Mimoza xhindi

09/09/2026

Zoti sheh..

Zoti sheh çdo zemër e çdo hap në errësirë.
Tek Ti këtë shpirt sot, me dhimbje e mëshirë.

Për ata që në hije thurën rrënimin tënd me zili.
Që deshën shkatërrimin e humbjen tënde në vetmi.

​Unë sot nuk kërkoj hakmarrje,
as mllef nuk mbaj në gji...

Për ta t’i lutem faljes Tënde o zot ,
me tërë shpirtin tim përsëri...

Fali, o Zot, ata që sytë ia verbuan urrejtjes.
Fali për çdo goditje që me pabesi i dhanë jetës sime..

​Rregulloji me dorën Tënde, por jepu atë goditje
Goditje që nuk lë gjurmë në trup, por ua hap sytë.

Preki aty ku dhemb më shumë, te ndërgjegjja e mbuluar me llumin e zi ..

Të ndjejnë peshën e fjalës "dhimbje" që vetë kanë mbjellë e zgjuar në shpirtin tim ..

​Bëji ta kuptojnë se çfarë do të thotë të rrëzohesh pa faj, të luftosh e vetme e të lotosh rrugëve në vetmi...

Bëji ata / ato ,të shohin në pasqyrë të shpirtit e të mbyten në vaj ashtu sic lotova unë në vetmi.

Jo për t’i parë të shkatërruar, por që të zgjohen nga ajo ëndërr e egër për pushtet ...

Të marrin mësimin e jetës e të bëhen njerëz ..
​Ndërsa mua, o Zot, më jep forcë e dritë në çdo hap..

Më bëj më të fortë se kurrë
Pasi kush gërmoi gropën time, veten do të gjejë aty prapë....Ku zoti sdo të ketë mëshirë ..

M.Xhindi

09.09.2026

09/09/2026

Thëniet e ditës

IA në Udhēzimin e ri nga ministria e Arsimit dhe në përdorimin e përditshëm nga nxënësit nëpër shkolla..

08/09/2026

“RSU2 – Mozaiku i gjallë” ✨📖
është një botim i veçantë, faqet e të cilit mbartin më shumë vepra sesa fjalë. 🎨✨

Ato pasqyrojnë shpirtin, përkushtimin dhe frymën e një bashkëpunimi të palodhur që gjallëron çdo ditë institucionin tonë. 🤝❤️ Ky libër i dedikohet me respekt të thellë “Residencës Studentore Universitare Nr. 2”, dhe veçanërisht drejtueses, znj. Zhanina Dapi, për vizionin, menaxhimin model dhe frymën e bashkëpunimit që ka ditur të mbjellë në gjirin e stafit tonë. 🌟🌱

Puna e përditshme administrative dhe veprimtaritë e harmonizuara me kujdes nga studentët tanë në konvikt nuk janë formale, por detyra të kryera me përkushtim, dhe gurëgjallë të një mozaiku që ndërton një mjedis ngrohtësie. 🧩❤️🏡 Falë këtij përkushtimi, godinat tona nuk janë thjesht godina banimi, por shndërrohen çdo ditë në një shtëpi të dytë ku çdo student ndihet i mirëseardhur, i vlerësuar dhe i mbështetur. 🎓🏡💙

Një falënderim nga zemra i shkon koleges sonë Znj, Mimoza Xhindi, e cila nëpërmjet kësaj dhurate plot vlerë ka ditur të interpretojë me elegancë, ndjeshmëri dhe vërtetësi të gjithë rrugëtimin e RSU2. 🙏❤️📖 Ky libër do të mbetet një dëshmi e çmuar e punës sonë të përbashkët dhe një kujtim i bukur i përpjekjeve tona kolektive për një standard sa më cilësor.

08/09/2026

Sot në TV Klan tek Aldo morning

Ndonjëherë, ditët më të zakonshme marrin një kthesë të papritur e të bukur vetëm nga një gjest apo një fjalë e ngrohtë. Rruga për në punë, ajo rutine e përditshme ku mendja shpesh rend pas detyrave dhe përgjegjësive, u kthye papritur në një moment mirënjohjeje dhe kënaqësie. Një ftesë e papritur nga Tv Klan erdhi si një kujtesë e ëmbël se puna e palodhur, pêrkushtimi dhe energjia që japim çdo ditë nuk mbeten kurrë pa u vlerësuar ..
​Të ndihesh i vlerësuar nga njerëz profesionalë dhe të afërt është një nga ndjesitë më plotësuese. nuk është thjesht ftesa në vetvete, por ajo që ajo përfaqëson: mirënjohjen e sinqertë për mundin, karakterin dhe atë që përfaqësojmë. Gjërat më të bukura në jetë shpesh nuk planifikohen; ato vijnë natyrshëm, pikërisht atëherë kur nuk e mendojmë, për të na kujtuar se çdo përpjekje e ka një fryt dhe çdo hap i hedhur me dëshirë e profesionalizëm lë gjurmë.
​Kjo eksperiencë u bë një nga ato fragmente ditore që të mbushin me pozitivitet dhe të japin forcë për të ecur përpara. Kur rruga drejt së ardhmes ndriçohet nga vlerësime të tilla, çdo sfidë merr një tjetër kuptim dhe çdo hap i ri bëhet edhe më frymëzues.

