23/04/2026
Gələcəyin məzunları, biz sizi gözləyirik!
Ali təhsil müəssisələrimizdə "Daşınmaz əmlakın idarə olunması" ixtisasının yaradılması xəbərini böyük sevinc və qürurla qarşıladıq. Azərbaycanda bu sahənin formalaşmasında böyük payı olan, 9 illik təcrübəyə və 200-dən çox daşınmaz əmlakları əhatə edən portfelə malik Facility Management Group (FMG) olaraq, gələcək həmkarlarımıza ilk səslənən biz olmaq istədik.
Əgər siz də bu yeni və perspektivli ixtisası seçməyi düşünürsünüzsə, bilməlisiniz ki, böyük bir sənaye sizin yolunuzu gözləyir. FMG olaraq biz gələcək tələbələrə və məzunlara aşağıdakı dəstəyi vəd edirik:
• Ən yüksək balla qəbul olanlara xüsusi motivasiya: Bu ixtisasa ən yüksək nəticə ilə qəbul olan gənclərimizi xüsusi hədiyyələr və motivasiya proqramları ilə mükafatlandıracağıq.
• Real təcrübə imkanı: Nəzəri biliklərinizi 1000-dən çox peşəkar əməkdaşımızın yanında, daşınmaz əmlakların idarəedilməsini real təcrübə ilə öyrənmək şansı qazanacaqsınız.
• İşə qəbulda dəstək: Uğurlu tələbələr və məzunlar üçün qapılarımız hər zaman açıqdır. Təhsilinizi uğurla bitirin, karyeraya birbaşa sahənin lider şirkətlərindən olan FMG ilə başlamaq imkanı əldə edin.
Bir sözlə, biz sizi gözləyirik! "Daşınmaz əmlakın idarə olunması" ixtisasını seçin, mükəmməl təhsil alın və gələcəkdə bizdən biri olun! Sahənin ilk və ən böyük şirkətlərindən biri kimi sizinləyik!
