026

MKUU WA WILAYA YA MTWARA NA KAMATI YA ULINZI NA USALAMA WATEMBELEA MAGHALA YA KISASA YA NHC

Mkuu wa Wilaya ya Mtwara, Bw. Abdallah Mwaipaya, akiambatana na Kamati ya Ulinzi na Usalama ya Wilaya, amefanya ziara ya kutembelea maghala ya kisasa ya kuhifadhia nafaka na mazao mbalimbali yaliyojengwa na Shirika la Nyumba la Taifa (NHC) mkoani Mtwara.

Katika ziara hiyo, Bw. Mwaipaya na ujumbe wake wamepokelewa na Meneja wa NHC Mkoa wa Mtwara, Bw. Joseph John Mwabusila, ambaye amewapatia maelezo kuhusu mradi huo na mchango wake katika kuboresha huduma za uhifadhi wa mazao na kuimarisha shughuli za biashara mkoani humo.

Mradi huo wenye thamani ya Shilingi bilioni 4.146, umehusisha ujenzi wa maghala matatu ya kisasa katika awamu ya kwanza, kila moja likiwa na ukubwa wa mita za mraba 1,000. Maghala hayo yamekamilika na kukabidhiwa kwa ajili ya matumizi.

Uwekezaji huo unatarajiwa kuongeza uwezo wa kuhifadhi mazao, hususan korosho na nafaka, huku ukifungua fursa zaidi kwa wakulima, wafanyabiashara na wawekezaji katika Mkoa wa Mtwara na maeneo jirani.

Kupitia mradi huu, NHC inaendelea kuchangia maendeleo ya sekta ya kilimo na biashara kwa kujenga miundombinu inayoongeza thamani ya mazao na kuchochea ukuaji wa uchumi.

16/10/2026

NHC YAUNGANISHA BENKI TISA, YAFUNGUA MILANGO YA UMILIKI WA NYUMBA KWA WATANZANIA

Huna fedha zote za kununua nyumba? Sasa una fursa ya kutimiza ndoto yako kupitia mikopo ya benki!

Mkurugenzi Mkuu wa Shirika la Nyumba la Taifa (NHC), Bw. Hamad Abdallah, amesema Shirika limeimarisha ushirikiano na taasisi za fedha ili kutimiza dhamira ya Rais Dkt. Samia Suluhu Hassan ya kuwawezesha Watanzania wengi zaidi kumiliki nyumba bora.

Akizungumza katika kilele cha Wiki ya Huduma kwa Wateja kilichofanyika leo, Oktoba 16, 2026, katika mradi wa Kawe 711, Dar es Salaam, amesema ushirikiano huo unalenga kurahisisha upatikanaji wa mikopo ya nyumba kwa Watanzania waliopo nchini na wanaoishi nje ya nchi (Diaspora).

Benki na taasisi tisa za fedha ambazo ni CRDB, NMB, NBC, Azania Bank, Absa Bank, Equity Bank, Bank of Africa, TCB na First Housing Finance zimeungana na NHC kutoa elimu na kueleza fursa za mikopo ya nyumba.

Katika hafla hiyo, Azania Bank imeeleza kutoa mikopo yenye marejesho ya hadi miaka 25, Equity Bank mikopo inayofikia Shilingi bilioni 3.5 kwa mkopaji mmoja, Absa Bank hadi asilimia 90 ya bei ya nyumba, huku First Housing Finance ikitoa mikopo yenye marejesho ya hadi miaka 20, kulingana na masharti ya kila taasisi.

Naye Mkurugenzi Mkuu wa Kezmak Inc., Bw. Mabrouk Ambali, ambaye pia ni mteja wa NHC, amewahamasisha Watanzania kuwekeza katika nyumba, akieleza kuwa nyumba si makazi pekee, bali pia inaweza kuwa chanzo cha kipato kupitia upangishaji.

Akizungumzia mradi wa Kawe 711 wenye nyumba 122, Bw. Abdallah amesema mradi huo una huduma za kisasa zikiwemo viwanja vya michezo, bwawa la kuogelea, mifumo ya kuhifadhi maji na umeme wa dharura, huku ukinufaika na eneo lake la kuvutia karibu na Bahari ya Hindi.

“Kuna kumiliki nyumba, lakini kuna kumiliki nyumba katika eneo zuri,” amesisitiza.

🏡 NHC ina nyumba, benki zina mikopo, wewe una ndoto. Chukua hatua ya kumiliki nyumba yako!