Shume faleminderit! 🙏🙏

06/09/2026

Mos këmngul në këtë jetë !

Mos këmbëngulni të fitoni te drejtën tuaj në këtë jetë ! Sepse e drejta një ditë fiton .
Në këtë qetësi dhe e qetë,nëse përball keni mijra fjalë që ju vrasin shpirtërisht
Ju vran shpirtin.. ,
duroni ….
Jeta të godet ,po ti mos u dorzo !
Jepi kurajo vetes e sërish vazhdo.
Jeta të rrëzon , por ti ngrihu prap.
Edhe një i paralizuar nuk rri vetëm në shtrat.
Jeta mizore nëpër shkëmbinj të përplas.
Por ti ngrihu e vrapo, mos e lër veten pas.
Mos u struk në errësirë, mos u mbulo me vetmi !
Provo mundësi të reja, mos i bëj shkrumb e hi.
Buzeqeshi jetës dhe nëse të godet.
Se i/e fituar, është gjithmon ai/ajo që pret.
Mos harro të falësh ,është përparësi ..
Se një ditë për falje do kesh nevoj dhe ti .
Në një kohë të tillë i rëndësishëm është durimi.
Se për ata që durojnë i madh do jet shpërblimi.
Ruaji lotët për castet e lumtura.
Mos qaj më për kohët e humbura.
Jeta do të godas edhe me fort.
Por ti nuk je vetëm, lart ka një Zot.
Jeta te rrëzon ndoshta çdo ditë.
Por besimi në zot do të të ngrejë përsëri!!
👉Edhe nëse çdo gjë është kundra jush
Ti /unë /ai/ ajo ….Të gjithë luftoni në heshtje e me zgjuarsi sepse jeta është dallgë e stuhi …
BESONI, se në këtë jetë nuk ka vetëm errësirë
Ndonjëherë madje shpesh herë vuajtjet më
të mëdha do ti përjetoni nga ata hekurat që me gjithë shpirt duhet ti vlerësoni
Ti prap mos ndrysho. Fal dashuri ,fal lumturi ..!
Kokën mbrapa mos e kthe, e shkuara le të
mbetet atje ku e le, e di disa fjalë e disa njerëz janë shumë të veshtirë për tu fshirë por jeta përsëri vazhdon, me hir e me pahir.
Të gjithë thonë se është e vështirë por asgjë e pamundur.
Jeta është sikurse koha, ka ditë me shi por mos HARRONI se dielli lind përsëri, do të mohohen shumë të drejta ,s'do të lejohet të mbrohesh as nga vetja ,do te vritesh me plumba te quajtura fjalë, por ti vetëm duro dhe gjithmonë fal,e më pas vepro me maturi, fal për hir te ndienjës mirësi .Nëse padrejtësit të janë bërë në këtë jetë të jesh e sigurtë që dhe drejtësia ka kohën e vet. Lëre kohën të bëj punën e vet,se hak pa u marr s’ka mbet. Mos e fajëso veten për gabimet e bëra se ka një Zot që i ndëshkon të gjithë , e ndëshkimin e marin në kohën kur ti / ai/ ajo nuk e pret..
Në heshtje duro ,me jetën ludro ,buzëqesh dhe me ndershmëri të drejtën do e fitosh 🙏🙏

M.Xhindi

06/09/2026

Skenat e padukshme të jetës sime

Ky libër, tashmë ka marrë trajtë dhe ēshtë gati për lexuesin.
​Sot ishte një ditë e veçantë për mua, sepse Esmeralda më dorëzoi librin e saj të parê, një libër që e kam ndjekur hap pas hapi gjatë procesit të redaktimit dhe formatimit.
​Ndihem jashtëzakonisht krenare dhe e nderuar që m’u besua kjo detyrë e rëndësishme. Të jesh pjesë e formatimit të një libri nuk është thjesht një punë teknike, por një proces ku duhet të ruash me kujdes frymën dhe emocionin e autores, duke e bërë tekstin të rrjedhshëm dhe estetik.
​Faleminderit nga zemra, Esmeralda Hatija (Zhuga), për besimin e jashtëzakonshëm!
Ishte një kënaqësi dhe përgjegjësi e madhe të redaktoja idetë e tua, shkrimet e tua dhe të ndihmoja në jetësimin e kësaj vepre. Bashkëpunimi me ty ishte një rrugëtim i bukur dhe plot mësime.
​Uroj që ky libër të prekë sa më shumë zemra dhe të udhëtojë gjatë në duart e lexuesve. Suksese pa fund, Esmeralda! ❤️🙏🙏

05/09/2026

Nuk kanë faj ...

