10/06/2025
دبئی میں تعمیر ہوگا ۔۔ بلند ترین میٹرو اسٹیشن
متحدہ عرب امارات کی ریاست دبئی میں دنیا کے سب سے بلند میٹرو اسٹیشن کا سنگ بنیاد رکھ دیا گیا ہے۔
دبئی کے حکام کا کہنا ہے کہ یہ اسٹیشن زمین سے 74 میٹر بلند ہوگا ۔
متحدہ عرب امارات کے نائب صدر، وزیر اعظم اور دبئی کے حکمران شیخ محمد بن راشد آل مکتوم نے دنیا کے سب سے بلند ترین میٹرو اسٹیشن کے سنگ بنیاد رکھنے کی تقریب میں شرکت کی۔
“ بلند ترین اسٹیشن کا آغاز کب ہوگا ؟ “
یہ میٹرو اسٹیشن دبئی میٹرو کے تیسرے ٹریک بلیو لائن کا حصہ ہوگا، جبکہ بلیو لائن ٹریک کا آغاز دبئی میٹرو کی 20 ویں سالگرہ کے موقع پر 9 ستمبر 2029 کو کیا جائے گا۔
“ بلیو لائن: 131 کلومیٹر کا نیا سنگ میل”
بلیو لائن ٹریک 30 کلومیٹر طویل ہوگا، جو دبئی میٹرو کے نیٹ ورک کو 131 کلومیٹر اور 78 اسٹیشنز تک وسعت دے گا۔
“ بلیو لائن کن علاقوں کو جوڑے گی؟”
بلیو لائن دبئی کے 9 اہم علاقوں کو آپس میں جوڑے گی۔ بلیو لائن دراصل دبئی میٹرو کے ریڈ لائن کے سینٹرپوائنٹ اسٹیشن اور گرین لائن کے کریک اسٹیشن سے منسلک ہوگی۔
“ بلیو لائن کے اہم انٹرچینج اسٹیشنز کونسے ہوں گے؟”
* الجداف
* الراشدیہ
* انٹرنیشنل سٹی ون
“بلیو لائن کے دیگر اسٹیشنز کہاں ہوں گے؟”
* مردف (مردف سٹی سنٹر مال کے قریب)
* الورقاء
* انٹرنیشنل سٹی ٹو اور تھری
* دبئی سیلیکون اویسس
* دبئی انٹرنیشنل اکیڈمک سٹی
* دبئی فیسٹیول سٹی
* دبئی کریک ہاربر
* راس الخور انڈسٹریل ایریا
“بلیو لائن کا دبئی کریک کے اوپر ٹریک ہوگا !”
دبئی کریک کو عبور کرنے کے لیے بلیو لائن کا 1.3 کلومیٹر طویل پل ( ٹریک ) بھی تعمیر کیا جائے گا ، جو دبئی کریک کے اوپر بنایا جانے والا پہلا میٹرو ٹریک ہوگا۔
“ منصوبے کی لاگت کتنی ہوگی؟ “
دبئی کے بلیو لائن میگا پراجیکٹ کی مجموعی لاگت 56 ارب درہم یعنی 43 کھرب روپے سے زائد ہوگی۔
دبئی میٹرو پہلے ہی ریڈ اور گرین لائن کے ذریعے لاکھوں مسافروں کو سہولت فراہم کر رہی ہے جبکہ حکام نے عزم کیا ہے کہ بلیو لائن کے اسٹیشن مزید جدید ہوں گے۔
بشکریہ سبط عارف
Muhammad Qadeer Anwar
