Zyre Kontabiliteti "Pulse Profit Partners"

31/07/2026

Nje analize per qef e inspiruar nga nje reklame e autosallonit

Vlera e makinës: 67,000 €

💶 Pagesa mujore: 1,009 €

📅 Afati i financimit: 84 muaj (7 vite)

✅ Shuma totale e paguar: 84,756 €

📉 Pas 7 vitesh, një makinë e vitit 2023 pritet të ketë një vlerë të përafërt tregu prej rreth 28,500 €

📊 Kjo do të thotë se, nga 84,756 € të paguara, vlera e mbetur e automjetit është rreth 28,500 €, ndërsa kostoja reale e përdorimit (zhvlerësimi + kostoja e financimit) arrin afërsisht 56,256 €.

Numrat tregojnë se, përpara marrjes së një vendimi financiar, është e rëndësishme të analizohet jo vetëm kësti mujor, por edhe kostoja totale dhe vlera që mbetet në fund të periudhës së financimit.

14/07/2026

https://www.facebook.com/share/1D9k9skayn/

Administrata Tatimore e Kosovës (ATK) njofton të gjithë personat fizikë që realizojnë të ardhura nga dhënia me qira e banesave, shtëpive ose pronave të tjera, përfshirë edhe përmes platformave elektronike, si Airbnb dhe platforma të tjera të ngjashme, se këto të ardhura duhet të deklarohen dhe i nënshtrohen tatimit në përputhje me legjislacionin tatimor në fuqi.

ATK, në kuadër të aktiviteteve të saj për identifikimin e ekonomisë joformale, ka
analizuar të dhënat dhe informacionet që disponon dhe ka konstatuar se një numër
personash kanë realizuar të ardhura nga dhënia me qira e pronave, por nuk janë
regjistruar në ATK, nuk kanë deklaruar këto të ardhura dhe nuk kanë përmbushur
detyrimet e tyre tatimore.

Për këtë arsye, ATK u bën thirrje të gjithë personave që realizojnë të ardhura nga
dhënia me qira e pronave dhe që ende nuk i kanë deklaruar ato, që sa më parë t’i
përmbushin vullnetarisht detyrimet e tyre tatimore, duke:

• u pajisur me Numër Fiskal pranë ATK-së, nëse nuk janë të regjistruar;
• deklaruar të ardhurat e realizuara; dhe
• paguar detyrimet tatimore sipas legjislacionit në fuqi.

ATK rikujton se disponon informacione, të dhëna dhe prova që mundësojnë identifikimin e personave që realizojnë të ardhura nga dhënia me qira e pronave. Nëse këta persona nuk përmbushin vullnetarisht detyrimet e tyre, ATK do të ndërmarrë veprimet e parapara me legjislacionin në fuqi, duke përfshirë:

• regjistrimin sipas detyrës zyrtare, kur plotësohen kushtet ligjore;
• vlerësimin e detyrimeve tatimore bazuar në informacionet, të dhënat dhe provat
që disponon;
• ngarkimin e interesave dhe gjobave; si dhe
• ndërmarrjen e masave të tjera administrative dhe ligjore të parashikuara nga
legjislacioni tatimor.

ATK mbetet e përkushtuar në promovimin e përmbushjes vullnetare të detyrimeve
tatimore dhe sigurimin e trajtimit të barabartë të të gjithë tatimpaguesve, në përputhje me legjislacionin në fuqi.

Për informata shtesë lidhur me regjistrimin, deklarimin dhe pagesën e tatimeve,
tatimpaguesit mund të kontaktojnë Administratën Tatimore të Kosovës përmes kanaleve zyrtare të komunikimit ose të vizitojnë zyrat më të afërta të ATK-së.

03/07/2026

https://www.facebook.com/share/p/14not8g5ZFe/

THIRRJE PUBLIKE – SKEMA E GRANTEVE PËR INOVACION NË TIK
Ministria e Industrisë, Ndërmarrësisë, Tregtisë dhe Inovacionit (MINTI), përmes Agjencisë për Investime dhe Përkrahjen e Ndërmarrjeve në Kosovë (KIESA), në bashkëpunim me Agjencinë e Luksemburgut për Bashkëpunim Zhvillimor - LuxDev, ka lansuar skemën e granteve për inovacion në TIK me një vlerë totale prej 1.16 milionë euro.
Kjo skemë synon të mbështesë Ndërmarrjet Mikro, të Vogla dhe të Mesme (NMVM), si dhe bizneset Start-up, në zhvillimin e produkteve, shërbimeve dhe proceseve inovative në sektorin e Teknologjisë së Informacionit dhe Komunikimit (TIK). Përmes kësaj mbështetjeje synohet rritja e konkurrueshmërisë, transformimi digjital dhe krijimi i vendeve të reja të punës.

