Ideal solution Kuwait (2026)

25/02/2026

للبيع شقة غرفتين وصالة في الشارقة
العائد مالها يوصل 10%
+96551122328

08/09/2025

فكر فيها وإحسبها صح وسو الخطوات بهالطريقه
اخذ الكاش وإشتر فيه عقار مؤجر ، بعدها روح للوكاله واخذ منهم السياره ولكن بأقساط بدون فوايد ، وخل أجار شقتك يسد قسط سيارتك

شنو بتستفيد ؟
1- السياره فعليا بتطلع عليك ببلاش لانه مجموع اجاراتك اللي بتحصلها بعد سنين بتكون اعلى من قيمة السياره نفسها

2- ماحرقت الكاش على شي استهلاكي وبالعكس وديتهم على شي يعطيك فلوس من الإيجار نفسه وقيمته تزيد مع الوقت

والحين فكره فيها وقولنا رايك هل تشوفها فكرة منطقية؟

07/09/2025

مشروع جديد وراقي في دبي
وتحديدا في نخلة جميرا بموقع مميز جدا مباشرة على شاطئ نخلة جميرا وبإطلالات بانوراميه وخدمات رائعة جدا
التسليم بعد 3 سنوات
الاقساط 50% خلال الانشاء و 50% عند التسليم
+965 51122328

06/08/2025

هذا الموضوع يزعل البنوك ولكن هذا الواقع

عمرك سألت نفسك سؤال ليش البنك يقولك حط فلوسك عندي وديعه وأعطيك عليها أرباح سنويه ؟ شنو مستفيد البنك ؟
الجواب بكل بساطه البنك راح ياخذ فلوسك ويستثمر فيها بوايد مجالات أهمها العقار
البنك بيعطيك ارباح سنويه ٣-٤% ولكن بالمفابل بيطلع ارباح تتجاوز ٨% من فلوسك
انت بتكون سعيد ولكن البنك بيكون أسعد
ولكن اللي حاب اقوله لك إنك بهالحاله بتكون خسران لأنك اذا حسبت زكاتك + التضخم العالمي بتشوف فلوسك فعليا قاعد تتناقص كقيمة ومقدرة شرائيه
الحل ؟ اذا تبي شي آمن وجه استثماراتك لأشياء تعطي اعلى من فوايد البنك بوايد وهالقطاعات وايد مو بس العقار ولكن العقار أكثرها أمان
بتقول ماتعرف ؟ بقولك تعلم.

ملاحظة: لمن ذكرنا كلمة يبوقك ما قصدنا المعنى الحرفي ولكن مجرد وصف مجازي.

29/07/2025

الموضوع هذا اللي يفهمه ويستوعبه راح تتغير عنده وايد مفاهيم وراح يعرف يطلع فلوس شبه مضمونه بطريقة سهله وبسيطة

البنوك حاليا بالكويت تعطي قروض بفايدة/مرابحة 6%
وبعض العقارات بالامارات تعطيك ارباح صافية من الاجار بشكل سنوي 8%
شلون تستفيد من هالشي؟
ببساطة تاخذ قرض من البنك وتشتري العقار وتكون ربحان 2% من فلوس البنك ،، نعم من فلوس البنك لانه هالفلوس اصلا مو فلوسك
يعني ببساطه انت خذيت ارباح من فلوس ما تملكها

هل الموضوع بس 2% ؟ الجواب لا
انت لمن تدفع للبنك فوايد/مرابحة تكون على أصل الدين يعني اول سنه بتكون 6% على أصل الدين ولكن ثاني سنة أصل الدين بيقل وبالتالي فوايدك كرقم وليس نسبه بتقل
مثال توضيحي لا اكثر
شريت عقار ب 30,000 دينار كويتي
وأجرته عائد صافي 8%
اول سنه بتدفع 6% على أصل القرض مالك واهوا 30,000 دينار كويتي
ثاني سنه بتقل قيمة القرض الباقي عليك وتصير مثلا 25,000 وتدفع عليها فوايد/مرابحة 6%
ثالث سنه يصير المتبقي على القرض حول 20,000 وتدفع عليه فوايد/مرابحة 6%
لغاية ما ينتهي كامل قرضك
وبعد نهاية قرضك بتكون ارباحك صافيه لك 8% من فلوس ماكانت فلوسك

انت جذي بقت البنك بشكل قانوني ، انت بتكون سعيد والبنك أيضا بيكون سعيد مع إنك بقته !

هل الموضوع بهالبساطة ؟ نعم بهالبساطة

هل الموضوع فيه مخاطر ؟
مافي شي بدون مخاطر ولكن المخاطر قليلة جدا وممكن تتجنبها وبنذكرها :
1- ممكن اجارك يقل مع الوقت ونسبة ارباحك تقل ، نعم جايز ولكن بتظل ربحان والاجار بيرجع يرتفع بالنهايه ، عمرك سمعت بعقارات اجاراتها تقل مع الوقت وماترجع تصعد مره ثانيه نفس قبل وأكثر ؟

2- ممكن عقارك ما يتأجر ، نعم كل شي جايز من ناحية علمية ولكن اختيارك للعقار الصح بالدولة الصح والمكان الصح يجنبك هالامور ، اسأل الذكاء الصناعي عن حجم الطلب والاشغال عالعقار بدبي مثلا

3- الكوارث والحروب وغيره من الأمور وهذي شي بيد رب العالمين وتأثر على كل استثمار بالعالم بس الحلو بالعقار انه الاصل موجود ومردها تتعدل الامور

هل في ايجابيات ما ذكرناها؟
نعم
1- العقار أجاره من الطبيعي انه يزيد مع الوقت يعني اللي يطلعلك عائد سنوي 8% صافي الحين ممكن مع الوقت يزيد اجارك وبالتالي نسبة العائد من أصل المبلغ تزيد ، في ناس شرو من سنين طويله وعقارهم يعطيهم الحين عائد اكثر من 30% من أصل المبلغ اللي دفعوه من سنين طويله

2- قيمة العقار كأصل تزيد مع الوقت أغلب ملاك العقار استفادو من الزياده بقمية العقار أكثر من الأجار نفسه

Ideal solution Kuwait

25/02/2026

08/09/2025

07/09/2025

06/08/2025

29/07/2025

Address

Website

Alerts

Shortcuts

Share