10/06/2026
👉 Իսկ դու չիմացա՞ր, որ վերջին օրերին մեր քոլեջում տեղի ունեցավ իսկական «մշակութային պայթյուն» 🎇
✈️🌍 Ճամփորդելու համար միշտ չէ, որ պետք է տոմս կամ ճամպրուկ… Բավական է պարզապես դիտել մեր ուսանողների ներկայացումները՝ աշխարհի բազմազանությունը զգալու համար։
Այո', այո', վերջին օրերին մեր քոլեջը վերածվել էր իսկական «մինի մոլորակի» 🗺️
ԵՊՀՔ-ի «Զբոսաշրջային ծառայությունների կազմակերպում՝ օտար լեզվի խորացված իմացությամբ» մասնագիտության նախաավարտական կուրսի ուսանողները ներկայացրին իրենց հետազոտական աշխատանքները՝ ուսումնասիրելով աշխարհի տարբեր երկրների զբոսաշրջային ներուժն ու զարգացման առանձնահատկությունները։
Հետազոտությունների նպատակն էր բացահայտել երկրների բնական, պատմամշակութային և սոցիալ-տնտեսական ռեսուրսները, գնահատել զբոսաշրջության տարբեր տեսակների զարգացման հնարավորությունները, ինչպես նաև, դրանք ներկայացնել որպես միջազգային գրավիչ զբոսաշրջային ուղղություններ։
Աշխատանքների ընթացքում ուսումնասիրվել են երկրների հիմնական զբոսաշրջային կենտրոնները, տեսարժան վայրերը, ենթակառուցվածքները, զբոսաշրջային ծառայություններն ու շուկայի առանձնահատկությունները, ինչպես նաև, տվյալ երկրի մշակույթն ու ազգային խոհանոցը։ Ստացված արդյունքների հիման վրա ուսանողները ներկայացրել են յուրաքանչյուր երկրի զբոսաշրջային գրավչությունը, զարգացման հնարավորություններն ու դիրքը միջազգային զբոսաշրջության համակարգում։
💫 Ներկաները ևս դարձան այս յուրահատուկ «ճանապարհորդության» մասնակից՝ զգալով տարբեր երկրների շունչը և վայելելով յուրաքանչյուր ներկայացման բազմազան ու հարուստ մթնոլորտը։
🙏 Այս հսկայածավալ միջոցառման կազմակերպման և համակարգման համար մեր երախտագիտությունն ենք հայտնում «Հասարակագիտական առարկաների» ամբիոնի վարիչ, կրթության փորձագետ Մ. Հակոբյանին, նույն ամբիոնի դասախոս, պատմաբան, հնագետ Ա. Զաքյանին, ինչպես նաև, ամբիոնի բոլոր դասախոսներին՝ նվիրումի, աշխատանքի և սիրո համար։
🙏 Մեր խորին շնորհակալությունն ենք հայտնում նաև մեր քոլեջի տնօրենին՝ տիկին Մինասյանին, այս նախաձեռնության շարունակական աջակցության, կրթական միջավայրի զարգացման և ուսանողների ստեղծագործական աշխատանքների խրախուսման համար։
