QR Mektepke shekemgi hám mektep bilimlendiriw ministrligi

13/02/2024

Ullı babalarımız Alisher Nawayı hám Zahiriddin Muhammed Baburdıń tuwılģan kúnleri Respublikamız boylap keń túrde belgilenip, ádebiy kesheler shólkemlestirilmekte.

13/02/2024

Qaraqalpaqtan Respublikası Mektepke Shekemgi hám mektep bilimlendiriw ministrliginiń májilisler zalında «Kiber jınayatlar jábirleniwshilerine aylanıp qalmań» atamasında ushırasıw bolıp ótti.
Ushırasıwģa Qaraqalpaqstan Respublikası Mektepke shekemgi hám mektep bilimlendiriw ministriniń orınbasarı M.Shlimbetova, Qaraqalpaqtan Respublikasi IIM Operativ izlew xizmeti Kiber qáwipsizlik qániygesi J.Kdirbayev hám ministrlik qánigeleri qatnastı.
Ilajda J.Kdirbayev sózge shıǵıp házirgi kúnde kóp ushıraytuǵın jaǵdaylardıń biri-bul bank kartalarınan pul sheship alıw jınayatı júz berip atırǵanın atap ótti. Bank kartalarınan pullardı urlaw menen baylanıslı 6 túrli usıl bar. Bular telefon qońırawlarında tólew shólkemleri yamasa bank xizmetshisi retinde «SMS» kodtı alıw arqalı, sociallıq tarmaqlar yamasa «OLX» sawda platformasında satıwshı yamasa qarıydar bolıp aldaw jolı, rásmiy bolmaǵan dereklerden júklep alınǵan programmalardı telefonǵa ornatıw, mámleket tárepinen járdem pulı berilmekte yamasa arzanlastırılǵan bank kreditlerine uqasaǵan feyk saytlar, materiallıq járdem, onlayn kredit, utıslı oyın jeńimpazı sıyaqlı aldawlar menen jiberilgen jalǵan siltemeler hám jalǵan onlayn birja arqalı júz berip atırǵanın aytip ótti.
Usı atap ótilgen aldawshılardıń oljasına aylanbaw ushın telefonıńızǵa kelgen kodtı heshkimge bermewińiz hám de sociallıq tarmaqlar, elektron pochta mánzilleri arqalı jiberilgen gúmanlı siltemelerge kirmewińiz, jeke maǵlıwmatlarıńızdı ózgelerge usınıs etpewińiz hám social tarmaqlarǵa jaylastırmawıńız, internet tarmaqlarında keletin hár qanday qarjılı xabarlarǵa isenbew, hár qıylı oyınlarǵa, programmalarǵa kirmewińiz kerekligi esletilip ótildi.
Ushırasıw qatnasıwshıları kiber jınayatlar boyinsha qızıqtırģan sorawlarına tiyisli qánigeden juwaplar aldı.
https://t.me/kkeduuz

13/02/2024

Muǵallimlerge sertifikatlar tapsırıldı

Qaraqalpaqstan Respublikası Mektepke shekemgi hám mektep bilimlendiriw ministrliginde Gercen atındaǵı Sankt-Peterburg pedagogikalıq universiteti tárepinen rus tili hám ádebiyatı páni muǵallimlerine xalıqaralıq S1 dárejesindegi sertifikatlar saltanatlı túrde tapsırıldı.
Bunda A.I.Gerсen atındaǵı Rossiya mámleketlik pedagogikalıq universitetiniń oqıtıwshıları tárepinen Pedagoglardı jańa metodikalarǵa úyretiw milliy oraylarında rus tili muǵallimlerdıń qánigeligin asırıw boyınsha metodikalıq seminarlar hám sabaq ótiw arqalı olardıń rus tilin biliw dárejesin TRKI (Testirovanie po russkomu yazıku kak inostrannomu) test arqalı sınaqtan ótkerildi.
26 muǵallim S1 dárejesindegi xalıqaralıq sertifikatqa iye boldı.
Sonı aytıp ótiw orınlı, respublika boyınsha 635 muǵallim rus tilin biliw dárejesi boyınsha 4 basqıshta sınaqlardan ótkerilgen hám sertifikatqa iye bolǵan. Sertifikatqa iye bolǵan muǵallimlerge hár ayda 50 payız muǵdarında ústeme tólep beriw belgilengen.

https://t.me/kkeduuz

13/02/2024

SHET EL GRANTLARIN JEŃIP ALIW BOYINSHA SEMINAR-TRENING BOLIP ÓTTI.