WikiYaHudumaKwaWateja

16/10/2026

NHC YAUNGANA NA MABENKI KUTIMIZA DIRA YA RAIS SAMIA YA KUWEZESHA WATANZANIA KUMILIKI NYUMBA

“Tunataka kutimiza ndoto ya Mheshimiwa Rais Dkt. Samia Suluhu Hassan ya kuwawezesha Watanzania wengi zaidi kumiliki nyumba bora. Hili linawezekana kupitia ushirikiano imara kati ya NHC na benki zinazotoa mikopo ya nyumba kwa Watanzania waliopo nchini na wanaoishi nje ya nchi (Diaspora).”

Hayo yamesemwa na Mkurugenzi Mkuu wa Shirika la Nyumba la Taifa (NHC), Bw. Hamad Abdallah, wakati wa kilele cha Wiki ya Huduma kwa Wateja kilichofanyika katika mradi wa Kawe 711, Dar es Salaam, Oktoba 16, 2026.

Amesema NHC inaendelea kuimarisha ushirikiano na taasisi za fedha ili kurahisisha upatikanaji wa mikopo ya nyumba, hivyo kuwawezesha wananchi wengi zaidi kutimiza ndoto ya kuwa na makazi yao wenyewe.

Ameongeza kuwa ushirikiano huo ni muhimu katika kuhakikisha wananchi hawazuiliwi na changamoto ya kutokuwa na fedha zote za kununua nyumba kwa wakati mmoja.

“Tunataka Watanzania wengi zaidi wawe wamiliki wa nyumba, na mabenki ni washirika muhimu katika kufanikisha azma hiyo,” amesisitiza.

15/10/2026

14/10/2026

MERU BUSINESS PARK: TASWIRA YA ANGA INAYOVUTIA, UWEKEZAJI UNAOBADILI MANDHARI YA ARUSHA! 🏢✨

Uzuri wa majengo, usanifu wa kisasa na mpangilio unaovutia! Hivi ndivyo mradi wa Meru Business Park (zamani Meru Plaza) wa Shirika la Nyumba la Taifa (NHC) unavyoonekana kupitia picha ya anga, ukizidi kuongeza haiba ya Jiji la Arusha.

Mradi huu unaojumuisha majengo matatu, Block A, B na C, unaendelea kupambwa na kazi za mwisho za ujenzi ili kutoa mazingira bora na ya kuvutia kwa shughuli za biashara.

Katika hatua ya sasa, kazi zinazoendelea ni pamoja na ujenzi wa msingi wa tanki la maji katika Block B na usawazishaji wa maeneo ya Block C.

Meru Business Park si majengo tu, bali ni taswira mpya ya biashara, uwekezaji na ukuaji wa Jiji la Arusha!

NHC – Tunaijenga Taifa Letu! 🇹🇿

14/10/2026

Mambo ni moto Kawe 711

14/10/2026

WATEJA WAENDELEA KUMIMINIKA KAWE 711, NHC YATOA HUDUMA NA KUWAONYESHA NYUMBA ZA KISASA

Wateja mbalimbali wanaendelea kujitokeza katika mradi wa Kawe 711, Dar es Salaam, kujionea nyumba za kisasa na kupata taarifa kuhusu fursa za kumiliki nyumba zinazotolewa na Shirika la Nyumba la Taifa (NHC).

Maofisa wa NHC wanaendelea kuwahudumia wateja kwa kuwapatia maelezo kuhusu mradi wa Kawe 711, kuwaonyesha nyumba pamoja na kuwafahamisha kuhusu miradi mingine ya Shirika.

Na wewe usipitwe! Tembelea Kawe 711 kuanzia saa 2:00 asubuhi hadi saa 11:00 jioni. Huduma hizi zitaendelea hadi Ijumaa, Oktoba 16, 2026.

📍 Mahali: Kawe 711, Dar es Salaam.

Karibu ujionee, uliza na uchukue hatua kuelekea kumiliki nyumba yako! 🏡

14/10/2026

🏗️ NHC YAIMARISHA USIMAMIZI WA UBORA KATIKA MIRADI YA UJENZI

Ubora wa jengo haupimwi kwa mwonekano pekee, bali kwa kila hatua ya ujenzi!

Mtaalamu wa Ukadiriaji Majenzi na Meneja wa Mradi, Julius Matiku, anaeleza namna Shirika la Nyumba la Taifa (NHC) linavyofanya ukaguzi wa kina kuhakikisha kazi za ujenzi, mifumo ya maji na umeme pamoja na hatua za umaliziaji zinazingatia usanifu na viwango vya ubora vilivyowekwa.

🎥 Tazama video hii ujionee namna NHC inavyosimamia ubora wa miradi yake kuanzia ujenzi hadi ukamilishaji.

14/10/2026

Karibuni Kawe 711 mambo ni moto!!!

14/10/2026

Tumekabidhi Kashozi!