Afati për aplikim deri më 23.07.2026, ora 24:00
Aplikimi bëhet vetëm përmes platformës e-Kosova: https://ekosova.rks-gov.net/Security?ReturnUrl=%2F730
Për informacione të detajuara mbi kriteret, procedurat dhe dokumentacionin e nevojshëm, vizitoni faqet zyrtare të MINTI-t dhe KIESA-s:
🔗 https://minti.rks-gov.net
🔗 https://kiesa.rks-gov.net

05/06/2026

https://www.facebook.com/share/1B5DkDCPdH/

Mbi gjysmë miliard euro tatime të mbledhura për vetëm 5 muaj.📈

Administrata Tatimore e Kosovës ka vazhduar trendin pozitiv të mbledhjes së të hyrave tatimore edhe gjatë pesëmujorit të parë të vitit.

Për periudhën Janar – Maj 2026 janë mbledhur mbi gjysmë miliard euro tatime, respektivisht 517.4 milionë euro.

Krahasuar me periudhën e njëjtë të vitit të kaluar, të hyrat tatimore shënojnë rritje prej 57 milionë euro, ose 12.4% më shumë.

Rritja e të hyrave tatimore është rezultat i aktiviteteve operative, zgjerimit të e-shërbimeve tatimore, përdorimit të mekanizmave që mbështesin luftimin e ekonomisë joformale, si dhe ngritjes së përgjegjshmërisë brenda autoritetit tatimor.

29/05/2026

📢 THIRRJE PËR BIZNESET MIKRO DHE TË VOGLA!

Aplikimet për përkrahje financiare nga Ministria e Zhvillimit Rajonal tashmë janë hapur për bizneset ekzistuese prodhuese dhe shërbyese. Grantet përfshijnë mbështetje nga 16,000€ deri në 30,000€.

✅ Nëse jeni biznes me qarkullim vjetor nga 10,000€ deri në 300,000€
✅ Nëse dëshironi të investoni në pajisje, teknologji apo zgjerim të aktivitetit
✅ Nëse dëshironi aplikim korrekt dhe profesional

Unë si kontabilist ju ndihmoj me:
✔️ Përgatitjen e dokumentacionit
✔️ Kontrollimin e kritereve të aplikimit
✔️ Përgatitjen e projektit dhe kalkulimeve
✔️ Aplikimin online në platformën e-Kosova

⏳ Afati i aplikimit: deri më 18 Qershor 2026, ora 16:00.

📩 Për konsultim dhe përgatitje të aplikimit, kontaktoni në inbox ose telefon.

25/05/2026

https://www.facebook.com/share/1EFVND7eri/

Nga 1 qershori 2026, pagesat mbi 2,000€ me individë nuk lejohen të bëhen me para të gatshme.

Këto pagesa duhet të realizohen përmes sistemit bankar ose formave të tjera elektronike të pagesës.

Respektoni kufizimin e përcaktuar me ligj dhe shmangni gjobat.
Mos paguani cash mbi limitin e lejuar.
Veproni sipas ligjit.

https://www.atk-ks.org/njoftim-per-tatimpagues-atk-paralajmeron-transaksionet-mbi-2000e-me-individe-nuk-lejohen-te-paguhen-me-para-te-gatshme/

13/05/2026

28/02/2026

10/02/2026

Administrata Tatimore e Kosovës njofton të gjitha subjektet biznesore që operojnë në ekonominë online/digjitale se gjatë këtij viti kjo fushë është nën monitorim të veçantë.

Monitorimi do të realizohet duke përdorur metoda dhe mekanizma të avancuar, në përputhje me standardet ndërkombëtare dhe praktikat e vendeve që e kanë zbatuar me sukses këtë proces. Qëllimi i këtij monitorimi është sigurimi i përputhshmërisë tatimore dhe trajtimi i drejtë i të gjitha aktiviteteve online.

Subjektet që nuk i përmbushin obligimet tatimore do të jenë objekt i veprimeve administrative dhe ligjore, në përputhje me legjislacionin në fuqi.