➡️ Qaraqalpaqstan Respublikası Mektepke shekemgi hám mektep bilimlendiriw ministrliginiń májilisler zalında shet el grantların jeńip alıw boyınsha seminar-trening bolıp ótti.
Seminar-treningde Joqarı bilimlendiriw, ilim hám innovaciyalar ministrliginiń Qaraqalpaqstan Respublikası Aymaqlıq basqarmasınıń qánigeleri Talǵat Polatbev hám Baxtiyar Babaniyazov, Sanlı texnologiyalar ministrliginiń Qaraqalpaqstan Respublikası sektorınan bas qánigesi Miras Shamuratov, mektepke shekemgi hám mektep bilimlendiriw shólkemleriniń basshıları qatnastı.
Bunda tiykarģı maqset Qaraqalpaqstan Respublikası Joqarǵı Keńesi Baslıǵınıń 2023-jıl 31-yanvar kúngi “Qaraqalpaqstan Respublikası Mektepke shekemgi hám mektep bilimlendiriw ministrliginiń jumısların 2024-jılı rawajlandırıw baǵdarında ámelge asırılatuǵın ilajları” sheńberinde Mektepke shekemgi hám mektep bilimlendiriw mákemelerinde sanlastırıw hám innovaciyanı engiziw, investiciya kiritiw hám shet el grantların jeńip alıwdan ibarat.
➡️Seminar-treningde startup idealar boyınsha mentorı Nókis Jaslar Texnoparki qánigesi Uluǵbek Bazarbaev óziniń “Innox” biznes baģdarlaması menen tanıstırdı.
Sonday-aq, shet-el grandlarına qatnasıwshı talabanlar tárepinen jazılģan biznes jobaları analiz etilip, trenerlerden ózleriniń qızıqtırģan sorawlarına juwaplar aldı.
https://t.me/kkeduuz

13/02/2024

🖥 Qaraqalpaqstan telekanalı
🎥 Jańalıqlar baģdarlamasında

✅ Miynet nızamshılıģı boyınsha bilimlendiriw tarawı xızmetkerleriniń huqıqıy sawatlıģın arttırıw maqsetinde Qońırat rayonı mektepke shekemgi hám mektep bilimlendiriw bóliminde oqıw seminar shólkemlestirildi.

https://t.me/kkeduuz

13/02/2024

“Tańlaǵan kásibimiz - keleshegimiz tiykarı”atamasında seminar bolıp ótti.

Beruniy rayonı 69-sanlı ulıwma orta bilim beriw mektebinde "Tańlaǵan kásibimiz - keleshegimiz tiykarı" atamasında seminar shólkemlestirildi.

Seminarģa Qaraqalpaqstan Respublikası Mektepke shekemgi hám mektep bilimlendiriw ministrliginen qánigeleri hám rayonlıq mektepke shekemgi hám mektep bilimlendiriw bólimi baslıǵı, ulıwma orta bilim beriw mektep direktor orınbasarları, psixologlar, ekinshi shet tili, kásipke baģdarlaw qánigeleri qatnastı.

Seminar qatnasıwshıları mektepte ótkerilip atırǵan ekinshi shet til, francuz tili, tigiwshilik hám de programmalastırıw baǵdarı boyınsha ashıq sabaqlarǵa kirip baqlap bardı.

