10/06/2026
“Kush merr një pëllëmbë tokë...”
Ejani të shohim: çfarë është një pëllëmbë tokë?
Sikur një njeri të ketë tokë bujqësore, shumë të gjerë, me qindra mijëra metra, dhe pastaj të hyjë në tokën e fqinjit të tij vetëm një pëllëmbë, çfarë i shton kjo pëllëmbë tokës së tij të gjerë, me të cilën Allahu e ka nderuar?
Thuaj: edhe sikur të hyjë një metër apo disa metra, çfarë i shtojnë këto tokës së tij?
Ndoshta ai jeton dhe nuk përfiton asgjë prej saj, mirëpo në Ditën e Kiametit ajo do t’i vendoset rreth qafës nga shtatë toka.
Pejgamberi, SalAllahu alejhi ve selem, ka thënë:
“Allahu e ka mallkuar atë që i ndryshon shenjat e tokës.”
Prej kuptimeve që kanë përmendur dijetarët është kjo:
njeriu shkon te shenjat që përcaktojnë kufirin mes tij dhe fqinjit të tij, i heq ato shenja dhe i fut pak më brenda në tokën e fqinjit.
Kur i fut në tokën e fqinjit, çfarë ndodh?
Toka e fqinjit ngushtohet, ndërsa toka e tij zgjerohet.
Pra, ai i ndryshon kufijtë për të marrë diçka nga toka e tjetrit.
Nëse ai që merr vetëm një pëllëmbë tokë do të ndëshkohet duke iu vendosur ajo rreth qafës nga shtatë toka, atëherë çfarë mund të thuhet për atë që merr toka të mëdha, shkel të drejtat e njerëzve, pastaj shkon e hap padi nëpër gjykata, mashtron, sjell gjëra të ndryshme, sjell dëshmitarë e dëshmi, e kështu me radhë, derisa gjykimi të dalë në favor të tij?
Edhe nëse gjykatësi gjykon në favor të tij, kjo nuk e shpëton atë nga dënimi i Allahut në Ditën e Kiametit.
Shejh Abdurrezak El-Beder Allahu e ruajttë.
