23/06/2025
ویل یې ځم..
ځواب مې ورکړ:
ورځه، ورځه تر غرونو واوړه
موږ د کم اصلو خلکو نۀ کړو ارمانونه!
ویې ویل، بې له ما به ژوند څنګه تېر کړې!؟
ورته مې کړه چې:
اوس دې کیسه کې نۀ یم یاره
که د قدم خاورې دې زر شي نۀ یې وړمه
بیا یې وویل زما د مجلس ارمان به درځي؟
ومې ویل:
ورځ کې به درس وایمه ګلې
د شپې به کړمه د یارانو مجلسونه
نن یې بیا ویلي وو چې اوس هم نۀ درته یادېږم؟
میسج مې بې ځوابه پرېښود!
زړۀ کې مې وویل:
که به مې یو ساعت هېرېږې
له ما دې هېر شي دا لوستلي کتابونه
ستا به په یاد یم یا به نۀ یم
زۀ چې قدم په قدم ږدم تا یادومه!
💔