Sonday-aq, kásip-ónerge úyretetuģın qosımsha hayal-qızlar hám er adamlar shashtárezi, milliy taģamlar hám kepserliw baǵdarı boyınsha alıp barılıp atırģan dógerekler iskerligi menen tanıstı.
Seminarda oqıwshılar tárepinen islengen "Qol óneri" kórgezbesi bolıp ótti.
Mektep psixologları tárepinen “Kásipler mámleketine sayaxat” atamasında seminar-trening shólkemlestirildi.

Seminar dawamında qatnasıwshılar ózleriniń alǵan bilim hám tájriybelerin ámeliyatta qollanıw boyınsha pikir usınısların bildiridi.

https://t.me/kkeduuz

07/02/2024

📌 Ózbekstan Respublikası Prezidenti Shavkat Mirziyoyev tárepinen 2024-jıldıń 5-fevral sánesinde ótkerilgen videoselektor májilisindegi tapsırmalar boyınsha Qaraqalpaqstan Respublikası Mektepke shekemgi hám mektep bilimlendiriw ministri G.Kojabaeva óz pikirlerin bildirdi.

➖➖➖➖➖➖➖➖➖➖➖➖➖

📌 Ózbekiston Respublikasi Prezidenti Shavkat Mirziyoyev tomonidan 2024-yilning 5-fevral sanasida o‘tkazilgan videoselektor majlisidagi topshiriqlar yuzasidan Qoraqalpoǵiston Respublikasi Maktabgacha va maktab ta'lim vaziri G.Kojabaeva óz fikrlarini bildirdi.

🌐 Bizdi sociallıq tarmaqlarda baqlap barıń:

|Web (https://kk.uzedu.uz/qr)| Instagram (https://www.instagram.com/kkedu_in/) | Facebook (http://facebook.com/fb.kkedu2024) |Telegram (https://t.me/kkeduuz) | Youtube (https://www.youtube.com/channel/UCcTf-v23eEKKwIRJoyyY0Zg)

30/01/2024

"ÀHMIYETLI SÀWBET"

🗣 "Ulìwma orta bilim beriw mektep oqìwshìlarì arasìnda ekologiyalìq màdeniyattì arttìrìw" boyìnsha ministrlik qànigesi menen sàwbet.‌‌

QR Mektepke shekemgi hám mektep bilimlendiriw ministrliginiń Málimleme xızmeti

18/01/2024

📌Қарақалпақстан Республикасы Мектепке шекемги ҳәм мектеп билимлендириӯ министрлигинде билимлендириӯ тараӯында санластырыӯды және де раӯажландырыӯ мәселелери бойынша жыйналыс болып өтти.

Толық мағлыӯмат

Бүгин Қарақалпақстан Республикасы Мектепке шекемги ҳәм мектеп билимлендириӯ министрлигиниң мәжилислер залында улыӯма орта билим бериӯ мектеплеринде санластыры...

18/01/2024

#Жаңалық

Нөкис қаласы 1-санлы қәнигелестирилген мектеп-интернатының инглис тилинен шет тилин билиӯ дәрежеси ҳаққында 10-класслардан Султансуйнова Согдиана , Баймуратова Зухра, Турдыбаева Айжамал, Хайтбаев Акбарбек, 7-класслардан Калибаева Ҳурлиман Пулатова Айнура оқыӯшылары B2 сертификатларына ийе болды.
Мектеп жәмәәти, оқытыӯшыларын ҳәм оқыӯшылардың бул жетискенликлери менен қутлықлаймыз.

18/01/2024

#Жетискенлик


✅Хожели районы қәнигелестирилген мектебиниң Математика пәни оқытыӯшысы Бабажанов Сардорбек Өзбекстан Республикасы Билим ҳәм көнликпелерди баҳалаӯ агентлиги тәрепинен шөлкемлестирилген Пәнин билиӯ дәрежеси ҳаққындағы Миллий сертификатты қолға киритти.
Сардорбекти бул жетискенлиги менен қутлықлаймыз, жумысларында тасқын табыслар тилеймиз.