09/02/2023
Ի՞նչ է թաունհաուսը 🤔
🏠 Թաունհաուսը ոչ բարձրահարկ, սովարաբար 2-3 հարկանի տուն է, որն ունի 1 կամ 2 կից պատ հարևանների հետ։ Ընդ որում, յուրաքանչյուր միավոր ունի իր առանձին մուտքը։
Առաջին անգամ թաունհաուսներ սկսել են կառուցվել 17-րդ դարի սկզբում՝ Փարիզում և Լոնդոնում, հետագայում արդեն հասել են ԱՄՆ։
Անշարժ գույքի այս տեսակը, իր մեջ ներառելով բնակարաններին և առանձնատներին բնորոշ հատկանիշներ, կարծես դիրքավորվել է նրանց միջև։
1․ Մի կողմից թաունհաուսը չի առաջարկում նույնքան տարածություն, որքան սովորաբար առանձնատները, սակայն մյուս կողմից էլ դրանք սովորաբար բնակարաններից առավել ընդարձակ են և կարող են ունենալ փոքրիկ բակային հատված։
2․ Անձնական տարածություն ասվածն էլ իր միջինացված արտահայտությունն է գտնում թաունհաուսում։ Քանի որ թաունհաուսը, բազմաբնակարան շեքերի համեմատ, ավելի քիչ միավորներ է պարունակում, աղմուկի և անձնական տարածության հարցը նույնքան սուր չէ, որքան բնակարանների պարագայում։ Մյուս կողմից, ի տարբերություն առանձնատների, այն ունի կից պատ հարևանների հետ։
3․ Թաունհաուսների բացօթյա հատվածում կարող են լինել ընդհանուր օգտագործման հարմարություններ, ինչպես նորակառույց բազմաբնակարան շենքերի պարագայում՝ խաղադաշտ, մարզասրահ, տաղավար և այլն։
🏭 Թաունհաուսները բավականին տարածված են եվրոպական երկրներում:
Մեր երկրում էլ թաունհաուսների շինարարությունը սկսվել է վերջին տարիներին, համեմատաբար առավել ակտիվորեն` Նոր Նորք, Ավան, Աջափնյակ վարչական շրջաններում։