Nuk kanë faj malet që hiri i mbulon..
Kur flaka e pamëshirshme mbi kreshta kalon.
Nuk kanë faj zogjtë që qiellin braktisin.
Kur nga tymi i zi folet u prishin.

​Nuk kanë faj lulet që vyshken pa kohë.
Mbi tokën e tharë ku dhembjen s'e njohin.
Nuk kanë faj engjëjt me krahët e thyer.
Se shpirti i pafajshëm nga dora është thyer.

​Nuk kanë faj lumenjtë që rrjedhin ujë të zi.
Ku helmi e ndotja u bënë shtëpi.
Nuk kanë faj dallëndyshet që ikin me vaj.
Se foleja e tyre u bë shkrumb e hi.

​Nuk kanë faj kafshët që piqen në zjarr.
Në pyjet e thara ku s'ka më asnjë arë.
Nuk ka faj as ajri që sot po na mbyt.
Nga tymi e helmi që po na verbon sytë.

​O Shqipëri e bukur, me zemrën në flakë,
Të djegin e të thyejnë çdo ditë pak nga pak.
Por pafajësia jote do të mbetet dritë..
Mbi çdo fushë e mal që mbeti pa pritë..

M.Xhindi

05 /09/2026

Ballina Shqiperia ime 21 vatra zjarri ne Shqiperi, më problematike në Fier, Shkodër, Mat dhe... 21 vatra zjarri ne Shqiperi, më problematike në Fier, Shkodër, Mat dhe Dajt Ministria e Mbrojtjes ka publikuar përditësimin e fundit mbi situatën e zjarreve në vend. Gjatë 24 orëve të fundit ...

05/09/2026

Gjurmët e një shpirti të shenjtë

​Nuk kemi nevojë të bëjmë gjëra të mëdha
mjafton t'i bëjmë ato të voglat me dashuri.

Në çdo buzëqeshje që falim pa kushte
mbjellim një dritë ku mbretëron errësira.

​Në duart e Zotit jemi vetëm një laps i thjeshtë
që shkruan shpresë mbi plagët e kësaj bote.

Shenjtëria nuk është larg, as e arritur me fjalë
por te zemra që zbut çdo dhimbje e lot.

​Sot nderojmë Nënën tonë, shenjtoren e dashurisë,
që na tregoi se paqja nis pikërisht me një buzëqeshje.

​Gëzuar Ditën e Shenjtërimit të Nënë Terezës! Le të shërbejë kjo ditë si një kujtesë për secilin prej nesh se dashuria, përkujdesja dhe mirësia ndaj të tjerëve janë udha më e bukur e jetës. 🤍🕊️

M.Xhindi

04/09/2026

04/09/2026

04/09/2026

Mozaiku i gjallë

Një udhëtim drejt rimëkëmbjes time .
​Në jetë, përballemi shpesh me sprova që na lënë me dhimbje të mëdha, momente kur errësira duket se do të na gllabërojë dhe shpresa venitet. Pikërisht në një prej këtyre pikave kthesë, dora e shtrirë me mirësi nga drejtoresha ime dhe faqet e librit "RSU 2:
Mozaiku i gjallë, u bënë dritarja ime drejt ringritjes.
​Hapja e derës së këtij institucioni nuk ishte thjesht një mundësi pune apo angazhimi; ishte hapja e një shtegu drejt shërimit tim. Ishte një gjest njerëzor, i rrallë dhe i çmuar, i cili më tregoi se nuk isha e vetme në këtë luftë. Ky besim i dhënë filloi të mpikte disi plagët e hapura të shpirtit tim, duke krijuar një terren të sigurt për të filluar sërish.
​Dhe më pas, erdhi libri. "Mozaiku i gjallë".
Një titull kaq i gjetur, sepse jetët tona janë pikërisht ashtu: pjesëza të shpërndara, disa të bukura, disa të thyera e me ngjyra të errëta, të cilat kur bashkohen, krijojnë një tablo unike dhe të gjallë. Përmes faqeve të tij, duke lexuar historitë e treguara, unë fillova të gjeja veten time sërish.
​Gjeta ngushëllim, frymëzim dhe forcë te personazhet dhe mesazhet e kolegëve të mi .. Kuptova se dhimbja mund të shndërrohet në një katalizator për rritje personale. Libri më mësoi të pranoj çdo pjesë timen, madje edhe ato më të dëmtuarat, sepse ato janë pjesë e mozaikut tim.
​Faleminderit, të gjithëve për fjalët e tua të mençura dhe emocionuese. Dhe mbi të gjitha, faleminderit drejtoreshës ime, që me humanizmin dhe mbështetjen e saj, besoi tek unë kur unë vetë e kisha të vështirë ta bëja. Së bashku, me një dorë të ngrohtë dhe me ndriçimin e një libri, unë nisa një udhëtim të bukur e të vështirë, drejt një jete të re, plot ngjyra dhe me një zemër të ringjallur. "Mozaiku i gjallë" nuk është thjesht një libër; është një dëshmi e forcës së shpirtit njerëzor për të gjetur dritën edhe në errësirën më të thellë.

M.Xhindi